పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!. ‎
Babu Koilada లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
Babu Koilada లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

18, జూన్ 2014, బుధవారం

Babu Koilada కవిత

బాబు //స్వప్న విహారం// మరో నూతనలోకపు ద్వారాలు తెరుచుకోగానే నిద్రామూర్తి సంకెళ్లతో బంధించేస్తాడు మెదడులో కణాలు దిక్కులను వెతుక్కుంటూ వాయువేగంతో పయనిస్తుంటే మనిషి మైకం కమ్మిన లోగిళ్ళలో తనకు తోచిన భావాలేవో అలవోకగా రాసుకుపొతూనే ఉంటాడు వింత వింత కథనాలు, విచిత్ర అనుభవాలు వాస్తవాన్ని ఎదిరించే సంఘటనలు అసాధ్యాలను సుసాధ్యం చేసే లాజిక్ లేని లెక్కలతో విహారం చేస్తూ, ఆత్మపరిశీలన చేసుకుంటూ తెలివిగా తనకు తెలియకుండానే పాలపుంతల ఆవాసాల నడుమ దృశ్యదర్బారులో దిగ్గజాలతో దోస్తీ కడుతూ వినూత్న భావోద్వేగాల కలయికతో మసకేసిన తెరపై తానే కథానాయకుడై ఊహలను కవ్విస్తూ, సత్యాన్వేషణ చేస్తున్న సంచారిలా ఆలోచనాలోచనల సవ్వడితో లయబద్దంగా తన అంతరంగానికి పట్టాభిషేకం చేసే వేళ ఆ రేయికి ఆ స్వప్నరేఖలే సర్వస్వం వాస్తవిక జీవితంతో పనేముంది? 18.06.2014

by Babu Koilada



from kavi sangamam*కవి సంగమం*(Poetry ) http://ift.tt/1niT6zM

Posted by Katta

15, మే 2014, గురువారం

Babu Koilada కవిత

కొయిలాడ బాబు //ఎక్కాల బుక్కు// అంకెలతో సావాసం చేసిన చిన్ననాటి శైశవ స్మృతులు ఒకటో ఎక్కం ప్రారంభంలోనే చెప్పాయి చిన్ని చిన్ని పాఠాలు చిత్రంగా బహుచిత్రంగా టీచరమ్మ అడుగుల చప్పుళ్ళో ఎన్ని అర్థాలో తెలియకనే తెలిసేవి గుండెలో మోగకనే మోగేవి టెన్షన్ గంటలు "టిక్ టిక్"మని వంతుల వారిగా ఒక్కొక్కరు యుద్దానికెళ్ళే మొదటి సైనికుల్లా సంఖ్యా సమరానికి సిద్దమవుతుంటే ఏదో తెలియని భావం ఎవరి తర్వాత ఎవరి వంతో అని కన్నార్పకుండా చూసే వేళ సరిగ్గా అప్పగించలేని చిట్టి నాన్నలు మండలు చూపిస్తే చాలు సుర్రున్న తగిలే స్కేలు తాపులు ఇప్పుడు తల్చుకుంటేనే ఎంత మాధుర్యాన్ని బాధగా అందిస్తున్నాయో ఈ చిన్ని గుండెకి ఏమీ తెలియని అమాయక మొహాలకు అవే లెక్కకు మించిన కష్టాలు ఒకడు గొల్లపూడి వీరాస్వామి బ్రాండ్ ని ప్రమోట్ చేస్తే మరొకడు వెంకట్రామా అండ్ కో బుక్కే తెచ్చి చింపి చింపి చిందరవందర చేసేవాడు దాచేపల్లి...గుల్మోహర్ ... ఏవైనా అప్పటికి మాకు అవి మా లెక్కలు తేల్చే ఎక్కాల బుక్కులే 15.05.2014

