పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

3, ఫిబ్రవరి 2014, సోమవారం

Thilak Bommaraju కవిత

తిలక్/నేను కాని... 1.ఈరోజు నన్ను నేను కొత్తగా చూసుకుందామని ప్రయత్నించాను /ఎప్పుడో మరుగున పడిన చిరిగిన జ్ఞాపకాలుగా 2.నాలోకి దొర్లిన కొద్ది నాకు తెలియని నన్ను నాకు పరిచయం చేస్తున్నాయి నా అస్తిత్వాలు 3.ఇంతకుముందే కడిగేసుకున్న పళ్ళెంలా నీళ్ళు ఇంకని బావిలా నేను /రాలుతున్న కురుపుల గూళ్ళు ఒంటి వరండా నిండా 4.సరే కాసిని మిగిలిన కన్నీళ్ళతో ముఖమంతా కడుగుదామాని కూర్చుంటే /చేతుల వేర్లు(వేళ్ళు) పాతుకుంటున్నాయి బిగబట్టిన ఊభి కిరీటంలా నన్నే చుట్టుముడుతూ 5.ఇంక చాల్లేకదాని వాలుకుర్చీలో వెనక్కు వాలుతున్నాను /గతించిన గమనంలోకి వెక్కిళ్ళు తోడురాగా... తిలక్ బొమ్మరాజు 02.02.14

by Thilak Bommaraju



from kavi sangamam*కవి సంగమం*(Poetry ) http://ift.tt/1fNo2ol

Posted by Katta

Vijaykumar Amancha కవిత

//పుట్టిన ఊరు // అమ్మ పుట్టిన ఊళ్ళొనే నేను పుట్టాను మరి నాన పుట్టిన ఊరు నా స్వస్థలమెందుకౌతుందో అమ్మ పుట్టిన ఊరు అమ్మమ్మ వారి ఊరు అవుతుంది నాన పుట్టిన ఊరు నా ఊరు అవుతుంది ఎందుకు ..ఎందుకు..ఎందుకలా // విజయ్ కుమార్ //

by Vijaykumar Amancha



from kavi sangamam*కవి సంగమం*(Poetry ) http://ift.tt/1bkePky

Posted by Katta

Srinivasu Gaddapati కవిత

కూలీ ........ హిందీ:- హరీష్ పర్మార్ స్వేచ్చానువాదం:-శ్రీనివాసుగద్దపాటి .................................................................................................................... నేనొక కూలీ నాకు అప్పగించినపని ఏదైనా.. చెయ్యాల్సిందే ఈ బంజరభూమిని మార్చమంటే నేను దాన్ని సశ్యశ్యామలం చేస్తాను కానీ... విచారం ఆ పచ్చని వనంలో .. భవనాలు నిర్మించమంటారు నేను గ్రామన్ని పట్టణం గా.. పట్తణాన్ని నగరంగా... నగరాన్ని మహానగరంగా... ఇలా.. భవనారణ్యాన్ని నిర్మిస్తాను కానీ... నేను మాత్రం ఎప్పటిలాగే... ఎక్కడివాణ్ణి అక్కడే... మునుపటిలాగే.. సరిహద్దుకి ఇవతలే.. కేవలం. ఒక కూలివాణ్ణే.... 03.02.2014

by Srinivasu Gaddapati



from kavi sangamam*కవి సంగమం*(Poetry ) http://ift.tt/1bVRbe6

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//అంతటా...// ఎంత దూరం పరుగెత్తావో చుట్టు పక్కలు విడిచి చుక్కాని వదిలేసి ఎన్ని తిరిగివచ్చావో కదూ... కాల గర్భంలో కలిసిపోయిన ముత్యాల హారం ఒక్క పూసైనా నీ గుండెల మెరిసిందా! తీరమే గమ్యమైన గమనంలో ప్రశాంతంగా మింగేసిన సుడిగుండం సంద్రపులోతు చూపించిందా! అరచేతిలో అక్కడక్కడా మిగిలిన ఇసుక రేణువుల్లాంటి ఆప్యాయతలని గుప్పిట వదిలినపుడైనా గమనించావా! ఈ తీరం ఆవలి తీరం నట్టనడుమ కన్నీటి సంద్రం మనిషే నడుస్తూ పరుగెడుతూ, మారుతూ, పారిపోతూ... నడకరాక పాకినప్పుడు పాదరక్షలతో నడిచినప్పుడు రెక్కలొచ్చి ఎగిరినప్పుడు అలిసిన వయసులో రాలినపుడు అడుగున అంతటా నేలే ప్రయాణానికి సహకరిస్తూ...మన్నే గమ్యం....02.02.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/LDbWEX

Posted by Katta

Challa Ssj Ram Phani కవిత

ప్రేమకు కళ్ళొస్తే... శిలాజ శరీరంలో గర్భీకరించుకున్న కలలకు ఆకారమైన నీవే కదా అక్షరాలకు ఊపిరైంది! అనిబద్ధ శాఖాచంక్రమణాల అహమహమికతో అలమటించిపోయే ఆకలి క్షణాల ఆఖరి దశలో అక్షరాలకు తొడగడానికి భావాల ఉడుపులైంది! చక్రంతో రమించే తార్రోడ్డును కొలుస్తూ తూగుటుయ్యాల్లా ఊగే గూడుబండిలో సమయానికి గుడికి చేరాలనే తపన నీ నేత్ర దర్పణాల్లో ప్రతిఫలించిన ఆరాటమే కదా అక్షరాలకు ఆయువంది! ప్రేమకు పునాది ద్వేషమని తెలియనితనంలో తెలీక తూలిన మాటల తూటాలు చేసిన గాయాల మాలల్ని మల్లెదండల్లా మోస్తూ అశృపుష్పాలై నీ ముంగిట్లో పూసి అక్షర పరిమళాలై ప్రవహించాను! అగమ్య నాటకాలకు, అక్షర ఘాతుకాలకు ఆదిమపునాది నీ అంతరంగ గుహాంతస్సీమలని తెలిసిన మరుక్షణమే కలం తన్ను తాను గిల్లి చూసుకుని కాలం చేసిన స్ఫూర్తి కోసం అక్షర మౌనం పాటించింది! ఇప్పుడు నాకూ ద్వేషించడం తెలుసు! విషాదినితో వినోదించడమూ తెలుసు! అఖండమవుతున్న అనంత రూప ద్వేషాగ్ని శిఖలకు ఆది భాష్యకారుణ్ణి! విద్వేష ప్రేమలు అభేదాలని నిరూపించగల మాంత్రికుణ్ణి! అంతే! నా అక్షరాలకు కాళ్ళొచ్చాయి! ప్రేమకు కళ్ళొచ్చాయి! * * *

by Challa Ssj Ram Phani



from kavi sangamam*కవి సంగమం*(Poetry ) http://ift.tt/1fAdZ74

Posted by Katta

Kavi Yakoob కవిత



by Kavi Yakoob



from kavi sangamam*కవి సంగమం*(Poetry ) http://ift.tt/1kwIcFX

Posted by Katta

Vijay Kumar Svk కవిత

విజయ్ కుమార్ ఎస్వీకే **నచ్చని రాత్రొకటి** ఒకానొక నా చీకటిలో నేను- *** రహస్యం నక్షత్రాలూ వెలిగీ వెలగక- మబ్బు ముద్దలు తిని బలిసిన పందీ చంద్రుడు- నల్ల చీర కప్పుకు ఆకాశ రక్కసి రాత్రి- కమ్మిన నిశ్శబ్ధం భయంకర వేదన- మాటల్ని వురేసిన గాలి తాళ్ళూ- *** సాలె పురుగు గూడులో నేను- 02/02/14

by Vijay Kumar Svk



from kavi sangamam*కవి సంగమం*(Poetry ) http://ift.tt/1kwQdL2

Posted by Katta

Sriramoju Haragopal కవిత

లీడర్లు జిందాబాద్ ఇది ప్రభుత్వ స్మశానం దీన్ని అతిక్రమించినవారు శిక్షార్హులు ఎవరు దాటలేని చావుగోడలు కట్టించారు ఎవరికి సాటిలేని ఖర్మకాండలు రాసిపెట్టారు చచ్చేవరకు ప్రజల్ని బతకనీయరు వాళ్ళచేతనే వాళ్ళ శవాల్ని మోయిస్తారు చావుగంటలు మాత్రం రాజ్యాంగబద్ధంగా మ్రోగిస్తారు రాబోయే ఎన్నికలకు కొత్త ఎన్నికల సవరణలు ప్రజలంతా జీవితకాలానికి ఒక్కసారే ఓటేస్తే చాలని పార్లమెంటు నుండి అసెంబ్లీలదాకా సభ్యుల నుండి మంత్రులదాకా చట్టాల నుండి శాసనాలదాకా ఎన్నికైనా వారంతా అమరులేనని ఒక్కసారి ఓటేసి చచ్చినవారికి ఉచితం స్మశానప్రవేశం కావాలంటే ఓటర్లని వాళ్ళే పుట్టించుకుంటారట పనులు,జీతాలు,తిండి,ధరలు,సబ్సిడీలు సమానత్వం చట్టుబండలు, మానవత్వం మట్టిగడ్డలు దేశమంటే ప్రజలు కానేకారు దేశమంటే నాయకులోయ్ ప్రజలు కొత్త పుల్బాటిలు ఓటరులై మీరు బతికివున్నదాక ప్రజలుత్త వెధవాయిలు ఓదార్పులు మీరంతా చచ్చినాక రండి, రండి ఓటేసి చచ్చిన పర్మిషన్లున్నపుడే మీ మీ బొందలు మీకు రిజర్వుడ్ 01.02.2014

by Sriramoju Haragopal



from kavi sangamam*కవి సంగమం*(Poetry ) http://ift.tt/1kx2WgR

Posted by Katta

Ramabrahmam Varanasi కవిత

2-2-2014 గోవింద మాల వారణాసి రామబ్రహ్మం ప్రవాహమిచ్చును సోయగము నదికి మృదుత్వమిచ్చును సోయగము సుమమునకు యవ్వనమిచ్చును సోయగము కన్నియకు గోవిందుడిచ్చును సోయగము మనసుకు

by Ramabrahmam Varanasi



from kavi sangamam*కవి సంగమం*(Poetry ) http://ift.tt/1kuAFHO

Posted by Katta

Sujatha Thimmana కవిత

ఆనందాణువునై .... శ్వాస తరంగాలతో జీవం నింపుకుంటూ.... రక్తమాంసాల ఆకారన్నిచ్చుకుంటూ.... ఎదిగానమ్మా...ఉమ్మనీటిలో ఈదులాడుతూ... మరణాన్ని సైతం లెక్కచేయక జన్మ నిచ్చావమ్మా...!! ఆడపిల్లనని అందరిలా అలుసు చేయక అక్కున చేర్చుకుని పెంచావే... నీ ఆశయాలకాయువుపట్టును నేనై... విషపు చూపుల తూటాలకు ఎదురు నిలిచి "ఆత్మాభిమానం " మా అమ్మగారిల్లని నిరూపిస్తానమ్మా !! నీ కంటి చివర నిలిచినా నీటి చుక్కలో... ఆనందాణువునై ....

