పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Laxman Swamy Simhachalam లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Laxman Swamy Simhachalam లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

19, జూన్ 2014, గురువారం

Laxman Swamy Simhachalam కవిత

లక్ష్మణ్ స్వామి || విశ్వ మోహన గీతం!! || భూ బంతి విష్ణు చక్రమై గిరగిరా తిరుగుతూనే ఉంది చండ ప్రచండ కాల దండ యాత్ర సాగుతూనే ఉంది. శిథిల చరిత్ర పుటలకింద బీటలు వారిన ఒక పురాగీతం కన్నీటి వూటై నన్ను ముంచెత్తూనే ఉంది ..!! చెల్లా చెదురైన నక్షత్రాలలో రవి చంద్రుల దాగుడు మూతలు.. రాతి పొరల్లో ని నీ పాత స్మృతుల్ని గొర్రెల కాపరి పాటలపిట్టల్ని చేసి లోకమంతా ఎగరేస్తూ ....!! యుగాలుగా ప్రవహిస్తూ అలసిన వృద్ధ నదుల చుట్టూ, ముద్ద బంతుల దండలతో అజ్ఞాత కవుల నిరీక్షణ !! రాకాసి బల్లుల రక్త గుహల్లో బిక్కు బిక్కు మంటున్న నిశాచర జీవాలు ..!! ఎడతెగని ఈ అన0త యానం ప్రాణాల పరిమళాల్ని మాత్రం తగ్గనివ్వదు..! కోట్ల జీవాల్లో కోటికాంతుల శక్తేదో ప్రాణ0గా మారి, ప్రకృతిని పాదాక్రాంతం చేసే విఫల యత్నం అజరామరం ....! ఆకలి ఆయుధమైన వేళ అసిధార అనివార్యమే ? మంచుపర్వాతాలంచున కుంకుమ పూల సి0ధూరాన్ని ధరిస్తన్న పృథ్వి ! శిలాయుగపు ఆది మానవం ఇగ్లూ .....ఎస్కిమో ... పిరమిడ్ ..మమ్మీలు అన్నీ బుద్ధుని చరణాల్లో లీనమవుతూ ..! అహం ..మోహం అంతు లేని ‘కామదహనం’ కాల ఝరీలో పీడకలలై ఉలిక్కి పడుతూ ..!! అంతులేని చరిత్రలన్నీ కడలి అడుక్కి క్రమంగా జారిపోతూ ..!! ఆదినుండి అంతం దాకా దుఃఖానికి చుక్కానవుతూ చరాచర జగత్తు ...!! హిమగిరుల్నుండి మంచుపూల మందహాసంతో మళయ మారుత మధుర యానం ..! వాన చినుకై జీమూతం ! నిప్పుకణికై అనలం ! అచల అనంత గగనం !! పాంచ భౌతిక గమనం పాంచ జన్యమై ప్రతి ప్రాణిలో ప్రణవమై ... ప్రకృతి –పురుషుడు జీవన్మరణాల కారక ప్రేరణై ఆచంద్రార్ఖ అమృత గానమై విశ్వమోహన రాగమై నాలో జన్మ జన్మల జ్ఞాపకాల్ని సృష్టిస్తూ ... ......................................... 19 – 06 -2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/T96jSv

Posted by Katta

17, జూన్ 2014, మంగళవారం

Laxman Swamy Simhachalam కవిత

లక్ష్మణ్ స్వామి || బాటసారి ...చివరి మజిలి ! || ఎన్నాళ్ళీ యాత్ర ... కన్నీటి చారల సంచార జీవనం పునరావృతం అవుతూనే ఉంది !!? నాచంటలేని ఈరాయి .... వూడలు వేయలేని ఈ వృక్షం ... గూళ్ళని వదలి ... గుండెలు పగిలి... మళ్ళీ కొత్త దారి !! వీరులత్యాగంతో తెలుగు వెలుగై విశ్వమ౦తై ... విరాజిల్లి ... దశాబ్దాల దగా మజిలి ...!! వూరు వదిలి .. నేల వదలి... అన్నీ మనవే అనుకుని ఆఖరుకి కాందీశీకులమై.... మళ్ళీ మొదటికి ....!? కాలం చేసిన గాయాలు ... అనుభవాలు ... పాఠాలు ...!! కారణమేదైనా కానీ ... (?) వలసేప్పుడూ కలసిరాదు... హస్తాలన్నీ కలవాలిప్పుడు ... ఇగోలు, దగాలు, పగలు కాదు .. గాయాల్ని కొంగ్రొత్త గేయాల్ని చేసి జగతికే స్పూర్తినిచ్చే నవ్యాంధ్ర ను నవీకరించాలి... ఆశల సౌధాల కి కొత్త పూల దారుల్ని వేయాలి ... ద్వయ రాష్ట్రాల వారధై, ప్రేమ పాశమై తెలుగు విశ్వమ౦తై వెలగాలి !! 17 - 06 - 2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1uAzXfa

Posted by Katta

15, జూన్ 2014, ఆదివారం

Laxman Swamy Simhachalam కవిత

లక్ష్మణ్ స్వామి ||కనిపెంచే దైవం ...!! || తాను ఒక వెన్నెల దీపమై ... చీకట్లను దాచుకుని పున్నమిని పంచే మా నాన్నే కనిపించే దైవం... శిథిలమవుతున్న తన దేహపు గాయాలపై మా చిరునవ్వులను లేపనం గా రాస్తాడు ఎడారి తానై మాకు నీడై తోడుగాఉంటారు భావి బంగరు జీవితానికి కొత్త పూల దారి ని వెసే ఆ కనిపించే ..కని పెంచే దేవుడే నాన్న జన్మ కారక.. ప్రేరకా ఏమిచ్చి నీ ఋణం తీర్చుకోను.. నీవిచ్చిన ఈదేహాన్ని ప్రాణాన్ని నీ పాదాలపై పెట్టటం తప్ప!!

