1
ఎన్నో సార్లు కష్టబడి నిద్ర లేచాను పొద్దున
ఇది అయ్యే పని కాదని, ఈ సారి కలలో నిద్ర లేచాను ఎంచెక్క!
2
ఏం వెతుకుతున్నానో మరచి ఏదో ఏదేదో వెతుకుతూ ఉంటాను
చివరికి ఏమి దొరకదు, నాకు నేను తప్ప!
3
పోద్దుననుంచి ఇది రెండో సారి నా మీద కాకి రెట్ట వెయ్యటం
తిట్టేద్దాం అంటే కాకి కి తెలుగు రాదే!
4
ఆకాశం కవిత్వం లాగ ఉందన్నాడు స్నేహితుడు
నీది "లవ్ ఫైల్యూర్ ఆ?" వెంటనే అడిగాన్ నేను
5
ఈ పిల్లి పూర్వజన్మ లో బుద్ధుని గర్ల్ ఫ్రెండ్ అయ్యుంటుంది
యెంత అరిచిన అస్సలు పట్టించుకోదే!
6
గోడ వెనకాల ఎవరో మాట్లాడుతుంటారు
అప్పుడప్పుడు నా పేరు పలికిన శబ్దం వినపడుతుంటుంది
7
నిన్న సాయంత్రం గురించా? ఫోను రింగ్ అవ్వని నిశబ్ధం,
కొన్ని రాలిన ఆకులు ...తప్ప ఏమి చెప్పుకోదగ్గ విషయాలు లేవు
8
సీతాకోకచిలక నా గది లోంచి బయటకి ఎగిరిపోయింది
నేను ఒంటరిని అయిపోయ్యానే!
9
వాకిలేసుకొని మహా ప్రస్తానం గెట్టిగా చదువుతుంటే
వింతగా చూస్తోంది గోడ మీద బల్లి
10
ఎందుకో ఈ మధ్య రాత్రి పుట అస్సలు నిద్ర రావటం లేదు
కళ్ళు మూస్తె చాలు చదవాల్సిన కాగితాల రెపరెపలు వినిపిస్తున్నాయ్!
____________________
అకవిత్వం అనేది నాకు అనిపించినా అ-కవితలు మాత్రమె కాని...దీనికి Anti -Poetry theory కి పెద్ద సమ్మందం లేదు.
కామెంట్‌లు లేవు:
కామెంట్‌ను పోస్ట్ చేయండి