Yasaswi Sateesh కవిత

యశస్వి|| మనవిజేసుకునేది..|| మాటల ఐస్ క్రీం ఎందుకు కరిగిందని అమాయకంగా అడుగుతున్నావు నీ చేతుల వెచ్చదనానికి తెలుసులే ఆ వివరం ఎగిరెందుకు పోతున్నావని నిలదీస్తున్నావా! నువ్వెత్తిన గాలిపటాన్నే నేను గట్టిగా లాగుతున్నావేమో నమ్మకాల తాడు పురులు విడుతుంది చూడు అడిగిందే అడగకు విన్నదే వినాల్సొస్తుంది నువ్వు మనసు ముసురు తరమడానికి కొత్త సుప్రభాతాన్ని ఎలా రాస్తాను! అప్పుడలా ఎందుకన్నానా! చీకటి చుట్టబెట్టుకుంది నన్ను నిన్ను కాదు..ఉషా కిరణాల ఆలస్యానికి మంచు దుప్పటిని తిట్టుకుంటున్నాను ఎద మలుపుల్లో నువ్వుకాక ఇంకెవరు నీ రూపం నిండిన కళ్ళకు చీకటి కనపడదు ఎందుకింత ఆలస్యమన్న మన తొలిపరిచయానికి సమాధానం దొరకనేలేదు ఓ రోజా పువ్వా! ఇంకేమి చెయ్యగలను నీకోసం నువ్వుకోరినట్టే ఉండాలని గుండె గువ్వ నీముల్లుకే గుచ్చుకుని వేలాడుతోంది చూడు నిలబడ్డ నిజమే మన ప్రేమ కధ నెత్తురేమైతేనేమిలే కన్నీరుని చులకన చేయకు చిలికిన గుండెలో చిందేదేదైనా చివరకు మిగిలేదేదో నీకు మాత్రం తెలియదా ఎన్నిసార్లు పలికినా అది నిన్నేకదా! ==9.4.2014==

by Yasaswi Sateesh



from kavi sangamam*కవి సంగమం*(Poetry ) http://ift.tt/1kKfalP

Posted by Katta