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1qP4ztf

Posted by Katta

10, జూన్ 2014, మంగళవారం

Laxman Swamy Simhachalam కవిత

లక్ష్మణ్ స్వామి || ఈ జన్మే ఓ వరం !! || నా నేస్తమా ..ప్రియ మిత్రమా !! చీకటి చిక్కనై చుట్టు ముట్టిందా చింతించకు ! పున్నమికి చేరువవుతున్నావని మరువకు యామిని జీవితాన్ని చిదిమేస్తుందా బాధెందుకు? వేకువకు దగ్గరవుతున్నావని తెలుసుకో ..! దారిపొడుగునా పూలు పూలచాటునా ముళ్ళు ... గుచ్చి వేధించే గుణ పాఠాలు.....!! వెలుగు నీడల రుచుల్లేని జీవితం నిస్సారం ... ఎడారుల్లో ఎండమవులు....ఒయాసిస్సిలు ... కష్టాల కొలిమిలో కాలి కాలి .. జీవితమే ఉక్కు కరవాలమవ్వాలి ... కదన కుతూహలమవ్వాలి .... మృత్యువు సైతం నిన్ను చూసి గజగజా వణకాలి ... మరణం అనివార్యమే ... అదెప్పుడో.. ఎక్కడో ...తప్పదు ... హరిణమయి పారిపోక ... శార్ధూలమై..శాశిద్దాం... ఆశల సౌధాన ఆఖరి క్షణం దాకా జీవిద్దాం !! అమృతానంద మయ ఈ మానవ జన్మని పరిమళి౦ప చేద్దాం !! --------------------------- 10 – 06 -14

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1mDlzi5

Posted by Katta

9, జూన్ 2014, సోమవారం

Laxman Swamy Simhachalam కవిత

కరీంనగర్ మానస పుత్రిక... తెలంగాణ రాష్ట్ర తొలి సంచలన సాహితీ మాస పత్రిక 'వాగు' లో నాకవిత ...ఎలా వుందో చెప్తారుగా !!

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1o53MH5

Posted by Katta

2, జూన్ 2014, సోమవారం

Laxman Swamy Simhachalam కవిత

లక్ష్మణ్ స్వామి || బెర్లిన్ గోడ..!! || బెర్లిన్ గోడలో కప్ప..!! ఎన్నాళ్ళయిందో పాపం ... గోడా కూలింది జాడా మారింది .... గొర్రెలన్నీ తుర్రుమన్నాయి పాపం కప్పకు మాత్రం స్వేచ్చ వచ్చినా నీళ్ళున్న బావుల్లేక తల్లడిల్లుతుంది!! వెర్రిజనాలు అసలు విషయం మర్చేపోయారు ...? కారు చీకట్లో దొంగలు మాత్రం వెలుగు రవ్వల్ని ఉరేస్తూనే ఉన్నారు !! పిరికి పందల మందలకు కాపర్లు పుట్టుకొస్తూనే ఉన్నారు ! దూకడానికి గోడల్లేవు మేయడానికి చేలూ లేవు ? ఎడారి రాజ్యంలో ఎండమావుల వెంట కొరిజీవునం ఉన్నంత కాలం ఉరుకుడే ... గిదేం బ్రతుకురా దేవుడా ...ఎంతకాలం ??! --------------- 2-6-14

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1nXGiBf

Posted by Katta

5, మే 2014, సోమవారం

Laxman Swamy Simhachalam కవిత

లక్ష్మణ్ స్వామి || స్వేద నాదం ..! || రుధిర మధనం నుండి ఘర్మజలం ఉప్పొంగుతుంది ఆకలి మంట మాత్రం ఆరనే ఆరదు ...!! కొండల్ని పిండి చేయగల నీ అఖండ శక్తి అయినా ‘దోపిడీ బండలు’ నీ బ్రతుకుని ముక్కలు చేస్తుంటాయి ...! చిరిగిన నీ వస్త్రాల్లోనుండి ఆధునిక గగనం అందంగానే కనిపిస్తుంది ! యుగాల నీ అశృగీతాన్ని పడమటి గానం పరిహసిస్తుంది ..!! అన్నం మెతుకుల చుట్టూ అల్లిన నీ జీవితం అల్లకల్లోలమవుతుంది అప్పులకు, ఆకలికి చావుతప్పని బాధామయ సాదృశ్యం !! అద్దాల మేడలు కట్టి మట్టి ముద్దలపై నిద్రిస్తావు! ‘ఏసీ’లను నిర్మించిన నీదేహం మండుటెండల్లో మాడుతూనే ఉంటుంది !! నింగి న౦టే ఆధునిక జగతి కి నీ రుధిరాశృవులే పునాదిరాళ్ళు !! సమాంతర పట్టాల్లా పీడిత వర్గం –పీడించే వర్గం !! చీకట్లోనుండి చిట్ట చివరిగా విప్లవాగ్ని సూర్యుడివై కదలిరా దోచుకుతినే రాబంద రాక్షస సంహారానికై ..... నాకలం నీ బలమై ఉంటుందిక !! -------- 4 – 5- 14

