కలం పేరు అవసరమేనా ?

Katta Srinivas

కలం పేరు అవసరమేనా ? మీరేమంటారు మిత్రులారా ?

http://www.facebook.com/groups/kavisangamam/permalink/421125381273553/

• 
• 
• 
• 

అస్సలు అవసరం లేదు స్వంత పేరు చాలు

• 
• 
• 
• 

కొన్నిసార్లు అవసరమే

• 
• 
• 
• 

అవును అవసరమే

• 
• 

ఏమో చెప్పలేను

• 

అప్పటికి ఏది ప్రాచుర్యముంటే అదే వాడుకోవచ్చు.

Like ·  ·  · July 12 at 11:42am

• Rakshita Suma, Naveen Rjy, Varnalekha Varu and 4 others like this.
• 

  Katta Srinivas • రచయితలు పేర్లను ఎన్నుకోవడంలో అనేక దృష్టి కోణాలుంటాయి. 
  • సరళంగా ఉండి, సులభంగా ప్రచారంలోకి వచ్చే పద్ధతిలో పేర్లు. ఆత్రేయ, ఆరుద్ర, అజంతా, ఎల్లోరా, ఓల్గా
  • గౌరవం పెరగడం, జనామోదం పొందడం కూడా పేర్లను ఎన్నుకోవడానికి కారణాలవుతున్నాయి. 
  • పేరు నాగరికంగా లేదని కొందరు పేర్లు మార్చుకుంటే, మల్లయ్య పేరుతో పంపిన రచనలు తిరిగి వస్తే నవీన్ అని పేరు పెట్టుకున్నారు అంపశయ్య రచయిత.
  • కొందరు తమ గుర్తింపును కప్పిపుచ్చుకోవడానికి కలంపేర్లు పెట్టుకుంటారు. 
  • కులం తెలియకుండా ఉండడానికి నగ్నముని, నిఖిలేశ్వర్, చెరబండరాజు, జ్వాలాముఖి, భైరవయ్య అన్న పేర్లు పెట్టుకున్నామని దిగంబర కవులు ప్రకటించుకున్నారు.
  • . మతం తెలియకుండా పెట్టుకున్న పేర్లు రుద్రప్రియ, సుగమ్‌బాబు, కౌముది. 
  • ఆకాశవాణిలో పనిచేసిన యండమూరి సత్యనారాయణ సొంత పేరుతో రాయడానికి వీలులేని పరిస్థితులలో
  • ‘శ్రీవాత్సవ’ పేరుతో రచనలు చేశారు. పోలీసు శాఖలో పనిచేసిన మోహనరావు స్పార్టకస్ పేరుతో నవలలు రాశారు
  • ఎక్కువగా శృంగారాన్ని గుప్పించే రచయితలు కూడా తరచుగా మారుపేరుతోనే రచనలు చేస్తారు.
  • ఒకే పేరు ఇద్దరు రచయితలకు ఉన్నప్పుడు వాళ్లను గుర్త్తించడానికి వేరు వేరు పద్ధతులు అనుసరించడం కనిపిస్తుంది. ఇస్మాయిల్ పేరుతో ఇద్దరు రచయితల ప్రసిద్ధులు. ఒకరు స్మైల్ అయినాడు. ఒకే కుటుంబానికి సంబంధించిన వారైతే సీనియర్, జూనియర్ అని చేర్చడం కనిపిస్తుంది. సముద్రాల సీనియర్, సముద్రాల జూనియర్, వేదం వేంకటశాస్ర్తీ జూనియర్ ఇలాంటివే.
  • బీనాదేవి భిన్నమైన పేరు. భార్యాభర్తలు ఇద్దరూ రచయితలే. బి.నరసింగరావు సంక్షిప్త నామం ‘బిన’, భార్య పేరులో చివరి భాగం ‘దేవి’ కలిసి బీనాదేవి అయింది. రచయిత్రి ఆనందరామం పేరులో తన పేరు సగం భర్త పేరు సగం కలిసి ఉంది.
  • ఇంటిపేరుతో కొందరు రచయితలు ప్రచారంలో ఉంటారు. ఉదాహరణకు కందుకూరి, గురజాడ, దేవులపల్లి, విశ్వనాధ, అనిశెట్టి, గొల్లపూడి, మునిమాణిక్యం, ఏల్చూరి, దాశరథి, కుందుర్తి, కాళోజీ, కొవ్వలి, నార్ల, సలంద్ర.
  • జంటకవుల సంప్రదాయం ఉదాహరణకు తిరుపతి వేంకట కవులు, కొప్పరపు సోదర కవులు
  • ఇద్దరి కంటే ఎక్కువమంది కవులు కలిస్తే గుంపు కవులు, సమూహ కవులు, నయాగరా కవులు, దిగంబర కవులు, పైగంబర కవులు, తిరుగబడు కవులు, విపశ్యన కవులు.
  కొన్న కలం పేర్లు అసలు పేర్లు
  1.ఆత్రేయ ( కిళాంబి వెంకట నరసింహాచార్యులు)
  2.ఆరుద్ర ( భాగవతుల శివశంకరశాస్త్రి )
  3.ఓల్గా ( పోవూరి లలిత కుమారి )
  4.అంపశయ్య నవీన్ ( డి.మల్లయ్య )
  5.బుచ్చిబాబు ( శివరాజు వెంకటసుబ్బారావు )
  6.కరుణశ్రీ ( జంధ్యాల పాపయ్యశాస్త్రి )
  7.దేవీప్రియ (ఖాజా హుస్సేన్ )
  8.వడ్డెర చండీదాస్ ( చెరుకూరి సుబ్రహ్మణ్యేశ్వరస్వామి )
  9.పురాణం సీత (పురాణం సుబ్రహ్మణ్యశర్మ )
  10.శ్రీరమణ (వంకమామిడి రాధాకృష్ణ )
  (ఆంధ్రభూమి లోని కె.కె.రంగనాథాచార్యులు గారి వ్యాసం, కె.పి.అశోక్‌కుమార్, ఎ.ఎన్.రాజు ‘‘ తెలుగులో మారుపేరు రచయతలు ’’ఇంకా మరికొన్ను)

  July 12 at 11:43am · Like · 9
• 

  Kiran Gali this is so valuable information. being from non literary background i am surprised getting to know so many reasons and motivations in writers choosing pen name.

  July 12 at 11:50am · Unlike · 2
• 

  Praveena Kolli Thank you Katta Srinivas garu, this is valuable info.Kavi Yakoob garu, It would be good idea to post this kind of info in our blog, I guess..

  July 12 at 11:59am · Unlike · 1
• 

  Kavi Yakoob రుద్రప్రియ కాదు-దేవిప్రియ...

