నీ పుణుకులకి
నా తాటికల్లుకి
సెనితం గుదిరిన్నాణ్ణాడే...
మన దోస్తాన్
లాగులేస్కుంది..,
సమోసా
ఆల్గడ్డనేస్కున్నట్టు
నీ మిర్చ్ బజ్జి
నా
లాలా జలాన్ని
బొక్కెనేశి
తోడింది.....,
నీ ఇడ్లివెట్టి
మా పానం
గుంజినవ్
దిల్ కుష్గ తిన్నం
దిల్ నీకిచ్చినం...
తమ్ముడైనవ్ మంచిగుంది గని
తేపతేపకు ఎందుకన్నా
నీ బుజం
జూసుకుంటవ్....?
నా కోపం
నీ కర్రీ పాయింట్మీన్నో.,
నీ చాయ బండి మీన్నో
ఆరేసుకోలే.....!
భూముల్నూకి కొలువుల్నాకి...,
పట్నంల
నన్ను నిన్ను
ఇయాల
దుశ్మంగాల్లను
జేశిన
ఆంద్ర దొర గాని మీద
పారేస్కున్నం....!
గప్పట్ల మాకు అంగ్రేజ్
రాదు
ఉర్దు తప్ప...!
నువ్వచ్చినవ్....!
మమ్మల్ని
స్పార్టకస్లంజేశినవ్...!
గిప్పుడు మాకు
ఓ రాలె జెట్టుకింద
తెలివి తెల్లారింది
సిద్దార్తున్లెక్క
ఇగ వో నీతానికి....
మా కొలువ్లు మాకిచ్చి..
అంటే..
ఎందుకన్న గుస్సా.?
కమ్మటి రుచుల
నీ శాకం నాలికకి
ఆందాన్నిచ్చి నట్టు...
నీ ఆదిపత్యపు
నిశ్క్రమణ
మన తోడబుట్టిన తన్నాన్ని
దూరం జెయ్యది
దగ్గర దప్ప...
ఇగ బైలెలెల్లు...
అనేది చెట్టుకింది అన్నా.....!
నిన్ను గాదు
మా తల్లిని చెర బట్టిన ఆంద్రదొర గాన్నే...
06.09.12
కామెంట్‌లు లేవు:
కామెంట్‌ను పోస్ట్ చేయండి