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1fKbMtz

Posted by Katta

18, ఏప్రిల్ 2014, శుక్రవారం

Laxman Swamy Simhachalam కవిత

లక్ష్మణ్ స్వామి || వేదన లేని వేకువవేపు... || గాజు అద్దాలని చీల్చుకుని బయటకు వస్తున్న భాష్పాలు....!! చీకటి కొండల మధ్య చీల్చ బడ్డ వెన్నెల! దారిపొడుగునా అస్థికలు , విభూధి ! నెత్తుటి చారికలంటిన పుస్తకం ...!! గాలి మోసుకొస్తున్న ఆర్తనాదాల కమురు వాసన !! తలతెగిన శ్వేత కపోతాన్ని పీక్కుతింటున్న తోడేలు !! చెత్తకుప్పలో తడిఆరని పసి తలని తింటూ వరాహం !!!! కోరికలు తీర్చుకునే కోడెనాగుల కొత్తపదం పేరు ప్రేమ !! నేలను బద్దలుకొట్టుకుని బయటకొస్తున్న పిశాచ వృక్షాలు ! ఎడతెగని రావణ కాష్టంలో కురుస్తున్న రాజకీయ ఇంధనం !! ద్విముఖ చంద్రహాసానికి విషాన్నద్దుతూ నేను .....! చీకటిని మూటకట్టి ఏ అగ్నిగుండంలో వేసే పోరాట ఆరాట తపన !! ఓరి దేవుడా ఒకే ఒక్కరోజు నీ శక్తినిచ్చి చూడు!! యుగాలకావల ఈ దగాకోరుల్ని ఈడ్చి పడేస్తా !!! -------------------------- 18 – 04 – 14

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1jdEyxO

Posted by Katta

16, ఏప్రిల్ 2014, బుధవారం

Laxman Swamy Simhachalam కవిత

లక్ష్మణ్ స్వామి ॥ కాలం ॥ కాలమా ... ! కన్నీటి గోదారివై నాకలంలోకి జారిపోతుంటావు ..!! వెలుగునీడల గాధలన్నీ నీ ముళ్ళుకు వేళ్ళా డుతూనే ఉంటాయి .. బాల్యం నుండి యవ్వనం లోకి ... యవ్వనం నుండి వృద్దాప్యం వేపు నిర్దయగా జీవకోటిని లాక్కెళ్తూ .. చివరికి నీ క్షణాలన్నీ మృత్యువు వేపే ... నీ ప్రవాహంలో పడి యాంత్రిక దేహం విలపిస్తూ ఉంటుంది ..!! రాగ ద్వేషాలకతీతంగా దేవుడే శాశించినా ఆగని నీయానం విషాదం వేపు సాగుతూ నే ఉంటుంది ..! సూర్యచంద్రులను గిరగిరా తిప్పేస్తూ సాగే నీ యానం చరాచరానికి సరికొత్త అధ్యాయం .. ! కాలం మాయాజాలం ... ! రాలిపడే క్షణాలని రాగరంజితం చేసుకుంటూ కాలం వెంట సాగటమే కదా జీవితం ... !! వజ్రానికన్నా విలువైన క్షణాల్ని వృధా చేయక మానవత చాటే మనుషుల మై తే ...! కాల చరిత్రలో చెరగని చిత్రాలమావుతాం ... !! --------------15 – 04 -2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1eNFU14

Posted by Katta

13, ఏప్రిల్ 2014, ఆదివారం

Laxman Swamy Simhachalam కవిత

లక్ష్మణ్ స్వామి || అభౌతిక గీతం ! || నదుల తీరంలో ఏటవాలుగా నీడలు నీడలతో ఆడుతూ అలలు నీ పాదాలను స్పృశిస్తూ యేరు పరవశిస్తూ గులకరాళ్ళు ! ఎన్నీల ను కన్నీళ్ళుగా మారుస్తూ ఆమె ..? ఆ పెదాల జాన పదాలను వింటూ గులాబీలు ! మ౦చెపై కిన్నెరసాని వాయిద్యం కంచె దాటివస్తున్న మలయ మారుతం మంచుపూలచెట్టుకి పూసిన ముత్యాలు మృగాల మానవారణ్యం నుండి విడి వడి ప్రకృతి జీవనామృత వాహినిలో లీనమవ్వాలని నేను !!! ---------------------13 – 04 - 14

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1qUQskA

Posted by Katta

5, ఏప్రిల్ 2014, శనివారం

Laxman Swamy Simhachalam కవిత

లక్ష్మణ్ స్వామి || అన్నదాతకు వందనం !! || నీ కండల్ని చీల్చుకుని వచ్చిన స్వేద బింధువు పంటకి ప్రాణం పోస్తుంది ...! దివారాత్రులు నీ దేహం, ప్రాణం, ఆశ, ఆశయం అన్నీ మాకన్నం పెట్టడానికే !!? మెతుకు మెతుకులో మెరిసే నీ స్వేద నాదాన్ని చూసి నా గుండెల్లో నుండి, నీ పాదాలా వేపు నా పదాలు పొంగుకొస్తునే ఉన్నాయి ..!! అవనిని ఆమని చేస్తూ ...యామినైన నీ జీవనం !! యుగ యుగాలుగా దగా పడుతున్న నీ దగ్ధ జీవనం నవ జగాన నీ కష్టాల ఎడారిలో జడివాన కురవాలి !! రైతే రాజంటూ బొంకే రాక్షస లోకంలో రాజుకైనా ప్రాణ ‘భిక్ష’ పెట్టే రైతే ... రుణాల బాధకి పంట చేలల్లో ప్రాణాలు తీసుకుంటే .... అన్నంలో నుండి ఆర్తనాదం కన్నీటి దారై .... నన్ను దహిస్తూ ..!! ------------------------------ 4 – 4 - 2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1je61Cs

