Pusyami Sagar కవిత

షంషాద్ గారు రాసిన కవిత !!తప్పిపోయిన మా పల్లె ||కవిత్వ విష్లేశణ ________________పుష్యమి సాగర్ బాల్యం ఎవరికి అయిన కూడా మధుర స్మృతే, కాలం తో పాటే మారిపోయిన కాదు కాదు నయా నాగరికత పల్లె ను ఎలా కబ్జా కాబడ్డాయి కళ్ళకు కట్టినట్టు సున్నితం గా సాగుతుంది ...ఈ కవిత లో ని కొన్ని పదాలు పల్లెలలో ...ని ఆటలు ...బహుశ ఇప్పటి తరానికి తెలియకపోవచ్చు కాని రెండు తరాలు వెనక్కి వెళ్తే వాటి లో ని మాధుర్యాని తెలుసు కోవచ్చు .... జ్ఞాపకాల దొంతరను మననం చేసుకుంటూ...ఎక్కడికి వెళ్ళాయి ప్రశ్న, ఎంత దూరం వెళ్ళినా కూడా వెంటాడే చిన్నతనపు అందమయిన బాల్యం మనల్ని తీసుకువెళ్తాయి ...వేరే లోకం లో కి ... ఇక్కడ కవయిత్రి గారు తను తిరిగిన అందమైన పల్లె ఎలా మాయమైనధి ...నాగరికత పల్లెను వాటి లో వున్న సాంప్రదాయ ఆటలను ఎలా చెరిపి ముందు కు వెళ్ళింది అన్న బాద ను వ్యక్తం చేసారు .. కవిత లో ని వస్తువు అంతా కూడా ఇంటి చుట్టూ నే తిరుగుతుంది బాల్యం లో ఇంటి వసారా లో ఆడిన ఆటలు ఎక్కడ అంటూ , మరల అలనాటి మధుర ఘట్టాలను గుర్తు చేసుకుంటారు కుప్పలుగా పోసి ఆడిన చింతగింజలాటలో//లెక్కలేసుకున్న కట్టలు గుర్రాలు ఏనుగులు వెతుక్కుంటున్న వరండాలు పాడి పంటలు కూడా వట్టి పోయి పల్లె నుంచి పట్నం బాట పట్టాయి నాగరికత మోజు లో ...అవును వున్న వాటిని అమ్మేసుకొని వెళ్తే మిగిలేది ఖాళి నే కదా... అంబా అనే పిలుపు వినపడక ///చావిట్లొ గుంజకి కట్టిన తాడు గింజుకుంటుంది. రెండు దృశ్యాలని చూడవచ్చు ..ఒక వైపు పల్లె లో ని జీవనాన్ని నాగరికత ఎలా మార్చేసింది ...దానికింద నలిగిన ఆటలు ఎలా మరుగున పడిపోయాయి కరగని నేలా బండలాటలో //కదిలిపోయిన తిరిగిరాని కాలం అమ్మమ్మతోపాటే పడేసిన ట్రంక్ పెట్టెలో//ఏడుస్తూ వెళ్ళిన పచ్చీసు పట్టా ప్రపంచీకరణ చిదిమేసిన సృజనను గుర్తు తెచ్చుకొని అయ్యో అనకుండా ఉండలేము ..కదా, .అలాగే ఇంటి వరండా లో ఆడుకునే అష్టా చెమ్మ ని పంటల తో పోల్చి చెప్పడం చాల బాగుంది .అలాంటి అష్టా చెమ్మ ని ఏ పాడు పురుగు తినెసినధొ కదా ... ఏ బార్బి బూచి ఎత్తుకెళ్ళిందో //అందమైన నా తాటాకుబొమ్మకి దిష్టి తగిలి//అష్టా చెమ్మలాటలో పంటలకి ఏ చీడపురుగు పట్టిందో ఏమో ... తమ సంస్కృతి లో భాగం అయిన మట్టితనపు అనుభవాలను తలచుకుంటూ ..., సాంప్రదాయ ఆటల స్థానే ..