Aduri Inna Reddy కవిత

Aduri Inna Reddu || ఓడించావా ఓడిపోయానా కాస్త చెప్పవూ ..? || ------------------------------------------------------------------- కొన్ని పలకరింపులంతే వద్దన్నా పూల వాసనలు వెంటపడతాయ్. నిజమని బ్రమపడితే ఓటమిని జేబులో వెసుకున్నట్టే కొన్ని పలకరింపులు ఒకప్పుడు చిరుజల్లులై మనసు లోతుల్లో మదిని తాకి మరుపన్నది లేని మరో లోకానికి తీసుకేల్లి ఇప్పుడు ఎవ్వరని అడిగితే సమాదానం చెప్పుకోలేక నాలో నేను అగ్నిపర్వతంలా పేలుతూనె ఉన్నా లావాల నాలో భావాల్ని పోల్చుకోమని సవాళ్ళు విసురుతూ, పిట్టలు అవే పాటలు తిరిగి తిరిగి పాడుతూంటాయ్. ఆకాశంలోనుంచి ఊడిపడ్డ చినుకుల్లా అక్కడక్కడా పరిచయమయ్యే మంచు బిందువులు, లేత ఎండలో కరిగిపోతాయనుకుంటాం. కరిగిన బిందువులన్నీ మట్టిలో నిద్దురోతూనే కొన్ని రహస్యాల్ని పలవరిస్తాయ్. ఓడిపోయిన గతంలా మిగిపోయాను జాడలేని నీడనై తిరుగుతున్నాను .. గుండెలో ఏ మూలో ఓ చిన్న గుడిసేసుకుని కూచుంటావని తెలుసు నాకు. సెలయేటి పాటలైతే బావుంటాయి కానీ , సముద్రపు హోరెందుకు నీకు? అందుకే , ఆ సముద్రానికీ, ఆకాశానికీ ఓ పందెం పెట్టి వదిలేశాను. నీను నన్ను ప్రేమనే బ్రమలో పెట్టావు నేను వాడిపోయి ఓడిపోయిన సంద్రాన్ని ఇక నీ దాకా రాదు హోరు. ఎందుకంటే నీళ్ళూ లేని సముద్రాన్ని ఇప్పుడు నేను నేను నీవు నానుంచి దూరం అయినప్పుడే చచిపోయాను .. నీవులేక అనాద శవంలా పడున్నాను గుర్తుపట్టలేని అనాద శవంలా రోజు రోజుకీ కుళ్ళీపోతున్నా .. ఇప్పుడైతే గుర్తుపదతావు ఒక్కసారి వచ్చి చూసి పలుకరించి పోవా .. ఆతర్వత నీవచ్చినా నన్ను గుర్తుపట్టలేవేమో .. ఎందుకంటే అప్పటికి నేను బాగా కుళ్ళీపోయి ఉంటానేమో అందుకే ఒక్కసారి వచ్చి చూసిపోవాపోవా ప్రాణ సఖీ

by Aduri Inna Reddy



from kavi sangamam*కవి సంగమం*(Poetry ) http://ift.tt/1dQokc4

Posted by Katta

Girija Nookala కవిత

మాణిక్య వీణ మాణిక్య వీణను పోలిన నా ఆంధ్ర రాష్ట్రము చదువులమ్మ ఒడిలోన నాద ఉపాసనము పొరుగు పోరులేని పొందైన జీవితము పాలు పొంగి పరిశ్రమల ఫలములను ఇచ్చు ఆరంభ సూరత్వ తత్వమును విడనాడి సుధీర్ఘ ఉత్శాహము అలవాటు కావాలి పోయింది పొల్లని ఉన్నది వ్రుధ్ధి చేసి దేశానికే తల మానికము నీవు కావాలి

by Girija Nookala



from kavi sangamam*కవి సంగమం*(Poetry ) http://ift.tt/1eHm6Qh

Posted by Katta

Narayana Sharma Mallavajjala కవిత

ఈనాటికవిత-73 ___________________________ రమాకంత్ వెంగల-పోలవరం-చలిజ్వరం కవులు క్రాంతదర్శులని ప్రాచీనుల మాట.సమాజాన్ని వైప్లవిక దృష్టితో చూచి స్పందించవలసిన బాధ్యత కూడా కవిపై ఉంది.ఎ కవి అయినా వర్తమానన్ని వదిలి స్పందిస్తే అతనో కాలనికి గడ్దకట్టుకు పోయినట్టుగానే భావిస్తరు.అందువల్ల కవికి వర్తమానస్పృహ కూదా చాలా అవసరం.రమాకాంత్ ఒక ప్రధాన చారిత్రకసందర్భంలో నిలబడి స్పందించిన కవిత ఇది.అరవైయ్యేళ్ల కల,ఉద్యమం సాకారమై తెలగాణా ఆనందోత్సాహాలతో ఉన్నప్పుడు-మరో కన్ను రక్త సిక్త మౌతుంది.ఈ సందర్భంలో బాధ్యతగా స్పందిస్తున్నారు రమాకాంత్. నియంత్రిస్తున్న నేత్రాల్ని పరాజితుల్ని చేస్తున్న.. దుస్స్వప్న౦.. పోలవరం! అది నిర్మితమవుతున్న క్రమంలో.. వైద్యమందని గూడాలను.. వణికిస్తున్న చలిజ్వరం!! విభజన నేపథ్యంలో గిరిజనుల ఉరికంబం! ఆస్తుల పంపకంలో ఏలికల వర్తకం! తూనికరాళ్ళలో ఏదో మోసం!! ఫలితంగా.. గోదారి పదఘట్టనల కింద నేలమట్టమవుతున్న పూరిగుడిసెలు! తెలంగాణా తుదిఘట్టంలో.. తాకట్టుపెట్టబడ్డ ఆదిమనుషులు!! ఈ పీడకల నిజమైతే.. ఇక..విముక్తి నిర్వచనం.. 1947- అర్థరాత్రిస్వాతంత్ర్యం! 2014- అర్థరహితస్వాతంత్ర్యం!! సందర్భాన్ని బరువుగా అందించగలిగిన వాక్యాలున్నాయి ఈ కవితలో."ఆస్తుల పంపకంలో ఏలికల వర్తకం! తూనికరాళ్ళలో ఏదో మోసం!!""1947- అర్థరాత్రిస్వాతంత్ర్యం! 2014- అర్థరహితస్వాతంత్ర్యం!!"చరిత్ర మిగిల్చిన ఒక సందేహాన్ని గురించి నిలదీయటం కనిపిస్తుంది ఈ కవితలో.వస్తువుని చాలా బలంగా అందించటం కనిపిస్తుంది.కాని కవితకు కేవలం వస్తుబలం చాలదేమో తాననుభవించిన సాంద్రతని అంతే దారుఢ్యంగా వ్యక్తం చేయగలగాలి.రమాకాంత్ ఆదశకి చాలా దగ్గరలో ఉన్నారు.చాలామందిలో శబ్దంపట్ల భ్రమ ఒకటి ఉంటుంది."వరం-జ్వరం"లంటి జంట అలాంటిదే.ఈ కవిత ,కవి ఆపరిధి దాటారు.కొన్ని సార్లు సార్థకం కాని ప్రాసల జంట కవిత బలాన్ని తగ్గిస్తుంది కూదా. మంచికవితను అందించినందుకుమాత్రమే కాదు,సరైన సమయంలో స్పందించినందుకు కూడా రమాకాంత్ గారికి అభినందనలు.ఈకవి నుంచి సాంద్రమైన మరిన్ని కవితలని అపేక్షించడం అత్యాశకదు.