by Babu Koilada



from kavi sangamam*కవి సంగమం*(Poetry ) http://ift.tt/1lhJ5BT

Posted by Katta

13, ఏప్రిల్ 2014, ఆదివారం

Babu Koilada కవిత

కొయిలాడ బాబు //ఇంటర్వ్యూ// ఇంట్రడ్యూస్ యువర్ సెల్ఫ్ మిమ్మల్ని మీరు పరిచయం చేసుకోండి ఉరుకుల పరుగుల ప్రపంచంలో ఒకానొక వేగం సవాలక్ష ప్రశ్నలు ఎక్స్పీరియన్స్ కౌంట్స్ యువత దృక్కోణం విభిన్న ఆశల సమాహారం అయినా ఇంకా ఎన్నో గజిబిజి బతుకులు గతుకులమయమౌతున్న జీవన గమనం తీరుతెన్నులు రోజు రోజుకు మారకనే మారుతుండెను పల్లెల్లో విరిసిన బాల్యం కొత్త ఆశల కొంగ్రొత్త ఛాయల జీవన మజిలీకై ఎదురుచూపు చదువులు ఏపాటివైతేనేం టాలెంట్ దారే సెపరేటు ఎమ్మెన్సీల్లో హెచ్.ఆర్ రౌండ్ ప్యాకీజీల పరంపర హైరింగ్ తో వృత్తి జీవిత ఆవిర్భావం పోటా పోటీ ..ప్రభుత్వ ఉద్యోగాలు లైఫ్ సెక్యురిటి ..ఒక ప్రహసనం అభిరుచులకు సమయమెక్కడ "మీ హాబీస్ ఏమిటి" టి.వి చూడటం హాబీయా... క్రికెట్ ఆడటం కూడా హాబీయేనా... చేంతాడంత ప్రశ్నలకు సాధారణ సమాధానాలు ప్రొఫైల్ ఎంపిక ఎవరి దయో దాక్షిణ్యమో.. కాలం పని కాలానిదే ఉద్యోగాల దారి సగటు దారే ఇంటర్వ్యూ ఒక వారధి వ్యక్తిత్వ పరీక్ష కాని జీవన్మరణ సమస్య ...కానేకాదు మనసుంటే మార్గాలెన్నో బతకడానికి దారులెన్నో "ఎంట్రిప్రెన్యుర్ల శకం" ఇది విజయీభవ ... 13.04.2014

by Babu Koilada



from kavi sangamam*కవి సంగమం*(Poetry ) http://ift.tt/1qRYg6G

Posted by Katta

20, మార్చి 2014, గురువారం

Babu Koilada కవిత

//కొయిలాడ బాబు// రొట్టె ముక్క రోటీ కపడా ఔర్ మఖాన్ ఈ మూడూ చాలు మనిషి బ్రతకడానికి అని ఎవరో సూక్తులు చెపుతుంటే వినే రోజుల్లో వచ్చిన ఆలోచనల ప్రవాహం మనసు వీధుల్లో సంచరిస్తుంటే అడగకనే అడగమన్నాయి ఎన్నో ప్రశ్నలు నా అంతరంగపు పొరలు సాయీబాబాకి చపాతీని నైవేద్యంగా పెట్టి కోరికలు కోరుతూ చక్కంగా ఆఫీసుకు పోతూ మళ్ళీ దేని కోసం ఆ ప్రయాణం అని ఆలోచించే వేళ ఆ ఆసామికి నెలవారీ వచ్చే జీతం రాళ్ళతో పాటూ ఇంకేదో ఆశ మనసు చంపుకుని ఏదో ఉద్యోగం వచ్చేదాకా మార్కెటింగ్ చేస్తున్న ఆ సగటు ఎగ్జిక్యూటివ్ కి ప్రతి మధ్యాన్నం ఏ పరోటానో, చపాతీనో గతి రోజంతా బలాదూర్ తిరిగి ఏ అపరాత్రో హాస్టల్ కి వచ్చే వెర్రినాగన్నలు కాలే కడుపుకి బ్రెడ్డు అండ్ జాం తో కుస్తీ పడాలేమో రొట్టేముక్క మరో కొత్త రూపం కోసం కసరత్తు చేస్తుంది కొత్త కొత్త టెక్కులు హైటెక్కులతో మారకనే మారిపోయింది సాఫ్ట్ వేర్ అమ్మాయి పిజ్జాహట్ లో బర్గర్ తింటుంటే బయట మార్వాడి సోదరుడు పావ్ బాజి వండే ఎన్నో షెహర్లలో రొట్టెముక్క తన ప్రాధాన్యతను తను సంతరించుకుంది అయినా ఆ రొట్టె విరిగి ఇంకా నేతిలో పడలేదు రొట్టె రొట్టె గానే ఉంది మనుష్యులు సైతం మనుష్యులుగా గుర్తించక వెలివేసాక రోడ్డు పై పడుతున్న అభాగ్యులు,ఆపన్నులు చేయి చాచి తిండికై దేహీ అని అడుక్కుంటున్న సందర్భంలో ఆ రొట్టె విలువ వెయ్యి రెట్లు పెరిగి అక్షయపాత్రే అవ్వాలేమొ ఆ సమయాన ఈ అల్పసమాజంలో (చర్లపల్లి బాయ్స్ హాస్టల్లో ఉన్నప్పుడు ఓ అపరాత్రి దిక్కూ మొక్కూ లేని ఒక ముసలావిడ వచ్చి కాస్తా తిండి పెట్టమని, ఆకలికి తాళలేకున్నానని,వార్డెన్ ని ప్రాధేయ పడిన సందర్భం గుర్తుకు వచ్చి) 20.03.2014

