కట్టా సుదర్శన్ రెడ్డి || అతనూ- నేనూ- నువ్వూ !! ||

నాటి సిటిజెన్లే
నేటి నెటిజెన్లు
అలనాటితరం కాదిది
నవమేటితరం తీరిది
వీరివి ఏకార్ధశోధన మేధస్సులు కావు
బహుళార్ధసాధకపు ఉషస్సులు వీరు
.. .. ..

"అతను" రూపంలో కర్రెమల్లే
మనసంతా పున్నమి వెన్నెలే
వెన్నముద్ద కన్నా ఎంతో చల్లన
హృదినిదోచాడులే మెలమెల్లన
.. .. ..
"నీ" దెంతో మురిపించే అందం
నన్నెంతో మైమరిపించే బంధం
తనివితీరనిది ఈ అనుబంధం
చెరగనీయదులే నాలోఆనందం
.. .. ..
నాలో ఆశలు మెండు
నాకు కావాలి 'రెండూ'
పండు వెన్నెలా రావాలి
నిండు వన్నెలూ కావాలి
అవ్వా కావాలి! బువ్వా కావాలి!
అవ్వే లేకుంటే బువ్వెలా చెయ్యాలి!!
.. .. ..
అందుకే
మనసులో "అతన్నే" ప్రేమగా వరిస్తున్నా
తనువుతో "నీతోనే" కోరికగా నర్తిస్తున్నా!
నాది ప్రేమంటారో
కోరికనుకుంటారో
ఐ డోంట్ కేర్
సిస్టంస్ అన్నీ మీవైనా
ఇష్టాలన్నీ నావేగా ! .
*20-07-2012

 సు.రె.క.....