జాన్ హైడ్ కనుమూరి ||ఏ నీడలో కలిసామో||

ఎక్కడో కురిసిన చినుకు
వాగై వంకై ప్రవహించి
నదై ఉరుకలేస్తున్నట్టు
సంగమ ప్రావహం

మార్కులు, డిగ్రీలు కొలమానాలేమీ కావు
ప్రవహించడం ముఖ్యం
చాలాకాలపు నిశ్చలనీరు
త్రాగటానికి పకిరానట్టు
నదయ్యాక ప్రవహించకపోతే ఎలా!

నిలకడగా నడుస్తుంటే ఫలితం ఏమీ లేదనుకుంటే ఎలా!
ఒరుకుకుంటున్న ఒడ్డులో 
ఏ వేరో వేచిచూస్తుంటుంది
ఫలమిచ్చేందుకు సారాన్ని వెదకుతుంది
ఫలాల పని కొమ్మదనివేరు అనుకుంటుందా!

దాని రుచేదో నీకందలేదని, అందదని
ప్రవహించననడం సమంజసమేనా!

పండుకొరికిన నోరు నిన్ను తలచకపోయినా
నీవిచ్చిన సారం నరాల్లోకి ఇంకుతుంది

ప్రవాహ తీరుతెన్నులకు
ప్రవాహవేగ లెక్కల్తో నదికేం పని

ప్రవహిస్తూ ప్రవహిస్తూ
లోలోనో పైపైనో ఆవిరైతే

మళ్ళీకురిసేమేఘం
మరెక్కడో కురవడాంకి సిద్ధమౌతుంది


2.9.2012