పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

7, జులై 2012, శనివారం

పులిపాటి గురుస్వామి - కవిత

మాయ''మ్''

ఈ రోజు
నను రాకుండా
గది గోడలు
ముడుచుకు పోతే బాగుండు

బలవంతంగానైనా సరే
దభాల్న తలుపులు
నను బయటకు నేట్టేస్తే సరి

తప్పని సరిగా చేవుల్లోకిపారే
ప్రపంచ శబ్దాలకి
భస్మమైన అవయవాలకి
తడిపి,నమ్మకం నాటుకోవాలి

అయస్కాంతపు కాసుల్ని
నిర్వీర్యం చేసి
నిమజ్జనం చేసుకోవాలి

ఆకలి మీద
కంటి చినుకు చల్లి
నిద్ర పుచ్చాలి

ఈ రోజు
ప్రపంచం కనిపించకుండా
పిచ్చుక గూట్లో దాచుకుంటే బాగుండు

.....
*6.7.2012

కామెంట్‌లు లేవు:

కామెంట్‌ను పోస్ట్ చేయండి