రక్తపు వాసనల్లో లక్షింపేట
మరోసారి రాబందుల రెక్కల చప్పుడు
వివక్షతా వికటాట్టహాసం
అంతరాల అగాథాలు పూడిస్తేనే
రహదారి ఏర్పడుతుంది
సూర్యుని చుట్టూ భూమిలా
ఎన్నికలప్పుడు ఆలింగనలు, సహపంక్తులు
మౌనంగా మిన్నకుంటే
దురహంకార ఊడలు పెరుగుతూనే ఉంటాయి
తక్షణం పూనుకోకపోతే మిగిలేది శూన్యం
అదనులో వర్షం లేక విత్తని విత్తనమంత సత్యం
మిత్రులెవరో శత్రువులెవరో తెలుసుకో
పక్షుల గుంపుల్లా నీ తోటివారితో పయనించు
ప్రపంచం పిక్కటిల్లేలా నినదించు
లక్ష్యం సాధించేవరకూ పిడికిళ్లు తెరవొద్దు
వివక్ష విముక్తికి లక్ష్మింపేట 'లక్ష్యం'పేట కావాలి!
*20-07-2012
కామెంట్‌లు లేవు:
కామెంట్‌ను పోస్ట్ చేయండి