  July 12 at 12:00pm · Like · 2
• 

  Katta Srinivas సి.నా.రె షార్ట్ ఫాం లోనే ప్రసిద్ది. గజల్స్ లో మరీ అనుకూలంగా వాడుతున్నారు.
  సింగిరెడ్డి వారికి యస్ రాకుండా సి రావడానికి చిన్న కధ వుంది.
  మల్లారెడ్డి గారు చిన్న సి.నా.రె ను బడిలో చేర్చేప్పుడు ఇంటిపేరు అడిగారంట ఈయనగారు ఆ ఇంగ్లీషోళ్ళ మాటని ఎలాగోలా అర్ధం చేసుకుని ‘‘సింగిరెడ్డి ’’ అని చెప్పారట. నో మాన్ ఒన్ లెటర్.. ఫస్ట్ లెటర్ ..ఫస్ట్ లెటర్ .. అని హడావుడీ చేస్తే
  ఈయన సింగిరెడ్డిలో మొదటి అక్షరం అని ‘‘సి’’ చెప్పారు. వాళ్లు దాన్ని ఆంగ్లం సి గా రాసి పడేసారు. దాంతో నారాయణ రెడ్డి గారు ఇలా సి.నా.రె గా రాస్తున్నాను అని అప్పుడెప్పుడో ఇంటర్యూలో చెప్పిన విషయం ఈ సందర్బంగా మీతో పంచుకోవాలనిపించింది.

  July 12 at 2:46pm · Like · 2
• 

  Katta Srinivas అవును సార్ నేను తడబడినట్లున్నాను. పూర్తిగా పరిశీలించి సవరించారు. నేను మరికొంచెం జాగ్రత్తగా చూసుకుని పోస్టు చేసివుండాల్సింది. ధన్యవాదాలు.
  ప్రింట్ లో కూడా అదే వుండటంతో యధాతదంగా తీసేసుకున్నాను. అవును సార్
  దేవీప్రియ (ఖాజా హుస్సేన్ ) సరైనదిగా పరిగణించాలి.
  కలం పేరు ఏర్పటు చేసుకొవటంలో కేవలం ఓటింగ్ గానే కాకుండా
  మిత్రులు వివరణాత్మక స్పందనలు అందిస్తే ఉపయోగకరంగా వుంటుందని ఆశిస్తున్నాను. మీ వద్ద ఏదైన సమాచారం లేదా ఆలోచన వుంటే పంచుకోండి.

  July 12 at 3:38pm · Like · 1
• 

  Kodanda Rao నా ఉద్దేశ్యం లో కలం పేరు చాలా అవసరం. కారణాలు
  1. ఏ వర్గానికి ప్రతినిధి అన్నది తెలియదు,కనుక ప్రత్యేకాభిమానాలు ఉండవు.కువిమర్శలు ఉండవు
  2. పేరును ఉపయోగించి సెటైర్లు వేసే అవకాశం ఉండదు
  3. గుర్తింపు చాలా సులభం సాహిత్యం లో పసవుంటే

  July 12 at 4:38pm · Unlike · 3
• 

  Katta Srinivas కె.కె గారూ ఓటింగ్ లో కూడా టిక్ చేయగలరా ? రెండొది లేదా మూడోది లేకుంలే మీ ఆప్షన్ రాసి టిక్ చేయండి. ఇప్పటి వరకూ వచ్చిన ఓటింగ్ ప్రకారం 66.66 శాతం మంది కలం పేరు అస్సలు అవసరం లేదు అంటున్నారు. 33.33 శాతం మంది మాత్రం కొన్ని సార్లు అవసరమే అంటున్నారు. కాని ఖచ్చితంగా అవసరమే అన్నవారు లేరు. ఇతర అభిప్రాయాలూ రాలేదు

  July 12 at 5:03pm · Like · 1
• 

  Katta Srinivas ఎవరి సంగతో తెలియదు కానీ కె.కె గారూ మీరు పెన్ నేమ్ లేదా మీ స్వంత నేమ్ షార్ట్ గా చేసింనతర్వత నాకైతే చాలా సులభంగా వుందండీ. నందా మీరు చెరో ఓటుతో మిగిలిన రెండు ఆప్షన్లకూ సపోర్టు ప్రారంభించారన్న మాట

  July 12 at 5:19pm · Like
• 

  Kodanda Rao హ,హ,హా... నేను కలం పేరు పెట్టుకొని రచనలు చేసే స్థాయి ఇంకా సంపాదించలేదండి. కాని అది అవసరం అని నాకు అనిపిస్తుంది. లేదంటే ఒక ముద్రకి గురి అయిపోతారు. సినిమా టైటిల్స్ లాగ దీనికి అంతే ఇంపోర్టెన్స్ ఉంది. ఇక నా సంగతికి వస్తే కేవలం నన్ను సంభోదించేవాళ్ళు కోదండ రావుని ...కొండల రావుని చేసేస్తున్నారని. షార్ట్ కట్ చేసా. అంతే అది కలం పేరో ..మరొకటో కాదు.

  July 12 at 5:27pm · Like · 1
• 

  Katta Srinivas మీరు చెప్పిన మకతిక నేనూ పడ్డాను మీ పేరు విషయంలో మనసు తెలిసిన విషయాన్నే పర్షెప్షన్ గా అందిస్తుంది అందుకే మాకు అలవాటైన పేరునే మొత్తం మీపేరు చదవకుండానే పూర్తిచేస్తున్నాం. కంపెనీలు కూడా మంచి బ్రాండ్ ఇమేజ్ ఇచ్చుకుంటేనే నిలబడుతున్నాయి. మొదడుతో సంసర్గ తేలికగా ఏర్పడటం వల్ల పున:శ్చరణ సులభం అవుతుంది కావచ్చు.

  July 12 at 5:34pm · Like
• 

  Narayana Swamy సీరియస్ రచయితలుగా లబ్ధ ప్రతిష్టులైన వారు ఏదైన జాన్ర రచనలు చెయ్యాలనుకున్నప్పుడు కలం పేరు (మారుపేరు) తో చెయ్యడం జరిగింది.

  July 12 at 6:02pm · Unlike · 1
• 

  Katta Srinivas Narayana Swamy garu ‘‘‘ జాన్ర రచనలు ’’’’ అంటే ..

  July 12 at 6:25pm · Like
• 

  Narayana Swamy Katta Srinivas, genre. డిటెక్టివ్, థ్రిల్లర్, హారర్, వ్యంగ్యం - ఇలా ఏదో ఒక రసానికి ప్రాధాన్యతనిచ్చేవి.