Posted by Katta

28, మార్చి 2014, శుక్రవారం

Laxman Swamy Simhachalam కవిత

(ఇది నాకవిత కింద కామెంట్ బాక్స్ లో పోస్ట్ కావట్లేదు పెద్దగా ఉన్నందుకేమో? ....అందుకే ఇక్కడ పోస్ట్ చేస్తున్నాను దయచేసి తొలగించకండి వారడిగిన వివరణ ఇది ) 'దగ్ధ మోహన గీతం !!’ కవిత పట్వర్ధన్ లాంటి సాహితీ వేత్తలకు అర్థ౦కాదని నేను భావించను .అయితే కొందరు అర్థం చేసుకోలేక పోతున్నాం అన్నారు ....ఏది ఏమైనా నెలరోజులుగా నాలో చలరేగేభావచిత్రాలన్నీ ఈ కవితలో చెప్పటానికి ప్రత్ని౦చాను ..నేనేం భావించానో, చెప్పదల్చుకున్నానో నాద్వారానే ఎంతో అభిమాన౦తో ప్రేమతో చెప్పించిన పట్వర్ధన్ జీకి హృదయ పూర్వక కృతజ్ఞతలు.....తీవ్ర ప్రసవ వేదనతో పరిపూర్తి చేసిన ఈ కవితపై తప్పక మీ స్పందన వ్యక్తం చేస్తారని ఆశిస్తూ .... ........... మీ ఆత్మీయ కవినేస్తం సింహాచలం లక్ష్మణ్ స్వామి. ‘కరకు శిలా పుష్ప పత్ర ఆకు రాగపు శిలాజం జ్వలిత నేత్ర పర్వత నయనం......’ కఠిన హృదయాల్లో కలిగిన హరిత స్పందనకు కళ్లి౦త చేసుకుని ఆన౦దిస్తున్న పర్వతం ...! ‘అరణ్య వీణ కొ౦డ గుహలో నాదం !’ పులకరించి పరవశించి స్పృశించే వన వీణ గంభీర సంగీతం కొండగుహల్లో సైతం ప్రతిధ్వనిస్తూ .... ‘ఇసుకరేణువుల కేంద్రకాల్లో ప్రకంపన కడలి అడుగున తడబడ్డ కెరటం ….’ ప్రకృతి ప్రళయ విలయానికి ఇసుకరేణువుల కేంద్రాల్లోకూడా ప్రకంపన .....ఆగర్జనకి ఎడారి ఇసుకే కాదు కడలి అడుగు వరకూ తడబడ్డ అలలు !! ‘గుడ్లగూబ నేత్రపు చూపుల్లో అంగారక సౌందర్యం..... !!’ చీకట్లో కిలోమీటరు దూరాన ఉన్న ఎలుకను సైతం స్పష్టంగా చూడగలదట గుడ్లగూబ !! కానీ మనిషి గుడ్లగూబ నేత్రాల్లాంటి ఉపగ్రహ టెలిస్కోపులతో గ్రహా౦తరాన్వేషణ చేస్తూ భూమండలాన్నే కాదు అంగారక ‘సౌందర్యాన్ని’ కొల్లగొట్టే దుష్ట పన్నాగానికి శ్రీకారం చుట్టాడు. ‘గబ్బిలాల బిలాల్లో చలరేగిన ఆర్త నాదం....’ కానీ కోట్లాది చీకటి బ్రతుకులు అభివృద్ది వెలుగు చూడలేని చీకటి గబ్బిలాల బిలాల్లా౦టి జీవిత ఆర్త నాదాలు ‘ తాజ్మహల్ పునాదుల్లో పావు ‘రాళ్ళు’!!’ ప్రపంచ వింతల్లో ఒకటైన,ప్రణయ గోపురంగా కీర్తించ బడుతున్న తాజ్ ని కట్టిన అమాయక పావురాళ్ళ లాంటి కూలీల సమాధులు పునాదుల్లో ........!! ప్రేమ చిహ్న దేశంలో ప్రేమ పేరుతో జరిగే దారుణ మారణ కాండకు దృష్టాంతంగా మరోభావం ! ‘ఎండమావుల్లో చంద్రవదన మాయా మొహం దాహం తీరదు ! ’ ఎడతెగని ఆశనిరాశలమధ్య ఉగిసలాడుతూ .... ఎండమావులవెంట వృధా యానం ... ప్రేమామృతపు ఒయాసిస్సు కాదది మోసపోకు నేస్తం ! ‘అగ్నిశిఖల్లో ఆవిరి చినుకు కునుకు తీస్తూ ...’ విద్యుత్తును సృష్టించగల శక్తివంతమైన ‘యువ’ ఆవిరి చినుకులు కునుకు తీయటం భాధాకరం !! ‘శిథిల ఆలయాల్లో సమాధైన ఓంకారం’ మతాల మారణ హోమం ..నిధుల దురాశ , నాగరికత పుణ్యమా అని అంతరిస్తున్న ఆలయాల్లో ‘ప్రణవం’ సమాధి ! ‘పూల పెదాల సుధల్లోకి జాలువారిన అక్షరం’ సామాజిక బాధ్యత మరిచి అనేక అక్షరాలూ లేత పెదాల్ని పదాలు చేస్తూనే ఉన్నాయి ! ‘పొన్న చెట్టు వేళ్ళ అడుగున సన్నాయి పాట వింటూ సమాధి ఆత్మల తన్మయం !’ మాయమైన మనిషి అతని సృజనాత్మకత మలినమెలాగు అయ్యాయి సహజాత పరిమళాలు కరువయ్యాయి ..కానీ ప్రకృతి మాత్రం తన సహజత్వాన్ని కాపాడుతుంది. కృత్రిమత్వానికి సమాధిగా మారిన సృజనాత్మక ఆత్మలకు ప్రాకృతిక గీతంతో తాదాత్మ్యం పొందారని ............... ‘నెత్తుటి ద్వారాల్లోనుండి జాలువారిన వెన్నెలని కాల్చిన లావా !’ ప్రపంచ అవినీతి రక్కసి నెత్తుటి దాహం అనంతం ఎక్కడో ఒక్కడు నిక్కచ్చిగా నిజాయితీగా బ్రతుకుదామని వస్తే నెత్తుటి ద్వారాల్లోనుండి మానవత్వపువెన్నెల్ని రాజకీయ లావా కాల్చి పారేస్తూనే ఉంది !! ‘బిచ్చగాడి పళ్ళెం లో పరవశిస్తున్న నాణెం, ఖణ్ ఖణ్ మంటూ ...!’ దానగుణమబ్బిన మనిషి దానవత్వాన్ని దాటి వచ్చిన ఆ నాణెం బిచ్చగాడికి మెతుకవుతున్నందుకు ధన్యమైన పరవశం !! ‘చర్చి గంటలు ఆకలి మంటలకు తోడయి జ్వలిస్తూ ...!’ చలికాలపు రాత్రి వేళ చర్చి గంటలు స్పష్టంగా వినిపిస్తాయి కానీ నిద్రనుండి ఉలిక్కి పడ్డ అనాధ పేద ఆకలిని తీర్చ లేవు నిద్ర మేలుకున్న ఆకలి పునారావృతమవుతూనే ఉంటుంది !! ‘నక్క స్వప్నంలో నగ్నమైన యువరాణి పరాభవానికి తోడేళ్ళ దండోరా !’ సమాజాన్ని పీక్కుతినే నరాసుర బందిపోటు ముఠాల పగటి కలల ‘మానభంగ ధ్వంస రచన’కి కాకీ ....నల్లకోటు ...రాజకీయ ‘తోడేళ్ళ’ సహకారం ..! ‘నీరెండిన భావిలోని కప్ప కన్నీటి కొలనులో విచ్చుకున్న కలువ ఆరే ఆఖరిదీపం !’ ఆఖరి ఆశా చచ్చి పోయాక బ్రతుకు ఎడారిలో దాహం తీర్చే చివరి అశృ చినుకు ఆఖరి దీపం !! ‘రాలు పూల పాటల్లో రెల్లుగడ్డి పూల గర్జన!’ కష్టాల కాష్టాలతో రగిలిన సామాన్యులకు బాధలు తీర్చే బీరాలు పలికి నేతలు బేరాలకు లొంగి పోయాక రెల్లుగడ్డి సామాన్యుల తిరుగుబాటు ! ‘గడియారపు ‘ముళ్ళు’ దిగి ఉబికిన రుధిర వరదల్లో చేపల హంగామా !!’ గానుగెద్దు జీవితం నలభై దాటినా ఉద్యోగమూ లేదు .... వచ్చినా కాని కల్యాణం... కాలం కాటుకు విలపిస్తున్న బ్రతుకు oఓ వేపు సమాజపు ‘మీనాల’ వ్యంగ్యాలు .............!! “వడ్రంగి పిట్ట చెక్కిన బొరియల్లో ని వజ్రాల మూటల రాశులకి కాపలా వున్న కాల నాగులు !” ఆరుగాలం కష్టపడి రైతన్న పండిస్తే దళారులు ధాన్య రాశుల్ని కొల్ల గొడతారు చింతాకంత చెల్లించి ....తాటాకంత తరలిస్తూ.. వజ్రపంటల్ని !! ‘కోన ఊపిరిని కొవ్వత్తిని చేసి ప్రాణ దీపాన్నాపే శ్రామికుని గొంతు పై వేలాడుతున్న ఖడ్గం !’ ఎలాగైనా బ్రతకాలి, బ్రతాకాలంటే పోరాడాలి! మధ్యతరగతి వధ్య శిలపై ప్రపంచ శ్రామిక వర్గం !! గనుల్లో.. క్వారీలలో.. లారీల్లో ... అతిప్రమాదకర పనులు చేస్తూన్నా ఆర్తిక ..ఆరోగ్య ...సామాజిక ...రాజకీయ సవాలక్ష సమస్యల ఖడ్గం.................... ‘కుత్తుకల్ని కోసే కసాయి స్వప్నాకాశాన కారుణ్య జాబిలి !’ కొందరి వృత్తి కసాయిదైనా హృదయం చందమామే ! ‘మన్మధున్ని కాల్చేసిన విభూధి నుండి ఉన్మాది ఆధ్యాత్మికం !’ శ్రీరంగ ‘నీతులు’ చెప్పే బాబాలు ‘కామ దహన’ కథలు చెప్పి నీతుల్ని పాతరేసే మేకవన్నె ఉన్మాద ‘ఆద్యాత్మిక’ నీతులు ‘చీమలు వెంటే గొర్రెలు మేకలు ... చిలుక పలుకుల సారంగి !’ ఎన్ని చూసినా ఎంతెంత తెలుస్తున్నా అన్నీ తెలిసినట్టే అనిపించే సామాన్యులు ఓట్ల బెల్లానికి చీమలై ..నోట్ల గడ్డికి గొర్రెలై , రంకు సారంగి రాజకీయ మాటలు వింటూ మోసపోతూ !! ‘నెమలి మా౦సం తింటూ జాతీయ గీతం పాడే ‘మార్లు మాతంగి’ విచ్చలవిడిగా వన్యప్రాణుల్ని భోన్చేస్తున్న ‘పెద్దలు’ జాతీయ ప్రేమను టీ. యం. సీల కొద్దీ కుమ్మరిస్తారు ....!! మర్లుమాతంగి అనేమొక్క కదులుతూ ఎప్పుడూ రూపం మార్చుతుందట ఇలాగే !! ‘సవా లక్ష భిన్న పూల విలక్షణ కాందీశీక కవి సంచి నిండా కమిలిన, అమలిన అక్షర పుష్ప భాష్పాలు !!’ సవాలక్ష సమస్యలన్నీ నాబాధై.......కవిత్వమై ఇప్పుడు కవి సంగమం లో ...............................!!!!