by Narayana Sharma Mallavajjala



from kavi sangamam*కవి సంగమం*(Poetry ) http://ift.tt/1clmDZk

Posted by Katta

Usha Rani K కవిత

మరువం ఉష: మహాభారతం - మరో దృక్కోణం -------------------------------------------- [గమనిక: ఈ కవితకి ఆధారం పలు మహాభారత గాథలు. కొంత నా వూహ జోడించినా మూల కథల్లో మార్పు చేయలేదు. రవ్వంత సందేహంతో, కొండంత ధీమాతో (అంటే తగినంత జ్ఞానం వొంటబట్టాకనే రాసానని) వెలికి తెచ్చిన వచనం ఇది! "సాహితీసేవ" లో ప్రచురించి ఇక్కడా కలుపుతున్నాను. And, I don't normally cross-post at all. This is the first time am adding in a desire to get more views (please I am not looking for appreciative feedback rather few complementary points from the great epic, and I always cherish on the rich Indian mythology)] -మొదటి తరం- అతిలోక సౌందర్యవతిని అపరిమిత జ్ఞానసంపన్నురాలను గంధర్వకాంతను గుణగణాల అధికురాలను "అద్రిక"ను సృష్టికర్తకు నను మించిన సృజన ఇక మిగలలేదా? ఆతని మానసాన మరొక యోచనకు సృష్టి లోకరీతిని మార్చు వినూత్న ప్రయోగారంభం సమస్త ప్రాణి జన్యు వ్యవస్థకి సవాలేమో? తొలిజీవ పరిణామమగు "మత్స్య" రూపిణినై సప్తసముద్ర వాసినయ్యాను మానవోత్తమ శౌర్యపరాక్రమ వసురాజ పరోక్షాన పురుష రేతస్సు సంగ్రహించాను జలచర గర్భాన మానవ కవలల నవ్య సృష్టి చేసాను -రెండో తరం- దాశరాజ పుత్రికనై కాళి నామమున ఎదిగాను జన్మ కారణాన "మత్స్యగంధి"గా మరులు గొలిపాను యోగి నందు కాంక్ష రగిలించి యోజనగంధినయ్యాను దైవమానవ సంగమ నూతన వంశవృద్దికి అంకురమయ్యాను -మూడో తరం- కానీనుడను కృష్ణద్వైపాయనునిగా ఉద్భవించాను వేదాలను, పురాణాలను విభజించి "వేదవ్యాసుడ"నయ్యాను భారతాన లేనిది జగతి నందులేదన్న నానుడిగా రచనచేసాను ప్రతి పాత్రయందు తరతరాలు చెప్పుకొను కథ మలిచాను మూడు తరాల ఆ చరితనందు ఎన్ని సాంఘిక న్యాయాలు? ముందు తరాలు అందుకోను మరిన్ని శాస్త్రీయ సూచనలు, మహాభారతాన తరగని నిధులు ఈ విలువైన నిక్షిప్త గాథలు! ******************************************* జీవ పరిణామం : హుమన్ ఎవొలుతిఒన్ జన్యు : గెనెస్ రేతస్సు : స్పెర్మ్ కానీనుడు : పెండ్లికి ముందు కన్యకు పుట్టిన వాడు 02/03/2014

by Usha Rani K



from kavi sangamam*కవి సంగమం*(Poetry ) http://ift.tt/OQ5HzG

Posted by Katta

Shivaramakrishna Penna కవిత

నాకు నచ్చిన ఒక కవిత ఇది. దీనిని రాసిన కవి (కవయిత్రి) ఎవరో చెప్ప గలరా? ఓ ప్రేమ కవిత ! అతని చూపులవానలో నిలువెల్లా తడిసి మాయమవుతాను. ప్రేమ ముంగాళ్లను చుట్టుకుంటుంది. గుండె తడబడుతున్న అడుగులతో పరిగెత్తుతుంది. ఉద్విగ్న క్షణాల మోహం ముంచెత్తుతుంది. చిన్ని పెదాలపై జరజరాపాకుతూ నవ్వు పలకరిస్తుంది. ఆకాశం అమాంతంగా ఒడిలో మాయమైనట్లు భూమి తడిసిన మట్టి దుప్పటిని కప్పుకున్నట్లు పారిజాతాలు ఒళ్లంతా నిమిరినట్లు ఇంద్రధనుస్సు తనువంతా రంగులలదినట్లు తియ్యటి పరిమళానుభవం శరీరమంతా తన్మయీభావం ! గొంతు విప్పబోయిన నాపై మత్తు మత్తు పూలకుదురు. ఇరువురి పెదవుల స్పర్శతో ఊపిరి ఒక తృటి ఆగిపోతుంది. తేరుకున్న నేను అతడి అనురాగపు చూపుల్లో బందీ అవుతాను. అతడి చెవి వెనుక నా తడిముద్దు స్పర్శ ప్రేమకు భాష్యం చెబుతుంది. అదేమి చిత్రమో రగులుతున్న కొలుముల్లో ఎగిసిపడే చల్లని ప్రేమ ఇద్దరమూ విడివిడిగా మిగలక ఒకటిగా మలుచుకోవాలన్న తపన. ఆనందపు అంచుల్లో కొట్టుకోవాలన్న ఆర్తి. మేం, శరీరాల మూగ స్వరపేటికను తెరుస్తూ తెరుస్తూ మూస్తూ వినపడని శబ్ద రహస్యాల్ని ఛేదిస్తూ ... పొడుగు రాత్రిని తెల్లవారనీయలేదు దేహరాగాల కచ్చేరీకి తుదీ మొదలూ లేదు ఉద్విగ్న కాంతిలో మొలిచిన క్షణాలమై రేపటి గానం కోసం మళ్ళీ పుడతాం! *************

