Sriramoju Haragopal కవిత

తాలు-పొల్లు ఈ మేఘం కురవకపోవచ్చు కురిసినా కన్నీళ్ళే కావొచ్చు వానను ఆశిస్తే తుఫాను రావొచ్చు వరదలే పారొచ్చు వూరువాడలన్ని మన కలలతో సహా కొట్టుకపోవొచ్చు వొట్టిపోయిన పొలాలు కట్టెబారిన అడవులు వెట్టితప్పని వూళ్ళే మిగలొచ్చు మళ్ళీ మనం యుద్ధాల్లోనే మొలకెత్తొచ్చు అడిగేదెవర్ని ఇచ్చేదెవరు? ఆకాశమ్మీద దాచుకున్న అటుకులు ఆకలిబువ్వై తీరేనా దుఃఖం అలుకుబోనం ఎవరెత్తుతరు ఎల్లప్పుడు శాంతికొరకు ఆయుధాలే ఎత్తాల్నా ఒల్లని మనుషుల జాతి ఒకటుంటదా బతుకమ్మ వొల్లె కట్టుకుని ఉయ్యాల పాడుతదా చెల్లని పైసలాయెగదా లెక్కంతా మొసమర్లని యాస్టకొచ్చింది మల్లా మోసం గొంగడి కప్పుకుని కూసుంది కడ్పల ఎట్ల ఈ గోస తీరిపొయ్యేది ఎన్నడు కన్నకష్టం వొడిసేది? వాకిట్లున్నం లోపలికా, బయటికా? చంపుడు పందెం ఎవరిది? పంటగడులెవరికి? 11.02.14

by Sriramoju Haragopal



from kavi sangamam*కవి సంగమం*(Poetry ) http://ift.tt/1iXZ7QK

Posted by Katta