  July 12 at 6:57pm · Unlike · 2
• 

  Katta Srinivas 1) 62.50 Percent
  2) 25.00 Percent
  3) 06.25 Percent
  4) 06.25 Percent
  ( ఇప్పటి వరకు జరిగిన ఓటింగ్ మేరకు )
  అంటే కలం పేరు ఏమీ అవసరం లేదు. స్వంత పేరుతో రాస్లే చాలు. అదే మేలు అంటున్నవారు సగానికి మించే వున్నారన్నమాట.

  July 12 at 11:03pm · Like · 1
• 

  Katta Srinivas గజల్ లో మొదటి షేర్ ను మత్ లా, ఆఖరి షేర్ ను మఖ్ తా అంటారు.
  మఖ్ తా లో కవి తన తఖల్లుస్ (కలం పేరు) ను ఉపయోగిస్తాడు.

  July 13 at 5:06pm · Like
• 

  Jyothirmayi Malla తఖల్లుస్ ను మఖ్తాలోనే కాక ఏ షేర్ లోనైనా ఉపయోగించవచ్చు

  July 13 at 5:49pm · Unlike · 1
• 

  Jyothirmayi Malla మత్లాలోనే వాడిన సందర్భాలు కూడా ఉన్నాయి

  July 13 at 5:50pm · Unlike · 1
• 

  Katta Srinivas ధన్యవాదాలు Jyothirmayi Malla garu 
  అవును అతివ సౌందర్య వర్ఘన, ప్రియురాలితో ప్రేమ సంభాషణ స్థాయి నుంచి, నేటి సామాజిక అంశాలను స్ప్రుశించటం వరకూ ఎంతో, ఎన్నో మార్పులు.
  మీ స్పందన కు చాలా సంతోషం

  July 13 at 10:33pm · Like · 1
• 

  Vinjamuri Venkata Apparao Peru marchi pattkulanu emarchadamu enduku. Dheryamuga mana manobhavalu cheppa gala vade nijamuga kavi.

  July 13 at 10:39pm · Unlike · 1
• 

  Katta Srinivas ఈ రోజు ఓటింగ్ తర్వాత నిన్నటి తో పోల్చతూ మార్పును చూద్దాం
  1) 62.50 Percent నుంచి 51.14 ( 11.36 తరుగు )
  2) 25.00 Percent నుంచి 23.81 ( స్వల్పంగా 1.19 మెరుగు )
  3) 06.25 Percent నుంచి 09.52 ( 3.25 పెరిగింది కేవలం ఒక ఓటు పెరిగటంతో )
  4) 06.25 Percent నుంచి 09.52 ( 3.25 పెరిగింది కేవలం ఒక ఓటు పెరిగటంతో )
  
  కొన్నిసార్లు వుంటే బావుంటుందేమోనన్న దిశగా మొగ్గు చూపుతున్నట్లు ఈ రోజు ఫలితాలు చూపుతున్నా. ఇప్పటికీ... సగానికి పైగా కలం పేరు అవసరంలేదనే గోడగుద్ది చెపుతున్నారు.
  ఈ ఓటింగ్ ప్రక్రయను తెలుగు సీరియల్ లాగా సాగదీయకుండా రేపటితో ముగించుకుందాం. రేపు శనివారం సాయంత్రం వరకూ రాబోయే ఫలితాలలో కూడా పెద్ద మార్పుండక పోవచ్చేమో. చూద్దాం మిగిలిన మిత్రులు స్పందనలు అబిప్రాయాలను బేరీజు వేసుకుని..

  July 13 at 10:50pm · Like
• 

  Jagannadh Velidimalla i feel it is must just to own the feeling that were vented out in the form of kavita and tomorrow no should claim the ownership of the same and this amply proves by giving a name say penname.

  July 13 at 10:52pm · Unlike · 1
• 

  Katta Srinivas ఏదో తమాషాకోసంమో, బ్రమతోనో, ట్రెండు కాబట్టో కలం పేరు పెట్టుకోవలసిన అవసరం లేదేమో కనీ, కొన్ని తప్పని సరి పరిస్థితులు కూడా కలం పేరు తీసుకోవలసిన అవసరాన్ని చెపుతున్నాయి. మరి అసలు కలం పేరు అవసరం లేదు అనుకునే వారి నుంచి వీటికి స్వంత పేరుతోనే ప్రత్యామ్నాయం చూపగలమేమో చూడండి.
  నేనను కుంటున్నాను కాబట్టి అంతే వేరు. ఈఈ కారణాల వలన ఇది సరైంది అనుకొవటం ఇంకా బావుంటుంది కదా.
  
  కలం పేరు పెట్టుకోవడంలో ఒప్పుకోదగ్గ కారణాలు కొన్ని వున్నాయి. మరి వాటిని కొట్టేయగలమా ?
  చూడండి...
  
  1) Your real name is hard to remember and/or spell correctly.
  ( సులభంగా గుర్తుంచుకొవటం ఎలా ?)
  
  2) Your real name sounds silly, stupid or obscene. If your real name suffers from any of these problems, you'll have a harder time getting readers to accept your work.
  ( స్వంత పేరు మరీ బాగాలేకపోతే ఎలా ?)
  
  3) Your real name is the same as, or similar to, another author or a famous figure.
  ( ఇంకెవరి పేరుతోనో పోలికలున్న పేరుంటే మీ ప్రత్యేకత ఎలా చూపుతారు ?)
  
  4) కులం, మతం తాలూకూ చిహ్నంగా పేరు వుండకూడదనుకోవటం సమంజసం కాదా ?
  
  5) కలం పేరుతో రాయడాన్ని తప్పగా పరిగణించాల్సిన అవసరం వుందా ?
  
  oo--(0)__oo

  July 14 at 4:52pm · Like · 1
• 

  Naveen Rjy (నా పరిమిత పరిజ్ఞానం ప్రకారం) ఒక రచయిత రాసిన అన్ని రచనల సామర్ధ్యమూ ఒకేలావుండదు. రచననే పూర్తకాలపు వ్యాపకంగా పెట్టుకున్న వారికి (మార్కెట్ భాషలో) బ్రాండింగ్ అవసరం. ఇపుడు రచనలమీద ఆదాయా...See More

  July 14 at 7:40pm via mobile · Unlike · 5
• 

  Katta Srinivas ** రచనలో సత్తావుంటే ఆత్రేయ అసలు పేరుతో పనిలేదు.యండమూరికి కలం పేరు అవసరం లేదు ** Naveen Rjy garu baagaa chepparu. If possible plz vote. on your choice.

  July 14 at 9:00pm · Like · 1
• 

  Karlapalem Hanumantha Rao కలం పేరుతో కొన్ని రచనలు వుండి... అసలు పేరుతో కొన్ని రచనలు ఉండి..రెండు ఒకరివే అని తెలియక పొతే రచయిత పరిణామ క్రమాన్ని అంచనా వేయడమ్ కొంచెమ్ కష్టమ్.