by Shivaramakrishna Penna



from kavi sangamam*కవి సంగమం*(Poetry ) http://ift.tt/1dbd9hk

Posted by Katta

Narayana Sharma Mallavajjala కవిత

జూదం ___________________ నీగొంతు పాటలుపండేపొలంలా గోదారి నీళ్లతో నిండాల్సిందే మీ పొలాలు పన్నీటి కడుపుతో పచ్చదనాన్నిమోసే గర్భిణులై మెదలాల్సిందే ఇవాళ్ల అది నాచితినుంచి కావడమే ద్రోహం రూపాయివెలుగులతో పనిలేక పచ్చనికళ్లతికించుకుని చెట్లకుపుట్టిన పచ్చనికాయల్లా ప్రవాహగీతాలమయ్యే తేనేటీగల్లా చెట్టునానుకుని పుట్టిన అడవిపద్యాలం ఇవాళ్ల నీ మహానిర్మాణం కింద నాబతుకు మునిగి పొవడమే విషాదం పందెం ఎవడైనా కాయొచ్చు పైయెత్తు ఎవడైనావెయొచ్చు సొమ్మెవరిదనేదే మీమాంస నన్నుదిద్దడానికొక్క అక్షరం గుడికానోడివి వెచ్చని పచ్చదనం మీద నీ రాబందు రెక్కనెందుకు కప్పుతావు నువ్వు నిలువెల్లా రూపాయివైతే కావొచ్చు రాజ సిOహాసనానివై తరలొచ్చు రామున్ని ప్రేమించి భక్తుడివైతే కావొచ్చు నా ప్రాణాదుల్నెందుకు వారధికింద ముంచేస్తావు ఓ కాలం బొటనవేలునికోసింది నీ కాలం గొంతునికోస్తుంది

by Narayana Sharma Mallavajjala



from kavi sangamam*కవి సంగమం*(Poetry ) http://ift.tt/1dbd90N

Posted by Katta

Pranayraj Vangari కవిత

తెలుగు రచయిత్రులకు ఆహ్వానం.... మార్చి 8, అంతర్జాతీయ మహిళా దినోత్సవం సందర్బంగా ఈ నెలంతా తెలుగు వికీపీడియాలొ అనేక కార్యక్రమాలు చేపట్టడానికి మీ సహకారం అభ్యర్థిస్తున్నాము. ఆసక్తి గలవారు ఈ సంబరాలలో పాల్గొనవచ్చు. తెవికీ మహిళా దినోత్సవ సంబరాలు, హైదరాబాదు తేదీ: 8 March 2014 సమయం: ఉదయం 11 గం.లకు ప్రదేశం: థియేటర్ ఔట్రీచ్ యూనిట్ (టి.ఓ.యు), గోల్డెన్ త్రెషోల్డ్, అబిడ్స్, హైదరాబాద్. చర్చాంశాలు: 1. వివిధ రంగాల మహిళా ప్రముఖులతో చర్చా-గోష్ఠి 2. లీలావతి కూతుళ్ళు ప్రాజెక్టు విశ్లేషణ 3. తెలుగు వికీపీడియాలో మహిళల వ్యాసాల అభివృద్ధి ప్రణాళిక 4. వికీ-డాటా లో మహిళా వ్యాసాల లంకెలు వివరాలకు మరియు మీరు పాల్గొనటానికి ఈ పేజిని సందర్శించండి

by Pranayraj Vangari



from kavi sangamam*కవి సంగమం*(Poetry ) http://ift.tt/1kHRw9P

Posted by Katta

Shivaramakrishna Penna కవిత

అన్ని వేదములోనె ఉన్నవి..... దేహయంత్రములోని తంత్రము, దేహికైనా తెలియునా ! సారథిని రథమే నడుపు వైనం, దారికైనా తెలియునా ! వేదములు, మహిమలు, మతము ఉనికికి మూలమన్నది అసత్యం, మృత్యు భయమే మూలమని, ఆస్తిక వాదికైనా తెలియునా ! అన్ని వేదములోనె ఉన్నవి, కాని గతి అప్రాచ్యమే ! కులభేదమే మన సృష్టి, చతుర్వేదికైనా తెలియునా ! దేవునికి, మనిషికి నడుమ వారథిలోనె కలదు కుతంత్రము ! స్వరము తప్పని మంత్ర భావం, పూజారికైనా తెలియునా ! ఒక్క భాషే ఎరుగు దేవుడు, సర్వ సృష్టికి మూలమా ! భూసురుల వంచన, పచ్చి హిందూ వాదికైనా తెలియునా ! వేయి పడగల నాగరాజులు, విషము చిమ్ముటె ధర్మము ! ఆ శేష శయనుని కరుణ ఇది, బహుజనులకైనా తెలియునా ! అమానుషమ్మగు దోపిడీకే, కులపు నిచ్చెన నీతులు ! ఇన్ని వ్యూహపు చతురతలు, ఏజాతికైనా తెలియునా ! 'దైవ' భాషను వదలి, విప్రులె మ్లేచ్ఛ భాషలు నేర్చినారు, 'స్వధర్మ' మంటే ఏమిటో, గాయత్రికైనా తెలియునా ! ******************** "శిశిర వల్లకి" (2012) గజళ్ళ సంపుటి నుంచి...

by Shivaramakrishna Penna



from kavi sangamam*కవి సంగమం*(Poetry ) http://ift.tt/1kHHK7y

Posted by Katta

Thilak Bommaraju కవిత

తిలక్/Unsaturated Soul ---------------------------- ఈ రోజు నా ఆత్మ నగ్నంగా కాలుతోంది నీ ఆలోచనల కొలిమిలో ఇన్నాళ్ళు లోనెక్కడో చెదలుపట్టి తెరమరుగైన ఓ కణంలా దేహాన్ని కనిపించని మైనపు ముద్దలా తానారిపోయి వెలిగిస్తోంది వేర్లు కనిపించని చెట్టు దివిటీ అదృశ్యపు అగ్గి ఎన్నిసార్లు పడుకుందో ఈ దేహం నిన్ను వీడి నడిపించేదే నువ్వని తెలియక ఆత్మ నగ్నత్వాన్ని చూడలేని శరీరమూ క్షణికావేశపు అంధనిగూడంలో కొన్ని క్షణాలు దేహాన్ని పొరలుపొరలుగా చీలుస్తూ కొన్ని నిశ్శబ్దాలు వాటివెనక పురాతన జ్వలితాలు ఎన్నిమార్లు కాలినా సరితూగని ఆత్మ సందేశంలా నేను. తిలక్ బొమ్మరాజు 01.03.14

by Thilak Bommaraju



from kavi sangamam*కవి సంగమం*(Poetry ) http://ift.tt/1ePZtVd

Posted by Katta

Thilak Bommaraju కవిత

తిలక్/Unasturated Soul ---------------------------- ఈ రోజు నా ఆత్మ నగ్నంగా కాలుతోంది నీ ఆలోచనల కొలిమిలో ఇన్నాళ్ళు లోనెక్కడో చెదలుపట్టి తెరమరుగైన ఓ కణంలా దేహాన్ని కనిపించని మైనపు ముద్దలా తానారిపోయి వెలిగిస్తోంది వేర్లు కనిపించని చెట్టు దివిటీ అదృశ్యపు అగ్గి ఎన్నిసార్లు పడుకుందో ఈ దేహం నిన్ను వీడి నడిపించేదే నువ్వని తెలియక ఆత్మ నగ్నత్వాన్ని చూడలేని శరీరమూ క్షణికావేశపు అంధనిగూడంలో కొన్ని క్షణాలు దేహాన్ని పొరలుపొరలుగా చీలుస్తూ కొన్ని నిశ్శబ్దాలు వాటివెనక పురాతన జ్వలితాలు ఎన్నిమార్లు కాలినా సరితూగని ఆత్మ సందేశంలా నేను. తిలక్ బొమ్మరాజు 01.03.14