by Sujatha Thimmana



from kavi sangamam*కవి సంగమం*(Poetry ) http://ift.tt/1egux66

Posted by Katta

Shaik Meera కవిత

నేను కవి సృష్టిలో నక్షత్రమైనందుకా ! ఎన్నెన్నో దారుణాలు , ఎన్నెన్నో సంఘటనలు ఘోరాలు విడ్డూరాలు వింతలు...... ఏవేవో వినకూడనివి చూడరానివి దృశ్యాలు సన్నివేశాలు సందర్భాలు ఈ అడవి లోకంలో ..... చదివాక చూశాక జ్ఞానమున్నాకా ఈ కవిజన్మమున్నాకా స్పందించేది కవితాక(కా)లమై రచించేది! నేనే ఎందుకు.... ? నా గుండెకు ఇన్ని విషాద రంధ్రాలు... ఇక్కడ ఊరేది వోలికేది కన్నీటిపుట శ్రమ స్వేద రక్తధారలేనా!.... నాకే ఎందుకు ఇంతటి ప్రపంచప్రజా మానవత్వ చైతన్యం నడక..... నాకే ఎందుకు ఇన్నిన్ని గాయాలు గేయాలు మథనాలు..... నాలో నాదాలు ఈ మృదంగాలు ఈ రుద్రవీణలు పలికేది నేను కవి సృష్టిలో నక్షత్రమైనందుకా ! .......షేక్ మీరా ....... 02/02/2014

by Shaik Meera



from kavi sangamam*కవి సంగమం*(Poetry ) http://ift.tt/1fx6M7P

Posted by Katta

Kotha Anil Kumar కవిత

@ ఒంటరిగా... @ _ కొత్త అనిల్ కుమార్ నిర్మానుష్యమైన ఈ నిశ్శబ్దపు నిశీధిలో నియంతనై పాలిస్తున్న ఈ ప్రపంచం లో ఒకడు నన్ను ప్రశ్నిస్తుంటే ఒకడు సమాధానం చెప్తాడు. ఒకడు విమర్శిస్తే ... ఒకడు సమర్ధిస్తాడు . ఒకడు విసిగిస్తే...ఒకడు సంతోష పెడుతాడు. ఒకడు హింసిస్తే ... ఒకడు ఓధార్చుతడు. ఒకడు ఎవరంటే ... ఒకడు నేనే అంటాడు. ఎందుకో తెలుసా..? ఆ ఒకడు నేనే... ఆ ఇంకొకన్ని నేనే. ఈ చీకటి రాత్రి ఒంటరి చంద్రునికి జంటను నేనే. నాకు జంటనూ నేనే . ఏ జంట లేక ఒంటరిగా ఉన్నానని బాధ కంటే ., ఇంత మంది మద్యలో నేనెందుకు ఒంటరినయ్యాననే ... నా బాధ . ఈ బాధ నన్ను కలిచి వేస్తున్న రాత్రికి ఎలా సెలవు చెప్పి రేపటి ఉదయాన్ని చూడాలి ఈ నిశీధిని ఎలా విడవాలి బదులు దొరకక రేపటి భానోధయానికి ఏమని స్వాగతం పలకాలి . ఎలా స్వాగతం పలకాలి .?! తేది:2 / 2 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1abSxGm

Posted by Katta

Sateesh Namavarapu కవిత

***అర్ధం కాని "అర్ధం"*** తట్టుకోలేని కష్టం కాటేస్తే.. ఆపలేని..కురిసే వర్షం..కన్నీరు.! పట్టరాని సంతోషం వాటేస్తే.. ఓపలేని..మురిసే హర్షం..భాష్పాలు.! ఏదైనా వండి వార్చేది, నయనద్వయమేనా..? కష్టమైనా, సుఖమైనా.. సమాన న్యాయమేనా..?? స్పందించే మనసు సంధించే భావ శరాలకు అనుగుణం, అందించేను జల ధారలు.. అదే కనుల అద్భుత గుణం. అందరికీ గెలవాలనే ఉంటుంది బతుకు యుధ్ధం.! కానీ ఓడే వారు ఎక్కువ.! గెలుపూ, ఓటమీ కాకుండా, బతుకూ, చావూ కాకుండా.. ఏడవలేక నవ్వుతూ, నవ్వలేక ఏడుస్తూ.. బతుకీడ్చేవారూ ఎక్కువ..!! నేటి బతుకు "ఖర్మ" నిన్నటి "కర్మ" ఫలితమా, మొన్నటి జన్మ ఫలం.. పాపం అవశేషాల మిళితమా..?? అర్ధం కాక అయోమయంలో.. జన్మలెన్ని గడచిపోయాయో, "అర్ధం" లేక అవమానంతో.. బతుకులెన్ని బండబారిపోయాయో..?? సామర్ధ్యం లేదని, వ్యర్ధమని తలచి గుండెలెన్ని పగిలాయో..?? లెక్క తేల్చేదెవరు..? దిక్కు చూపేదెవరు..??..01Fఏభ్2014.

by Sateesh Namavarapu



from kavi sangamam*కవి సంగమం*(Poetry ) http://ift.tt/1fwQKvm

Posted by Katta

Drmallesh Gajengi కవిత

कुछ ज्यदा ही निकट आते जा रहे हो बिछडने का मन बना लिया है क्या...!!

by Drmallesh Gajengi



from kavi sangamam*కవి సంగమం*(Poetry ) http://ift.tt/1dUH2hn

Posted by Katta

Kanneganti Venkatiah కవిత

My poem" Sanaganune Silpam " Translated by Battina,Raamanadham.z.p.ss mudigonda khammam.} ------Groundnut Oil Art---------------- Snake guardss of sentences Bottle guards of compound words Angular guards of connections Tomotoes of phrases Coriender and curry leaves of rhetorics Potherbs of Idioms are cleansed in Inttellegence liquid solution Chop into tiny pieces at present Thought is not over also onions of similies pope seeds of semblance are fried in the adept of groundnut oil added sufficient chilly powder of honesty too sprinkled a cup of caution of turmoric added a cupful wit Now in the poetry of SRI SRI In the dressing food{concation} of KUNDURTI writings Unite the essence of livelyhood flavour prepared to gather the humanity on the ideas of electronic stove cooking the poetry of dictum.

by Kanneganti Venkatiah



from kavi sangamam*కవి సంగమం*(Poetry ) http://ift.tt/1kshEFS

Posted by Katta

Sriramoju Haragopal కవిత

లీడర్లు జిందాబాద్ ఇది ప్రభుత్వ స్మశానం దీన్ని అతిక్రమించినవారు శిక్షార్హులు ఎవరు దాటలేని చావుగోడలు కట్టించారు ఎవరికి సాటిలేని ఖర్మకాండలు రాసిపెట్టారు చచ్చేవరకు ప్రజల్ని బతకనీయరు వాళ్ళచేతనే వాళ్ళ శవాల్ని మోయిస్తారు చావుగంటలు మాత్రం రాజ్యాంగబద్ధంగా మ్రోగిస్తారు రాబోయే ఎన్నికలకు కొత్త ఎన్నికల సవరణలు ప్రజలంతా జీవితకాలానికి ఒక్కసారే ఓటేస్తే చాలని పార్లమెంటు నుండి అసెంబ్లీలదాకా సభ్యుల నుండి మంత్రులదాకా చట్టాల నుండి శాసనాలదాకా ఎన్నికైనా వారంతా అమరులేనని ఒక్కసారి ఓటేసి చచ్చినవారికి ఉచితం స్మశానప్రవేశం కావాలంటే ఓటర్లని వాళ్ళే పుట్టించుకుంటారట పనులు,జీతాలు,తిండి,ధరలు,సబ్సిడీలు సమానత్వం చట్టుబండలు, మానవత్వం మట్టిగడ్డలు దేశమంటే ప్రజలు కానేకారు దేశమంటే నాయకులోయ్ ప్రజలు కొత్త పుల్బాటిలు ఓటరులై మీరు బతికివున్నదాక ప్రజలుత్త వెధవాయిలు ఓదార్పులు మీరంతా చచ్చినాక రండి, రండి ఓటేసి చచ్చిన పర్మిషన్లున్నపుడే మీ మీ బొందలు మీకు రిజర్వుడ్ 01.02.2014

by Sriramoju Haragopal



from kavi sangamam*కవి సంగమం*(Poetry ) http://ift.tt/1abBXXb

Posted by Katta

Ramaswamy Nagaraju కవిత

(http://ift.tt/1abyasW ) ....తరణోపాయాలు.... ఇవి తెరిపినీయక కురిసే ఆర్ద్ర క్షణాలు తడవక తప్పదు! అనాదిది ఈ నిరంతర కాల జీవన ధార తరించక తప్పదు! నేను రోజూ పొద్దున్నే నా పెరటి లోని పొదరింటి పందిరికి పూసిన పూల తడిని కోసుకునేందుకు వెళ్తుంటాను అప్పుడు, తొలి తెలి కిరణశరం తుహిన కణాన్ని ఛేదిస్తుంటుంది రాలి పడుతున్న క్షతగాత్ర వర్ణాలను దోసిళ్ళలో పట్టుకొని నేను ఏడు రంగుల సీతాకోక చిలుకలను ఎగిరేస్తుంటాను! నా ఆకలి కళ్ళు అరుణ రాగాల కోసం గులాబి గుండెను గుచ్చి గుచ్చి చూస్తుంటాయి నా ముని వేళ్ళు చిందిన రక్త బిందువులను చూచుకుంటూ రోజా మొక్క మొగ్గ తొడిగిందని మురిసిపోతుంటాను! రాత్రంతా ఆనందభాష్పాలు వర్షించి ఉంటాయని తొలి మసకలోనే ఇంటి లోగిలినంతా వెదుకుతుంటాను రేయి కార్చిన నీలి అశ్రువులతో నేల తడిసి ఉంటుంది నేను నా అరుగులను అలికి అందగించుకుంటాను! నా వాకిళ్ళలో వరువాత చల్లిన తెలి ముగ్గులు పొరుగిళ్ళ ముంగిళ్ళ లోకి ప్రవహించి ఉంటాయని కన్వేగు వేళలో కదలి పోతుంటాను అక్కడ, ముగ్గుబుట్ట విరిగిపడి ఉంటుంది నేను చెదిరిన ముత్యాలను ఏరుకుంటాను! సుప్రభాతాలు పాడే తరు శాఖలకు కువకువ శ్లోకాలు కాసి ఉంటాయని వేకువ చెట్ల గుండా నడచి వెళ్తుంటాను కాకి ఈక ఒకటి నా నెత్తిన రాలి పడుతుంది నేను హంస తూలికా మృదు స్పర్శలను భావిస్తుంటాను! కాసిన్ని క్షణాల దూరంలో ఏటి నీటి మీద నా పూల నావ తేలుతుంటుంది తెడ్డు కనిపించదు, తెరచాప ఎగురదు నేను పడవలో చిట్లిన పుపొళ్లు ప్రోగు చేస్తుంటాను! ఓ వటపత్రశాయీ! చేతిలో ఎన్ని మఱ్ఱాకులుంటే అంత మంచిది; ఆకులు చిరు తరగ తాకిడికే చిరిగిపోతుంటాయి! 01.02.2014(వాకిలి లో ప్రచురితము )

