Kanneganti Venkatiah కవిత

ఆ వెన్నెల...(గజల్) ఆ వెన్నెల వెలుగును చూసి ఎంతగా మురిసిపోతిని..!? ఈ వన్నెల తెలుగును చూసి అంతగా మురిసిపోతిని..!! //ఆ వెన్నెల// తెలుగు చంద్రకళలను సాంతం పరభాషా రాహువు పట్టి నమిలి మింగె తీరును చూసి ఎంతగా కుమిలి పోతిని. //ఆ వెన్నెల// సహజ తెలుగు వెన్నెల ముందు కృత్రిమ వెలుగులు నిలబడవని గ్రహించని ద్రోహుల చూసి ఎంతగా రగిలి పోతిని. //ఆ వెన్నెల// తెలుగు జాబిలమ్మకు భయపడి పరభాషాచీకటి తొలిగి రాబోయే జిలుగును చూసి ఎంతగా ఆశపడితిని. //ఆ వెన్నెల// తెలుగు సూర్యపుత్రుల కాంతి తెలుగు చందమామ సజీవం కన్నెగంటి కన్నుల చూసి ఎంతగా హర్షించితిని. //ఆ వెన్నెల// 17.4.14.

by Kanneganti Venkatiah



from kavi sangamam*కవి సంగమం*(Poetry ) http://ift.tt/1hYck97

Posted by Katta