దైవకణ౦ --- దెయ్యపు కణం!
దైవకణం దొరికిందట !!
కాదు ... కాదు దాని నీడ దొరికిందట !
అరశాతాబ్ధపు నిరీక్షణ !
వందలాది శాస్త్ర వేత్తలు.
వేలకోట్ల ధనాన్ని ఖర్చు చేసి....
గీతను మర్చిపోయారేమో....
‘అణువును - పరమాణువును నేనే’ నని....
ఏనాడో ..చెప్పాకా,
కొత్తగా విప్పారు ఈ రహస్యాన్ని !
ఒక్క కణజాడకి ఇన్నేళ్ళు పడితే ...
దాన్ని కన్నోన్ని కనిపెట్టేందుకు....
‘భౌతిక’ వాదులకు లక్షేళ్ళు సరిపోతాయా.....
వృధా ప్రయాస....
కోట్లాది మందిని
హింసించి
భాధించి
చిత్రవధ చేసే ....
అతి భయానక
రాక్షస కణం ....
వేధి౦చే రాచ వ్రణం
దెయ్యపు కణం! క్యాన్సర్ !!
క్యాన్సర్ని తరిమే ...
ఒక్క మాత్రను
కనుక్కోండి చాలు...
కోట్లాది మంది
మీకు జన్మాంతం ఋణపడి ఉంటారు...
హెచ్ ఐ వి... తలసేమియా
మస్కులర్ డిస్ట్రోఫీ...లుకేమియా. ..
ఒక్కటా, రెండా ...
లెక్కలేనన్ని మందేలేని
మహమ్మారులు....
శిథిలమవుతున్న
దుర్భరమవుతున్న జీవితాలు !!
అక్షరాలకందని ఆక్రందన వారిది ...
ఒక్కసారి
ఒకే ఒక్క సారి చూడ౦డటు ...
మీ అశృ కణాల్లోనుడి
ఖచ్చితంగా విచ్చుకు౦టుది ...
జగతిని కాపాడే అమృత కణం ...
ఆయుష్ కణం ....
( సృష్టి రహస్యాలపై పెట్టె శ్రద్ధ శాస్త్ర వేత్తలు మానవ మనుగడనే
ప్రశ్నార్థకం చేస్తున్న భయంఖర రోగాలపై పెట్టట్లేదనే అక్కసుతో,
ఆవేదనతో.)
*3.7.2012
కామెంట్‌లు లేవు:
కామెంట్‌ను పోస్ట్ చేయండి