by Ramaswamy Nagaraju



from kavi sangamam*కవి సంగమం*(Poetry ) http://ift.tt/1abyasW

Posted by Katta

Oddula Ravisekhar కవిత

ఇదే కదా మరణం ఇచ్చే సందేశం! సర్వ బంధాలనుండి విముక్తి సమస్త బాధలనుండి స్వేచ్చ కలగన్నవి, పెంచుకున్నవి, పంచుకున్నవి అన్నింటిని తుంచివేసే సంపూర్ణ స్వేచ్చ మృత్యువు జీవితానికి చివరి అంచు కాదు ప్రతి క్షణం మరణ స్ప్రుహ తో జీవించడం మనిషి పోగుచేసుకున్నవన్నీ విసర్జించడం అదే కదా మృత్యువు యొక్క ఆంతర్యం జీవించడమంటే మరణించడమే ప్రతిరోజు పెంచుకున్న బంధాల్ని ఒక్కొక్కటిగా తుంచుకోవడమే జీవించి ఉండగానే బంధాలన్నీ వదలగలిగితే మృత్యువు తర్వాత అదే కదా జరిగేది జీవిస్తూనే మృత్యువును అనుభూతించడం అదే సిసలైన ధ్యానం మరణించడమంటే ప్రేమతో జీవించడం ప్రేమించగలిగే హృదయం కలిగి ఉండటం ప్రతి క్షణం మనతో ఉండే నేస్తం మృత్యువు ప్రతి క్షణం మరణించాలి మన జ్ఞాపకాలకు మరు క్షణం జననం ప్రేమిం చటానికి క్షణక్షణం జనన మరణ స్పృహ ఇదే జీవనం సజీవ జీవనం ఇదే కదా మరణం ఇచ్చే సందేశం (జిడ్డు కృష్ణమూర్తి తత్వ సారం మరియు మరణాన్ని దగ్గరగా చూసిన అనుభవం తో )

by Oddula Ravisekhar



from kavi sangamam*కవి సంగమం*(Poetry ) http://ift.tt/1abyaci

Posted by Katta

Murthy Kvvs కవిత

KVVS MURTHY|జ్ఞానీలు-16 విత్తనం మట్టిని,గాలిని, వెలుతురుని,నీటిని ఉపయోగించుకుంటూనే తన అస్తిత్వాన్ని తెలిపే ఒక మొక్కలా ఎలా వికసిస్తుందో... మనిషి తన తప్పులతో,ఒప్పులతో ఉద్వేగాలతో,పశ్చాతాపాలతో ఒకటేమి సమస్త అనుభవాలతో పరిణామం చెందుతూ గమ్యం తెలియని యాత్రలో ఒక ముసాఫిర్ లా ముందుకుపోతుంటాడు...! ----------------------------- 1-2-2014

by Murthy Kvvs



from kavi sangamam*కవి సంగమం*(Poetry ) http://ift.tt/1dgYIDQ

Posted by Katta

Kavi Yakoob కవిత

కవిత్వం ఎందుకు చదవాలి? కవిత్వం వలన ఏమిటీ ప్రయోజనం ? కవిత్వం వైపుకు అందర్నీ ఆకర్షించాల్సిన అవసరం ఎందుకు అవసరం ? రోజెర్ హడ్సన్ రాసిన ఈ మాటల్ని ఒకసారి చదవండి.

by Kavi Yakoob



from kavi sangamam*కవి సంగమం*(Poetry ) http://ift.tt/1icfmcx

Posted by Katta

Rasoolkhan Poet కవిత

॥నీడల జాడలు॥ ముఖచిత్రం నచ్చలేదని మహాకావ్యాన్ని కాదంటావా. వెలుగు నీదాకా రాలేదని వెన్నెలను నిందిస్తావా. చిరుదెబ్బలకు ఓర్వలేక ఒంటరి శిలవవుతావా. నీవె నిజం అనుకుని అబద్ధంగా మిగులుతావా. నీవు నిరాకరించినా ఆకాశం నీకు నీడనిస్తుంది భూమి నిన్ను భరిస్తుంది. మహా శిఖరమైన ఓర్పుకే తలవంచుతుంది. ఒక్కక్షణం ఆలోచన ఓటమిని జయిస్తుంది. ఆలస్యంగానే అద్బుతం వరిస్తుంది. పి రసూల్ ఖాన్ 3-2-2014

by Rasoolkhan Poet



from kavi sangamam*కవి సంగమం*(Poetry ) http://ift.tt/1aVk7Zc

Posted by Katta

Santosh Kumar K కవిత

||ప్రేమ నాణెం|| ప్రేమ.. ప్రేమలో ఉన్న ప్రేమికులను ప్రేమిస్తే... హాయి రాగాలతో సాగే మౌన గీతాల సంగీతమై వినిపిస్తుంది..!! చూపుల పలకరింపులతో కనుసైగలు చెప్పే కబుర్ల కాలక్షేపమవుతుంది..!! అందమైన అలకలతో కవ్వించే కోరికల వినోదాన్ని పంచుతుంది..!! ఊహల ఊసులతో మరుపురాని తలపులు చేసే ప్రమాణమవుతుంది..!! చిలిపి చిరాకులతో పలకరించే పరాకుల సరసమవుతుంది..!! కస్సుబుస్సుల కసురులతో తేనె కోపాలు వ్రాసే కమ్మని కావ్యమవుతుంది..!! ఇలా ఆనంద చిరునామాల బంధాన్ని చేరువ చేస్తూ చిరునవ్వుని చిందించే సంబంధాన్ని చూపిస్తూ తనలో ఒకవైపును పరిచయం చెస్తుంది ఈ ప్రేమ నాణెం !! ఫ్రేమికులు ఏది మరిచినా పర్వాలేదు కానీ ఆ ప్రేమనే మరిస్తే... వీచే గాలి సైతం విరహ వేదనతో నిండుకోగ వియోగ రాగంలో శ్రుతిలేని సంగీతాన్ని మ్రోగిస్తుంది!! చూపుల దారుల్లో చెరిగిపొని స్మృతులన్నీ చేరగా కన్నీటి చుక్క ఒంటరిని అయ్యానని కన్నీటి పర్యంతమవుతుంది!! కోపంలో అలిగిన కాలం అంధకారం మిగల్చగా అనాథగా మిగిలిన స్నేహం తోడు కిరణాల నీడ కోసం వెతుకుతుంది!! ఊపిరి అందక ఊహలన్నీ కొట్టుమిట్టాడగా మరుగునపడ్డ తలపులన్నీ మరణమంచున మిణుకుమిణుకుమంటున్నవి!! చిరాకులో చిరిగిన ఆశ ఆఖరి శ్వాసలో ఉండగా పంతంతో ప్రాణం కోల్పోతున్న ప్రేమ బ్రతకాలని ఆరాట పడుతుంది!! కన్నెర్రజేసిన కోప తాపాలు తీరని వైరాన్ని కోరుకోగా విరిగి ముక్కలైన మనసు విషాద సాహిత్యాన్ని రచిస్తుంది!! ఇలా విచార గుండంలో చిక్కుకుని ఒడ్డుకి చేరటంలో విఫలమైన ఓడలా చెదిరిన చెలిమి చిగురించదనే చేదు నిజం దిగమింగుతూ తనలో రెండోవైపుకి తెర తీసి ఏడిపిస్తుంది ఈ ప్రేమ నాణెం !! జ్ణాపకాల పాఠశాలలో అనుభవాలు నేర్పించిన పాఠం.. వలపు మలుపుల్లో మది వ్యధను వ్యక్తపరచలేక విస్మయం.. సుఖ-దుఃఖాల మైత్రిలో ఏది మిగులునో తెలియని అయోమయం.. జంట భావనల ఒంటరి నిలయం.. ఎన్నో జీవితాలను శాసించే ఈ ప్రేమ నాణెం!! 03.02.2014 #సంతోషహేలి

by Santosh Kumar K



from kavi sangamam*కవి సంగమం*(Poetry ) http://ift.tt/1icfokE

Posted by Katta

Vakkalanka Vaseera కవిత

ప్రేమ పూజారి ప్రేమ‌కి పూజ చెయ్యాలంటే క‌న్నీళ్ల చెట్లెక్కి కాంతిపూలు కోసుకు రావాలి ఎందుకు న‌వ్వుతున్నామో ఎందుకు ఏడుస్తున్నామో తెలియ‌నంత వెర్రితో వాటిని క‌నిపించిన ప్ర‌తివారి నెత్తిన పోసి మ‌ళ్లీ ఏరుకుని మ‌ళ్లీ మ‌ళ్లీ న‌వ్వుకోవాలి మునివేళ్ల‌మీది మంట‌ల‌తో జీవ‌న సౌంద‌ర్యానికి హార‌తివ్వాలి వియెగం చ‌లిగాలిలో నివురు దుప్ప‌టీ క‌ప్పుకుని వ‌ణికుతూన్న‌క‌ల‌ల్నితీసుకెళ్లి నీలాకాశం ఒళ్లో పోసెయ్యాలి అక్క‌డే ప‌క్క‌స‌ద్దు కోడానికి కూడా తోచ‌నంత అశాంతితో న‌డువాల్చి కాస్త ప్ర‌శాంత‌త‌కోసం క‌ళ్లుమూసుకోవాలి గుండెఆవిరితో స్వెట్ట‌ర‌ల్లి స‌ముద్రాన్ని తొడుక్కోమంటూ బ‌తిమ‌లాడాలి వాన‌చినుల రంగుల రాట్నం ఎక్కి గిర‌గిరా బాల్యంలో తిరిగి రావాలి ------------------వ‌సీరా 1985లో ఓ శీతాకాలం రాసిన క‌విత , తేదీ గుర్తు లేదు ఇది నారాయ‌ణ వేణు మాస్టారికి ఇష్ట‌మైన క‌విత‌. వారికోసం మ‌ళ్లీ పెడుతున్నా

by Vakkalanka Vaseera



from kavi sangamam*కవి సంగమం*(Poetry ) http://ift.tt/1nAigvC

Posted by Katta

Rasoolkhan Poet కవిత

$ఆల్ ద బెస్ట్$ ఎన్నో పరక్షలను పుట్టుకతోనే గెలిచావు. పసితనంలో ప్రపంచాన్ని చదివావు. ఒకరి నీడవవక నీవే దీపమై వెలుగురేఖలను పంచు. జగాన జయభేరి మ్రోగించు. పి రసూల్ ఖాన్ 1-2-2014

