బాలు||కసరుకాయ||

నా గుండెలోతులో నువ్వు ఉక్కిరిబిక్కిరి అవుతుంటే
నీ భాద చూడలేక ఇలా అక్షరాలను పదాలరూపంలో పెర్చుతున్నాను
నీ పేరు కవిత్వమా!
నాకు అయతే తెలియటంలేదు
కోందరు కవిత్వం అంటున్నారు
ఇంకోందరు వచనం అంటున్నారు
మరికోందరు కసరుకాయ అంటున్నారు

నిన్ను ప్రతిసారి పండుగానే మార్చాలనుకుంటా
కాని వడ గాలి రుపంలోనో
జడి వాన రుపంలోనో
చీడ పురుగు రుపంలోనో
కొంటెపిల్లగాడి చేతి రాయి రూపంలోనో
వచ్చి నిన్ను కసరుకాయగా రాలిస్తే

తప్పు నాదే నిన్ను సంరక్షించుకోకపోవటం
కాని నాకు అనుభవం లేదే
ఇప్పుడిపుడే పంట వేయటం నేర్చుకుంటున్నాను

ఒకటి మాత్రం నిజం
నిన్ను కసరుకాయగా చుస్తే
అన్ని గుండెల కంటే
నా గుండెనే ఎక్కువ వెదకు గురి అవుతుంది
దానికి కారణం నేను కాబటి.

*24-08-2012