Mohan Rishi కవిత

మోహన్ రుషి // ఎందుకో తెలీదు..! // బాధ ఉండదని కాదు కానీ, కన్నీళ్ళలోకి ట్రాన్స్ ఫర్ కాదు. వేదన కమ్ముకుంటుంది నిజమే, వెక్కి వెక్కి ఏడవడం కుదరదు. హృదయం ముక్కలవడం తెలుస్తున్నా, విషాద వదనం వీలవదు. కొన్ని చెప్పలేం... కొన్ని ప్రకటించలేం... వర్షించే మేఘం ఆఖరి నిముషంలో పునరాలోచనలో పడడం అవని మీది ప్రేమలేమిగా అభాండం వెయ్యలేం! **** అభియోగాలన్నింటికీ ఆన్సర్ ఇవ్వలేను... అటో, ఇటో నిలబడ్డమే జీవితమని అంటే తీర్మానానికి మద్దతుగా తీన్ మార్ వెయ్యలేను! ప్రేమ లేదని కాదు కానీ, తేపకొకసారి తేమను నిరూపించడం నావల్ల కాదు! 6. 6. 2012 ("జీరో డిగ్రీ" నుండి)

by Mohan Rishi



from kavi sangamam*కవి సంగమం*(Poetry ) http://ift.tt/1iUvZtC

Posted by Katta