శ్రీ ||అందరం రోగులమే ||

అందరం రోగులమే
కొందరు మనోవైకల్యంతో మరి కొందరు అంగవైకల్యంతో,
వచ్చిన దాంతో సంతౄప్తి పడక కొందరు,ఏది రాక మరి కొందరు,
తినడానికి తిండి లేక మరి కొందరు, తిన్న తిండి అరక్క మరి కొందరు,
దోచుకుంటూ కొందరు , కడుపు కట్టుకుని మరీ దాచుకునేది కొందరు,
గొప్పల కోసం అప్పులు చేసి తిప్పలు కొని తెచ్చుకునేది కొందరు,
దేశాన్నే కొనేసేంతున్నా చిల్లిగవ్వ కూడ లేదు అనేది మరి కొందరు,
ప్రేమను యేసిడ్లు కత్తులతో చంపేసేది కొందరు, ప్రేమే సర్వస్వం అనుకుని ఆత్మాహుతి చేసుకునేది కొందరు,
పుట్టుకతోనే అనాదలై కొందరు, చుట్టూ ఎందరున్నా ఆత్మీయతను పంచివ్వలేక కొందరు,
ద్వేషంతోనే దాహాన్ని తీర్చుకునేది కొందరు, అనురాగంతోనే ఆకలి తీర్చుకునేది కొందరు,
జీవచ్చవంలా బ్రతికేస్తూ కొందరు, వేరొకడి జీవితాన్ని రూపు మాపి తన జీవితాన్ని అందంగా అలంకరించుకునే వారు మరి కొందరు,
సోమరిపోతులు కొందరు , పని పని పని అంటూ పావు వంతు సంతోషం కూడ లేకుండా గొడ్డుల్లా కష్టపడే వాళ్ళు కొందరు,
పగటి కలలను కంటూ రాత్రికి రాత్రే ఏలేద్దం యేదైనా అనుకునేది కొందరు,
బుర్రలో పాదరసం వంటి తెలివుండి కూడ అవకాశాన్ని అందిపుచ్చుకోలేక మరి కొందరు,
అందరూ రోగులమే కొందరు మనోవైకల్యంతో మరి కొందరు అంగ వైకల్యంతో....


*24-08-2012