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1fsNT3M

Posted by Katta

26, మార్చి 2014, బుధవారం

Laxman Swamy Simhachalam కవిత

లక్ష్మణ్ స్వామి || దగ్ధ మోహన గీతం !! || కరకు శిలా పుష్ప పత్ర ఆకు రాగపు శిలాజం జ్వలిత నేత్ర పర్వత నయనం అరణ్య వీణ కొ౦డ గుహలో నాదం ! ఇసుకరేణువుల కేంద్రకాల్లో ప్రకంపన కడలి అడుగున తడబడ్డ కెరటం గుడ్లగూబ నేత్రపు చూపుల్లో అంగారక సౌందర్యం !! గబ్బిలాలబిలాల్లో చలరేగిన ఆర్త నాదం తాజ్మహల్ పునాదుల్లో పావు ‘రాళ్ళు’!! ఎండమావుల్లో చంద్రవదన మాయా మొహం దాహం తీరదు ! అగ్నిశిఖల్లో ఆవిరి చినుకు కునుకు తీస్తూ ... శిథిల ఆలయాల్లో సమాధైన ఓంకారం! పూల పెదాల సుధల్లోకి జాలువారిన అక్షరం పొన్న చెట్టు వేళ్ళ అడుగున సన్నాయి పాట వింటూ సమాధి ఆత్మల తన్మయం ! నెత్తుటి ద్వారాల్లోనుండి జాలువారిన వెన్నెలని కాల్చిన లావా ! బిచ్చగాడి పళ్ళెం లో పరవశిస్తున్న oనాణెం, ఖణ్ ఖణ్ మంటూ ...! చర్చి గంటలు ఆకలి మంటలకు తోడయి జ్వలిస్తూ ...! నక్క స్వప్నంలో నగ్నమైన యువరాణి పరాభవానికి తోడేళ్ళ దండోరా ! నీరెండిన భావిలోని కప్ప కన్నీటి కొలనులో విచ్చుకున్న కలువ ఆరే ఆఖరిదీపం ! రాలు పూల పాటల్లో రెల్లుగడ్డి పూల గర్జన! గడియారపు ‘ముళ్ళు’ దిగి ఉబికిన రుధిర వరదల్లో చేపల హంగామా !! వడ్రంగి పిట్ట చెక్కిన బొరియల్లో ని వజ్రాల మూటల రాశులకి కాపలా వున్నా కాల నాగులు ! కోన ఊపిరిని కొవ్వత్తిని చేసి ప్రాణ దీపాన్నాపే శ్రామికుని గొంతు పై వేలాడుతున్న ఖడ్గం ! కుత్తుకల్ని కోసే కసాయి స్వప్నాకాశాన కారుణ్య జాబిలి ! మన్మధున్ని కాల్చేసిన విభూధి నుండి ఉన్మాది ఆధ్యాత్మికం ! చీమలు వెంటే గొర్రెలు మేకలు ... చిలుక పలుకుల సారంగి ! నెమలి మా౦సం తింటూ జాతీయ గీతం పాడే ‘మార్లు మాతంగి’ సవా లక్ష భిన్న పూల విలక్షణ కాందీశీక కవి సంచి నిండా కమిలిన, అమలిన అక్షర పుష్ప భాష్పాలు !! -----------------26 -03 - 2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1h8VpES

Posted by Katta

15, ఫిబ్రవరి 2014, శనివారం

Laxman Swamy Simhachalam కవిత

అమ్మను నేను--- అంగడి బొమ్మను కాను కవితను మీరిప్పుడు యూట్యుబ్ వీడియోలో వినవచ్చు చూడొచ్చు ..... Nirmalarani Thota తోట నిర్మలా రాణి గారు పాడిన ఈ గేయాన్ని విన్నాక కల్లుచెమ్మగిల్లకుండా ఉండవు .... మహిళలు పడే వేదనను ఈ విధంగా చేయ్యగలిగాము!! ..రెండురోజుల్లోనే దాదాపు వెయ్యిమంది చదివిన ఈకవితను ..వింటే ఇంకా అద్భుతంగా ఉంటుంది ....స్త్రీలపట్ల గౌరవమున్న వారు ....స్త్రీమూర్తులు ..అక్కలు చెల్లెళ్ళు ప్రతిఒక్కరు చదివి, విని ..మీ అమూల్య అభిప్రాయాన్ని తెలపవలసిందిగా మా మాప్రార్థన........మీకు నచ్చితే తప్పక షేర్ చెయ్యండి ..లింక్స్ ఇవ్వండి ..గ్రూపుల్లో పోస్ట్ చెయ్యండి ....మీ సింహాచలం లక్ష్మణ్ స్వామి . http://ift.tt/1gKo80l

