Sri Venkatesh కవిత

"శ్రీ" -------"అంతరాలు"--------- ప్రతి చోట అంతరాలే మనిషికి మనిషికి మధ్య 1) తినే తిండిలో "పిక్కలున్నోడు పిజ్జాలు తింటాడు పేదోడు పచ్చడి మెతుకులు తిని బ్రతికేస్తాడు" 2) వేసే బట్టలో " సొమ్ములున్నోడు సూటేసుకుంటాడు గతి లేనోడు గోచి కట్టుకుంటాడు" 3) ఉండే నీడలో " బలిసినోడు భవనాల్లో ఉంటాడు, బీదోడు పూరిపాకలో ఉంటాడు" ఇవి కొన్నే ఇంకా ఎన్నో, మనిషి మనిషికి మధ్య వారి వారి స్థితిని గతిని ఎప్పటికప్పుడు గుర్తు చేస్తుండే అసమానతల నిష్పత్తి!!! ఇవన్ని బ్రతికున్నప్పుడే అదే చచ్చాక ఏ మనిషైనా ఆకాశమంత ఎత్తులో ఉన్నా అగాధంలో ఉన్నా , కోట్లున్నోడైనా, ఒక్క నోటు కూడా లేనోడైనా, "కన్ను ముయ్యాల్సిందే, కట్టె పేర్చాల్సిందే, ఊపిరి ఆగాల్సిందే, దీపం ఆరాల్సిందే, దేహం కాలాల్సిందే, దహనం కావాల్సిందే " ఈ ఒక్క పరిస్థితిలో మాత్రం ధనికుడు దరిద్రుడు అనే భేధాలే ఉండవ్ "అందరూ సమానమే అందరి హోదా స్మశానమే"!!! --------------------------------------------- 18/03/2014

by Sri Venkatesh



from kavi sangamam*కవి సంగమం*(Poetry ) http://ift.tt/1lKL5Dw

Posted by Katta