Mukharjee Madivada కవిత

గుండె లోతుల్లో అంతులేని బాధ నా కణాల్లో, కళ్ళల్లో, కలలలో, కణజాలాల్లో, అపరితమయిన అంధకారం! కారణాలేమయినా, గాయం ఒక్కటే, యుగాలైనా వీడని చిక్కుముడే! నీ కళ్ళల్లోకి చూడలేను నీ హృదయంలో నే ఉండలేను నీ తోడుగా నే నడవలేను నీకు దూరంగానూ ఉండలేను నీ నవ్వుకు కారణం కానప్పుడు అసలు,నేను బ్రతికున్నా, లేను. నీటి లోంచి బలవంతంగా బయట పడిన చేపను నేను. కాటి కంటూ చేరలేని బ్రతికున్న శవాన్ని నేను. నీ వేదన నా వల్లే నా ప్రేమే నీ శాపం నీ హృదయం, నా రుధిరం మన కలయిక ఇక కల్లే. నిశ్శబ్ద స్దబ్థత కు నే చెరువయ్యే వేళలో, గుండె లోతుల్లో అంతులేని బాధ!

by Mukharjee Madivada



from kavi sangamam*కవి సంగమం*(Poetry ) http://ift.tt/1tx0VG3

Posted by Katta