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1gKo80l

Posted by Katta

14, ఫిబ్రవరి 2014, శుక్రవారం

Laxman Swamy Simhachalam కవిత

లక్ష్మణ్ స్వామి || ‘పెప్పర్ బాయ్’ ల పైశాచికం !! || (రాజకీయ సీమా౦ధ్రోన్మాదం) తోడేళ్ళ ఆఖరి ముసగులూ తొలగిపోయాయి ...!! సందర్భం వస్తే తప్ప తెలిసిరాలేదా సీమాంధ్ర రాబంధ రాక్షస కాండ ..!!?? అరవయ్యేళ్ళు తినీ తినీ ....తెగబలిసి తోలుమందమెక్కి- మదమెక్కి అందలమెక్కి –విషం కక్కిన గుంటనక్కల కండ కావరానికి ‘రంగుడబ్బాల’ తైలమర్ధన !! పన్నెండువందల పండుపున్నములు మీ ‘తొండాట’కు నిర్ధాక్షిణ్యంగా బలై పోయాయిగదరా..!! పైసలకోసం – పదవులకోసం ఆస్తులకోసం – కొలువులకోసం బరితెగించారీ బద్మాష్ గాళ్ళు ఎగబడి – తెగబడి పార్లమెంట్ను సైతం తగలబెడ్తనని విరగబడి చెబుతున్న గాడిదలకి చట్టం చుట్టమైయ్యిందా ? చట్టుబండలయ్యిందా?? నోటికాడికొచ్చిన మా అరవైయేళ్ళ ఆకలి ముద్దలో విషపు చుక్కలేస్తూ ఉంటే !! లెక్కలేనన్ని మా లేలేత ప్రాణాలు చుక్కల్లో కలిసిపోతున్నాయి ..!! బకాసురులే నరకాసురులే ....!! అసెంబ్లీలో అసిద్దం కక్కి , ఉన్మాద శునకాల్లా ...పైశాచికానంద తాండవం !! ‘అఫ్జల్ గురు’ ని మించి సార్వభౌమధికారాన్ని వంచి౦చి ఉగ్రవాదుల్ని మించి నయవంచకుల ‘విష’ ప్రయోగాలు ఎవరెవర్ని చంపటానికి ?? కరుడు గట్టిన ‘కసబ్’ ని సైతం అధిగమించి ప్రజాస్వమ్యాన్నే తుంచేస్తూ దేశాంతానికి వెనుదీయని రాజకీయ తీవ్రవాదాన్ని అంతం చేయకపోతే దేశానికే ప్రమాదం !! ఓట్లు – సీట్లు – నోట్ల కోసమా ఈ దేశ ద్రోహం !!? ఇదేనా ‘సమ ఐక్య’ వాదం !! అది కాదు ఆ ప్రజల నాదం ..! కత్తులతో ఒకడు –విషరసంతో మరొకడు – తగలబెడ్తానని౦కొకడు !!?? ‘రెండుకళ్ళ’తో కుళ్ళబొడుస్తున్నదొకడు!! సమన్యాయమంటూ సగం సగం కోసుకు తింటున్న లక్ష కోట్లు మెక్కిన ‘జగత్ కిలాడొ’కడు !! పూట పూటకు ‘పుండాకోర్ల’ దమనకాండ ! కమలం అమలినమైనదనుకుంటే ...!?? కన్నీటిని కనుగొన్నదనుకుంటే ...? ‘కోతి రొట్టెల’ కొండెంగ వేషాలా తమాషాలు !! జీవన్మరణ దశాబ్దాల పోరులో ఆత్మాహుతుల పరంపర చాలదన్నట్లు ఆటంక వాదుల ఆటవిక ‘క్రీడ’ స్టార్ ‘బుడ్డర్ఖాన్’ ల సన్నాసి పాట ! మాడి – వాడి –రాలిపడే మా ఆకలిపూలను అగ్నికి ఆహుతి చేస్తే ..?? సమ్మక్క- సారక్కే దిక్కయి నిలిచేను మాకు రంకునేర్చి ..బొంకునేర్చి ..నంగనాచి ‘రంగుడబ్బాల’ విచ్చలవిడి ‘వ్యభిచారం’!! ఛీ.... ఛీ ఛీ .............నీయబ్బ ఏం బతుకులురా యదవనేతల్లారా !!! ఆఖరి కన్నీటి చుక్కని, చిట్టచివరి నెత్తుటి బొట్టుని పీల్చుకుని సుఖపడతార్రా ??!! ఆలస్యమైన ‘ధర్మమే’ జయిస్తుందని సహిస్తే ..క్షమిస్తే .........................!!? అక్షరాలకందని రాక్షస మూకపై మేమిక యుద్ధానికి సిద్ధమైతే ..................?? మైసమ్మ తల్లితోడు ... ఒకడంటే ఒక్కడుండడిక్కడ ద్రోహులు తరిమి తరిమి కొడుతుంటే తరలిరాద తనే తెలంగాణ జై జై అంటూ జైతెలంగాణ !! ( పార్లమెంట్లో కొందరు రాజకీయ సీమా౦ధ్రోన్మాదుల ఉగ్రవాద దాడికి నిరసనగా ....ఇది కేవలం రంకు రాజకీయనాయకులను ఉద్దేశించింది మాత్రమే .... ) ----------------- 14 - 02 - 2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1nyFCih