by Rasoolkhan Poet



from kavi sangamam*కవి సంగమం*(Poetry ) http://ift.tt/MJrfwQ

Posted by Katta

Chilakapati Rajasheker కవిత

- చిరాశ // ఎడారి బతుకులు // ********************************************* ఉగాదులే రాని యుగాలెన్నో?... వస౦తమే రాని వనాలెన్నో?..... దరహాసమే రాని పెదాలెన్నో?.... కలలు అసలే రాని కన్నులెన్నో?.... అమవసలే అన్నీ.. దివిటీతో వెదికినా దీపావళి కనరాదే వారి చీకటి జీవితాల్లో.... ఎ౦డమావులే అన్నీ.. ఎటుచూసినా ఒయాసిస్సులే కనరావే వారి ఎడారి జీవితాల్లో.... *********************************************** - {01/02/2014}

by Chilakapati Rajasheker



from kavi sangamam*కవి సంగమం*(Poetry ) http://ift.tt/1nA7HbU

Posted by Katta

Thilak Bommaraju కవిత

తిలక్ /అంతర్లీనం ------------------------ నిన్న జ్వలించిన ఆలోచనలు నేడు పుడుతున్నాయి మళ్ళీ కొత్తగా ఇక్కడే నా దేహంలో ఎప్పుడో ఎండురెప్పల వెనుక ఇంకిపోయిన నాలుగు ఊహా చిత్రాలేవొ రంగులద్దుకుంటున్నాయి­ బహిర్గతమయ్యేట్టు విరమించిన శకలాలన్ని కడుపులోనే అంతమవుతూ నన్ను నాకు గుర్తుతుకు తెస్తుంటాయి అప్పుడప్పుడూ ఇంకెన్ని సార్లు మరణించాలో కొత్తగా పుట్టడానికి ఎప్పటికప్పుడు నడిచొచ్చిన నేల గుర్తులను చెరుపుకుంటూ రహదారిని చిలకరించినట్టు నిడివిలేని అంతర్లీనం మనసున ఎన్ని కోరికల కూటములో లెక్కే లేవు కంటున్న ప్రతిసారి కాంక్షిస్తూనే ఉంటుంది. తిలక్ బొమ్మరాజు 01.02.14

by Thilak Bommaraju



from kavi sangamam*కవి సంగమం*(Poetry ) http://ift.tt/1ijp4KT

Posted by Katta

Narayana Sharma Mallavajjala కవిత

ఈనాటికవిత-68 _____________________________ రమేష్ పమ్మి ||నాకెప్పటికీ సమాధే|| తెలుగులో కథాత్మకవిత్వం-కావ్యాలు రావాలని..అందునా వచన కవిత్వం దానికి ఊతంగా నిలవాలని కుందుర్తి ఆశించారు.అందుకోసం సంస్థలు ఆవిర్భవించాయి..తరువాతి కాలంలో కవిత్వం రకరకాల సంప్రదాయాలు,ఉద్యమాలలొ పడ్దాక ఈ అంశంపై తెలుగు వచన కవిత పెద్దగా దృష్టిపెట్టలేదు.శ్రీ శీలావిర్రాజు దీనికో సం కొంత కృషిచేసినవారిలో ఉన్నారు. మంచి అభివ్యక్తితో,కథనుకూడా చేరుస్తూ కవిత్వం చెప్పడానికి వచనకవితకుండే నిడివి సరిపోదు.ఆ స్ఫూర్తిని కలిగించడానికి కొంత అవకాశం ఉంది..రమేశ్ పమ్మి రాసిన కవిత అలాంటిదే.ఒక మాతృస్మృతిలో రాసినట్టు కనిపించే ఈ కవిత సాంద్రమైన మానవీయభావనని పెనవేసుకుంది.ఆ క్రమంలోనే నగరాలు విస్తరిస్తున్నప్పుడు కలిగే పరిణామాలని కూడా స్పర్శించింది. తల్లికి దూరమైన ఓ కొడుకు గొంతుతో ఈ కవిత ప్రారంభమవుతుంది...చిన్నతనం లో ఏ మయిందంటే కాకెత్తుకెల్లిందని అనేవాళ్లు..అలాంటి పిల్లలలో ఉండే సహజ అధ్భుత రసాన్ని అనుభవించే వాక్యాలున్నాయి. "ఒకప్పుడు అల్లంత దూరాన అందంగా అగుపించేటిది మా అమ్మ ఆమే అమ్మన్న విషయం.. మా రావక్క సెప్పేదాకా నాకూ తెనీదు ఆయమ్మ నను కంటే.. కాకమ్మ ఈడ పడేసినాదట నాకంటే పెద్దది కనుక రావక్కకు ఇదంతా తెలుసు అక్క సెప్పగానే... అమ్మా అని పిలుద్దామనుకున్నా.. కానీ ఏడ్వాలిసొచ్చింది అయ్యాలే మా అమ్మను సంపేశారు.. గండ్ర గొడ్డలతో, రంపపు కోతలతో పాశవికంగా నరికి సంపేశారు.. కొన్నాళ్లకు ఆడో.. పెద్ద సమాధి కూడా కడుతుంటే.. అమ్మకు పూజలు సేత్తారనుకున్నా ఏం సిత్రమో కానీ ఆ సమాధిపైనే చానామంది కాపురమెట్టారు." ఈ వాక్యలలో భాషాసంబంధంగా మంచి మాండలికం కూదా ఉంది..కవిత్వానికి కేవలం ఆఖ్యానం (Neretion)సరిపోదు..దానికి కవిదైన ముద్రనందించే వ్యాఖ్యానం(Comment)కావాలి.ఆ వాక్యాలు చివరన కనిఉపిస్తాయి. "గుబురుగున్న చెట్ల మీద దెయ్యాలుంటాయని అక్క సెప్పేటిది ఆ మాను సమాధి మీద కూడా దెయ్యాలుంటాయని అయ్యాలే నాకర్థమైంది ఆ దెయ్యాలకది నివాసమేమో.. నాకెప్పటికీ సమాధే వాళ్లేమో కాలనీలంటారు నేను శ్మశానం అంటాను" మంచి కథనాత్మకత కల కవిత ఇది.ఒక దృశ్యాన్ని అనుభవించేందుకు దగ్గరగా తీసుకెళుతుంది.. తాత్వికంగా,కళాత్మకంగా రమేశ్ పమ్మి కవిత ఇంకా వృద్దిచెందాల్సి ఉంది.అంశం కొత్తది.చెప్పిన పద్దతి కూడా వైవిధ్యమైంది.కొత్త ఊహలు చేయటం..కొత్త దృశ్యాలని చెక్కటం సాధన చేస్తే ఈ కవి కవిత మరింత బలంగా తనగొంతును నింపుకుంటుంది.మంచికవితను అందించి నందుకు రమెశ్ పమ్మి గారికి అభినందనలు

by Narayana Sharma Mallavajjala



from kavi sangamam*కవి సంగమం*(Poetry ) http://ift.tt/1nH9Hiz

Posted by Katta

Laxman Swamy Simhachalam కవిత

లక్ష్మణ్ స్వామి ||జన్మరుణం|| కోటి కలలు కని జన్మనిచ్చినారు అమ్మ కడుపులో, నాన్న బుజాలపై నన్ను మోసిమోసి, నా బోసినవ్వులకే మీ జన్మను అర్పించేసిన నా అమ్మా –నాన్న !! ఈ దేహి, దేహం ... మీరిచ్చిన బహుమానం ...!!! ఎన్నిజన్మల పుణ్యమో మీకు జన్మించటం !! ఆజ్ఞాపించండి .... మీరిచ్చినఈ శరీరం, ప్రాణం మీరుణం తీర్చట౦లో అమరమైనా అన౦దమే... !! -------1/2/2014

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1krAwEY

Posted by Katta

సిరి వడ్డే కవిత

ll నా వల్లకాదంటూ ll అంబరం నీలాన్ని వలదంటే హరివిల్లు వర్ణాలను వద్దంటే తారలు ప్రకాశాన్ని వదిలేస్తే జాబిలమ్మకు చల్లదనమే పడదంటే కూనలమ్మ స్వరాలనే వినిపించనంటే చిలుకమ్మ పలుకులను విడనాడితే మయూరం నర్తనాలను మరిచానంటే కలహంస నడకలలో వయ్యారం వద్దంటే "సిరి"మువ్వ రవళించలేనంటే మురళి ..వేణుగానమే నిలిపేస్తే వీణియకు నాదమే పడదంటే మృదంగం మౌనాలనే ఆశ్రయిస్తే రవి ప్రకాశమే నిలిపేస్తే శశి వెలుగుల జిలుగులనే వదిలేస్తే మబ్బులు జల్లులనే ఆపేస్తే పవనుడు వాయు దిగ్భంధనమే కావిస్తే కుసుమాలు వికాసమే తమ వల్ల కాదంటే విత్తుకు మొలకంటేనే విసుగంటే వృక్షం ఎదగడమే దండగనుకుంటే వసంతమే పూలపరిమళాన్ని నిరాదరిస్తే లతలకు అల్లికలే అలుపు తెప్పిస్తే వాగులు ప్రయాణమే ఆపేస్తామంటే పసి గువ్వల రెక్కలే అలిగితే ధరణి విరామమే కోరుకుంటే సాలీడు అల్లికల నేర్పునొదిలేస్తే గోమాత క్షీరధారలనే నిలిపేస్తే హృదయ స్పందనలు విరామమే కోరుకుంటే అమ్మ శ్రమకు, సహనానికి రాజీనామా చేసేస్తే..... మానవ జాతికి మనుగడే లేదుగా ? జీవనానికి ప్రమాణమే జారిపోదా ? జీవితానికి ప్రయాణమే ఆగిపోదా ? మనిషి జన్మకు అర్ధమే మారిపోదా ? అందుకే .... ఉత్సాహంగా బ్రతుకునే సాగనివ్వు , సంతోషాల వడిలో వాలనివ్వు , తొలకరి జల్లై దిగి రానివ్వు , వాగుల నేస్తమై నను పయనించనివ్వు .. నా ఉనికినే నువ్వు మరిస్తే, నే శ్వాసనే విడుస్తా .. నా ఊహలకే నీవు ప్రాణం పోస్తే , అనుక్షణం నీ ఛాయనై నడుస్తా ... ll సిరి వడ్డే ll 03/02/2014