by Thilak Bommaraju



from kavi sangamam*కవి సంగమం*(Poetry ) http://ift.tt/1daVWUZ

Posted by Katta

Gubbala Srinivas కవిత

గుబ్బల శ్రీనివాస్ ।। తాటాకు ఇల్లు ।। ---------------------- కొప్పున తాటాకు పువ్వులను తురుముకుని సిగ పాయలను తాళ్ళతో బంధాలు వెయ్యించుకుని మన రక్షణకై నిలిచే అమ్మలాంటి తాటాకు ఇల్లు. పుట్టినప్పటినుండి తొలి నేస్తమై బ్రతుకుని దిద్దుకునే క్రమంలో కన్నీటి సంతోషాలను పంచుకునే శాశ్వత బంధువులా. ఊరు పుట్టకముందే పుట్టి తనలో ఎన్నో పురుళ్ళు పోసుకుని సుఖ ధుఖ్ఖాలను సమానంగా సహించింది. తుఫాను రేగి కుండపోత వర్షం వొంటిని తడిపి కోసేసినా చెక్కు చెదరక బరించింది అభాగ్యుల గూడుకి దిక్కై నిలిచింది. రోళ్ళు పగిలే వేసవి పంజా విసిరినా గొడుగై ఎండ కాచి తన బిడ్డలకు చలిమర గదిలా. మక్కువతో కాంక్రీటు భవనం నిర్మించబోతే రవ్వంత బాధపడి చేసేదేమీలేక యజమాని అభిలాషకై నిలువునా కూలిపోయింది ఆశల సౌదం కింద పునాది రాయిలా మిగిలిపోయి ! (02-03-2014) (నాకు 20 ఏళ్ళు వచ్చేవరకూ మాది తాటాకు ఇల్లే )

by Gubbala Srinivas



from kavi sangamam*కవి సంగమం*(Poetry ) http://ift.tt/1kHcHIZ

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//స్వప్నహేళ// ఒక దృశ్యం అద్దంలో కనిపించనిది మనసు కలగంటుంది పగలూ రాత్రీ ఒంటరిగా పదే పదే అదే స్వప్నాన్ని మోహించి తనలో తానే నవ్వుకుంటుంది అక్కడ ఆదృశ్యంలో ప్రతీకలేమీ ఉండవు ప్రేతాత్మలంతకన్నా లేవు ఉన్నదల్లా ఒక్కటే స్వాంతన అనతానంత సమూహాల్లోంచి ఏకాంతం లోకి హాయి గొలిపే సమ్మోహనం అదొక సంవేదన అదొక సంతోషం అదోక సుప్తావస్థ నాలో నేనే గూడు కట్టుకొని గుట్టుగా దాచుకొని విశ్రాంత రెక్కలు విదుల్చుకొని నేనొక పకృతి గీతమయ్యాక లోకమొక మధురోహల సంచయిక అంతలో అద్దంలో కనిపించని దృశ్యంలో నేనొక స్వప్నాల ప్రవల్లిక జీవితమొక లిప్త ప్రయాణ ప్రహేళిక....26.02.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1hSbgWr

Posted by Katta

Nirmalarani Thota కవిత

some people born to earn some people born to learn some people born to create some people born to enjoy but rarely FEW people earn their enjoyments by making people to learn with their creativity . . .! you are one amongst them YAKOOB sir..! ఎందరో పిట్ట (పిల్ల) కవులకు పచ్చని చెట్టై పరుచుకున్న కవితా తపస్వికి హృదయపూర్వక జన్మదిన శుభాకాంక్షలు . . ! happy to say.. మా చిన్న అబ్బాయి పుట్టిన రోజు కూడా ఈ రోజే. . !

by Nirmalarani Thota



from kavi sangamam*కవి సంగమం*(Poetry ) http://ift.tt/1jJQwSP

Posted by Katta

Vinjamuri Venkata Apparao కవిత

మన మిత్రులు కవి యాకుబ్ గారికి హృదయపూర్వక జన్మదిన శుభాకాంక్షలు

by Vinjamuri Venkata Apparao



from kavi sangamam*కవి సంగమం*(Poetry ) http://ift.tt/1eOYxk0

Posted by Katta

Boorla Venkateshwarlu కవిత

నాగుంబాము గోధుమ రంగు వన్నె నున్నగ జారిపొయ్యేటి తోలు ఇగ పడిగె ఎత్తుతె దాని అందమే వేరు ఒక్కసారి దాని మొకం సూడుండ్రి తేట గల్ల కండ్లు ముత్తెమంత ముక్కూ మూతీ రెండు ఏళ్ళసందుల్ల గరుకపోసలెక్క నాలికె పరుసుకుంటె చేతిల కట్టె అంత ముడుసుకుంటె సుట్టకుదురంత దాని గదువకింద చందనం గీతలోలె నలుపుతెలుపు చారలు దాని తల మీద మణులు పీకేసిన బర్రలోలె కృష్ణగుర్తులు బుస్సబుస్స లేసుడు మిట్టమిట్ట జూసుడు సర్రసర్ర పోవుడు దాని పుట్టువడి లక్షణం ఆలుమగల అనుబంధ కావ్యం దాని జంట నాట్యం నాగస్వరం ఊదుతె ఒంపులు తిరిగే దాని అమాయకత్వం శివుడు నాగహారమని మెడల ఏసుకున్నడు విష్ణువు శేషుని గొడుగు పట్టిచ్చుకున్నడు దానికి పడిగె తప్ప పగెక్కడిది? అది ఏం దాసి పెట్టుకున్నదని పాత పుట్టలు తవ్విపోత్తండ్రు ఏం మంచి చేసిండ్రని కొత్తపుట్టలల్ల పడిగెలేసి పాలువోత్తండ్రు దాన్ని అనుడు గాదు అంటే గింటే మనుషుల్నే అనాలె అది ఒక్కసారి బుస్సుమంటే బొండిగ విసుకుతిరి అరె అదేమంటది! ఆకలైనప్పుడు సర్రసర్ర పాక్కుంట వొయ్యి ఐతె ఓ కప్పను లేకుంటె ఓ ఎలుకను పట్టుక తింటది నేల అడుగున అడుగు జాగల మలుసుక పంటది అది కాళ్ళురెక్కలు పోడగొట్టుకోని ఎన్నుపూసను నేలనిచ్చెన చేసుకొని బతుకును ఈడ్సుకపోతది కదా! అరె మనుషులూ! ఎంత పాపం జేత్తిరి మీ భయాలకు దాని ఉసురు దీత్తిరి పాలువోసిన చేతులతోని పానాలు దియ్యవడ్తిరి జనమేజయ సర్పయాగాలై ఉదంకుల కుట్రలై రురుల ప్రతీకారాలై ఆస్తికులైతే ఏం లాభం ఆస్తీకులు గావాలె! లేకుంటే మీకంటె ముంగిసలే నయం ఆకలైతె సంపుక తింటయ్ ఆపతైతె కలిసి ఉరుకుతయ్ తేది: 02.03.2014 (ఆస్తీకుడు= జనమేజయ సర్పయాగాన్ని ఆపించిన వాడు, ఆస్తికులు= దేవుణ్ణి నమ్మే వారు)

