ఎంతెంత దూరం
దారంతా నీ పాదాలు
గుచ్చుకున్న
గాయాల గుర్తులు.
బహుశా
ఈ తోటంతా
పరిమళం కోసం
వెతుకుంటావు.
వేలి చివర-
ఆశల తూనీగల్ని
పట్టుకోవాలనే
ప్రయత్నించి వుంటావు.
ఇదికాదు..ఇదికాదు అనుకుంటూ..
నీది కాని కన్నీటి జడిని-
అటో, ఇటో
చల్లుకుంటూ వెళ్ళి వుంటావు.
దారంతా
నీ గుబుల్ని దాచుకున్న
గులాబి జ్ఞాపకాలు.
( ఒక మిత్రురాలి టైంలైన్ లోని పిక్చర్ చూసిన ప్రతిస్పందనతో )
*4.7.2012
కామెంట్లు లేవు:
కామెంట్ను పోస్ట్ చేయండి