Nvmvarma Kalidindi కవిత

కె.ఎన్.వి.ఎం.వర్మ//ఆఖరి ఘట్టం// శిధిలమవుతున్న కణం ఒకొక్కటీ ఎల్లలు మూసేస్తున్న కుడ్యానికి పునాది కఠిన శిలలు వికృతంగా నవ్వేకొద్దీ అవయవాలన్నిటిదీ తలోదారి.. విస్తరించిన రాజ్యంలో యువరాజు పట్టభిషేకం తరువాత వృద్ద మహారాజు ఓ అలంకారం. రాజమాతదో ఏలుబడి యువరాజుదో పలుకుబడి పరిపాలనకు ఎకాఎకీ పోటా పోటీ సి0హాసనం రాచకురుపైనా సౌఖ్యమే భాద్యతలు అరక్షణమైనా బరువే... ఈ వయసుకు వైద్యం వలదనో చావు వరకూ తప్పదనో మాటలు వింటూ చీకటిలో గబ్బిలంలా ఎగిరి ఎరగని ఆకాశం అందాకా విజయం వరించిన మేనుపై వింతగా తెల్లని వస్త్రం కప్పబడుతుంది. ఓ ప్రయాణం ఇలా ముగిసిందనుకునే లోపు మిగిలిన మజిలీలు తారసపడ్డాయ్ కొన్ని గోడలు, కొన్ని గుండెలు వికారాలకి ముందు శ్రీకారం కొనుక్కొని చరిత్ర రాసే పనిలో పడ్డాయ్..........10.02.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1h6EBk6

Posted by Katta