గద్దెపాటి శ్రీనివాస్ || అనుభవం ||

జ్ఞాపకం ఒంటరిదైనప్పుడు
ఆలోచనల గుర్రానికి
అనుభవం ఒక రౌతై కళ్ళెం వేస్తుంది
జీవితం...
అదేంటో గాని
చిత్రంగా పరుగులుతీస్తుంది
అక్కడక్కడా కొన్నిమజిలీలు
అర్దాన్నివెతుక్కునే ప్రయత్నంలో
మళ్ళీ వెనక్కుపిలుస్తాయ్
తీరా అక్కడకు వెళ్ళేసరికి
గతం నన్నుచూసివెక్కిరిస్తుంది
మళ్ళీ అదే అనుభవం
ఒకమాస్టారై
ఆప్యాయంగా పలుకరిస్తుంది
జీవితంతో రాజీపడలేక
కాలంతో పోటీపడలేక
అలసిపోయిన ఈ దేహాన్ని
అనుభవం అమ్మై ఆదరిస్తుంది
ఒంటరిగా కూర్చొని
నన్ను నీనే ప్రశ్నించుకుంటున్నప్పుడు
జవాబులేని ప్రశ్నలెన్నో
నాముందు ప్రత్యక్షమౌతాయి
చిత్రమేమంటే
ఇక్కడ ప్రశ్న నేనే....
జవాబూ నేనే.....