సైదులు ఐనాల // పాల బుగ్గల పాప//

పెన్నులో ఇంకు వడిసేదాకా...
రాస్తూ.
రాస్తూ..
రాస్తూ...
అలా..
అలా...
అలా....
'ఏంచెక్కుతున్నావే'
వంటింట్లోంచి అమ్మ గావు కేక
వత్తి పలికుతున్న ఆ మాటలు
బూరబుగ్గలసందుల్లో చిక్కుకొనిమెలితిరుగుతున్నయ్

నవ్వులు
నవ్వులు
నవ్వులు

ఇంకు కోసం
పాప అణ్వేషణ
హ్హమ్మయ్య సిరాబుడ్డి దొరికింది

మలుగుతున్న కాగితాలు
విచ్చుకుంటున్న బొమ్మల ప్రపంచం

స్కూలుకి టైం ఐఇందే
ముడుచుకున్న పాప చేతులు


గల గలా
గల గలా
'తొందరగా స్నానం చేసి హోంవర్క్ చేసుకో'
బెడ్ రూం లో బట్టలు సర్దుతా అమ్మ ఇంకో గావు కేక

బరువుల్ని
భారం గా...
ముందేసుకొని
తలదూర్చింది
ఊహూ..
నాకేంపని ఈ ప్రపంచంతో...?
ఎడం కాలుతో గట్టిగా తన్నింది పాప
గిల గిలా కొట్టుకొని ఓ మూలన నక్కింది భూగోళం
సరే
ఈ ఒక్కసారికి

రాస్తుంది
రాస్తుంది
ఇంకా
ఇంకా
ఇంకా

తనరాతను తాను రాసుకోలేని
మనుషుల గురించి

పుట్టుకల అర్దం తెల్పే
మహా కావ్యం

అహ అహా హా

06-09-2012