Kavi Yakoob కవిత

యాకూబ్ | ఊయల నిద్రపోయింది ............................................. ఈ నిద్ర నాకు శాపం. ఊహల కుంచెలో ఊయల నిలవడం లేదు. గొంతులో శబ్దం పెగలడం లేదు . ఎక్కడ్నుంచో నిండా ముసుగేసుకుని చిన్ని పాదాలతో నడకల మెట్లెక్కుతూ ,పసినవ్వుల్ని కురుస్తూ ఒక కాలపుచుక్కలా రాలిపడ్డాను . నా అడుగుల సవ్వడి విని ఆకాశం నవ్వింది బోసిగా- * నా రాక కోసం చూసి చూసీ చూపుల మీద కత్తుల్ని పెర్చుకున్నావ్ ! తొమ్మిది నెలలకలల్ని కడుపులో దాచుకున్నావ్ ,కానీ ఈ భూమి నన్ను మరో క్షణానికే వెలివేసింది. తొమ్మిదో నెలవంక రాలిపోయింది. దీర్ఘనిద్రలో ఎన్నో స్వప్నాల మెరుపులు * అమ్మా - ఊయల ఊపకు. నాకు నిద్రొస్తుంది. ఈ జన్మకిక ఉంటాను -సెలవు ! # *పాతవాచకం .

by Kavi Yakoob



from kavi sangamam*కవి సంగమం*(Poetry ) http://ift.tt/1v1wuZ9

Posted by Katta