"..మండుతున్న గుండెకు
కన్నీళ్ళతో స్నానం
చేస్తున్న హృదయానికి
ప్రేమ నిండిన నీ కమ్మని కళ్ళు
సాంత్వన కలుగ చేస్తాయి
ఎన్నేళ్ళ నిరీక్షణ ఇది
బహుశా కాలం అంచు మీద
మన పరిచయం ..సంతకమై
నీ పెదవుల మీద సంతకం చేస్తోంది
నీ గుండెల్లో బంధమై వాలిపోతుంది
దూరం ఎక్కువైన సమయంలో
మనమిద్దరం ఒకరి కళ్ళలోకి
ఒకరం చూసుకుంటూ ..
ప్రవహించటం ఎంత
బావుంటుందో కదూ
ఏ దేవుడి తోటలో
ఎదిగిన పువ్వువో తెలీదు
కానీ నీవు అలవోకగా
నడిచి వస్తుంటే మాత్రం
నింగి నేలను కౌగిట్లోకి
తీసుకున్నట్టు ..
నుదుటి మీద సింధూరమై
వాలి పోయినట్టు
మంగళ సూత్రమై హత్తుకున్నట్టు
అనిపిస్తూ ఉంటుంది..
తెరుచుకోని కలల్లో నువ్వే
మూసుకున్న రెప్పల వెనుకా నువ్వే
ఈ బంధం శరీరాలకంటే అతీతమైనది
అది..రెండు మనసులకు మాత్రమే
తెలిసినది..
ప్రేమంటే చూసుకోవటమా
కానే కాదు
నువ్వు నేను ఒక్కటేనని
చెప్పటం ..అంతే .."
తేది: 02 .09 .2012
కామెంట్‌లు లేవు:
కామెంట్‌ను పోస్ట్ చేయండి