Sravanthi Itharaju కవిత

సౌగంధిక జాజరలు!( నా దశమినాటి జాబిలికి అంకితం) ప్రియా! నా వలపుతోటలోకి నిన్న అందమైన జాబిలి తొంగిచూచింది నా సొగసుల చెలికాడా! నిను జ్ఞప్తికి తెచ్చింది ఇంతలో ఎక్కడిదో ఓ పిల్లగాలి నా కురులను కదిపింది నీ చేతుల చిలిపిచేతలను చేరవేసింది సిగలో ముడిచిన మూడు మూరల మల్లె చెండు మెల్లిగా జారింది అది నీ వొడిలో ఉన్నానన్న తీయటి అనుభూతినిచ్చింది ఎర్రగులాబీ రెమ్మకు నా చీరె చెంగు తగులుకుంది అది నీ చేతచిక్కిన నాటి తీపి జ్ఞాపకాలని పంచింది నడకల వొడుపుల నా ఎర్రంచు తెల్లచీరె రివరివలాడింది మగసిరి ఉట్టిపడే నీ స్వరాన్ని నా చెవిని మ్రోగించింది ఝుమ్మని తుమ్మెద జాజి పందిరిపై వ్రాలింది ఘుమఘుమలాడే నీ కొంటె కోరికల తెలిపింది చేమంతి కొమ్మపై ఓ అందాల పూజంట పూసింది అవి నీవూ నేనుగా నా మది తలచి మురిసింది ప్రకృతి అంతా నీ , నా మయమే కదా! నా ప్రియా! రావేల ఈవేళ..ఓ ప్రియా..నా ప్రియా..! మొగలిపువ్వు విచ్చినా,గుచ్చినా అందమే.. ఈ రేయి నీవు నాకందినా అలిగినా నాకానందమే! సౌగంధిక జాజరలు!( నా దశమినాటి జాబిలికి అంకితం) ప్రియా! నా వలపుతోటలోకి నిన్న అందమైన జాబిలి తొంగిచూచింది నా సొగసుల చెలికాడా! నిను జ్ఞప్తికి తెచ్చింది ఇంతలో ఎక్కడిదో ఓ పిల్లగాలి నా కురులను కదిపింది నీ చేతుల చిలిపిచేతలను చేరవేసింది సిగలో ముడిచిన మూడు మూరల మల్లె చెండు మెల్లిగా జారింది అది నీ వొడిలో ఉన్నానన్న తీయటి అనుభూతినిచ్చింది ఎర్రగులాబీ రెమ్మకు నా చీరె చెంగు తగులుకుంది అది నీ చేతచిక్కిన నాటి తీపి జ్ఞాపకాలని పంచింది నడకల వొడుపుల నా ఎర్రంచు తెల్లచీరె రివరివలాడింది మగసిరి ఉట్టిపడే నీ స్వరాన్ని నా చెవిని మ్రోగించింది ఝుమ్మని తుమ్మెద జాజి పందిరిపై వ్రాలింది ఘుమఘుమలాడే నీ కొంటె కోరికల తెలిపింది చేమంతి కొమ్మపై ఓ అందాల పూజంట పూసింది అవి నీవూ నేనుగా నా మది తలచి మురిసింది ప్రకృతి అంతా నీ , నా మయమే కదా! నా ప్రియా! రావేల ఈవేళ..ఓ ప్రియా..నా ప్రియా..! మొగలిపువ్వు విచ్చినా,గుచ్చినా అందమే.. ఈ రేయి నీవు నాకందినా అలిగినా నాకానందమే!

by Sravanthi Itharaju



from kavi sangamam*కవి సంగమం*(Poetry ) http://ift.tt/PQ4nfG

Posted by Katta