by Boorla Venkateshwarlu



from kavi sangamam*కవి సంగమం*(Poetry ) http://ift.tt/1fzqjH6

Posted by Katta

చెన్నాప్రగడ వీఎన్నెస్ శర్మ కవిత

యాకూబ్ గారికి జన్మదిన శుభాకాంక్షలు

by చెన్నాప్రగడ వీఎన్నెస్ శర్మ



from kavi sangamam*కవి సంగమం*(Poetry ) http://ift.tt/1kFXLeh

Posted by Katta

Ramakanth Vengala కవిత

పోలవరం-చలిజ్వరం ============== నియంత్రిస్తున్న నేత్రాల్ని పరాజితుల్ని చేస్తున్న.. దుస్స్వప్న౦.. పోలవరం! అది నిర్మితమవుతున్న క్రమంలో.. వైద్యమందని గూడాలను.. వణికిస్తున్న చలిజ్వరం!! విభజన నేపథ్యంలో గిరిజనుల ఉరికంబం! ఆస్తుల పంపకంలో ఏలికల వర్తకం! తూనికరాళ్ళలో ఏదో మోసం!! ఫలితంగా.. గోదారి పదఘట్టనల కింద నేలమట్టమవుతున్న పూరిగుడిసెలు! తెలంగాణా తుదిఘట్టంలో.. తాకట్టుపెట్టబడ్డ ఆదిమనుషులు!! ఈ పీడకల నిజమైతే.. ఇక..విముక్తి నిర్వచనం.. 1947- అర్థరాత్రిస్వాతంత్ర్యం! 2014- అర్థరహితస్వాతంత్ర్యం!! -రాము

by Ramakanth Vengala



from kavi sangamam*కవి సంగమం*(Poetry ) http://ift.tt/1hR78Gf

Posted by Katta

Humorist N Humanist Varchaswi కవిత

కవి కోకిలలకై ఎదురుచూస్తున్న ఓపచ్చటి చెట్టు......!

by Humorist N Humanist Varchaswi



from kavi sangamam*కవి సంగమం*(Poetry ) http://ift.tt/1mUFdZ9

Posted by Katta

Patwardhan Mv కవిత

నిరంతరం కవిత్వం కోసం తపించే మిత్రులు కవి యాకూబ్ గారికి జన్మదిన శుభాకాంక్షలు.

by Patwardhan Mv



from kavi sangamam*కవి సంగమం*(Poetry ) http://ift.tt/NI7mWM

Posted by Katta

Nvmvarma Kalidindi కవిత

పచ్చని చెట్టుకు పుట్టిన రోజు శుభాకాంక్షలు ...కవి యాకూబ్ గారి పుట్టిన రోజు ఈ రోజు.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/Nic8dD

Posted by Katta

RajendraKumar Devarapalli కవిత

by RajendraKumar Devarapalli



from kavi sangamam*కవి సంగమం*(Poetry ) http://ift.tt/1eObyKM

Posted by Katta

Panasakarla Prakash కవిత

ఈ ఉదయ౦ ఆకాశ౦ దుప్పటిలో౦చి తల బైటపెట్టిన‌ సూరీడు ఇప్పుడే నిద్రలేస్తూ.. మబ్బు కళ్ళు నలుపుకు౦టున్నాడు లోక౦ ఇ౦కా మసగ్గానే ఉ౦ది కిరణాల చేతి స్పర్శ తగలక... పూలరేకులమీద పుప్పొడిలా అ౦టిపెట్టుకున్న మ౦చుబి౦దువులు ఆవిరికావడ౦లేదు చెట్ల మద్దెలు తడిసిన వయ్యారపు నడుమొ౦పులై ఉదయానికి స్వాగత౦ పలుకుతున్నట్టున్నాయ్ సూరీడి కిరణాలను నేలక౦టే ము౦దే అ౦దుకోవాలని చిటారుకొమ్మమీద చిగురులు ప్రయత్న౦ చేస్తున్నాయ్ గోదారిసకలో కట్టిన పిచ్చుకగూళ్ళు ఇ౦కా చెమ్మారలేదు డాబా మీద ఆరబెట్టిన ఒడ్లు మ౦చులో తడిసి మెరుస్తూనే ఉన్నాయ్ సీతాకాలాపు హద్దులు దాటి సూరీడు నేలను చేరుకోడానికి ఇ౦కొ౦త సమయ౦ పట్టొచ్చు.. రాత్ర౦తా మ౦చు తు౦పరలో తడిసిన నేల.. ఉదయకిరణాల వెచ్చదన౦లో వొళ్ళారబెట్టుకోవాలని పాప౦ ఉదయ౦ను౦చి ఎదురు చూస్తూనే ఉ౦ది. పనసకర్ల‌ 2/03/2014

by Panasakarla Prakash



from kavi sangamam*కవి సంగమం*(Poetry ) http://ift.tt/1bWyDQz

Posted by Katta

Renuka Ayola కవిత

(తొలి హాస్య కవితా సంకలనం. ౨౦౮ ఫిప్ర వరి లోనిది ) రేణుక అయోల//నాతో మాట్లడని నాకవిత్వం// నా కవిత్వం - అమాయకపుది, పల్లెటూరిది కొత్తదనం , డాబు,దర్పం తెలియనిది అధునికత అంటగడదామని- ముతక పంచ ముల్లు కర్రపడేయేంచి క్రాఫుదువ్వి ప్యాంటు చొక్కా తొడిగాను అయినా పెదవి విరిచారు కొత్తదనం లేదని - కవితే కాదని వాదించారు అప్పుడే- ఆస్పష్ట అనుభూతి కలిగిస్తూ పాత మాటల్నికొత్తగా చెబుదామని నా గుండె గుడికి దారం కట్టి నీ కనుల గేటుకి వేలాడదిశానన్నాను, ప్రేమకోసం నీ పెదవులు కత్తిరించి నా వీపుకి అతికించు కొన్నాను అన్నాను నీ కోసం నా శరీరం ఫ్లాస్కులో పోసినవేడి నీళ్ళలా కుత కుత మంటోంది అన్నాను. ఇలా ఇన్ని మార్పులు జరిగాక నా కవిత్వం ఆధునిక మైయింది పొగడ్తల సముద్రంలో ఈదులాడతూ నాతో మాట్లాడం మానేసింది