Posted by Katta

12, ఫిబ్రవరి 2014, బుధవారం

Laxman Swamy Simhachalam కవిత

లక్ష్మణ్ స్వామి || అమ్మను నేను--- అంగడి బొమ్మను కాను ........!! || యుగయుగాలుగా దగాపడుతూ గాయాల గేయాలు పాడే రేమ్మను.....కొమ్మను .. అమ్మను నేను అంగడి బొమ్మను కాను మానవసృష్టికి శ్రీకారమై మూలాధారమై .... ఆకారమై .. ప్రాకారమై ... అలంకారమై ... మీ జీవితాల్ని సాకారం చేసే ..బ్రహ్మను !! అమ్మను నేను అంగడి బొమ్మను కాను అంధకారం ఆవహించినా ... బంధనాలు బాధించినా ... అనుబంధాల మమతల్ని పంచే ... అమ్మను నేను అంగడి బొమ్మను కాను అర్ధరాత్రైనా .... పట్టపగలైనా నడివీధైనా నగరమైనా ... అఫీసైనా ఇల్లైనా................................. అన్నైనా... తమ్ముడైనా .. నాన్నైనా ........... ఎవ్వ డెవ్వడై నా .......... మగాడు మృగాడై పోతున్నప్పుడు .... దగ్ధమవుతున్న మా దేహం ... మాన- ప్రాణము .... ఆహుతైపోతున్నప్పుడు ... మృగారణ్యంలో......... మా మరణ మృదంగం అరణ్య రోదనై.... వేదనై... బాధామయ భాష్ప వరదై ప్రవహిస్తున్నప్పుడు .... అమ్మసైతం ఓదార్చలేని ..... అమ్మను నేను ... నిర్భయంగా .. నిర్లజ్జగా ... కామంధ.... రాబంధ మానబంగ పర్వంలో ........... నిర్దయగా ... అకారణ౦గా--- అన్యాయంగా అమానుషంగా ---హేయంగా గాయపడే నెత్తుటి చెమ్మను అమ్మను నేను ...కాల్చబడుతున్న బొమ్మను నేను !!! ఆకాశంలో సగం భూలోకంలో సగం ... అధికారంలో సగం రాజకీయంలో సగం దేశంలో సగం దేహం లో సగం .... సగం సగం సగం అన్నిట్లో సగం ఇదేరా వంచకుల విష పన్నాగం !!! నవనాగరిక కీచక లోకంలో నిర్భయంగా చరించే అభయం లేక ............ ఎడారి ఎండమావుల్లో దారితప్పిన లేడి పిల్లలమై ఒక్కోక్కరుగా రాలిపోతున్న పువ్వులం మేము హృదయం ముక్కలై దేహం పొక్కిలై చెక్కిలిపై జారే కన్నీటి చుక్కే చుక్కానైనప్పుడు ... తుఫానులో చిక్కిన దిక్కుతోచని చితికిన బ్రతుకు నావలం మేము !!! యత్రనార్యంతు పూజ్యంతే ........ అది ...........పుస్తకాలతంతే.. వంతే.... అంతే....!! అంగా౦గాన్ని వర్ణిస్తూ ..... అణువణువునూ రమిస్తున్న రక్త జలగల నెత్తుటి దాహాల రుధిర దేహాలం మేము !! ఇక్కడా .....అక్కడా ..లెనిదెక్కడా... విశ్వమంతా ..జగత్తంతా ....దేశ దేశాన మా దేహాల దాష్టీకాల రగిలే కష్టాలేనా రావణ కాష్టాలేనా ......... ‘దైవంమానుష రూపేణా’ ............... ఆ.................... దెయ్యాలు మానవ దేహాల్లో సయ్యాటలాడుతున్నాయి.......... మారీచ పిశాచ మాయా వ్యూహం లో మహిలళలేకదా.మాడి మసయ్యేది ... భరించి .........భరించి సహించి.........సహించి శాంతించి ...........శాంతించి చిట్టచివరి కన్నీటి చుక్కకు కూడా చితి పేర్చాక... తల్లీ క్షమించు .... నాక్షమనిక హరించు ....!! స౦హరించే నారసింహ రూపమై నన్నాశీర్వదించు !! చీడల్ని చీల్చే చండీనై........... కామాంధుల్ని కాల్చే కాళీనై................. రౌద్ర రుద్రమనై ...................... మృగాల్లని వధించే ఝాన్సీలమై .............. తిరగబడతామిక.....!!! తల్లీ క్షమించు ......మా సహనాన్ని హరి౦చు !! కలాలు ..ఖడ్గాలు గళాలు ....గన్నులు భగ్గుమంటున్న బాయినెట్లతో యుద్ధానికి సిద్ధమవ్వాలిక వీర నారీలోకం !! నవశకం కోసం ........... యుగ జాగృతి కోసం సమానత్వం కోసం సమసమాజం కోసం ............... సాయుధపోరైనా తప్పదిక .......!! పంజరాల్ని .... శృ౦ఖలాల్ని............. అడ్డొస్తే బంధనాల్ని ... చేదించేందుకు ... సిద్ధపడ్డ ...యుద్ధ నౌక !! ఉపస౦హారం ..............................! ఒక కొంగ్రొత్త ఉదయం కోసం............. దుక్ఖ రహిత శకం కోసం ............ ప్రేమమయ యుగం కోసం .................. నవ వసంతం కోసం ................ తిమిరం లేని ఆమని కోసం ................ స్వేచ్చ కోసం .... మమత కోసం ........... సమత కోసం ................. మానవజాతి మనుగడ కోసం ... మహిళల్ని రక్షిద్దాం ....పూజిద్దాం ..ప్రేమిద్దాం ! మనుషులు గా నైనా గుర్తిద్దాం ................!! మానవ లోకపు మరో శకానికి పురుడుపోద్దాం !! ( ఈ ఏక పాత్ర ... ఎవరైనా మహిళా మూర్తులు రికార్డ్ చేసిపంపిస్తే యూట్యూబ్లో పెట్టాలని ఆశిస్తున్నా ....) ------------------ 12 - 2 - 2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1iOSDnG

Posted by Katta

6, ఫిబ్రవరి 2014, గురువారం

Laxman Swamy Simhachalam కవిత

లక్ష్మణ్ స్వామి || విజయాహస్కర || ప్రాగ్దిశ తీరాన ఆహస్కర శంఖారావం !! జాగృత కిరణ ఖేచరాలతో నవయానం ....! చరా చర తిమిరాజ్ఞానాన్ని దహిస్తూ కొంగ్రొత్త సందేశంతో దండెత్తి వస్తున్న ప్రచండ భానుడు ! నీ ఉషస్సుతో సమస్త విశ్వ గమనమ౦తా సత్య శాంతి మయం కావాలి ..!! 7 – 02 -14 http://ift.tt/1fwvBPE

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/LS06qJ

Posted by Katta