by సిరి వడ్డే



from kavi sangamam*కవి సంగమం*(Poetry ) http://ift.tt/1bTXgro

Posted by Katta

Rvss Srinivas కవిత

|| అస్తిత్వం || నీలో ఉన్నది నేనైతే నీతోడుంటానంటూ నీతోడంటూ నా తోడైనది నీవే ప్రతి నిమిషం నిన్ను నీడలా వెంబడించేది నేనైతే, నా నీడై నాకు తెలియకుండానే నన్ను అనుక్షణం అనుసరించేది నీవే నిన్ను ప్రేమిస్తున్నది నేనైతే నా ప్రేమగా మారిపోయింది నీవే. నీవు ప్రాణప్రదమన్నది నీవైనా నాలో ప్రాణదీపమై అఖండ కాతులు వెదజల్లేది నీవే. నీ మదిలో చిత్రించుకున్నది నా రూపమైనా చిత్రంగా మదినే నీ చిత్రంగా మార్చేసుకున్నది మాత్రం నీవే...నీ ప్రణయమే. "నీవు సగం నేను సగం" అనే అర్ధనారీశ్వర ఆరాధనం నీదైతే... నీవే నేను... నేనే నీవు ఒకరు లేకుంటే వేరొకరికి అస్తిత్వం లేదనే రాధామాధవీయతత్వాన్ని నిత్యం స్మరించేది నేను...@శ్రీ 03/02/2014

by Rvss Srinivas



from kavi sangamam*కవి సంగమం*(Poetry ) http://ift.tt/1nH6IXx

Posted by Katta

Kapila Ramkumar కవిత

కపిల రాంకుమార్|| మచ్చ || ఒంటరి గది, చిన్న కిటికి రెండో మనిషికి నిలబడె చోటులేని ఇరుగు గది... ఆ గదిలో దాదాపు ఐదేళ్ళు బందీని! అదీ పెళ్ళయ్యే వరకు! తలచుకుంటేనే భయం! భయం! రజస్వలైన 12 ఏటనుండి తిండికి స్నానానికి తప్ప - బయటిలోకం తెలియకుండా నిర్బంధానికి గురిచేసిన - సంప్రదాయపు సంకెళ్ళు! మరువలేని కరాళ నృత్ర్యం! కళ్ళల్లో శూలాల్లా గుచ్చుకుంటూ కంటి నిండా నిద్రలేని రోజులెన్నో కన్నీటి చారికలతో చెంపలు - బిగిసిన విషాదపు ఘాతాలెన్నొ! చదువు చంకనాకి - గుణింతాలు మరిచిపోయే మైమరుపు ఆవహించినట్లు - అక్షరాలు తడుముకుంటూ పనికిరాని కాగితాలపై - కాటుకలో ముంచిన చీపురుపుల్లతో రాసుకున్న పిచ్చి భావనాగీతాలెన్నో! *** ముక్కు మొహం యెరుగని కొత్త వ్యక్తితో ముడిపడేవరకు లభించని విముక్తి అది స్వేచ్చ మాత్రం కాదు మరో బందిఖానాకు బదిలీ మాత్రమే అక్కడా ఎన్నో నిబంధనలు, నియమాలు కట్టుబాట్లు .... చదువుకు మాత్రం పుల్‌స్టాప్‌ పెట్టిన వైనం! కోరిక కొంత కాలనాళికలో స్థాపితం కాబడిన కొత్త కారాగారం అత్తవారిల్లు! *** ఒక రోజు పెద్ద ఉరుము మీద పడ్డట్టు మా వారి గొంతు ఎవరో చెప్పితే, విని ముక్కోపంతో రాక్షసుడిలా ఘర్జన... '' చదువురాదను కుంటే కవితలు, కథలు కూడానా....అదీ పురుషాహంకారాన్ని సవాలు చేసేలానా? '' అంటూ తన నడుము బెల్టుతో విశ్వరూపం నా వీపుమీద! కళ్యాణమైన తదుపరి సుఖపడింది లేదు పైపెచ్చు ఆంక్షలు! పాబందీలు! పెళ్ళికాకముందు చిత్తుకాగితాలపై రాసిన భావనలు మా తమ్ముడు జాగ్రతగా వివిధ పత్రికలు పంపినట్టున్నాడు నా కర్మకాలి అచ్చవటం - మా యముడి దృష్టికి రావడం! ఈ రసాభాసకు ఆజ్యం అయింది! మళ్ళీ నాలుగేళ్ళు మౌనం! మా యమునిలో మార్పు వస్తుందేమోనని అదీ ఒక కొడుకుపుట్టిన తరువాతనైనా అడియాసే మిగిలింది..... ఆంక్షలు యథాస్థితే కొనసాగింది! రెండో సంతానం ఆడపిల్ల కలగగానే నాలో పట్టుదల ఎక్కువైంది! నాలా నా బిడ్డ నిర్బంధాలకు గురికాకూడదనుకున్నా! గట్టి నిర్ణయం తీసుకున్నా యముడ్ని సమధానపరచాలని చూశా! - ఊహూఁ . ససేమిరా అన్నాడు! నా అత్త మామలు అదే దారి తీవ్ర సంఘర్షణానంతరం విడాకుల వరకువెళ్ళింది! కొంత కాలానిలి మా ఆమ్మ, నాన్న గతించారు, ఇక నాకు పెద్ద దిక్కుగా ఒకే ఒక వితంతు సోదరి, తను మాత్రం నా భావాలకు విలువిచ్చి ప్రోత్సహించింది కాబట్టి మీ ముందు ఓ రచయిత్రిగా, కవయిత్రిగా, కాలమిస్టుగా ఒక తల్లిగా, ఒక ఉద్యమ కార్యకర్తగా ...నిలబడ్డాను.! అందుకు నా లాగే మచ్చలనుభవించిన మా అక్క నన్ను ఇంత దానిని చేసింది....ఆమెకు ఎల్లపుడూ ఋణపడివుంటా నేనెల్లపుడూ..... నా బిడ్డ, నాకొడుకు ఇద్దరు చదువుకుంటున్నందుకు ఆనందం, సంతోషం, నేపుట్టిన 33 సంవత్సరాలనంతరం నాలో కొత్త సమరోత్సాహం ! వంటి మీద మచ్చలుగా మిగిలినా, మనసుమీది మచ్చను తొలగించాలని మచ్చరాలిక రాకుండా నిలువరించాలని! ***..... ఒకానొక దృశ్యం దీనికి ప్రేరణ ..... 1.2.2014 సాయంత్రం 4.10

by Kapila Ramkumar



from kavi sangamam*కవి సంగమం*(Poetry ) http://ift.tt/1jW02EC

Posted by Katta

Pusyami Sagar కవిత

!!ప్రవాహం!! _________పుష్యమి సాగర్ మాటలన్నీ కూడబలుక్కొని తరిమి కొట్టాయి దూరంగా ... రెక్కలు విప్పిన నా ఆలోచన ని ...!!!! పొద్దు లేచింది మొదలు సూరీడు ని భుజాన మోస్తూ పడి లేస్తూ పరిగెడుతున్నా కూడా మస్తిష్కం చుట్టూ సృజన మిణుగురులు ఎక్కడో ఆరిపోయిన భావుకత కి వెలుగు అవుదామని !!!! నా దాహం తీరనిది ఎన్ని ఒయాసిస్సుల వెంట నడిచినా కూనలమ్మ పాదాల కోసం వెతకడమే !! సంఘటన లు వెల్లువెత్తి వాన లా కురిసినపుడు ఇంకు చుక్కలు బుక్కులో రాతలువుతున్నయి ...రక్త సిక్తం గా నో ...విషాదకరం గానో ....!!! ప్రపంచం లో ఏ మూలన ఏది జరిగిన అక్షరం రివ్వున ఎగిరే పక్షి అవుతుంది . మాట వాహకమై బుల్లి పెట్టెల్లో మధ్యమము గా మారి అర చేతుల్లో రెప రెప లాడుతూ వుంటుంది .. అంతు లేని అనంత ..భావ ప్రవాహం ..!!! పిబ్రవరి 1, 2014

by Pusyami Sagar



from kavi sangamam*కవి సంగమం*(Poetry ) http://ift.tt/1bLChaf

Posted by Katta

Jagaddhatri Dhaathri Jagathi కవిత

2) జగద్ధాత్రి ||వందే మా“తరం” || అమ్మ అన్నది ఒక కమ్మని మాట అన్నాడో కవి అమ్మా నాన్న రెండు కమనీయ పదాలు అస్తిత్వం ఇచ్చిన బీజ క్షేత్రాలు మమకారం వారికే కాదు మొక్కకీ ఉంటుంది కాసుల కోసం కన్నవారిని వీడి దూరాలు పోయిన నిస్సహాయత మహాలక్ష్మి లా వెలిగిన అమ్మను విష్ణుమూర్తి లాంటి నాన్నను వారి స్వంత యింటి వికుంఠపురినుండి విడదీసి .... గాజు బొమ్మలను షో కేస్ లో పెట్టినట్టు ఆశ్రమాల్లో వారికి ఏ శ్రమా లేకుండా చూడాలని మొగ్గై చిగిర్చి , పూలు పూసి కాయలు కాసి , నీడ నిచ్చే చెట్లుగా తాము ఎదిగినా ఆ చెట్ల కింద సేద తీరేందుకు అవకాశం లేని అమ్మ నాన్నలెందరో అమ్మ తినిపించిన గోరు ముద్ద రుణం తీరేది కాని దైనా తమ చేత్తో ఒక ముద్ద పెట్టాలని ఆశ పడే ఎందరో బిడ్డలు నాన్న కొని పెట్టిన సైకిలు తొక్కుతూనే ఎదిగిన కౌమారం ఇప్పుడు నాన్నను కారులో తిప్పాలని ఉన్నా అదృష్టం లేని అసహాయత దేశం వీడి రాని వారి మమత వచ్చినా వారి తో కాసేపు గడపలేని కాల హీనత చుట్టాల్లా ఓ పలకరింపు ఎప్పుడో కాస్త ఊరడింపు మా అబ్బాయి సాఫ్ట్ వేర్ అని గర్వంగా పలికే అమ్మ నాన్న హృదయాలలో సాఫ్ట్ వేర్ చిక్కు ప్రోగ్రాముల్లాంటి హార్డ్ వేర్ ని మోస్తూ లక్షలే లక్ష్యంగా మరల్లా అమరి పోయిన మెరుపు లాంటి జీవితాలు ఇటు కన్న వారితోనూ అటు తాము కన్న వారి కోసమూ ఒక్క నిమిషాన్ని కూడా వెచ్చించలేని వెతల జీవనాలు తమ బాల్యం నుండి తీపిని కనీసం రుచి కూడా పిల్లలకు చూపలేని అశక్తత సమస్య తరాల అంతరానిది కాదు ఆత్మీయత కొరవడిన ఆత్మలదీ కాదు మర మెరుపుల్లో చిక్కుకున్న సాలీడు బతుకులు ఎక్కడమే తప్ప దిగడానికి మెట్లు లేని నిచ్చెనలు నిచ్చెనలను పగల కొట్టి పారేసి మళ్ళీ అమ్మ ఒడి లాంటి అమ్మ దేశానికి వచ్చేద్దామన్నా అలవాటు పడ్డ ప్రాణాలకు అలవికాక వదల లేక అటు కన్నవారి కోసం కాకున్నా తాము కన్న బిడ్డల కోసమైనా తప్పని సంపాదన కళ్ళల్లో పెట్టుకు పెంచింది కొడుకుని నిర్దాక్షిణ్యంగా వదిలేశాడు అనే నిందలు ఒక చెవిన అలకిస్తూనే ఒక్క రోజు అలసించినా దక్కని ఉద్యోగాల కోసం పరుగులాట దేహానికి మెదడు తప్ప మరేదీ లేనట్టు నిరంతర ప్రయాస ఇంకా ఎదగాలి ఇంకా ఇంకా అంతులేని ఎత్తులకు ఆప్యాయత చెమ్మ నెరుగని అందమైన గాజు మేళ్ళల్లో బంధింపబడిన బంధాలు ఇంకిన చెలమల్లా పొడి పొడి గా నవ్వుతూ ప్రతి క్షణం దిన గండం నూరేళ్ళాయుషు లా గడుపుతోన్న రోజులు నువ్వు పంపిన డబ్బుతో గాజులు చేయించుకున్నా నాన్నా అని అమ్మ చూపిస్తే వెబ్ కాముల్లో చూడటమే తప్ప ఆప్యాయంగా అమ్మ చేతిని స్పృశించలేని తనం సంధి యుగం లో అటు సంప్రదాయనికీ ఇటు ఆధునికతకూ మధ్య ఎటూ కానితనం ఏమీ చేయలేని తనం ఇవన్నీ ఎంత బాధిస్తున్నాయో ఎరుగనిదీ ప్రపంచం సమస్య ఉన్న చోటే పరిష్కారమూ ఉంటుంది మరి ఈ సమస్యకి ఏది పరిష్కారం ? ఇంకా యోచిస్తూనే ఉంది మా తరం దీనికి హార్డ్ వేరుల్లోనూ సాఫ్ట్ వేరుల్లోనూ ఎక్కడా సోల్యూషన్స్ లేవు కంప్యూటర్లతోనే కాపురాలు చేయాల్సి రావడం అదృష్టమా ? దురదృష్టమా ? అనాలోచితంగా మాట విసిరేసే వారి ముందు అసహాయంగా తల దించుకోవాల్సి రావడం ఇన్ని ఒత్తిళ్ళ మధ్య బతుకుతోన్న తరం మాది పరిష్కారమేదైనా సూచించగలరా ? మీరు.... మీరు ....మీరు.... మీలో ఎవరైనా !!! ఉంటే వెంటనే చెప్పండి మాకూ విశ్రాంతి కావాలనే ఉంది మాకూ సేద తీరాలనే ఉంది సాఫ్ట్ వేరుల్లోనూ హార్డ్ వేరుల్లోనూ చిక్కుకుని మా వేరులని మరిచి చరించాలని మాకూ లేదు మేమూ కన్న బిడ్డలమే మేమూ తల్లి తండ్రులమే గా మరి బొమ్మలు వాళ్లైతే బోరుసులం మేము కామా!!! ....................................................ప్రేమతో జగతి 3.31పి.ఏం 1/2/2014 శనివారం

