వర్షించే వానజల్లుని
వికశించిన కుసుమాన్ని
పారే ఏరుని
ఎగసే అలని
పరిగెట్టే పైడి లేడిని
పరవళ్ళు తొక్కే జలపాతాన్ని
పదాహారణాల ఆడపిల్లని
తెలుగు ఇంటి లోగిలి ముగ్గుని నేనే
నేనే నేనే అది నేనే
ముద్దొచ్చే చిలక పలుకుని
మురిపించే కోయిల గానాన్ని
వంతపాడే తుమ్మెద ఝుంకారాన్ని
మనసు దోచే మయూర నాట్యాన్ని
పదాహారణాల ఆడపిల్లని
తెలుగు ఇంటి లోగిలి ముగ్గుని నేనే
నేనే నేనే అది నేనే
పల్లెటూరి పంట పొలాన్ని
చక్కని పచ్చిక పైరుని
పసిడి కాంతి శోభనిచ్చే పండిన ధాన్యాన్ని
పసిపాప బోసి నవ్వుని
పదాహారణాల ఆడపిల్లని
తెలుగు ఇంటి లోగిలి ముగ్గుని నేనే
నేనే నేనే అది నేనే
పరువాల పాలపిట్టని
పరతిలోని తులసి మొక్కని
తల ఊపే బుట్ట బొమ్మని
ఆ నింగిని
ఈ నేలని
వీటిని కలిపే ఇంద్రధనస్సుని
నండూరి ఎంకి పాటని
పదాహారణాల ఆడపిల్లని
తెలుగు ఇంటి లోగిలి ముగ్గుని నేనే
నేనే నేనే అది నేనే..!
*7.7.2012
కామెంట్‌లు లేవు:
కామెంట్‌ను పోస్ట్ చేయండి