by Babu Koilada



from kavi sangamam*కవి సంగమం*(Poetry ) http://ift.tt/1hHJZFM

Posted by Katta

8, ఫిబ్రవరి 2014, శనివారం

Babu Koilada కవిత

బాబు //సిరాబుడ్డి// ఎప్పుడో తాతయ్యగారి చేతిలో చూసిన గుర్తు చిట్టాపద్దులు రాయడం కోసం పాళీని సిరలో ముంచి కలంలో కుస్తీ పట్టే సమయాన ఎన్నెన్నో భావవీచికలు కనిపించకనే కనిపించాయి నాకు ఆ స్పందించని మోముపై చిన్నప్పుడు ఇప్పుడు ఆ గత స్మృతులను గుర్తుకు తెచ్చే చిహ్నాలేవి నికార్సైన సిరా చుక్కలకు కాలం చెల్లింది సిరాబుడ్డిని చూసి చాలా రోజులయ్యింది కలం తన రూపాన్ని మార్చుకున్న వేళ కాలంలో కూడా ఎన్నో నవీన పద్దతులు చొచ్చుకొస్తున్నాయి ఠీవిగా తమ ఉనికిని చాటుకోవడానికి నేడు తన రూపాన్ని మార్చుకున్న కలం చేయకనే చేస్తుంది ఎన్నెన్నో గమ్మత్తులు విద్యార్థులకు సిరాబుడ్డి అవసరం తీరింది ఎన్నో హంగులున్న నేటి కలాలు కొత్త సృజనకు ఆవిష్కరణలు చేస్తూ జాతీయాన బహూళ జాతీయాన సంతకాలు చేస్తూ చేయిస్తూ నవ్వులు చిందిస్తూనే ఉన్నాయి కాగితాలకే విలువ తెచ్చే స్థాయికి నేటి కలాలు ఎదిగి పోతున్నాయి సిరాబుడ్డి వాటి ముందు వెలవెలబోయింది కొత్త సిరలు చేస్తున్న విచిత్రాల ముందు పాత "సిరాబుడ్డి" కథ ఎవరికి అవసరం అయినా "సిరాబుడ్డి" ఒక గొప్ప ప్రతీకే గతానికి కొత్త సిరలతో రేపు కొత్త రాతలు రాసేవారు కూడా కనుమరుగవుతారేమో భవిష్యత్తు ఒక ప్రశ్న సిరాచుక్కలతో పొటీ పడి బాల్ పాయింట్ సంస్కృతిని దాటి "టైప్ రైటర్" ని మించి తన పంథాలో దూసుకుపొతున్న "కంప్యూటర్ కీబోర్డ్" చేసే విన్యాసాలు మాత్రం తక్కువా? 06.02.2014

by Babu Koilada



from kavi sangamam*కవి సంగమం*(Poetry ) http://ift.tt/1eXDxb6

Posted by Katta