  July 14 at 9:25pm · Unlike · 1
• 

  Lugendra Pillai గుండె ధైర్యం ఉంటే చాలు ఏమి చెప్పాలనుకున్నా స్వంత పేరుతోనే చెప్పవచ్చు. అక్షర సైనికుడికి వెరపు ఉండరాదు.

  July 14 at 9:28pm · Unlike · 4
• 

  Jyothirmayi Malla కలం పేరు అవసరం అస్సలు లేదనేది నా అభిప్రాయం. ఘజల్ లోని తఖల్లుస్ విషయానికొస్తే అక్కడ కూడా తఖల్లుస్ గా స్వంతపేరులోని ఏదో ఒక భాగాన్ని వాడడాన్ని మనం చూస్తాం. అది కలంపేరు కానక్కరలేదు. ఉదాహరణకి "రెంటాల" (రెంటాల శ్రీవేంకటేశ్వర రావు), "పెన్నా" ( పెన్నా శివరామక్రిష్ణ)," రాజా" (తటవర్తి రాజగోపబాలం),..ఇలా.

  July 15 at 8:09am · Unlike · 3

రియాజ్॥మార్పు ఆస్వాదించు..॥

 మార్పు అంటుంటారు కానీ
అదేదొ యోగం నాకు పట్టేట్టు లేదు!!

చీటికిమాటికి వెనుకడుగే
జ్ఞాపకాలను చీదుకోవడం అలవాటై పోయింది!!

ఒకదాన్నే పట్టుకొని వేలాడుతూ
అంతరంగం నుండి బయల్పడిన శిధిలానికి
పెయింట్ కొట్టి మళ్ళీ పూడ్చి
మళ్ళీ తవ్వుకోవడం ఇదే తంతు!!
కాలం మారుతోంది రుతువులూ కనిపిస్తున్నాయ్ కొత్తగా
అద్దంలో నేను మాత్రం
పాడుబడ్డ దేవాలయంలో గబ్బిలంలా
పాత గోడలపై వేలాడుతూ కనిపిస్తున్నా !!

ఎప్పుడూ అదే జ్ఞాపకాన్ని తవ్వుకోవడందేనికి?
మాటికి మాటికి ఒకే ఆలోచనా ఒకే ధ్యాసా
ఒక భాషలో ఏకాగ్రతలా!
మరో భాషలో మూసలా !!
ఇంకో భాషలో పిచ్చిలా?

సంకుచిత హృదయం ప్రవహించదు
స్రుజన ప్రవాహంలో పాతనీరు నిలిచిపోయే చాన్సేలేదు!!

ఊటబావిలో కొత్తనీరు వస్తున్నట్లు
నీ బుర్రలో కొత్త ఆలోచనల్ నింపవోయ్
పాత అనుభూతులను తోడివేసేయ్!!

హృదయానికి కొత్త అనుభూతి
కనుపాపకు నూతన దృశ్యం అందించు
ఎప్పుడూ ఇళయరాజానే వెంటాడకు
కాసేపు ఆతిఫ్ అస్లాం గాత్రం సంగీతాన్ని ఆస్వాదించిచూడవోయ్ తెలుస్తుంది!

సృజనాత్మకతతో పాతను జయించవచ్చునోయ్
మూర్ఖ నైరాస్యంపై యుధ్ధం ప్రకటించవోయ్ కవి
కొత్తదానిని కొత్తగా చూడవోయ్
పాత కాన్వాస్ చింపి డస్ట్ బిన్ లో పడవేసెయ్ !!

ఓ నూతన మార్గం ఏర్పడుతుందేమో మనసుకు
గాయాలు మానిపోతాయేమో
ఓసారి ట్రై చెయ్!!
మార్పును ఆహ్వానించవోయ్ ఆస్వాదించవోయ్!!

*13.7.2012

జ్యోతిర్మయి మళ్ళ॥ఒకరికి ఒకరు॥

నువ్వేనాలోకం
'నీకోసం నేను' అంటుందామె

ఇష్టపడడమే ఇష్టం ఆమెకు
ఒదిగుండడంలోనే హాయి ఆమెకు
పిచ్చిది...
లోకాన్ని గెలిచినంత తృప్తి అందులో

నువ్వూ నేనూ ఒకటే
'మనకోసం మనం' అంటాడతను

నిజాల్ని ప్రేమిస్తాడు
నిరాడంబరతను ఆస్వాదిస్తాడు
మేధావి..
ఏం తెలీదతనికి అతని దృష్టిలో!

*13.7.2012

ప్రొ.పులికొండ సుబ్బాచారి॥ ఆ శవం ఈ దారిలోనే పోవాలి..॥

గడ్డపలుగు చెలకపార మాట్లాడుకుంటున్నాయి
తమను పట్టుకునే చేతుల కేమైందని
వరి దుబ్బులు అనుకుంటున్నాయి
కలుపు తీసి ప్రేమతో తమ వేళ్ళు చక్కవొత్తిన చేతుల కేమైందని
నాగలి మేడి కన్నీరు పెట్టుకుంటూంది
తన సోగను పట్టుకున్న చేతుల కేమైందని
ఇంటి వసారాలో మూలకున్న తలపగ్గం ముల్లుగర్రా
గుసగుసలాడుతున్నాయి
ఆ చేతులు తమను ప్రేమతో పొదువుకోవడం లేదేమని
మెట్ట చేలో కోండ్ర తిరిగిన దుక్కి సాళ్ళు
తమ వెంట నడిచిన పాదాల కేమైందని బుగులుకున్నాయి
ఇంటిదారి అరక, కోటేరు వెనుక గీసిన ఏడికర్ర గీత
తనను ప్రేమతో తొక్కిన పాదాల కేమైందని దిక్కులు చూస్తూంది
ఎండిన మబ్బులు చూస్తున్నాయి అతని కళ్ళకేసి
నుదిటి చేత్తో తల పైకెత్తే ఆ నింగిచూపులెక్కడా అని
దమ్ము చేయని వరి మడి..
తన బురద గంధాన్ని అలదుకునే ఆ దేహం ఎక్కడా అనీ...
ఎండిన కృష్ణా గోదావరులు నిండుగా ఎడ్ల జత కళ్ళల్లో.....