by Renuka Ayola



from kavi sangamam*కవి సంగమం*(Poetry ) http://ift.tt/1bWyDQl

Posted by Katta

Patwardhan Mv కవిత

అంతర్జాల కవిత్వం రెండవ శ్రేణికి చెందిందా??? నేను పెద్ద సిధ్ధ్దాంత చర్చలను చేసేంత స్థాయిలో లేను కానీ మిత్రులారా తోచింది మీతో పంచుకుంటున్నాను.ఈ అంతర్జాల కవులూ అంటూ-- మనను ఒక ప్రత్యేక తెగగా గుర్తించడం /////వివక్షించడం మీకు నచ్చుతుందా?నాకైతే లేదు. 01)మామూలు కవులకూ-మనకూ ఏమైనా తేడా ఉందా?? పదే,పదే కొందరు ఈ అంతర్జాల కవులు అంటూ ప్రస్తావించినప్పుడు ఇదే అనిపిస్తున్నది. 02) కేవల ముఖ పుస్తకాన్ని వాడుకోవడం తప్ప మామూలు కవిత్వానికీ--మన కవిత్వానికీ ఏమైనా ఏమైనా తేడా ఉందా? 3) నాలుగు ఆంగ్ల పదాలూ,నాలుగు బూతు మాటలు రాయడం -- ఏం కేవలం అంతర్జాల కవిత్వానికీ మాత్రమే సొంతమా??? నిజానికీ మన కవిత్వానికీ ఇవి ఎంత వరకూ పోషకాలుగా ఉంటున్నాయి? నాకు పిండీకృతార్థంగా అర్థమైంది ఏమంటే "స్వీయ నియంత్రణ లేదు అంతర్జాల కవిత్వానికి"" అన్న కారణంగా కొందరు దీన్ని తక్కువ చూపే ప్రయత్నం చేస్తున్నారు.ఈనాటి కవి పొందుతున్న స్వేచ్ఛ వారిని నివ్వెర పరుస్తున్నది. మనమూ మరింత బాధ్యతాయుతంగా రాయాల్సి ఉంది. మరి మీరు ఏమంటారు? నేను చెప్పింది సక్రంగా ఉందా?లేదా?దయచేసి చెప్పండి. కోపం వస్తే మరీ సంతోషం. 02-03-2014,మంచిర్యాల్.

by Patwardhan Mv



from kavi sangamam*కవి సంగమం*(Poetry ) http://ift.tt/1bWyDzO

Posted by Katta

Ramakrishna Kalvakunta కవిత

కవిత్వమూ -నేనూ నేను నేనే,నువ్వు -నువ్వే కవిత్వము నన్ను ఆవహించాక నువ్వే నేనై ప్రవహిస్తూ ఏకాంతంలో సమూహామై గెలుపోటములకతీతంగా .... నవ్వుతూ చేస్తున్న యుద్ధాలు మొగ్గ పువ్వై విచ్చుకోవడం ,మనసై పరిమళించడం ఓర్వ లేని కాలం గాయాల్ని చేస్తున్నా దుఃఖ సముద్రాల్ని క్షణంలో దాటే సాహసీ !జీవితం కవిత్వం తోడుంటే కడలి కెరటాలోక లెక్కనా ! అలజడుల పరీక్షల్ని ఆర్ద్రత తో దాటేద్దాం కాసే చెట్టుకే కదా రాళ్ళ దెబ్బలు వెలుగుతోటే కదా చీకటి వెన్నంటి ఉండేది చితిని చేరే లోపు ఎన్ని మైలు రాళ్ళు దాటాలో గుండెని ఊండగా చుట్టి పిండే సుఖ దుఃఖ వలయాల దృశ్యాలు .. గతి తప్పిన చిరుగుల్ని అతికిస్తూ ఊహాకూ వాస్తవానికి మధ్య ఊగిసలాటే కదా జీవితం ఒక అజ్నాతనేస్తం జ్నాపకం భుజం తడుతుంది చందమామ చుట్టూరా మబ్బుల తెరలు పున్నమి వెలుగుల్ని ఆపగలవా ఎన్ని బహిరంగ యుద్ధాల్ని జయించానో -నన్ను నేనింకా గెలవనే లేదు నింగి రాలిన నెల చినుకు నేలను తడపక మానదు మట్టిన మోలాకెత్తిన చిగురు వృక్షమై పెరగక మానదు చినుకుల్ని దోసిట్లో ఎంత కాలమాపగలవు గుండెల్ని కొంచెం మెత్తపడనీ!,కన్నీళ్లతో తడిసి ముద్దవనీ ! మనిషన్నాక ప్రేమించకుండా ఉండగలడా ప్రణాళికలన్నీ ఒక్క చిరు నవ్వుకే కాలపు కత్తి గాట్లు కనుమరుగవడం ఖాయం అనంత ఆత్మీయత ముందు -లోహపు గుండెలైనా కరిగిపోవాలిసిందే ఎంత ప్రయాణించినా తీరం చేరాల్సిందే ! మనిషైనవాడు ఎన్నటికైనా ప్రేమించాల్సిందే ! _డా .కలువకుంట రామకృష్ణ

by Ramakrishna Kalvakunta



from kavi sangamam*కవి సంగమం*(Poetry ) http://ift.tt/1fzajoE

Posted by Katta

R K Chowdary Jasti కవిత

జాస్తి రామకృష్ణ చౌదరి ఆశ్రమంలో ఆ గొంతు ఉపన్యసిస్తుంటే నా ఊపిరే సంగీతమై నా అణువుల్ని ఛేదిస్తూ నాలోకి ప్రవహిస్తుంటే నేను నాలోంచి నిష్క్రమిస్తూ.... నన్ను నేను త్యజించుకుంటుంటే నా హృదయం తేలికైపోయినట్టు ఆకాశం నన్ను తడుముతున్నట్టు స్వర్గం నన్ను హత్తుకుంటున్నట్టు నా జీవితం వెలిగిపోతున్నట్టు ఒక అర్ధం కాని అనుభూతి! నేను ఆ మైకంలో మునిగి తేలుతున్నప్పుడు నేను నా ప్రపంచం బయట మరో ప్రపంచంలో కళ్ళు తెరుస్తున్నప్పుడు నన్ను ఆకర్షించిన శక్తి నన్ను ఆక్రమిస్తున్నప్పుడు ఒక తెలియని పరవశం! ఆ ఆధ్యాత్మిక ధ్రవ్యాల మైకానికి నేనిప్పుడొక బానిసని కన్నీళ్ళు ఆవిరైపోతూ ఉంటే మొహం మీద కృత్రిమంగా పుట్టుకొస్తున్న నవ్వుని. ఆ గంజాయి తోటలో మరణించడానికి మళ్ళీ మళ్ళీ వికసిస్తున్న పువ్వుని. 28FEB2014

by R K Chowdary Jasti



from kavi sangamam*కవి సంగమం*(Poetry ) http://ift.tt/1eO88aT

Posted by Katta

Krishna Mani కవిత

అహంకారధికారమ్ ******************** అంతానికి అహంకారం ఆదిబిందువు తెలిసి మసలరా నేర్పుగా ! దొడ్డి దారిన వచ్చి దొంగాటలాడితిరి తిన్నదేమో అరగక పొట్ట బలిసి ఉరిమితిరి ఉన్నదంతా మాది ఉన్నదేంది మీది ? అని ఒండ్రుకప్పలమోత రొక్క మూటల చెంత అడుగు జరుగు యాల ఇంకేంది అధికారం ! అడ్డగోలు గెంట్లు ఇంకెన్ని పెడతరు గీత దగ్గరుంది పడుతదాగు దిక్కారం పొతదింక గ్రహచారం కునుకు పోయి గుండె జారి కలలు చెదిరి కలత చెంది కన్నబిడ్డల బతుకు కోసం గతమునొచ్చి పిడికిలెత్తి బండగొడితే ఎట్ల పగలదు నిండు రెండుగా ? కృష్ణ మణి I 02-03-2014

