పచ్చ పచ్చని మైదానాల్లో
ఆకుపచ్చ వానల్లో
నాగేటి సాలల్లో
నువ్ పారించిన నేత్తుటేరులను
నేను మర్చిపోలేదు
తెలంగాణ అన్నందుకు నువ్ పొట్టనబెట్టుకున్న
కనకచారి అమరత్వాన్ని మర్చిపోలేదు
భూమి లేని వాళ్ళు భూమి అడిగినందుకు
నువ్ ముదిగొండలో కాల్పించిన ఉద్యమకారులను మర్చిపోలేదు
విప్లవోద్యమాన్ని అణచేందుకు
నువ్ వేసిన ఎత్తుగడలు మర్చిపోలేదు
రియాజ్ ఎన్ కౌంటర్ నుండి మొదలైన
నీ హత్యాకాండల పరంపరను మర్చిపోలేదు
మానాల,నల్లమలలో నువ్ చేసిన
కోవర్టు ఆపరేషన్ లను మర్చిపోలేదు
వరంగల్ లో సూర్యం చిందించిన
నెత్తుటి తడి ఆరకముందే
నల్లమలలో నువ్ మాంసపు ముద్దలయ్యావు
ఎక్కడైతే మాధవ్ శరీరాన్ని కుళ్ళిపోయేలా చేసావో
అక్కడే నీ శవం గుర్తుపట్టడానికి వీల్లేకుండా ముక్కలైంది
ఏ నల్లమలనైతే నెత్తుటి మడుగు చేసావో
అ నల్లమలలోనే నువ్ అంతమయ్యావ్
నువ్ అణచేసిన తెలంగాణ నినాదం
నేడు దిక్కులు పిక్కటిల్లేలా మార్మోగుతుంది
నువ్ పొట్టనబెట్టుకున్న అమరుల నెత్తురు
నేడు కొత్త చరిత్రను లిఖిస్తుంది
నల్లమల మల్లి వసంత మేఘగర్జనను వినిపించేందుకు సిద్దమైంది.
నల్లమల తీర్చుకున్న నెత్తుటి బాకీని నేనెన్నడు మర్చిపోను....
(నేడు నల్లమలలో నెత్తుటేరులు పారించిన రాజశేఖర్ రెడ్డి అదే నల్లమలలో నేలకూలిన రోజు)
(02/09/2012)
కామెంట్‌లు లేవు:
కామెంట్‌ను పోస్ట్ చేయండి