బి.టి, మొన్ సాంటో ఏదైతేనేం
ఇక్కడ వేసిన గ్లోబల్ పత్తి విత్తనం
ఏదేశంలో డబ్బుకురిసిందో ఇక్కడ కళ్ళల్లో నీళ్లు విత్తింది
రెండు వేల అడుగులు దిగిన బోరుబావి
గొడ్డు గేదైంది, వడ్డీ సేటయింది
ఇంట్లో నగలను కంట్లో నీళ్ళనీ కాజేసింది
అది ఏరువాక పున్నమి కాదు
నిండు అమాస.. ఎవరు దోచారు ఇక్కడి వెలుగు వసంతాలను
గొర్రుకు పెట్టిన నొగలు పాడెకట్టె లయినాయి
అరకకు కట్టే పగ్గం పాడెకు దేహాన్ని కట్టింది.

ఓ స్వతంత్ర భారత దేశమా ఒక రోజు సెలవు పెడతావా
నీ వెన్నెముకని ఆర్ధో పెడిక్ హాస్పిటల్ లో చూపించాలి
యువతరమా నీ క్రికెట్ ఛానల్ కాసేపు ఆపుతావా
రైతు శవం దగ్గరి పెళ్ళాం బిడ్డల ఏడుపులు
నేను కాసేపు గుండె నిండా వినాలి
ఓ పార్టీల నాయకులారా మీ రోడ్ షో కాస్త ఆపుతారా
ఒక రైతు శవం ఈ దారిలోనే పోవాలి....

*13.7.2012

మెర్సీ మార్గరెట్॥ఆశవై మొలకెత్తావో..॥

పర్వతాల తనువును పై నుంచి స్పృశిస్తూ
నది జారుతునట్టు నీ పరిచయం

కనిపిస్తూ కనిపించకుండా
వినిపిస్తూ వినిపించకుండా
ఆరుబయట వెన్నెల్లో
రాత్రి పది గంటలకు
రేడియో తరంగాలతో నువ్వు
మెల్లిగా నన్ను తాకుతూ వినిపిస్తున్న
ఊహలు గుస గుస లాడే అంటూ
నా చుట్టూ అల్లుకున్న మల్లెల సుగంధం

ఆకాశం చేయి మడిచి పడుకుని
చంద్రునికి తలవాల్చుకోమని ఇచ్చిన స్థలం
కబురులన్ని గుబురుగా మనసుని కప్పి
గిలిగింతలు పెట్టే క్షణం

నాలో శ్వాసవై చేరావో
ఆశవై మొలకెత్తావో
నీ తలపుల వేడికే గుండె తట్టుకోలేక
మరుగుతున్న రక్తాన్ని కవితలై గుప్పుతుంది .

*13.7.2012

సతీష్ చందర్॥శిశువు నేడు లేచెను॥

రెండు దశాబ్దాల క్రితం చుండూరు(ప్రకాశం జిల్లా)లో ఇప్పుడు లక్ష్మీపేటలో జరిగినట్లే దళితుల మీద దాడి చేశారు. ఇప్పుడు చంపింది కాపుకులస్తులయితే, అప్పడు చంపింది రెడ్డి భూస్వాములు. అప్పడు కూడా కాంగ్రెస్ ప్రభుత్వమే అధికారంలోవుంది. అప్పటి ముఖ్యమంత్రి నేదురుమిల్లి జనార్థన రెడ్డి. పంటపొలాల్లో దళితకూలీలను తరిమి తరిమి చంపి వారి శవాలను గోనె సంచుల్లో మూట కట్టి మురికి కాలువలో పడేశారు. ఈ ఘటనకు దేశం నలుమూలలా దళితుల తల్లడిల్లారు. దళిత సంఘాల వారు వారు శవాలను వెలికి తీసి, నిరసనగా ఊరి మధ్యలో పాతి పెట్టారు. పాత్రికేయుడిగా వార్త కోసం వెళ్ళి చూసి వచ్చాక నా మనసు మనసులో లేదు. అప్పడు రాసిందే ఈ కవిత. తెలుగు కవిత్వాభిమానులకు పరిచితమయినదే. అయిన లక్ష్మీపేట దాడి నేపథ్యంలో ఎందుకో మిత్రులతో పంచుకోవాలనిపించింది.

Photo By: Ken Banks

సమాధుల కడ్డంగా బండరాళ్ళెందుకు

పర్వతాల్నే పేర్చమనండి

ఉన్నట్టుండి జీసస్సులు

ఉషస్సుల్లా చివాల్న లేవకపోరు.

ఊరినే వెలివేసినట్లు

ఊరు మధ్య సమాధులా?

ఊరుకు నాలుగు మూలలు

జీవులకు నాలుగు కాళ్ళు

పొర్లడానికి నాలుగు వరసలు

కులం నాలుగు పాదాలా పాకేది.

ఎక్కడో అయిదో మూల దూరంగా

పశువుల పాకలో రెండు కాళ్ళ శిశువు జననం

తోకచుక్క పొడిచిందో లేదో కాని

ఊళ్ళో తోక తెగిన చప్పుడు.

శిశువు పాదస్పర్శకు మైలపడ్డ పశువుల ఆగ్రహం

మొరిగి, ఓండ్రపెట్టి, ఊళ వేసిన శోకాలపన

ఈ శిశువు-

బానిసల కంటిపాప

ఒక శతాబ్దపు స్వప్నశకలం

వందేమాతరపు తొలిచరణం

పశుధర్మశాస్త్రం ప్రకారం శిశుజననం మహాపాతకం

శిశువుకు-

రెండు కాళ్ళుండటం నేరం

మిగులు భూమ్మీద అడుగులు వేయకుండా

మేకులు కొట్టారు.

రెండు చేతులుండడం నేరం

పని చూపమని యాచించకుండా

చిల్లులు పెట్టారు.

శిరస్సులో మెదడుండడం నేరం

మళ్ళీమళ్ళీ రాజ్యాంగం రాయకుండా

ముళ్ళ కిరీటం గుచ్చారు.

ముఖవర్చస్సుండడం నేరం

ఏ తల్లీ ముద్దాడకుండా

కాండ్రించి వుమ్మారు.

అన్నిటికన్నా ఛాతీలోపల గుండెకాయ వుండడం నేరం

బానిస కొడుక్కి ప్రేమెందుకని

బరిసెలతో పొడిచారు

పంట పొలాల్లో శిశువుకు శిలువ మరణం

పట్టపగలు చీకటి కమ్మింది.

ఆకాశం అయిదు ముక్కలుగా చీలింది.

సూర్యుడు నాలుగు ముక్కలూ అతుక్కొని ముఖం కప్పుకున్నాడు.

శిలువ మీద శిశువు పలికిన చివరి మాట:

‘తండ్రీ! వీరేమి చేయుచున్నారో వీరెరుగుదురు.

నేను తిరిగి లేచువరకునూ వీరిని సజీవముగా వుంచుము’.

ఊళ్ళో పశువుల పరారీ.

నాలుగు రోడ్ల కూడలిలో

గర్భం దాల్చిన నేలతల్లి.