by Jagaddhatri Dhaathri Jagathi



from kavi sangamam*కవి సంగమం*(Poetry ) http://ift.tt/1iXvUbM

Posted by Katta

Sudarshan Punna కవిత

హైకూలు / పున్న సుదర్శన్ చెట్టుమనసు కొమ్మపై విరిసింది పరిమళంగా.. కళ్లు కరిగి పిల్లాడి బుగ్గమీద తల్లి ప్రేమకై..

by Sudarshan Punna



from kavi sangamam*కవి సంగమం*(Poetry ) http://ift.tt/1nGYpLa

Posted by Katta

కాశి గోవిందరాజు కవిత

లాస్ట్ పెగ్ కారణాలు సెప్పడం కోసం మొఖమొకాలు సూత్తే నా దగ్గరొక నవ్వు , నీ దగ్గరొక నవ్వూను ఎందుకంటే ప్రేమంట? అనడగాలని అనిపించలేదు. కొద్దిపాటి మాటలకి కళ్ళు తడుస్తాయని తెలిసీ రాసినదంతా నిజమేనా అంటే నిన్ను వెనక్కి తీసుకెళ్ళి సూపించలేను నే చెప్పేది విను అన్నకాడల్లా కుప్పకుప్ప్పలుగా ప్రేమున్నట్టు కొద్దిమందికే తెలుస్తాది అదికాదురా అని అతనితో నువ్వు వాదిస్తుంటే నాకొక్కటే అనిపిస్తది కొందర్ని గెలవడానికి యుద్దాలతో పని లేక మాటల్ని మనమే సృష్టించుకోవాలని. మాట్లాడడం అయిపోయాక మళ్ళీ కళ్ళు సూసుకుంటే, నాన్నకి సెప్పినట్టే ఒరేయ్ ఇది లాస్ట్ పెగ్ మనమెల్లి పడుకుందాం అనాలి నేను. చెరొక దిండూ సర్దుకున్నాక నువ్ గురకెట్టకుండానే నేను నిద్రపోతే అచ్చం నాన్నలాగే నిన్నూ లేపాలి రాత్రి మేల్కొన్న రంగంతా కళ్ళలో ఉండి కళ్ళెర్రజేసినట్టు కనబడతా ఉంటే కొందర్ని గెలవడానికి యుద్దాలతో పనిలేదని మాటల్ని మనమే సృష్టించుకోవాలి సందర్భాల్ని సేజిక్కించుకుంటామో లేదోగాని లాస్ట్ పెగ్ లన్నీ సెప్పేదొక్కటే కళ్ళుమూసి గ్లాసులోది గొంతులోకూసినట్టు మనసులోది మనుసుల్లోకి ఊసేయ్యాలి. 01/02/2014

by కాశి గోవిందరాజు



from kavi sangamam*కవి సంగమం*(Poetry ) http://ift.tt/1nGVS3N

Posted by Katta

Patwardhan Mv కవిత

కుప్పు స్వామి మేడ్ డిఫ్ఫికల్టు::: కవిత్వం గూర్చి వివిధ నిర్వచనాలూ, వాదాలూ,నిర్మాణ సౌందర్యాలూ ఇవన్నీ సరే !కానీ నాలో ఒక మౌలిక ప్రశ్న ఉండనే ఉన్నది.కప్పి చెప్పేది కవిత్వం అన్నారు కదా.ఏ మేరకు? ఏ పద్య క్లిష్టతను నిరసించి వచన కవిత్వం వచ్చిందో అంతకన్నా క్లిష్టంగా ,అస్పష్టంగా ఉన్న వచనమే అసలైన కవిత్వమా? ఒక వేళ ప్రయోజనమే పరమావధి అనుకుంటే నా మనసు ...బాపతు కవితల కంటే అబలా నువ్వు సబలవు కావాలికే ఎక్కువ ప్రయోజనం కదా! వచన కవిత్వానికీ కింద ప్రతిపదార్థ తాత్పర్యం రాసుకోవాలా? ఆ మాటకొస్తే పద్యాలు నిఘంటువు దగ్గరుంటే దాటేయొచ్చు. కవిత్వ స్థాయిని నిర్ణయించేది అంతిమంగా చదువరులైనప్పుడు విమర్శ ప్రయోజనం ఎంతమేరకు?విమర్శకులు తీసేసిన కవిత సమాజంలో అద్భుత ప్రభావం చూపించొచ్చు కదా? ఏమో అంతా అయోమయం....ఇదంతా కొత్తగా రాసే కవులను భయపెడుతుందేమో! ఏది కవిత్వం? ఏది అకవిత్వం?నిర్ణయించేది ఎవరు?ఏమో...ఈ ప్రశ్నలు నాలో ఇలాగే ఎండిపోతాయేమో!!! ఇవి అర్థ రహితాలో,సహితాలో నిజంగా నిర్ణయించుకోలేకపోతున్నాను.ఎవరైనా సింపుల్గా చెప్పండి. 03-02-2014,మంచిర్యాల్.

by Patwardhan Mv



from kavi sangamam*కవి సంగమం*(Poetry ) http://ift.tt/1k2ffnB

Posted by Katta

Pardhasaradhi Vutukuru కవిత

ఎదుగుతున్నాం ఆర్ధికంగా ఎల్లలు లేకుండా దిగజారి పోతున్నాం మానవతకు కడుదూరంగా ప్రేమ కరుణ పుస్తకాలలో దాచేసి స్వార్ధం పేరు ప్రఖ్యాతుల కోసం ప్రాకులాట ప్రతి సంబంధం వ్యాపారాత్మకమే జీవితం అంతా యాంత్రికమే నిజాయతీగా ప్రశ్నించుకో నిన్ను నీవు పరిశీలించుకుని భయమే ఎదురోస్తుంది మన పొరపాట్లు తెలుస్తాయని మనకు తెలియని దోషం ఇంకొకటి వున్నది నేస్తమా మనల్ని మన పిల్లలు అనుసరిస్తారని తెలియక పోవటం మనుషుల నుంచి యంత్రాలం అయ్యాము మరో భావి యంత్రాలను తయారుచేస్తున్నాం నిస్వార్ధం గా జీవిద్దాం సేవే పరమావధిగా తలంచుదాం సుందర జగతి ని సృష్టిద్దాం సంతోషం గా జీవిద్దాం !!పార్ధ !!03feb14

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/1nGOxRP

Posted by Katta

Patwardhan Mv కవిత

సింహాచలం లక్ష్మణ్ స్వామి గారి కవిత ఈనాటి సూర్య పత్రికలో ప్రచురితం.

