పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

10, జూన్ 2014, మంగళవారం

ఎం.నారాయణ శర్మ కవిత

రేణుకా అయోల -నా నడకలో నగరం ______________________________________ యూంగ్ సాహిత్యానికి రెండు పార్శ్వాలుంటాయన్నాడు.ఒకటి మనస్తత్వాత్మక మైంది రెండు దర్శనాత్మకమైంది.(Psycologocal and Visionary)మనస్తత్వానికంటే మించిన సామూహిక చేతన ఒకటి మనిషిలో ఉంటుందని యూంగ్ నమ్మాడు. ఆధునిక కాలంలో ఫ్రాయిడ్ అతని అనుయాయులువేసిన మార్గాలు సాహిత్యాన్ని అర్థం చేసుకోడానికి కొత్తమార్గాలనన్వేషించాయి,ఆవిష్కరించాయి.రేణుకా అయోల కవితలో సాహిత్యతత్వమూ,మనస్తత్వమూ రెండూ ప్రత్యక్షంగా కనిపిస్తాయి.వేరొక ప్రదేశంలో ఉండి అక్కడి ప్రకృతిని చూసి తన దేశపు ,ప్రాంతపు ఉనికిని కవితలో రికార్డ్ చేయటం ఇందులో కనిపిస్తుంది. "ఏరుకోగలిగినంత ఏకాంతంలో ఎర్రగులాబీల గుత్తులు చూస్తు నడుస్తాను పల్చటిగాలి చుట్టుకుని అక్కడి మట్టిని గుర్తుకి తెస్తుంది ధూళి రేగుతున్న జ్జాపకం ఒకటి పక్కనుంచి వెళ్ళిపోతుంది " ఈవాక్యాన్ని చూస్తే ఇందులో ఙ్ఞాపకం రూపంలో తనను వెంటాడుతున్నదేదో అర్థమవుతుంది.ఫ్రాయిడ్ "ప్రాక్ చేతనా"న్ని గురించి చెబుతున్నప్పుడు ఙ్ఞాపకాలను గురించి చెప్పాడు.ప్రాక్చేతనలోని అంశాలు దమనానికి లోనుకావు కాబట్టి అవి గుర్తుకు వచ్చే అంశాలు సంఘటనలు తారస పడినప్పుడు అవి చుట్టుముడుతాయి.ఫ్రాయిడ్ దీన్ని సంసర్గ విధానం(Associative Process)అన్నాడు.సన్నిహితంగా ఉండే రెండు అంసాలలో ఒకటి కనిపిస్తే మరొకటి గుర్తుకు రావటం.దమన శక్తులుగనక ప్రభావం చూపిస్తే అంశాలు స్వప్నాలుగా ప్రవేశిస్తాయి. ఎర్రటి గులాబీలు,పల్చటిగాలి ,మట్టినిగుర్తుకు తేవడం ఇలాంటిదే.ఇలాంటి చేతన గురించి "మాండూక్యోపనిషత్తు" కొంత చెప్పింది. "జాగరితస్థానొ బహిష్ప్రఙ్ఞ:"-ఇది జాగరితమై బహి: అంటే దేశ కాలస్పృహతో ఉంటుంది..ఇందులో కనిపించేది ఇదే...ఈ అంసాన్ని ప్రత్యక్షంగా వ్యక్తం చేసే అంశాలు కవితలో ఉన్నాయి. "మనుషులు మనుషులు తగులుకుని వేడిగాలిలో మగ్గిపోయే ఒక వేడి జాపకం నాదేశంలోకి తీసుకు వెళుతుంది కూలిపోతున్న పచ్చదనం ఆకులు నామీద రాలుతాయి ద్వారాలు వేరవుతున్న చప్పుడు అమాయకంగా ప్రాణాలు తీసుకున్న చప్పుడు వాగ్దానాలు గుప్పిస్తున్న చప్పుడు ఆనందంలో ఎరుపెక్కిన కళ్ళు ఆశల పల్లకీలో ఊరేగుతున్న చప్పుడు" ఇవన్నీ ఈమధ్యకాలంలో రాష్ట్రంలో జరిగిన సంఘటనలని ప్రతీకాత్మకంగా చెబుతున్నాయి."ద్వారాలు వేరవటం""ప్రాణాలు తీసుకున్న చప్పుడు"-ఇలాంటివన్నీ ఆతరహా కాలిక స్పృహ కలిగిన అంశాలే. ప్రతీవారిలో ఒకస్థిరమైన మానసిక వాతావరణం ఉంటుంది.అయోలాగారిలోనూ ఉంది.ఇది కొన్ని పద బంధాలద్వారా వ్యక్తమౌతుంది. ఆకుపచ్చని గడ్డి అలలపై/ఆకుపచ్చని నిశ్బబ్ధం / ఆకుపచ్చని నీడ/ఆకుపచ్చని లోయ/ పచ్చదనం ఆకులు /ఈ పదాలు ఆ బౌద్ధిక వాతావరణాన్ని ప్రతిబింబిస్తున్నాయి.-ఒక శుభకరమైన ఆశంసని కోరుతూ ఈ కవిత ముగుస్తుంది. ఇవి కూడా ఫ్రాయిడ్ చెప్పిన మనోనూర్తిమత్వ నిర్మితి(Anotamy of mental Personality)సంబంధించినవే..మంచికవిత అందించినందుకు అయోలా గారికి ధన్యవాదాలు.

