మనోజ్ఞ || ముళ్ళు ||

ఎటెళ్ళాలో తెలియడం లేదు
ఆలోచిస్తూ నడుస్తున్నాను.. ఆగిపోలేక.

దారులన్నీ ముళ్ళతో
నిండిపోయున్నాయి..

ఇదిప్పటి కధా చెప్పు?
జన్మ జన్మల నుంచీ
తెగిపోయిన స్నేహాలు...
తేలిపోయిన మోసాలు....
రాలిపోయిన నమ్మకాల ముళ్లివి!!

ఎట్నించి నడిచినా
రుధిరం కడిగేస్తోంది అరికాళ్ళని..

గాయాల గోరింట
బాగా పండింది !!!!

మౌనంగా కాళ్ళు కడుక్కుని
ముక్కలైన గుండెను తిరిగి పేర్చుకున్నాను..
సిద్ధం !!!!!!

దమ్ముందా నీకు ??!!!
అయితే రా !!!
దారుల్లో
మళ్ళీ ముళ్ళు పరవడానికి,
పేర్చుకున్న నా గుండెను
మళ్ళీ ముక్కలు చెయ్యడానికి !!!!

06.09.2012