by Patwardhan Mv



from kavi sangamam*కవి సంగమం*(Poetry ) http://ift.tt/MQilxw

Posted by Katta

Chand Usman కవిత

చాంద్ || ఇంతే ఇలాగే సాగిపోవాలి || ఇంతే ఇలాగే సాగిపోవాలి చిక్కగా కుమ్మరింపబడిన చీకటి తనువంతా జారుతుంటే అక్కడక్కడా రక్తం కారుచున్న చోట వెలుగుతున్న నన్ను నాకు నేనే వెన్నెలగా చెక్కుకుంటూ రాత్రిని ఈదుతూవుండాలి అస్పష్టంగా కనిపిస్తున్న మొఖంపై చిరునవ్వును తడిమి తడిమి చూసుకుంటూ అడుగడుగునా పెనవేసుకున్న బంధాలను చిక్కులు పడకుండా దారంతా జాగ్రత్తపడాలి జీవితమంటే అన్నిటికీ నవ్వడమే కాదని వెక్కి వెక్కి ఏడుస్తున్న మదిలో ఒక మూలన కన్నీరును ఆలుచిప్పలలో దాచి ముత్యాలులా మార్చుకోవాలి ప్రతీ ఉదయం నాతో నేను పోరాడుతూ నన్ను గెలిపిస్తూ నేనంటే కొన్ని హృదయాలు కలిసిన చోటు మరికొన్ని జీవితాలు గెలవాల్సిన చోటని నాకు నేర్పాలి ఇంతే ఇలాగే సాగిపోవాలి చివరికి మిగిలే ఖాళీ సమాధిలో నేను కుప్పగా మట్టిలా పోయబడిన తర్వాత ఇంకా స్పష్టంగా జీవిస్తూవుండాలి మీ చాంద్ || 01.Feb.14 ||

by Chand Usman



from kavi sangamam*కవి సంగమం*(Poetry ) http://ift.tt/1nySQi6

Posted by Katta

Srinivas Reddy Paaruvella కవిత

A Rakshasa’s proclamation - Madduri Nagesh Babu 'The poet should be a complete man'. Feel angry Feel impatient Like pins are being stuck all over my body Like I am being skinned and salt and pepper are being rubbed over my flesh I feel stuffy, uncomfortable Like being stranded in a tunnel and struggling to find my way; I am the carcass of the mosquito which died stuck between palm leaf manuscripts, I am the empty centuries bleeding from the weight of the thorny crown of distorted oral literatures. My mind became fuel for some fictional fire accident My imagination is crouching in shame, fear and submissiveness in some crevices of humiliations-filled latrines I have no Jandhyam*, no Sandhya You won't find a letter if you cut open my stomach, I have no faith in prophets or reformers and, especially, no loyalty either; Feel hot Feel a nausea stirring in my stomach Feel like I am listening to Sanskrit Slokas A desire resulting in action A bird flapping its wings to fly A man living as a man– When all those remain mere illusions When I always remain an unending debt When un-men pass off as human and honourable– how can I be a man? How can I think with complete humanity? I eat salt and pepper like everyone, I am an ordinary living creature composed of weaknesses, satiations and passions: it might be possible for a Mahatma to forgive and offer his tears to someone who has raped his mother in front of his eyes, stripped, paraded and banished her, to wash his loins, but not for me. It might be possible for some good soul even in the last days of this 20th century to love Manu and his serpent offspring and write worldly love letters, but I can't do it I was born to one father I love my country and citizenship From the age of the Vedas I've been dreaming with sweaty eyes of realising here a heaven without caste and varna I am not a complete man You might not accept me as a poet You might not have a seat for me in your literary sabhas nor a page, a line in your underhand literary history it still doesn't matter I still can't show my cheek again I can't chop off and present my thumbs or heads to prove my humility and loyalty Feel foul Feel very disgusted Feel very Chunduru Chunduru Feel very Karamchedu Karamchedu I need a great bath now I need a purification– until then, the need to prove myself human is a great historic un-necessity. Translation of Madduri Nagesh Babu's Telugu poem 'oka raakshasuDi prakaTana' (from his collection of poetry 'velivaaDa'). ( ఎవరి అనువాదమో వివరాలు తెలియవు )

by Srinivas Reddy Paaruvella



from kavi sangamam*కవి సంగమం*(Poetry ) http://ift.tt/1kpN0gq

Posted by Katta

Sasi Bala కవిత

పెదవి పలకలేని భావాలను కళ్ళు చెబుతున్నాయి మనసు చూపలేని ప్రేమను చాచిన నా చేతులు చెబుతున్నాయి నీతో పంచుకునే ప్రతి వూసూ కవితగా వెల్లి విరుస్తున్నది మామూలు మనిషిని నన్ను కవిని చేసావు గీతే గీయడం రాని నన్ను చిత్రకారుడిని చేసావు ఏమని వర్ణించను శశి బాల.........3 feb 14

by Sasi Bala



from kavi sangamam*కవి సంగమం*(Poetry ) http://ift.tt/1bTpJ0p

Posted by Katta

Krupakar Ponugoti కవిత

ఒకరోజు ఒక మాదిగ మహా కవి ఫోన్ చేసి ' ఇనాక్ గారికి పద్మశ్రీ వచ్చిం ' దని అభినందన పూర్వకమైన సంతోషం తో చెప్పాడు.నేనన్నాను కదా ' అన్నా, ఇనాక్ గారికైనా ,మీకైనా ఈ ప్రభుత్వ పురస్కారాలన్నీ చిన్నవవుతాయి,మీ ప్రతిభను ప్రభుత్వ పురస్కారాలు కొలవలేవు.పైగా మరణానంతరం కొంతమంది అగ్ర కులాల వారికి ,బతికుండగానే కొంతమంది అగ్ర కులాల కుర్రాళ్ళకీ ప్రకటించ బడుతున్న ఈ పురస్కారాల ఎంపికలో కుల వివక్షలు చోటు చేసుకుంటున్నాయి.కావాలంటే గతం లో పొందిన వారి లిస్టు తియ్యండి 'అన్నాను .ఉదాహరణకి భారత రత్న చూడండి నవభారత రాజ్యాంగ నిర్మాత డాక్టర్ బాబా సాహెబ్ అంబేడ్కర్ గారికి ఇవ్వడం వల్ల ఈ పురస్కారానికి ఖ్యాతీ ,గౌరవం పెరిగింది .కాగా ఈ పురస్కారం అందుకున్న వారి పేర్లలో చాలా పేర్లు గమనిస్తే ,పొందిన వారిలో 'వీరూ కూడా వున్నారా?' అని సగటు భారతీయులే ఆశ్చర్య పోతారు.ఇదీ మన ప్రభుత్వ పురస్కారాల కథ. ఏమంటారు మిత్రులారా?

by Krupakar Ponugoti



from kavi sangamam*కవి సంగమం*(Poetry ) http://ift.tt/1bTpHps

Posted by Katta

Srinivas Vasudev కవిత

Dear friends, just now recvd our poet friend Jayashree Naidu 's poem on "Loner" here it is. Loner ------- One sudden breath one weird thought a streak of darkness I met you you never spoke I heard my heart you never hug I wrapped my arms the warmth of you fed the silence in me the gloom of your glove taught flight to my dove the loner's footsteps are my soul's accompaniment the fragrance of life is when I smile at my loner! me and my words seek thee... my sky and my moon reflect thou Night never sees a Sun the stars share it in pockets my loner wraps it in words makes lullabies for the tired life a song is born when we are in unison! ----Jayashree Naidu.

by Srinivas Vasudev



from kavi sangamam*కవి సంగమం*(Poetry ) http://ift.tt/1kpN0Nx

Posted by Katta

Kavi Yakoob కవిత

Yakoob | CREATION .............................. “Why do we write? Battling within ourselves Yearning Heightened by vexation Intolerance Stress Why do we write within?” “ To understand, absorb The transcendental sorrow In us Within us To feel and experience and See sorrows that seen invisible That lie hidden deep within To know ourselves We write so When we look at life Through a gaze that is Different Natural Clear An exquisite feeling Moves us to experience the slightest touch Then, How can we not write?” [Translated from Telugu by Dr. Y. Satyanarayana from the volume Sarihaddu Rekha (Nov.2002) ; poem titled : Srushti (P.9)

by Kavi Yakoob



from kavi sangamam*కవి సంగమం*(Poetry ) http://ift.tt/1a9Sj2h

Posted by Katta

Pulikonda Subbachary A Poet కవిత

Dear friends read and respond. Pulikonda Subbachary

by Pulikonda Subbachary A Poet



from kavi sangamam*కవి సంగమం*(Poetry ) http://ift.tt/1dfLrLP

Posted by Katta

Krishna Mani కవిత

రాజ్యమా ! ******** చిలవలు పలువలుగా విలువలవలువలను ఇప్పిపారెశె దుశ్యాసన పాపనాసుల కాళ్ళకింద పడి విలవిలలాడుతున్న ఓ రాజ్యమా ! నీ సంతానం చాతగాని గాంభీర్యం ! ఏలనీకే నాలుగు పాదాలు చెదలు పట్టించిన ఘనులు చేసేయన్నిచట్టాలు దోయనీకే చుట్టాలు బక్కోనికి బొక్కలు రక్షకులే ఊరేనక పెద్దబోజలు బలిసినోడి గేటు కాడ ఊరకుక్కలు లేనోడి భుమికాడ గుంత నక్కలు అడిగేటోడి నెత్తిమీద గన్ను ఎక్కులు పాతకారు ఓయి కొత్తకారు ఒచ్చె ఉన్నసైకిలు ఓయి చేత్ల చెప్పులు వట్టే బయటికేమో అందరొక్కటే లోపలేమో దొంగజేబులు సావనోని పిండానికి ఎదురుసూపులు చెప్పనీకే పాత గొప్పలు పక్కోనికి నవ్వులాటలు ఉన్మాదపు కొడుకుల తొక్కలేక సంపలేక సావలేక నలుగుతున్నవు చెప్పలేక తూట్లు వడ్డ మెరుపు వలువలొ లోకం సూడా గొప్పగున్నవె ! కృష్ణ మణి I 03-02-2014

by Krishna Mani



from kavi sangamam*కవి సంగమం*(Poetry ) http://ift.tt/1gFg0m3

Posted by Katta

R K Chowdary Jasti కవిత

కలం నా గుండెలో వేదనని తన మనసులో నింపుకుని నా గాయాల్ని తన గేయాలుగా చేసుకుని నాలోని సంఘర్షణని తన మౌనంలోకి మార్చుకుని నా కన్నీటిని తన రక్తంగా చేసుకుని నాలోంచి తన కంటికొస నుండి కవిత్వాన్ని స్రవిస్తూ నా కలం! ఎండిపోయిన తోటని తడుపుతూ దున్నుతూ పత్రహరితాన్ని రచిస్తూ ఆ హలం! © జాస్తి రామకృష్ణ చౌదరి 02.02.2014@3.35PM

by R K Chowdary Jasti



from kavi sangamam*కవి సంగమం*(Poetry ) http://ift.tt/1gFg05v

Posted by Katta

Kancharla Srinivas కవిత

వాకింగు జాగింగు మానేసి జనం చేస్తున్నారిపుడు అభినవ ప్రాణాయామం అధరాల వ్యాయామం.. ఇంత ముద్దుగా చెప్పాక ఎందుకు పాటించం మనం.. ఒక్కసారికే 3600 కెలోరీలు ఖర్చవుతాయట నితిన్ చెప్పాడు కాదు.. కాదు పూరీ చెప్పించాడు హార్టెటాక్ అవకండి ఇది నిజం..