by ఎం.నారాయణ శర్మ



from kavi sangamam*కవి సంగమం*(Poetry ) http://ift.tt/1uSwSJz

Posted by Katta

Laxman Swamy Simhachalam కవిత

లక్ష్మణ్ స్వామి || ఈ జన్మే ఓ వరం !! || నా నేస్తమా ..ప్రియ మిత్రమా !! చీకటి చిక్కనై చుట్టు ముట్టిందా చింతించకు ! పున్నమికి చేరువవుతున్నావని మరువకు యామిని జీవితాన్ని చిదిమేస్తుందా బాధెందుకు? వేకువకు దగ్గరవుతున్నావని తెలుసుకో ..! దారిపొడుగునా పూలు పూలచాటునా ముళ్ళు ... గుచ్చి వేధించే గుణ పాఠాలు.....!! వెలుగు నీడల రుచుల్లేని జీవితం నిస్సారం ... ఎడారుల్లో ఎండమవులు....ఒయాసిస్సిలు ... కష్టాల కొలిమిలో కాలి కాలి .. జీవితమే ఉక్కు కరవాలమవ్వాలి ... కదన కుతూహలమవ్వాలి .... మృత్యువు సైతం నిన్ను చూసి గజగజా వణకాలి ... మరణం అనివార్యమే ... అదెప్పుడో.. ఎక్కడో ...తప్పదు ... హరిణమయి పారిపోక ... శార్ధూలమై..శాశిద్దాం... ఆశల సౌధాన ఆఖరి క్షణం దాకా జీవిద్దాం !! అమృతానంద మయ ఈ మానవ జన్మని పరిమళి౦ప చేద్దాం !! --------------------------- 10 – 06 -14

by Laxman Swamy Simhachalam



from kavi sangamam*కవి సంగమం*(Poetry ) http://ift.tt/1mDlzi5

Posted by Katta

Rvss Srinivas కవిత

|| భూమాతకి ఉరి || తలారి అవసరం లేకుండానే తలా ఒక చేయి వేస్తున్నాము భూమాత ఉరికి కన్నతల్లిని వధించే నైజం మా(దా)"నవ" జాతిదే అంటూ ఎలుగెత్తి చాటుతున్నాం కాల్చేస్తున్నాం దావానలంలా జీవనాన్నిచ్చిన ప్రపంచాన్ని విశ్వాసఘాతకులమైపోతూ భూమిని క్షణక్షణం 'చిత్ర'వధిస్తోంది మనం పెంచి పోషిస్తున్న కాలుష్యపు కోరల రక్కసి తనదైన రీతిలో ఉరితాడుతో సన్మానం చేసేస్తున్నాం మన మనుగడను రక్షాసూత్రంతో బంధిస్తున్న వసుధకి. మనకి మనమే ఉరి బిగించుకుంటున్నాము ప్రకృతిని మాత్రమే సంహరిస్తున్నామనే భ్రమలో...@శ్రీ 10/06/2014.

