Bolloju Baba కవిత

అతిశయం అన్ని నిర్ణయాలు ముందే అయిపోయాయి ఏదో కాలక్షేపానికి జీవించాలి అంతే! పుట్టినపుడు మతాన్ని బట్టి గ్రహాలు పైకీ క్రిందకూ మారతాయి కులాన్ని బట్టి తారలు అటూ ఇటూ సర్దుకొంటాయి కుటుంబాన్ని బట్టి రాశిచక్రం రూపుదిద్దుకొంటుంది కలహాలు, ప్రేమలు పోటీలు, పధకాలు అన్నీ మనది కాని ఏదో ప్రణాళికలో భాగాలే ఆఖర్న మరణం కూడా. అయినప్పటికీ ఓ మొగ్గ విరిసినా ఓ తుమ్మెద వాలినా ఓ డొలక రాలినా ఈ చెట్టుకెంత తహ తహ! వెలుగుని బంధించాననుకొనే ఈ పత్రాలదెంత అతిశయం! బొల్లోజు బాబా

by Bolloju Baba



from kavi sangamam*కవి సంగమం*(Poetry ) http://ift.tt/1lsfnui

Posted by Katta

Bolloju Baba కవిత

కొన్ని జ్ఞాపకాలు.... బెల్లంపల్లి బొగ్గు పుప్పొడి హన్మకొండ నూతి గుండె లోతూ చొప్పదండి వాసుల బుష్ కోటు ఆల్ఫా లో దమ్ బిర్యాని హెడ్డాఫీసులో లెమన్ టీ ..... కొన్ని జ్ఞాపకాల్ని వదిలించుకోలేం బుట్టలోని పాములా బద్దకంగా మెదులుతూంటాయ్. టాంక్ బండ్ పై అతిశయంతో అటూ ఇటూ తిరిగిన ఆంధ్రతేజాలు గద్దరన్న పాట, కెసియార్ అన్నమాట కాళోజీ, ఆశారాజు, అఫ్సర్, స్కైబాబ, గోరటి వెంకన్నల జ్ఞాపకాల్ని ఎలా చెరుపుకోవాలి? అయినా ఎందుకు చెరుపుకోవాలి? నీ తప్పేముంది నీకేంకావాలో ముందునించీ స్పష్టంగానే చెపుతున్నావ్! మాకే అర్ధం కాలేదు ఇంత జరిగేదాకా. నీకూ ఏవో జ్ఞాపకాలు ఉండే ఉంటాయిలే చెప్పుకోవటం లేదు కానీ! కొన్ని జ్ఞాపకాల్ని చెరుపుకోవాలనుకొన్న కొద్దీ నత్తగుల్ల మెలికల్లా వెలుగులోకే తెరుచుకొంటాయి పూల చుంబనాలలో చెట్లు అమరత్వం పొందినట్లు ఈ స్వప్నాలలోనే జీవిస్తాను నేను. బొల్లోజు బాబా

by Bolloju Baba



from kavi sangamam*కవి సంగమం*(Poetry ) http://ift.tt/1qJz049

Posted by Katta