వీరుల సమాధులన్నీ నిండు చూలాళ్ళే.

పిరికి వాళ్ళు పశుపాలకులు!

శిశువింకా లేవకుండానే పశువధను నిషేధించారు.

‘పశువులను వెదకి శిక్షించుటకు

శిశువు ఈ లోకమునకు వచ్చును’

గర్భశోకతప్త హృదయులైన మాతృమూర్తులారా

కళ్ళు తుడుచుకుని

ధవళ వస్త్రాలతో స్వాగతం పలకండి.

‘శిశువు నేడు లేచెను. హల్లెలూయ'

*13.7.2012

రఘోత్తమరావు సి॥చిగురింత॥

ఎందుకో ఒక్కోసారి బ్రతుకంటేనే
చీదరపుడుతుంది
నరనరాల్లోనూ పాకుతూ, పారుతూ
అదే రక్తం
పొద్దున వెళ్ళిన దారిలోనే
రాత్రికి మళ్ళిపోయే పయనం
పాత మొహాల్లో మారని కవళికలు
విసుగు....విసుగు

ఒకరోజున
కుంటివాడి ఊతకర్రను చూసాక
మోడువారిన చెక్క ముక్కలాంటి
జీవితం
కొద్దికొద్దిగా చిగురించింది!

*13.7.2012

మోహన్ రుషి॥బతికిన మనుషులు!॥

"మసాలా" అంది ఆమె
"ప్లెయిన్" అన్నాడతను

"పగలు"- ఆమె
"రాత్రి"- అతను

"పోవద్దు"
"రావొద్దు"

ఒకరినొకరు బాగా అర్థం చేసుకొని
అప్పట్నుంచీ వాళ్ళు
కలిసి మెలిసి జీవించలేదు!

*13.7.2012

జయశ్రీ నాయుడు॥నాలో(లే)ని నేను॥

ఎదో ఎటో వెళ్ళిపోతోంది
ఆగమంటున్నా వినదు

ధూళికన్న దూరంగా
వెన్నెలకన్న వేగంగా

మబ్బుకన్నా తేలికగా
చినుకుకన్నా చిక్కులుగా..

చుక్కలకన్నా చెల్లా చెదురై
దిక్కుల్లోకి దూసుకుపోతూ..

ఆపమంటూ నిన్నల్లుకున్నా
దూరమొద్దంటూ దిగులుపడుతూ
ముత్యాలుగా మారని ఆ తడి
గుండెకి ఇంకా గుర్తుంది..

ఎదొ బరువుగా
ఆపుతోంది
యేమిటది..
వెళుతూ..
ఓ నిముషం వెనక్కు చూస్తే..

నన్నాపుతూ నేనే
ఆశా నేనే
ఆ.. వేదనా నేనే
నిశీ , శశీ అన్నీ
వెళ్ళిపోతే తిరిగి రావేమొ అవి !

నీ సడే లేదనీ
అలిగి అలిగి..

ఆకాశంలా రివ్వున
అందనంత శూన్యాన్ని
అక్కున చేర్చుకుంటూ..వెళ్తున్నా

*13.7.2012

జితేందర్ బత్తుల॥అన్నం తినని బతుకులు మావి॥

చాలి చాలని బ్రతుకులు మావి
పేదవాళ్ళం మేము నిరు పేదవాళ్ళం
రెక్క అడితే గాని డొక్క అడని జీవితాలు మావి
రెండు చేతుల కష్టపడి సంపాదించిన సరిగ్గ
అన్నం తినని బ్రతుకులు మావి

దరిద్ర రేఖ దిగువన బ్రతుకు తున్నము మేము
బ్రతుకు పోరులో కష్టాల కొలిమిలో
నేలరాలుతున్న నిరు పేదలం మేము
ఈ బంగారు లోకంలొ కష్టాలు తప్ప
సంతోషానికి నోచుకోని బ్రతుకులు మావి
ఈ లోకంలొ చీడ పురుగుల్ల కన్న హీనంగ
బ్రతుకుతున్న గాధలు మావి

ఒక్కోసారి గంజి నీళ్ళతో కడుపు నింపుకునే
బ్రతుకులు మావి
పేదరికం నిరు పేదరికం
కడలి నింగిలొ జాలువారిన మా ఫ్రాణాలు
ఈ నిరుపేద జీవితంలొనే బుగ్గిపాలు అవ్వల్సి వస్తున్నాయి

మేము పడిలేచిన హ్రుదయ గోష అ దేవుడికి వినిపిస్తుందా
అ నుదిటిరాతను రాసిన భగవంతుడు మ సంతోశాన్ని దూరం
చేస్తున్న మాపై జాలి కరుణ రావడం లేదాయె ఎవరికి

 మా ఆశలకు రెక్కలు వచ్చే రోజు లేనే లేదాయే
పేదవాడిగ పుట్టడం మేము చేసిన తప్ప
మా రేఖలను మర్చేది ఎప్పుడు మ గుండె గాధ ఇంకేన్న్నాల్లు
ధరని దద్దరిల్లుతున్న లోకంలొ పెను మార్పులు సంభవిస్తున్న
 మా జీవితంలొ కొత్త వెలుగులు రావడం లేదు

*13.7.2012

కిరణ్ గాలి॥ఇంతేనా?॥

తెరమీద హీరొ, తెలివిలేని ప్రియుడు
పచ్చ గడ్డి పార్కు, లోనెక్ ఆర్కూ
మిల్స్ అండ్ బూన్సు, ఫీట్ట యిన జీన్సు
నైట్ క్లబ్ డాన్సూ, వెంటపడే ఫాన్సూ
నువ్వేనా టీనేజ్ గర్ల్ వి?

ఇస్ట్రీ చొక్కా, సిగరెట్ గుట్కా,
ఈవ్ టిజీన్గు, లైన్లు కటింగు,
బస్టాప్ బ్యూటీ, మిడ్‌నైట్ టీవీ
బార్లు బీర్లు, బైకు మీద బీట్లు
వీడేనా కుర్రాడంటే?

చాలని జీతం, చెదిరిన కలలు,
పెరిగిన అప్పు, నిండు కున్న పప్పు,
కాలు జారిన కూతురు, దారి తప్పి న కొడుకు
కడివెడు కన్నీళ్ళు, దోసెడు నవ్వులు,
మధ్య తరగతి గతీ ఇంతేనా?

చిమ్ని పొగ సైరన్ రొద
చిందిన స్వేదం, ఎండిన డొక్క
డౌన్ డౌన్ లు జిందాబాదులు
తిరిగే యంత్రం, నలిగె చేతులు
వాడెలె కార్మికుడంటె

ఆకలి పాట, తుపాకి తూటా,
ప్రజా కోర్టులు, లాటి దెబ్బలు,
మందు పాతర, లాకప్ డేత్తు
సుత్తి కొడవలి, నెత్తుటి కడలి

ఇంతేనా విప్లవమంటే?