by Kancharla Srinivas



from kavi sangamam*కవి సంగమం*(Poetry ) http://ift.tt/MPSSV8

Posted by Katta

Vempalli Reddinagaraju కవిత

వేంపల్లి రెడ్డినాగరాజు !! మా ' స్వప్న ' o -మా ' ప్రణ ' తి !! 28-9-2013/02-02-2014 ************************ మెరిపించే మేని చాయనీ ముదుతల్లేని ముఖారవిందాన్నిచ్చే సబ్బులు కాదు ఇప్పుడు మాక్కావాల్సింది మ్రుగాళ్ళ ఆకలి చూపులతో మకిల పట్టిన శరీరాల్నీ కాంక్షల కళ్ళతో మలినపడ్డ దేహాల్నీ పరిశుభ్రం చేసే సరిక్రొత్త సబ్బులు కావాలిప్పుడు అమ్మలనూ అమ్మాయిల్లా చూపుతూ అబ్బురపరిచే టెలీవిజన్ ప్రకటనల్లోలా ' స్టార్ ' లయ్యే అవకాశాలను తెచ్హే సబ్బులు కాదు ఇప్పుడు మాక్కావాల్సింది కాలేజీ ప్రాంగణాల్లో ప్రేమించమని వేధిస్తూ వెంటబడే కామ పిశాచాలు కుమ్మరించే యాసిడ్ ద్రావకం కడవలకొద్దీ మీదబడ్డా కమిలిపోక తట్టుకునేలా మా చర్మాన్ని మరింత దళసరి చేసే క్రొంగొత్త సబ్బులు కావాలిప్పుదు పట్టులాంటి మ్రుదుత్వం ముత్తుకుంటేనే కందిపోవడం లాంతి కాసులు రాల్చుకునే కాస్మో ' ట్రిక్స్ ' పడికట్టు పదాల ఊరింపు మాటలతో దేహంపై వ్యామోహం పెంచే సబ్బులు కాదు ఇప్పుడు మాక్కావాల్సింది మోహంతో..పైశాచికానుభవ దాహంతో నవ మానవ వన మ్రుగాలు విసిరే విచ్హు కత్తుల్లంటి చూపుల పిడిబాకులకు చిద్రమవుతూ కని పెంచిన వాళ్ళకి కాటి దుఖాన్ని మిగిల్చే కూతుళ్ళుగా కాక యుద్ధ రంగంలో ఘర్జించే రుద్రమల్లా మా దేహాల్ని సన్నద్దం చేసే న్యూ ప్రోడక్షన్ కోసం ఇప్పుడు మేం ' స్వప్నించే ' ది-ఎప్పుడూ ' ప్రణతి ' oచేది (వరంగల్లు స్వప్న,ప్రణతిలు గుర్తుకు వచ్చి ) వేంపల్లి రెడ్డినాగరాజు 9985612167*

by Vempalli Reddinagaraju



from kavi sangamam*కవి సంగమం*(Poetry ) http://ift.tt/1kB49Un

Posted by Katta

Kanneganti Venkatiah కవిత

నిద్రలేవండిరా...//కన్నెగంటి జననీ శ్రీవాణి సీతమ్మ తల్లి జన్మించిన ఈపుణ్యభూమిలో స్త్రీలకు రక్షణ అందటం లేదు వరకట్న వేదింపులు మోసాలు అత్యాచారాలు,దొంగతనాలు దోపిడీలు అశాంతి అందలమెక్కి కూర్చున్నాయి మారాలి ఈపరిస్థితులు మార్పులు ఎక్కడనుంచో కాదు మన వల్లే ఈమార్పులు రావాలి చినుకు చినుకు కలిస్తే అదిఒక సాగరం చేయి చేయి కలిస్తే అది ఒక మానవహారం రండిరా.... కదలండిరా ... చైతన్యవంతులు కండిరా .. ఓ భావిభారత పౌరుల్లారా సమస్యలు అంతరించిపోయేలా సమరం చేద్దాం ఇది మన సమాజం.. ఇది మన ప్రపంచం దీనిని మనమే చక్కదిద్దుదాం నిద్రలేవండిరా ..స్త్రీలకు రక్షణ కల్పిద్దాం .. ఆనాటి గాంధీ మాటను నిలబెడదాం అత్యాచారాలు చేసే రాక్షసులను అంతం చేద్దాం మన దేశచరిత్రను కాపాడుకుందాం .! [ఇది 8వ తరగతి చదువుతున్న మా అమ్మాయి కవిత. ప్రోత్సహిస్తారని ఆశిస్తూ..]3.2.14.

by Kanneganti Venkatiah



from kavi sangamam*కవి సంగమం*(Poetry ) http://ift.tt/1ah2KRO

Posted by Katta

Sai Padma కవిత

Sai Padma //Lonely Lust…!! ~~~~~~~~~~~~~~~~~~~~ Pondering over twisted tongues Metaphorically physical beings You feel lonely Suddenly you feel lovely being lonely Amidst cacophony of life You lust for loneliness Where is real lonely-dom really? Who is real loner anyway? The smells, sounds waffling through minds Windows The brutality of silence, the sound of it The baffling lust for the unachievable Unconsummated.. yet mated passions The temple of body... the ruins of soul Both are lonely and deserted Who is real loner anyway… my dear ? Who is real loner anyway…? If you find the answers.. Don’t dare to enter my lonely-dom I am done with your Predictions and procrastinations I am lusting my real loneliness I am trying to find serene loneliness ..!! --Sai Padma

by Sai Padma



from kavi sangamam*కవి సంగమం*(Poetry ) http://ift.tt/1efpJxH

Posted by Katta

Bhaskar Palamuru కవిత

ప్రసవ వేదన! కోట్లాది ప్రజల ఆర్తనాదం తడి ఆరని రక్తంలా అగ్ని గుండంలా మండుతూనే ఉంది తరతరాలుగా వలస ఆధిపత్యపు దొరల గడీల చెరసాలలో అపారమైన వనరులు .సమ్పదలతో అలరారిన మత్తితనం కలబోసుకున్న ఈ అరుదైన మాగాణం స్వేఛ్చ కోసం ఇంకా నినదిస్తూనే ఉంది నిప్పుల కొలిమిలా ఎగసి పడుతూ ఉద్యమ బావుటా ఎగరేసింది! బతుకులు పారేసుకున్న వాళ్ళు బందూకుల ధాటికి నేలకొరిగిన బిడ్డలు ఎందరో కళ్ళ ముందే కన్నీటి బిడ్డలు చేతికొచ్చిన కొడుకులు రాలి పోయారు మట్టిని నమ్ముకుని అడవిని ముద్దాడిన పాపానికి తూటాల తాకిడికి తట్టుకోలేక చావును హత్తుకున్నారు ! పోరాటాలకు నిలువెత్తు ఉద్యమాలకు ఊపిరి పోసింది ఈ నేలనే వేలాది మందిని పోగొట్టుకుని బొడ్రాయి దగ్గర దిక్కులెనిదై నిలబడ్డది..విపణి వీధుల్లో అంగడి సరుకై ..ఊరుమ్మడి వస్తువైంది దోపిడీకి ..దౌర్జన్యాలకు బలైపోయి ఊపిరి ఆడక కొట్టుకుంటున్నది పురిటి నొప్పులను అనుభవిస్తున్నది అధికారం .రాజ్యం మారినా దొంగలదే ఆధిపత్యం ..దొరలదే పెత్తనం ఇంకానా ఇకపై సాగదని చాటండి తెలంగాణా మనదని హెచ్చరించండి!!

by Bhaskar Palamuru



from kavi sangamam*కవి సంగమం*(Poetry ) http://ift.tt/1blt7V2

Posted by Katta

Naresh Kumar కవిత

సొన్నాయిల నరేష్కుమార్//అమ్మతో చెప్పకు// నా నరాల్లోంచి ఒక్కో బొట్టూ నేలమీద పడుతూంటే నువ్వడిగావు కదా మిత్రమా నీ ఆఖరి కోరికెంటని వేటాడ బడ్డ సూర్యుడి శరీరం లోని ఒక ముక్కని మంటలపై కాల్చుకుతింటూ.. "అమ్మకేమైనా చెప్పాలా?" అని నువ్వడిగావ్ "బంగారి తండ్రీ నీకు బాదల్లు వద్దు బాడిశే దెబ్బకూ బందూకులెత్తూ" అని పాడేది మా అమ్మ పలాష్ చెట్టు కొమ్మకు కట్టిన ఊయల్లో నన్నూపుతూ ఎంత అందంగా ఉండేదో మా అమ్మ... ఎర్రని కుంకుమ నాన్న చొక్కాకి పూసి ఎర్రబడ్డ చెక్కిలితో నల్లని నన్నూ గుండెలకు హత్తుకొంటూ ఏమైందో మరి నాన్న పొయాక అమ్మ కళ్ళు ఎర్రబడితే తల తెల్లబడింది కుట్ట్మిషను పైనే నా బతుకునూ అందంగా కుట్టాలని ప్రయత్నించింది ఆటలో ఓడిన నాడు "బేటా గెలవానోడెవ్వడూ సచ్చిపోడు కానీ బతకనూలేడు ఓడిపొయినా ఆడాలె" అనిచెప్పిన అమ్మ దెబ్బకి కట్టు కడుతూ నా కళ్ళు తుడిచేది ఎప్పుడూ ఏడవలేదు మా అమ్మ ఏదీ ఏడిపించలేదు మా అమ్మని కానీ మిత్రమా.... ఈనాడు భయంగా ఉంది ఇదిగో... ఈ తూటా నా గుండెలో దిగబడ్డ తూటా అమ్మని ఏడిపిస్తుందేమో లెదూ బాడిశె దెబ్బకు బంధూకెత్తలేక ఓడిపొయిన. కొడుకుని కన్నావ్....! అంటూ అమ్మని ఎగతాలి చేస్తుందెమో అందుకే నా ఈ మరణాన్ని అమ్మతో చెప్పొద్దు బాలెట్ బాక్సుల్లో భందించబడ్డ భారతమాత విముక్తికోసం చూసినట్టు అమ్మని నా కోసం అలానే ఎదురు చూడనీయ్...03/02/14

by Naresh Kumar



from kavi sangamam*కవి సంగమం*(Poetry ) http://ift.tt/1k0Ohww

Posted by Katta

Girija Nookala కవిత

బార్బీ భారతి 2-2-2014 బార్బి బొమ్మ ఈ ఆధునిక యువతి ఇది గురజాడ వారి పూర్ణమ్మ కాదు బాల్య వివాహ బెడద లేదు,వంటింటి పొగ లేదు జీన్స్ వేసి షర్టు తొడిగి ప్రపంచాన్ని అరచేతిలొ పొదిగి అమాయకపు ఆలోచనలతొ గడప దాటి గగనంలొ విహరించి ఆకాశంలొ సగం మగవాడితొ సమం అని నమ్మి నిలువునా దోచబడు తున్నాది. కట్టు బొట్టు కట్టు బాట్లు లొ తప్ప తనికి వచ్చింది స్వాతంత్ర్యం కాదని అది బుడగ మీద ప్రయాణమని కామ కబంద హస్తాలకి తను పావు అని కక్ష వివక్ష కామ కాంక్షలకు బలి పశువునని మను చెప్పిన స్త్రీకి తనకి తేడా లేదని అసలు తనకి స్వాతంత్రానికి అర్హత లేనేలేదని రేపు లేని రోజు నేటి తోనె నూరేళ్ళు అని తెలియని నా బార్బి బొమ్మ మళ్ళీ మళ్ళీ దగా పడుతున్నాది ప్రతి రోజు రేప్ వార్తలు చదివి మనసు వికలమై పోతున్నాది

by Girija Nookala



from kavi sangamam*కవి సంగమం*(Poetry ) http://ift.tt/MOjAgS

Posted by Katta