ప్రసాద్ తుమ్మా || ఓ అందం ||

ఓ అందం
నీ కెంతో గర్వం
ప్రకాశించే తారలలో

పొందు పడాలనుకుంటావ్
వెలగలేక మలగలేక బాధతో
కొట్టుమిట్టాడుతుందని నీకేం తెలుసు,
గల గల పారే ప్రవాహంలో
గంభీరంగా పొంగే సంద్రంలో
నీ నీడ చూడాలనుకుంటావు

కాని,
ఆ సముద్రం బడబాగ్నులతో
ఎలా ఘోశిస్తుందో నీకేం తెల్సు
నిర్మలంగా సాగే ప్రవాహానికి
ఎన్ని అడ్డంకులో నీకేం తెల్సు
కనిపించే జగతిలో
కమనీయ దృశ్యాలలో
చోటు చేసుకోవాలనుకుంటావు

కాని
జగతి నిండా ఆకలి ఘోషలు
కనలేని , వినలేని అతర్క్యమైన దృశ్యాలు
ఉన్నాయని నీకేం తెల్సు:

01-09-12