లలితమైన నీ రూపాన్ని చూసి
తొలిసారి నే వ్రాసానో కవితని
కవితంటే రాసాను కాని
నీ కనుల అందాన్ని వర్ణించడం కాలేదు నావల్ల
భావానికి పదాలు దొరకవు
పదాలకి అక్షరాలు చిక్కవు , పోల్చడమేలా ?
అవి కలువ రేకులా
పారిజాత సుమదళాలా !
ఇసుక తిన్నెలపై పడ్డ
పున్నమి వెన్నల దారులా !
మంచు పుష్పాన్ని తాకిన
రవికిరణం లోని ధవళ కాంతులా !
కావు కానేరవు...!
పాలపుంతలన్ని పోగు చేసి
ఆ విధాతే నీ నయనాలుగా చేసేనేమో !
విశ్వం లోని రంగులన్నీ ఏకంచేసి
ఆ రవివర్మ కుంచెకు జతచేర్చి గీసెనేమో !
పున్నమి వెన్నెలలో
ఇంద్రధనుస్సు వస్తే నీ కనుల అందానికి సరితూగునేమో ! 09-09-2012
కామెంట్‌లు లేవు:
కామెంట్‌ను పోస్ట్ చేయండి