by Krishna Mani



from kavi sangamam*కవి సంగమం*(Poetry ) http://ift.tt/NHZk02

Posted by Katta

R K Chowdary Jasti కవిత

శ్రీనివాస్ వాసుదేవ్ ఆకుపాటపై నిన్న సాయంత్రం ఒక అందమైన ఆహ్లాదకరమైన వాతావరణంలో హైదరాబాద్ లోని Golden Threshold లో శ్రీనివాస్ వాసుదేవ్ గారి “ఆకుపాట” కవితా సంపుటి ఆవిష్కరణ జరిగింది. ఆ కార్యక్రమంలో నేను కూడా పాల్గొన్నందుకు నాకు సంతోషం గా ఉంది. Kavi Yakoob గారు ఒక ఆకాశహస్తమై కవులను ఒక చోట సమావేశపరచి కవిత్వాన్ని ముందుకు తీసుకుపోవడంలో పోషిస్తున్న ఆతని పాత్ర ఎంతో ముదావహం. ఈ ఆవిష్కరణలో పాల్గొన్న అరుణ్ సాగర్ గారు, కవి యకూబ్ గారు, హెచ్చర్కే గారు, నారాయణశర్మ గారు ఆకుపాటపై తమ తమ స్పందనల్ని అత్యద్బుతంగా వివరించారు. చివరగా కవి శ్రీనివాస్ వాసుదేవ్ మాట్లాడుతూ ఆకుపాట నేపద్యాన్ని క్లుప్తంగా చక్కగా తెలియచేశారు. నేనింకా పుస్తకాన్ని చదవలేదు. నిన్న సభకి అధ్యక్షత వహించిన వారు పుస్తకంలోని కొన్ని కవితల గురించి తమ స్పందనలని తెలియచేస్తుంటే అది తప్పకుండా అద్బుతమైన కవితల సంకలనమని చదవకుండానే తెలిసింది. అయితే పుస్తకాన్ని పూర్తిగా చదివిన తర్వాత మరో సారి నా స్పందనల్ని తెలియచేయగలను.. ఆకుపాట ముందు అక్కడ వర్షం కురిసి ఆకుపాటని, శ్రీనివాస్ వాసుదేవ్ ని, మా అందరి కవుల్ని, ఇతర మిత్రుల్ని స్వాగతిస్తూ ఆవిష్కరణ ముగిసే వరకూ తను ఎవరినీ ఇబ్బంది పెట్టకుండా ఆకుపాటని వింటూ మౌనంగా ఉండిపోయింది. విచిత్రం కదూ. ఈ సందర్భంగా శ్రీనివాస్ వాసుదేవ్ గారిని అబినందిస్తూ ఆకుపాట మంచి ఆదరణకి నోచుకోవాలని మనస్పూర్తిగా ఆశిస్తున్నాను. ఇటువంటి కావ్యావిష్కరణలు మరెన్నో జరగాలని కవిత్వం కోసం ఎంతో విలువైన సమయాన్ని వెచ్చిస్తూ కవిత్వాన్ని ఒక దైనందికవిషయంగా స్థిరపరచాలని ఒక మంచి సంకల్పంతో ఎంతో కృషి చేస్తున్న కవి యకూబ్ గారిని ప్రత్యేకంగా అభినందిస్తూ...... - జాస్తి రామకృష్ణ చౌదరి

by R K Chowdary Jasti



from kavi sangamam*కవి సంగమం*(Poetry ) http://ift.tt/1pMZxhF

Posted by Katta

Sriramoju Haragopal కవిత

పాట మునుం నువ్వెందుకు వానలెక్క వొచ్చిపోతవు ఈ చలికాలం కొసల ఎండిన ఆశల పండుటాకులు కన్నీటి గాలిచెమ్మకు తడై బరువెక్కిన గుండెలు వెక్కి వెక్కి రాలిపోతున్నయి ముందుగ ఎరుకజేస్తె నీదేం బోయేదుండె పొక్కిలైన ఇల్లు,వాకిలి నవ్వులతొ అలికివుందునుగద మామిడిపూలవాసనల్నిదాచివుంచుదు, గోగుపూల దండలు దోర్నాలు కడుదు నిమిషమన్న నిలిచివుంటె బాగుండు నువ్వు రెప్పలద్దుకుని ముఖమన్న చూసుందును పాలగోకులెక్క యాదిలెన్నొస్తయి కొండవాగు తీర్గ మనసెంత పొర్లిపారుతది అరుగుమీద ఉలికిపాటు నిద్రలో కలవరింతలు నీ కడియాలు కైగట్టి పిలుస్తె ఎట్ల మల్ల కనపడవు, రమ్మనవు 01.03.14

by Sriramoju Haragopal



from kavi sangamam*కవి సంగమం*(Poetry ) http://ift.tt/1pMZuSZ

Posted by Katta

Sravanthi Itharaju కవిత

సౌగంధిక జాజరలు" స్రవంతి ఐతరాజు" " మల్లికా ఓ మల్లికా" మల్లికా..ఓ మల్లికా.. మూగబోయావా..మౌనమించావా.. చెదరిన వీణియలా..శృతితప్పిన రాగంలా.. మనసులేని మమతలా..మమతలేని మనువులా.. నా జడలో చేరి వూసుల రాశులు నింపడం లేదుగా.. మదిలో నా గదిలో సువాసనల పరిమళాలొకించడంలేదుగా.. ఏం ఎందుకని?నా రాజు..ఆ రేరాజు..కనిపించడంలేదనా??? లేక మా అలవాటు సరాగాలు అనురాగాలై పలకడంలేదనా??? ఔన్లే నా మనసు చెలికాడిని చూసి సిగ్గిలి నా నవ్వుల్లో దాక్కునేదానివి కంటిచూపుల్లోంచి తనపై వ్రాలేదానివి నా కురుల సింగారానివై రాణిలా గునిసేదానివి.. తన హృదిలో నా మదిలో గిలిగింతలు పెట్టేదానివి తనచేతులనుండీ త్వరపడి నా తలపై తలంబ్రాలయ్యేదానివి ఓస్! నీ మౌనం శాశ్వతమనుకోకు మా.. త్వరలోనే నా రాజు ... నీ మౌనంలో మోహనాలు పలికిస్తాడు సుమా!!!

