ఉడుగుల వేణు || love ||

“I am Capricorn
Your Taurus
We made for each other…” అన్నావ్.
నా జాతకం చూపించి తెగ మురిసిపోయావ్
యెమైందిప్పుడు..
వద్దుర బాబోయి ఈ బొంగులో కమిట్మెంట్ అంటే
నువ్వు విన్నావా
అల్పపీడనమై చుట్టుకుంటివి
ఇప్పుడెందుకింత ఆటిట్యూడ్ చూపిస్తావ్ ?
జరిగింది మరిచిపోవచ్చు కదా?
మై ఫుట్

ఆ వెన్నెల గాలి తాకాగానే
మన దేహాలు పువ్వులై విచ్చుకునె
పుప్పొడి గంధమై విరజిమ్మే..
మన నిద్రల్ని వేటాడిన ఆనాటి రాత్రులకు
ఏం ఆన్సర్ చేద్దాం

నువ్వక్కడ-నేనిక్కడ
మనిద్దరం భూమ్మీద నిశ్శబ్ధంగానే ఉంటాం
మన పెదాలు ఆకాశం లో పక్షులై విహరిస్తూంటాయి
మన అవయవాలు మిన్నాగులై
అడవుల్లోనాట్యమాడుతాయి ..
ఎంత కాలమీ ఇమాజినరీ సెక్స్
జరిగింది మరిచిపోయి రా అబ్బా

నీకో విషయం తెలుసా
నీ మీద ఎంత కోపమున్నా
నువ్వు గుర్తొస్తే చాలు
బలే కిక్కుంటది ...
పొడగాటి జడ
పదునైన కళ్ళు
నడుము మీద పుట్టు మచ్చ
అప్పుడప్పుడు మాత్రమే విచ్చుకునే నీ పెదాలు
Wow..thousand beautiful girls equal to you
You are an angel .
అరె ప్లీజ్ ..జానేదో యార్ ...భూల్ గయా వో దిన్
కమ్ విత్ మీ ...
పచ్చిక మైదానాల్లో
విచ్చిన పూల మధ్య
యెగిరే సీతాకోక చిలుకలమవుదాం
లేళ్ళు సెలయేళ్లు లేతాకులు దాటుతూ వెళ్దాం
తూర్పు గాలిని ముద్ధాడుతూ ..
సముద్రాల్ని ఈదుతూ ...
అలా అలా వెళ్లిపోదాం
కమ్ డార్లింగ్ ..కమ్ విత్ మీ

*25.7.2012