బుల్లి తెరల హోరు లో తమ ఆటలు కు కాలం చెల్లింది, నిజమే ఈ రోజు లో పురాతనానికి చెందినది అని వారు చూపిస్తేనే మనం తెలుసు కునే స్థాయీ లో ..వున్నాం.. ఉత్తుత్తి అన్నంపప్పులుడకేసిన //మట్టిగురుగుల్నికరిగించిన చీమ కళ్ళ ప్లాస్టిక్ గిన్నెలు రిమొట్ కంట్రోల్ బొమ్మలకింద //ముక్కలైన నా చిన్ని చెక్కపీటలు తమ ఇంటి లో గడిపిన తిరిగిరాని బాల్యాన్ని అక్కడ పంచుకున్న జ్ఞాపకాలని ..విచ్చిన్నమువుతున్న పల్లె సంస్కృతి ని ఎంతో బాగా చెప్పారు ...ముగింప లో ... పడాపడేసిన ఇంటికి //నన్నెందుకువంటరిగా వేల్లాడదీయ్యడమని వెర్రిగా నవ్వుకుంటున్న తాళం కప్ప// ఎక్కడని వెతకను తప్పిపోయిన మా పల్లెని //తిరిగిరాని నా బాల్యాన్ని// శంషాద్ గారు లోగడ ఎన్నో మంచి సామాజిక అంశం గల కవితలను అందించారు ..ప్రధానం గా భావోద్వేగాలను పలికించే తీరు గొప్ప గా కనిపించాయి ...మన సంప్రదాయానికి విలువ నిచ్చే స్ఫూర్తి ని నింపుతూ ముందుకు సాగుతున్నారు ...వారు మరిన్ని మంచి కవితలు రాసి అలరించాలని కోరుతూ ..మరొకసారి అబినందనలతో ... సెలవు .. తప్పిపోయిన మా పల్లె ===== కుప్పలుగా పోసి ఆడిన చింతగింజలాటలో లెక్కలేసుకున్న కట్టలు గుర్రాలు ఏనుగులు ఎక్కడికి పారిపోయాయొనని వెతుక్కుంటున్న వరండాలు అంబా అనే పిలుపు వినపడక చావిట్లొ గుంజకి కట్టిన తాడు గింజుకుంటుంది కరగని నేలా బండలాటలో కదిలిపోయిన తిరిగిరాని కాలం అమ్మమ్మతోపాటే పడేసిన ట్రంక్ పెట్టెలో ఏడుస్తూ వెళ్ళిన పచ్చీసు పట్టా ఏ బార్బి బూచి ఎత్తుకెళ్ళిందో అందమైన నా తాటాకుబొమ్మకి దిష్టి తగిలి అష్టా చెమ్మలాటలో పంటలకి ఏ చీడపురుగు పట్టిందో ఏమొ ఉత్తుత్తి అన్నంపప్పులుడకేసిన మట్టిగురుగుల్నికరిగించిన చీమ కళ్ళ ప్లాస్టిక్ గిన్నెలు రిమొట్ కంట్రోల్ బొమ్మలకింద ముక్కలైన నా చిన్ని చెక్కపీటలు అడ్డుకునెవారు లేక చెదలు కి స్వేచ్చని పరిచిన గోడలు పడాపడేసిన ఇంటికి నన్నెందుకువంటరిగా వేల్లాడదీయ్యడమని వెర్రిగా నవ్వుకుంటున్న తాళం కప్ప ఎక్కడని వెతకను తప్పిపోయిన మా పల్లెని తిరిగిరాని నా బాల్యాన్ని షంషాద్ 2/10/2014

by Pusyami Sagar



from kavi sangamam*కవి సంగమం*(Poetry ) http://ift.tt/1iXZ7jM

Posted by Katta