తలపై పిలుక, గుడిలో గంట,
శటగొపాలు, కొబ్బరి తీర్థం,
వేసే దక్షిణ, కోరే కోర్కె,
పూసిన నామం, చేసిన పాపం,

అంతేనా ఆస్తిక మంటే?

మోమున మడతలు, మూ ల్గే పేగులు,
ఎంగిలి ఆకు, మొరిగే కుక్కలు,
ఎండిన రొమ్ములు, ఏడ్చే పిల్లలు,
మురుగు కాలువ, ముసిరె ఈగలు

ఇంతే కదా పేదరిక మంటే?

రేగిన కామం, తీరిన తాపం,
అలిసిన విటుడు, నలిగిన పక్క,
వాడిన మల్లెలు, పగిలిన గాజులు
చిరిగిన నోటు, చితికిన శీలం

అంతేలే వేశ్యల విలువ

నిర్లక్షపు క్షయ, స్వార్ధపు కుష్టు
కుల గజ్జి, మత తామర
దురాశ దురద, దౌర్జన్యం దుర్వాసన
స్టేటస్ కురుపు, అసూయ రసి

సహించలేని సంఘపు దుస్థితి

తోలు తిత్తీ, తొమ్మిది చిల్లులు,
సున్నమ్ నీరు, చీము నెత్తురు,
బొమికలు బొచ్చు, నరాలు నాడులు
మాంసం గుజ్జు, మల మూత్రాలు,

ఇంతే కదా శరీర మంటే

ఆశలు కోర్కెలు, వ్యధలు బాధలు,
నిరాశ నిసృహలు, నైరాష్యం నిర్లిప్తతలు
శోధన రొదనలు, అలజడులు ఆవేదనలు
తర్కాలు తగాదాలు, వైఫల్యాలు విరక్తులు
సందేహాలు, సన్ధిగ్దాలు,
అనుమానాలు అవమానాలు,
ఆరాటాలు, పోరాటాలు

ఇంతేనా జీవత మంటే?

* 12.7.2012

కట్టా శ్రీనివాస్॥టప్॥

అనుభవ రాహిత్యపు
నీటి బుడగ
పెటిల్మని పగిలి పోయింది.
అయితే...

అనుభవం వచ్చిందన్న మాట
అయ్యో
నేను అనుభవరహితుడినేనన్న
నిజాన్ని సైతం
మరిచేలా చేసింది.

ఈ పాడు సంఘటన.

*12.7.2012

మెర్సీ మార్గరెట్॥ ఒక సంభాషణాత్మక ప్రయోగం॥

ఆమె :  శ్వాస నిశ్వాసల పోటి ...
గెలుపు మాత్రం నాలో దాగిన నీది

అతను : రెండు శ్వాసల సుగంధం ఒకటైతే పోదా ఓటమి గెలుపుల రూపం.. పోదా స్వేదంలో కరిగిన దూరం.. నీది నాది కాని . . నూతన సవ్వడి నిర్వచించే నవ నాడి

ఆమె :  స్వేదపు దారులు వెతుకుతు పరిమళా నాస్వదించి మర్చిపోయా ..సమాధానాల వేట ఎలా చేయను అని

అతను : ఉన్నావా నా తలగడలో దాగిపోయవా శ్వాసవై

ఆమె :  దాగిపోయి చెవిలో గుస గుస లాడుతున్న వినిపించానా ?

అతను : ఈ వేడి నీ శ్వాస దేనా కరిగిస్తోంది

ఆమె :  స్వేదంలో చల్లదనం భయపడుతుంటే దైర్యం చెప్పాలే

అతను:  ఊ -మాటలు భలే నేర్చావే ?

ఆమె : సాంగత్య దోషమే కదా.. ఓటమి ఒప్పుకోలు పత్రం పై సంతకం చేయండి

అతను : కలిపిన గోరు ముద్ద తినిపిస్తూ .. చాలు చాలు ఇవ్వాల్టి గెలుపు నీదేలే అని నవ్వు చుక్క సంభాషణకు ...♥

  *12/7/2012

Ro Hith || Letter ||

Ma frequently says
when i was 6 years old
i used to draw on walls
on countless number of papers
bills and brother's notebooks.
I used to draw green hills
Where even an ant waits for my order to bite
And a half sun with red crayon
that always questions me- to rise or to set?
A river breathed by hills
a thatched hut on the bank
and an unopened letter on its doorstep.

Even now
The image of hills, half sun
and hut under the palm tree
screen behind my eyelids
And when ever a new letter falls
on the doorstep
A poem forms itself in me.

* 12-07-2012

రియాజ్ || పల్లెవిస్తుపొయింది?! ||

అల్లా చూసొద్దామని
పల్లె పట్నం వెళ్ళింది
ఏదేదో ఊహించుకుంటోంది
తీర చూశాక విస్తుపోయింది!


స్వేచ్చా విహంగాలు
అక్కడక్కడ గోడలమీద కాగితాలపై ముద్రితమై ఉన్నయ్
మరికొన్ని పంజరల వెనుక దర్శనమిస్తున్నాయ్!
పచ్చదనం ఊరికి దూరంగా పారిపోయిఉంది


అంతా కార్బన్-డై-ఆక్సైడ్ కంపు
ఎటుచూసిన పరుగులుతీసే చక్రాలు
లోహాల ఘోష
నిశ్శబ్దాన్ని ఊరికి దూరంగా వెలివేసినట్లు!!
***


మరింత ముందుకెళ్ళింది
ఆకలి భాషలు నడిరోడ్డులో నగ్నంగా గొంతుచించుకు అరుస్తున్నాయ్
కడుపు ఎండిన డొక్కలు స్పష్టంగా దీనంగా అడుక్కుంటున్నాయ్
డొక్కనిండిన పొట్టలు ఆర్ధిక ప్రవాహంలో కొట్టుకుపోయెందుకు సంసిధ్ధంగా ఉన్నాయ్!


తప్పించుకొని మరింత ముందుకెళ్ళింది
యేమైనా అమ్ముకునేందుకు దేనినైనా వ్యాపారంగా చూసే
మార్కెట్ అందులోని జిత్తులమారి ఆకర్షణలను
వింత ఆర్ధిక ధోరణులను చూసి అవ్వాక్కయ్యింది !!


భుజాన బ్యాగులతో వెళుతున్న చిన్న చిన్న యంత్రాలను 
తలపించేలా ఉన్న పిల్లలను చూసి ఆశ్చర్యపోయింది !!


