కర్లపాలెం హనుమంత రావు॥ఆలోచనా శకలాలు-౩॥

  0
కళ
కళ కోసం కాదు
జనంమొహంలో కళ కోసం

1
నిద్ర
గొంగళిపురుగు
బ్యూటీ థెరపీ

2
పాప అప్పటి
ఉయ్యాల అనుభవం
పనికొచ్చిందిప్పటికి ఉరికొయ్యలా

3
కింద పడితేనేనా
మనిషి
పైకి చూసేది!

4
ఎగిరే ముత్యాల దండ
ఏ తరువువరుడి మెడకో
-కొంగల బారు

5
పాలిచ్చే ఆవు పెరట్లో
తాగి మొరిగే కుక్క ఒళ్ళో-
-దేశం

6
తడబడే కడవనీరు
అమ్మాయి కాలిఅడుగుల పాలు
ఆ వెనకజాడలు ఎవరివో!

7
రేకులు కర్కశం
ముల్లు సున్నితం
ప్రేమలో పడిందా- కుసుమం!

8
కడలిది అలజడి
ఎడారిది
నిర్ జలజడి

9
రెండు చావులతో
ఒకేసారి పోరే యోధి
తల్లి

10
ఒడ్డుకు
అటు సంద్రం
ఇటు నత్త
హోరు ఎటునుంచో!

03-09-2012