ఏంటది?
చావు
అంత బలమెక్కడిది
దానికి ?
ఒక్కసారే
వెలుతురునంతా
చీకటి చాపలో
చుట్టేస్తూ
అటూ ఇటూ
వెళ్ళే గాలి దారుల్ని
గొంతునొక్కి
శూన్యపు సీసాలో
బంధిస్తూ
గుండె నుంచి
గుండెనీ లాగి
రక్తపు బంధాల్ని
ఆవిరి చేస్తూ
అడుగు అడుగుని
పాదం నుంచి నరికి
తెలియని గమ్యం ఇంకెదో
ఉందని
వేరు చేస్తూ
ఒంటిగ నడిపిస్తూ
కంటినంతా
ఖాళీ చేసి
జ్ఞాపకాల్ని
చివరి కన్నీటి చుక్కతో
రాల్చేలా చేసి
గుండెనంతా నింపుకున్న
ప్రేమ శ్వాసని
ముక్కు పుటాలని ముద్దాడి
వీడ్కోలు పలికిస్తూ
అవయవయవాలన్నీ
ఆటలాడే సమయం
తీరిపోయిందని
బ్రతుకు గంటని చివరి సారి
మ్రోగించి
జీవ నాడుల కర్నభేరి
పగులగొడుతూ
ఎక్కడిదీ మరణం
ఎవరు పుట్టిచ్చింది ?
ఏ శాపపు ఫలితం
ఈ చావు రూపమెత్తింది
కనిపిస్తే కసిగా
చావునే
చావగొట్టాలనుంది ...
4-09-2012
( ఒక వార్త విన్నాక ఏమి తోచని స్థితి.. చావు చేసె దూరాన్ని ఏ కొలతలు కొలవలెవేమో)
కామెంట్‌లు లేవు:
కామెంట్‌ను పోస్ట్ చేయండి