కట్టా శ్రీనివాస్ || గజ్జెల సవ్వడి

వ్యాసమయితే ఓ పట్టున వండొచ్చేమో ఇక సిరి.
కవితైతే కష్టపడి పండించాల్సిందేరా సిరి

వేదికైతే వీరనటన చెయ్యొచ్చేమో మరి
వాస్తవాన ఎవడికైన జీవించటమే తప్పనిసరి

మోహపు జవనాశ్వాలు ఉరుకుతుంటే మరిమరి
మొహంపైన రంగులేవి నిలువవురా ఓ సిరి.

దు:ఖపు తడి చారికకే భయపడి
నవ్వుల నాడా దింపకు మేకులతో పడిపడి.

ఊహలకే సౌదాలను వడ్డిస్తావా కొసరి.
వాస్తవాల వర్షంలో కరిగి పోతాయిరా సిరి.