Mani Vadlamani కవిత

మన కవి మిత్రుడు కాశిరాజు గురుంచి 10టీవీ అక్షరం కార్య క్రమం లో..... కాశిరాజు కవిత్వం పాఠకులను ఓ నిర్మలత్వంలోకి ఓ ప్రశాంత గంభీరతలోకి, స్వచ్చతలో తలారా స్నానం చేసిన అనుభూతిలోకి లాక్కెళుతుంది. కాశిరాజు ఇప్పటి వరకు కవితా సంపుటి వేయలేదు. కేవలం తన తూర్పు గోదారి బ్లాగ్ లో, వాకిలి వెబ్ సైట్ లో, ఫేస్ బుక్ లో రాస్తూ వస్తున్నారు. http://ift.tt/1qRqboT

by Mani Vadlamani



from kavi sangamam*కవి సంగమం*(Poetry ) http://ift.tt/1qRqboT

Posted by Katta

Mani Vadlamani కవిత

నా కవిత ,మనసు పొరలలో నిన్నటి (11.05.2014) ఆంధ్రప్రభ.కాం లో ప్రచురిచతం మణి వడ్లమాని మనసు పొరలలో నన్ను ఒంటరిని చేసి నువ్వు అనంతదిగంతాలలో కలిసి పోయినా నీ జ్ఞాపకాల పరిమళాల గుబాళింపు నన్ను చుట్టుకునే వుంది సన్నజాజి పందిరి పక్కనే అల్లుకున్న జూకా మల్లి, ఆ పక్కనే వున్న రాధ మనోహరాలు, నీలి గోరింటలు చిరుగాలికి అటూ ఇటూ ఊగుతూ వుంటే.. ఎప్పుడూ మల్లెలు, మందారాలేనా? మేము అందగత్తెలమే అంటూ కినుకగా చూస్తున్న కనకాంబరాలు, చంద్రకాంతాల మధ్య సిగ్గుల మొగ్గలా ముడుచుకున్న నీ ముగ్ధ మనోహర రూపం ఇప్పటికీ నా కళ్ళ ముందు కదలాడుతూనే వుంది. చిలకాకు పచ్చ పట్టు పరికిణి, జాగెట్టు మీద ఎఱ్ఱటి వోణితో అచ్చు చిలకలా ఉన్నావని అంటే కిలకిలా నవ్విన ఆనాటి నీ అందమైన నవ్వు మనోహరమైన ఆ జ్ఞాపకం నా హృదయపీఠంలో ముద్రించుకుపోయాయి ఆ నాడు చెప్పుకున్న మాటలు, చేసుకొన్న బాసలు ఈ నాటికి నా మది గదులలో నిండే వున్నాయి ఆ నాడు నువ్వు పాడిన పాట వింటూ ప్రపంచాన్నే మరచిపోయిన నాకు, ఇప్పటికి ఆ పాట నా గుండె చప్పుడుతో కలసి వినిపిస్తూనే వుంది. ఓ సహచరీ! మనం కలసి చేసిన ఈ జీవన ప్రయాణంలో,నీవే నేనై, నేనే నువ్వు అయి జీవించాము, నా తుదిశ్వాస విడిచే వరకు, నీ రూపం ఎప్పటికీ కళ్ళముందు కదలాడుతూనే వుంటుంది నీ జ్ఞాపకాల సుగంధ పరిమళం నా మనసు పొరలలో నిలిచే వుంటుంది!!