ఎక్కడినించో అరువు తెచ్చుకున్న వింత అలవాట్లతో
వికృత ధోరణులతో దేశనిర్మాతలు యువకెరటాలు నిర్వీర్యంగా !!


ఊరికి పెద్దలు శాంతికపోతాలు వృధ్ధాశ్రమాలలో తోసివేయబడ్డారు


మానవత్వం అక్కడక్కడా మూలుగుతూ కనిపిస్తోంది
వ్యాపార దేహాలు నైతికజీవాన్నికోల్పోయిన చిద్రమైన మనసులు
అత్యాధునికత పెరుతో వింత వింత చేష్టలు చేసే మనుషులనూ చూసి పల్లె కాసేపు ఆగిపోయింది?


చివరిగా..
నగర నడిబొడ్డులో నవ్వుతూ ఉన్న మహాత్ముని విగ్రహాన్ని చూసి
నవ్వుకుంటూ పచ్చబస్సు ఎక్కి పారిపోయింది ఆ పల్లె.

* 12-07-2012

జ్యోతిర్మయి మళ్ళ || ఫేస్బుక్..ఫేస్బుక్..||

సరదా సరదా ఫేస్బుక్కు
ఇక్కడెప్పుడైనా వేస్కోవచ్చోలుక్కు


అడిగేయించుకునే కామెంట్లు అనెస్పెక్టెడ్ కామెంట్లు
అదరగొట్టే కామెంట్లు బెదరగొట్టే కామెంట్లు
ఎన్నెన్నో నీపోస్టులకు ఎవరెవరివో దక్కు
మనసులోని మాటలెన్నొ అక్కడే వెళ్ళగక్కు


ఉత్తుత్తి పోస్టింగులు చెత్తచెత్త పోస్టింగులు
పసలేని పోస్టింగులు పనికిమాలిన పోస్టింగులు
పోనీలే పాపం అని కొట్టావా లైకు
అవుతావు మరినీవు అడ్డంగా బుక్కు


ఆలింకులు ఈలింకులు ఎక్కడెక్కడ్నుంచో లింకులు
వెబ్బుల్లోంచి గ్రూపుల్లోంచి బ్లాగుల్లోంచి గూగుల్లోంచి
ఊసుపోలేదని తెరిచావా చిక్కు
కళ్ళుమూసుకోనఖ్ఖర్లేనిదైతే నీ లక్కు


రిక్వెస్టులు యాక్సెప్టులు టాగింగులు షేరింగులు
అప్లోడులు డౌన్లోడులు వెయిటింగులు చాటింగులు
ఎడిక్టు అవకు బాబూ చెప్పనా నీకో ట్రిక్కు
పొదుపుగా వాడుకో పొందేవు లాభాలు పెక్కు


* 12-07-2012

ప్రవీణ కొల్లి || సమాజం ||

సమాజమంటోంది
నేనో సాగర ప్రవాహమని!
నేనన్నాను
నువ్వో దాహం తీర్చని ఉప్పటి ద్రవమని!


నేననుకున్నాను
ఓ పదునైన పాళీ తయారు చేసుకుని
సముద్రాన్ని కలంలో సిరాగా నింపి
కసితీరా రాసెయ్యాలని….


సమాజం నోటితో నవ్వి,
నొసటితో వెక్కిరించింది.
“ఏంటని?” అడిగా
“ఏం రాస్తావేంటి?”, వ్యంగ్యం వుట్టిపడింది
“నీ గురించే రాస్తా…నీలోని మనుషుల గురించే రాస్తా”
పాళీ పదును పెడుతూ చెప్పా!
“మనుషులు నాలోని లవణాలు కాదా?”, హృద్యంగా నిలదీసింది!


హు....ఏ దప్పిక గురించి రాయను?
పదును తేలిన పాళీ గుచ్చుకుంది
చూపుడువేలు స్రవిస్తోంది
చట్రంలో చితికిపోయిన ఎందరో బతుకుల సాక్షిగా
తెల్లకాగితం రంగు మారింది….


( * August 12, 2011 రాసిన కవిత. హనుమంత రావు గారి, సమాజపు పెడ పోకడల మీద కవిత్వం రావాలి అనే పోస్ట్ చూసాకా, ఈ కవిత పోస్ట్ చేస్తున్నాను.)

అఫ్సర్ || నువ్వొచ్చీ రాని ఆరు ఝాముల రాత్రి ||

1
నీతోనా నీలోనా
నాతోనా నాలోనా
మాట్లాడుకుంటూనా
మాట్లాడకుండానా
మాటల్నీ మాటల్లేని క్షణాల్నీ కలిపేసి
ఈ చీకటి కింద రాలిన మల్లెల్లో కుప్పపోసుకుంటూ కూర్చున్నా.


2
వొక రాత్రి తరవాత
కొన్ని పరిమళాల క్రితం నువ్వెళ్ళిపోయావా
వొక నవ్వే నవ్వి వెళ్లిపోయావా
ఆ పరిమళంలో నేనొక పువ్వునై రాత్రంతా విచ్చుకుంటూ కూర్చున్నా.
ఆ నవ్వులో నేనొక చిన్ని తరగనై సుడి తిరుగుతూ వున్నా.


3
చివరి వాక్యం ఏమవుతుందా అని
వింటూ వింటూ వుంటానా
అదే నీ నిష్క్రమణ తరవాత నాలోపల మొదటి వాక్యమై
నన్ను తిరిగి రాస్తూ రాస్తూ ఈ రాత్రిని నా కంటి కింద దీపంలా వెలిగిస్తుంది
వద్దన్నా వచ్చి వెళ్లిపోయే నీ నీడల నిషా పహరాలో
ఈ దీపం వెలిగే గదిలో నిద్రపడుతుందా చెప్పు!


5
నీ నిట్టూర్పులు నా చుట్టూరా గాలి పటాలయి
ఎగిరెగిరి దిక్కులన్నీ చుట్టేసిన బిగి కెరటాలయి
ప్రతి గాలి అలకీ వొక కౌగిలి ఇచ్చేద్దామనుకుంటానా
వాటికీ నీ వయ్యారాలే తెలిసి, విస విసా ఎటో పారిపోతాయి.
దొరకనే దొరకవు కదా, ఎంత దూరమో పరుగెత్తించీ...
నా వొడిలో నువ్వు పేంచ్ పడిపోవే పతంగమా...?
అనుకుంటూ పగటి కలలోకే నా ప్రవాసాలన్నీ.


6
ఇంకేమీ తెలియదు ఎప్పటికీ తెలియదు
ఇది గుబులో దిగులో సుఖమో సంతోషమో!
ఎన్ని భాషలని నేర్చుకోను,
నిన్ను నాలోకి వొంపే ఆ కల కోసం!?


*12-07-2012