Ramakanth Vengala కవిత

అరణ్యకా౦క్ష ------------------- పున్నమిరాత్రి.. పుడమి చీలే .శబ్దంతో పుట్టుకొస్తున్న ఆరుద్ర పురుగులు.. ఆరు దశబ్దాల నిశిద్ధవస౦తాన్ని మోసుకొస్తున్నాయ్! ఇక.. క్రూరమృగాలు.. గుహల్లోకి! సరీశృపాలు.. పుట్టల్లోకి!! పోరాటగాథ ..చరిత్రపుటల్లోకి!!! మరోవైపు.. కోయిలగు౦పు స్వేచ్చాగీతంలో..కోయజాతి మృత్యుఘోష పాలపిట్టల ఆకాశమార్గ౦లో..పాపికొ౦డల ఆత్మహత్య నేపథ్య౦గా.. తెల్లవారడ౦ ..తేదీమారడ౦ మాత్రమే పూర్తయే సరికొత్త నవోదయ౦ కోస౦..నిరీక్షిస్తూ కలల తీగలమీద ..అరణ్య౦ ఆశల్ని ఆరేసుకు౦టూ౦ది!!! -రాము

by Ramakanth Vengala



from kavi sangamam*కవి సంగమం*(Poetry ) http://ift.tt/1rrzDTY

Posted by Katta

Ramakanth Vengala కవిత

భాగస్వామ్యం ---------------- మేఘాన్నై వర్షించి చిరుచినుకై.. స్పర్షించి నీ పులకరింత సెగకి.. ఆవిరై మన ప్రేమను నింగికి చేర్చాలనే నా తపన నెరవేర్చే తపస్సులో.. భూమి ..భాగస్వామ్యం కోరింది!! నీ పాదధూళి పరిమళాన్ని.. నాతో పంపుతానంది! మన ప్రేమలో.. మట్టి వాసనను నింపుతానంది!! -Ramu

by Ramakanth Vengala



from kavi sangamam*కవి సంగమం*(Poetry ) http://ift.tt/1t2Mzee

Posted by Katta

Ramakanth Vengala కవిత

సామీప్యత-సారూప్యత ------------------------------ ఆశల అంచున నిల్చుని వెక్కిరించే.. అందని స్వప్నం! కాసులు అందక నలిగిన గుండె .. చిందించిన రక్తం !! ఒకటి. .ప్రేమను ప్రేరేపించే అందాల అరుంధతీ నక్షత్రం ! ఇంకోటి. .పేగులు కబళించే ఆకలిమంటల నగ్నత్వం!! కఠిన హృదయాన్ని కాంక్షించే కన్నుల్లో.. మొదటిది ! కటిక దరిద్రుని సిరా ధమనుల్లో .. రెండోది!! ప్రేమను గుర్తించలేని .. నిశ్చల శిల వెంట స్వాప్నికుడు! శ్రమ విలువ వెతుక్కుంటూ .. ప్రశ్నల దారి వెంట కార్మికుడు! ! -రాము 29-4-14

by Ramakanth Vengala



from kavi sangamam*కవి సంగమం*(Poetry ) http://ift.tt/S2i11a

Posted by Katta

Ramakanth Vengala కవిత

ఇప్పుడు చెప్పు --------------------------- రక్తచారికలమయమవుతున్న వర్తమానం .. భవిష్యత్తుకోసం తవ్వుతున్న శాశ్వత సమాధి!! ఇక గతమంటావా.. ఎప్పుడో స్పృహ మరిచిన దేహం .. విసిరి పారేసిన వస్త్రం!! ఇప్పుడు చెప్పు.. చరిత్రలో చోటుకోసం.. నువ్వేసుకుంటున్న కర్చీఫ్ మిగిల్చేదేంటో?? ---ramu

by Ramakanth Vengala



from kavi sangamam*కవి సంగమం*(Poetry ) http://ift.tt/1eyYGP5

Posted by Katta

Ramakanth Vengala కవిత

పోలవరం-చలిజ్వరం ============== నియంత్రిస్తున్న నేత్రాల్ని పరాజితుల్ని చేస్తున్న.. దుస్స్వప్న౦.. పోలవరం! అది నిర్మితమవుతున్న క్రమంలో.. వైద్యమందని గూడాలను.. వణికిస్తున్న చలిజ్వరం!! విభజన నేపథ్యంలో గిరిజనుల ఉరికంబం! ఆస్తుల పంపకంలో ఏలికల వర్తకం! తూనికరాళ్ళలో ఏదో మోసం!! ఫలితంగా.. గోదారి పదఘట్టనల కింద నేలమట్టమవుతున్న పూరిగుడిసెలు! తెలంగాణా తుదిఘట్టంలో.. తాకట్టుపెట్టబడ్డ ఆదిమనుషులు!! ఈ పీడకల నిజమైతే.. ఇక..విముక్తి నిర్వచనం.. 1947- అర్థరాత్రిస్వాతంత్ర్యం! 2014- అర్థరహితస్వాతంత్ర్యం!! -రాము

by Ramakanth Vengala



from kavi sangamam*కవి సంగమం*(Poetry ) http://ift.tt/1hR78Gf

Posted by Katta

Ramakanth Vengala కవిత

నేత్రాలు =============== నిద్ర రాని నా నేత్రాలు కలల మైదానం నిషేధించిన అరుణవర్ణ ఆరుద్రలు ! నిశీధి శిథిలాల కింద ఉషోదయ లాంతర్లు!! నవశిశువు తనువు మీద తడియారని నెత్తుర్లు ! అశ్రుకణాలకు విధించిన ఉరిశిక్షల తలార్లు !! --raamu 30-1-14

by Ramakanth Vengala



from kavi sangamam*కవి సంగమం*(Poetry ) http://ift.tt/1klzb2m

Posted by Katta