by Sravanthi Itharaju



from kavi sangamam*కవి సంగమం*(Poetry ) http://ift.tt/1eNRwju

Posted by Katta

Thilak Bommaraju కవిత

My poem at vaakili... http://ift.tt/1ofCecx తిలక్ /ఇంకొన్ని జ్ఞాపకాలు ---------------------------- నేను గదిలో ఒక్కడినే కూర్చున్నప్పుడు సముద్రమంత నిశబ్దం అలుముకుంది నా చుట్టూ నేనెక్కడొ అగాధంలో పడిపోతున్నట్టుగా కొన్ని ఆలోచనా సరళ రేఖలు నా ఖగోళంలో గీసుకుని వాటి మీద నడుస్తున్నప్పుడు దూదిమేడలా నేను కూలిపోతున్నపుడు నాకు ఆసరా ఇస్తూ ఇంకొన్ని జ్ఞాపకాలు ప్రహరీలా నిర్మించినపుడు వాటి కింద ఏనాడో శిధిలమైపోయిన కొన్ని పిచ్చుకగూళ్ళు అందులో నేనో మూల నన్ను నేను తడుముకుంటున్నపుడు ఏమితోచక తోకచుక్కలా రాలుతున్న నా కన్నీళ్ళు కొన్ని అక్కడక్కడా నీటిచెమ్మలుగా నిద్రాణమైపోతుంటాయి నువ్వొచ్చేసరికికి నేను కరుగుతూ నిన్ను కూడబెట్టడానికి ప్రయత్నిస్తుంటాను నువ్వు గుర్తొచ్చినప్పుడల్లా... తిలక్ బొమ్మరాజు 19.02.14

by Thilak Bommaraju



from kavi sangamam*కవి సంగమం*(Poetry ) http://ift.tt/1ofCecx

Posted by Katta

చెన్నాప్రగడ వీఎన్నెస్ శర్మ కవిత

విరహమూ సుఖమే_ఇష్టసఖుడు అరుదెంచేవేళ ..@శర్మ \2.3.14\

by చెన్నాప్రగడ వీఎన్నెస్ శర్మ



from kavi sangamam*కవి సంగమం*(Poetry ) http://ift.tt/1pMz2ZG

Posted by Katta

Sky Baaba కవిత

నిద్ర పట్టని ఈ రాత్రిని ఎవరితో పంచుకోను ? ప్రేయసి గాఢ నిద్రలో ఉంది !

by Sky Baaba



from kavi sangamam*కవి సంగమం*(Poetry ) http://ift.tt/1eDpOdS

Posted by Katta

Katta Srinivas కవిత

ఆకుపాట ఆవిష్కరణ దృశ్యాలు http://ift.tt/1eDauOj

by Katta Srinivas



from kavi sangamam*కవి సంగమం*(Poetry ) http://ift.tt/1eDauOj

Posted by Katta

Nauduri Murty కవిత

కవిత్వంతో ఏడడుగులు 24 . నిన్నను ఒక మిత్రుడు తను కవిత్వం రాయలేకపోతున్నందుకు ఉత్తరం రాస్తూ, ఏమి వ్రాయను? ఏది రాద్దామన్నా ఎవరో ఒకరు ఇంతకుముందే వ్రాసేరేమోనన్న అనుమానం వెంటాడుతోంది. అందుకని రాయడం మానేసి చదువుతున్నాను అని రాసేడు. ఏ రచయితకైనా చదవడం చాలా ముఖ్యం... కవికి మరీను. అయితే, శ్రీశ్రీ చెప్పినట్టు "మనం చెప్పింది ఇంతకుముందు ఎవడో చెప్పే ఉంటాడు, ఆ చెప్పింది మనకంటే బాగా చెప్పి ఉంటాడు" అని అనుకుని రాయకపోవడం వల్ల కవి సృజనాత్మకతకి భంగం వస్తుంది. ఆ మాటకి వస్తే, ఏ ప్రపంచ సాహిత్యంలోనైనా కొన్ని వందల ఏళ్ళ సాహిత్య చరిత్రచూస్తే రాసిన వస్తువుమీదే ప్రతి తరంలోనూ కవులు రాస్తున్నారు. అయినా పాతతరాలకంటే మంచికవిత్వం కొత్తతరంలో వస్తూనే ఉంది. కారణం వస్తువు కొత్తదని కాదు, చెప్పే విధానం కొత్తది. అందిస్తున్న పాఠకుడు కొత్తవాడు; ఉపయోగిస్తున్న ప్రతీకలు వాటి సమకాలీనతవల్ల పాఠకుడి అనుభూతిపరిధిలోనివి... అందుకు. అదే పాత ఉపమానాలూ, పదబంధాలూ ఉపయోగిస్తే పాఠకుడు తప్పకుండా కవికి తలుపులు మూసెస్తాడు. ఇక్కడ ఒక చిన్న రహస్యం కూడా ఉంది. ప్రతికళాకారుడికీ ప్రవృత్తితోపాటు ఒక వృత్తి ఉంటుంది. అది అతని ప్రత్యేకత. ఆ వృత్తిపరిధిలోని విషయాలనూ, అనుభూతులనూ అతను "ప్రత్యేకతనుండి సార్వజనీనతకి ("from specific to Universal") తీసుకెళ్ళగల ప్రతిభావంతుడైతే, అతను ఖచ్చితంగా విజయం సాధిస్తాడు. రావిశాస్త్రి కథకుడుగా రాణించడానికి అతని వృత్తిలోని అనుభవాలను అతను సార్వజనీనికం చెయ్యగలగిన సమర్థతే. ఈ చిన్న కవితకూడా ఆ కోవలోకే వస్తుంది. ప్రకృతిలోని Macro cosm , Macro Cosm ఈ రెండింటిలో ఎంత సామ్యం ఉందో ఒక శాస్త్రజ్ఞుడు ఎంత అందంగా చెప్పాడో పరికించండి. మైక్రోస్కోప్ లో ... . ఇక్కడకూడా మతిపోగొట్టే సుందర దృశ్యాలూ, చంద్రోపరితలాలూ, నీరవ ప్రదేశాలూ ఉన్నాయి. ఇక్కడకూడా జీవకణాలూ, సేద్యగాళ్ళూ, తమజీవితాన్ని తృణప్రాయంగా త్యజించగల యోధులైన కణాలూ ఉన్నాయి. ఇక్కడకూడా సమాధులూ, కీర్తిప్రతిష్టలూ, గుర్తింపులేకపోడాలూ ఉన్నాయి. వ్యవస్థలమీద తిరుగుబాటు గూర్చి నేను గొణుగుడు వింటున్నాను . మిరొస్లావ్ హోబ్, చెక్ కవి, వ్యాధినిరోధశాస్త్రజ్ఞుడు (13 September 1923 – 14 July 1998) . In the Microscope . Here too are the dreaming landscapes, lunar, derelict. Here too are the masses, tillers of the soil. And cells, fighters who lay down their lives for a song. Here too are cemeteries, fame and snow. And I hear the murmuring, the revolt of immense estates. . Miroslav Holub (13 September 1923 – 14 July 1998) Holub is one of the foremost Czech poets of the 20th century (and of Europe) and a reputed Immunologist. He has 10 volumes of poetry to his credit. His poems frequently deal with the grim realities of life and are written with scientific exactitude. He is widely translated (into more than 30 languages).

by Nauduri Murty



from kavi sangamam*కవి సంగమం*(Poetry ) http://ift.tt/1mT4LpH

Posted by Katta

Sri Urfriend కవిత

by Sri Urfriend



from kavi sangamam*కవి సంగమం*(Poetry ) http://ift.tt/1bVzqB8

Posted by Katta