by Mani Vadlamani



from kavi sangamam*కవి సంగమం*(Poetry ) http://ift.tt/1nDWztX

Posted by Katta

Mani Vadlamani కవిత

నా కవిత "ఒక స్వప్నం వచ్చింది," May , 2014 విహంగ మహిళా పత్రిక లో ప్రచురితం మణి వడ్లమాని ఆ రాత్రి ఆరుబయట పుచ్చపువ్వు లాంటి వెన్నెలలో చుక్కల పందిరి కింద ఆదమరచి నిదురపోయాను. ఆ కమ్మటి నిద్రలో ఒక తీయని స్వప్నం వచ్చింది, ఆ స్వప్నంలో, ఎవరో మెత్తని గొంతుతో “ఓయి! లేవోయి,ఈ మొద్దు నిదుర వదిలి రావోయి! నీకు ఒక సుందర స్వప్న లోకం చూపిస్తాను” అంటూ నన్ను తట్టి లేపుతున్నారు. ఆ స్పర్శ మెత్తగా పువ్వులా వుంది, ఆమె నా చేయి పట్టుకొని తన వెంట తీసుకొని వెళుతోంది ఆమె ఒక వెన్నెల ముద్ద ! ఒక ప్రణయ స్వరూపిణి ! ఒక మధు స్వప్నం! జలతారు మేలిముసుగు లోంచి ఆమె మోము చంద్రబింబంతో పోటిపడుతోంది. మాట్లాడితే ఎక్కడ కరిగిపోతుందో మౌనంగా ఆమె వెంటే వెళుతున్నాను. “అదిగో చూడు అతనిని మీ లోకం వాడే అమృతం తాగి అమరుడయ్యాడు! కవిత్వం రాస్తాడుట, అతని అక్షరాలు వెన్నెలలో ఆడుకొనే అందమైన ఆడపిల్లలుట” అతనిని చూపిస్తూ మురిపంగా అంది వెన్నెల బొమ్మ. అక్కడే ఆగిన నా దగ్గరగా వచ్చి, చేయి పట్టుకొని ఘల్లుఘల్లుమంటున్న తన పద మంజీరాల ధ్వని తో వడి వడిగా నడుస్తూ “ఇదిగో! ఇటు చూడు !ఇతగాడిని ! మాట లాడడు ! కాని తన ఊర్వశి గురుంచి భావ కవిత్వం అందంగా రాస్తాడు!ఆ ప్రేయసి తలపే అతనికి ఏదో అపూర్వ మధుర రక్తి ని స్ఫురింస్తుందిట! ఎంత చక్కటి ప్రేమికుడో కదా! ఈ భావ కవి “ అని అతనిని చూస్తూ పరవశంగా అంది వెన్నల బొమ్మ! “ఓయి!ఇంకా ఇక్కడే నుంచొని వున్నావా? పదపద అంటూ,అదిగో ఆ పక్కన చూడు అక్కడ!, విరిసిన మల్లెల మధ్య కూర్చొని “మల్లెపూలు,తెల్లని మల్లెపూలు! విచ్చిన మల్లెపూలు!అబ్బ! ఈ పరిమళం నాకిచ్చే సందేశం ఎలా తెలుపనూ?”అంటూ పెరిగిన గుబురు గడ్డంతో అచలంగా వున్న అతను ఒక మహా ద్రష్ట ! తను చెయ్యాలనుకున్న పని చేసేసి మీ లోకాన్ని వెలివేసి ,ఇక్కడ ఈ అందమైన సుందర స్వప్న లోకం లో ఎంతో ఆనందంగా వున్నాడు ,” అని ఉద్వేగంగా ఆ వెన్నెల బొమ్మ ఇంకా ఏదో చెపుతుంటే , ఆశ్చర్యంగా ఆమెని అడిగాను “అసలు ఎవరు నీవు ? ఊర్వశి వా? శశిరేఖ వా? లేక అంబరాన వున్న అప్సర వా? ఎందుకు వీళ్ళందరనీ చూపిస్తున్నావు నాకు ?” వెంటనే చెంగునలేచి ఒయ్యారంగా పరుగులుతీస్తూ “ఓయి! ఎవరనుకున్నావు నన్ను? గుర్తుపట్టలేదా ?ఎప్పుడూ నా ధ్యాసే కదా నీకు”, అని అంటూ వెన్నెలబొమ్మ, వెన్నలా కరిగిపోయింది “అయ్యో! వెన్నెల బొమ్మా ఆగు!ఆగు ! నన్ను వదిలి వెళ్ళకు” అంటూ దుఃఖిస్తున్న నాకు హటాత్తుగా మెలుకువ వచ్చింది కల కరిగింది ! కళ్ళు తెరిచి చూసాను ఎవరూ కనిపించలేదు అప్పుడు అది స్వప్నం అని గ్రహించి ఒక్కసారి ఆ అందమైన స్వప్నాన్ని గుర్తు చేసుకొన్నాను. సత్య శివ సుందర త్రికం తత్వం తెలియచెప్పింది, ఆమె ఎవరో కాదు నా కవిత, నా ఊహసుందరి, నా కలల యామిని! - మణి వడ్లమాని ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~`

by Mani Vadlamani



from kavi sangamam*కవి సంగమం*(Poetry ) http://ift.tt/1iSpniM

Posted by Katta

Mani Vadlamani కవిత

కవిసంగమం మిత్రులకి, నా కవిత 'అక్షర హృదయం ' ఆంద్రప్రభ.కాం లో ప్రచురించబడింది (http://ift.tt/MwHFYn) అక్షర హృదయం అక్షరాన్ని! సృష్టి,స్తితి, లయ కారకమైన నాదాన్ని! ఓంకారాక్షరిని! అనాదిగా మేధో మధన ఆవిష్కృతని బహుముఖిని! వేదాక్షరిని! అమ్మతనం మెండుగా వున్న నిండు మాతృత్వపు మధురాక్షరిని! సాహితీ గుండెల హృదయ స్పందన శిల్పిని! రూపకల్పనాక్షరిని! వెన్నెలలో ఆడుకొనే జిగిబిగి పొంకపు అందమైన కవితా కన్నెల సౌందర్యాక్షరిని! అణగారే హీనుల, దీనుల పీడితుల కోసం పోరాటం సాగించే చైతన్యాక్షరిని! నిన్నమొన్న గతించిన గత వైభవ చిహ్నాలను లిఖించి ముద్రించిన సత్యాక్షరిని! కన్నీటిగాథల వెతలతో, ఆర్తుల ఆవేదన, ఆక్రోశం నిండిన రోదనాక్షరిని! అబద్దపు నీలి నీడల మాటున దాగిన కఠిన నిజాల వాస్తవ చిత్రాక్షరిని మరుభూమిలో సమాధుల మీద గాఢ నిద్రపోతున్న అమరాక్షరిని! సత్య, శివ, సుందర తత్వాన్ని నిలువెల్లా నింపుకొన్న ప్రణవాక్షరిని ఉషస్సు లోకి పయనమయ్యే కాంతిని! జ్ఞానాక్షరిని! అమృతాక్షరిని! ..................................... 26th Feb 2014 రచన : మణి వడ్లమాని

by Mani Vadlamani



from kavi sangamam*కవి సంగమం*(Poetry ) http://ift.tt/MwHFYn

Posted by Katta