అసలు జీవితం
నన్ను ప్రేమిస్తున్నావన్న
బిగి కౌగిలి
కరిగిపోయినవీ ఘనీభవించినవీ
కవిత్వీకరించలేనివీ
దోసిలిలోనో జ్ఞాపకాల్లోనో మిగిలిపోయాయి
ఇప్పుడు నేను
నిన్ను ప్రేమించాలని ఆత్రం
ఒకరికొకరం అని తెలిసినా
రెండుగా విడిపోయిన నీ నా ఆలోచనలు
సమాంతర పట్టాలై
రైలుబండి నడుస్తున్నట్టు జీవితం
ఏ స్టేషనులోనైనా అగుతుంది
కొన్ని ష్టేషన్లలో ఆగకపోవచ్చు
డ్రైవరు నువ్వు గార్డును నేను
చివరిష్టేషను ఇద్దరికీ తెలియనిదే!
ఇప్పుడే మొదలయ్యింది
అసలు జీవితం
-----
జ్వరంగా వుంది
ఏవో పల్వరింతల్లా అక్షరాలు దొర్లాయి
*5.7.2012
కామెంట్‌లు లేవు:
కామెంట్‌ను పోస్ట్ చేయండి