by Rvss Srinivas



from kavi sangamam*కవి సంగమం*(Poetry ) http://ift.tt/1oa2rie

Posted by Katta

Gubbala Srinivas కవిత

శ్రీనివాస్ // గుర్రబ్బండి // గాలిలో విమానమై తేలకపోయినా నేలమీద బస్సులా దూసుకుపోకపోయినా తెల్లారితే చాలు మావూరి జనాన్ని మోసుకుపోయేది. టక్ టక్ మని శబ్దం చేసుకుంటూ ఇంటికొచ్చిన చుట్టాలను అరుగుమీద దింపిపోయేది. మందిని నిండుగా నింపుకొస్తుంటే ఇంటి చూరులనుండి మేము తొంగి తొంగి చూడాల్సిందే. పండగలకి,పబ్బాలకి కొత్త అల్లుళ్ళను మరదళ్ళతో టూరింగ్ టాకీసులకి సరదాలందిస్తూ తోడ్కొనిపోయేది. ఇంట్లోకి కావలసిన పచారీ సరుకులు వొంట్లో నలత చేస్తే ఆసుపత్రికీ ఆత్రంగా మోసుకుపోయేది. కాలం కాటేసిందో ,మనిషి మరిచిపోయాడో కాలగర్భంలో కలిసిపోయింది ఆ అశ్వరధం ! ( పదేళ్ళ క్రితంవరకూ మా ఊరిలో గుర్రబ్బండి తిరిగింది ) 10-06-14

by Gubbala Srinivas



from kavi sangamam*కవి సంగమం*(Poetry ) http://ift.tt/1oa2o67

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//విన్నపం// చూసావా తండ్రీ ప్రజాస్వామ్యాన్ని అధికారానికి బలులిచ్చి సబ్సిటీలతో ఉచితాలతో ప్రజలని సోంబేరులని బిచ్చగాళ్ళని చేసి బతుకెళ్ళదీస్తున్న నాయకులంతా ఇప్పుడు రైతు వెంట పడ్డారు తండ్రీ తండ్రీ రైతునందరూ ఇప్పుడు దేశానికి వెన్నుముక అంటున్నారు వ్యవసాయం ఆపదలో ఉందంటున్నారు ఇన్ పుట్ సబ్సెటీ మద్దతు ధర దాటి రుణ మాఫీ చేస్తామంటున్నారు ఇన్సూరెన్స్ కట్టిన లైలా తూఫాను పరిహారం సగం రైతులని పరిహాసం చేసిపోతే ఆ మాట ఎవరికీ పట్టదు తండ్రీ తండ్రీ అప్పో సప్పో తాకట్టో వడ్డీతో నిలువు దోపీడీనో చచ్చే వరకూ ఏ రైతైనా వ్యవసాయం మానాడా అలగ్జాండర్ రైతైతే ఆగుప్పెట్లో నాలుగు మెతుకులుంటాయని రైతెప్పుడూ మాతా కబళం అని చెయ్యి చాపడని చెప్పు తండ్రీ తండ్రీ చెప్పు తండ్రీ నువ్వూ గుప్పెడు విత్తనాలు జల్లి తండ్రివైనావని చెప్పు తండ్రీ నీ బిడ్డలని బిక్షగాళ్ళని చెయ్యొద్దని చెప్పు తండ్రీ...........24.05.2014.....10.06.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1pB2PDX

Posted by Katta

Dabbikar Roop Kumar కవిత

డా.రూప్ కుమార్ డబ్బీకార్ // మార్మిక నదం -------------- దూరాన, సాగర తీరం పై అలల లెక్కలలో తన రెక్కల చప్పుళ్ళను మరిచిపోయి తీతువు పిట్ట మేల్కొనేవుంది ద్వారపాలకా ! మేలుకునే వున్నావా ?! చీకటినంతా నా గది లోకి వొంపి వెలుతురు ముసుగును కప్పుకొని మృత్యువుని స్వప్నిస్తున్నావా !! శరీర నగర ద్వారాలు ముసివేయబడుతున్నాయి అంతా సుషుప్తి లోకి జారుకుంటారు చీకటికి, పగలుకు తేడా లేదు ముళ్ళ తీగల మీద కదా నీ నడక అర చేతుల మీద దేహాన్ని కాపలా కాయాలి శరత్కాలపు మబ్బులు చంద్రకాంతిని తాగి తూగి నట్లు చీకటిని తాగి నిషాలో తూగవు కదా ! ఈ రాత్రి ఎవరో ఒకరు మేల్కొనే ఉండాలి వెన్నెముక రహదారి పై వెతుక్కుంటున్న రహస్య భాషా ప్రవాహంలో ఈదులాడాలి.

by Dabbikar Roop Kumar



from kavi sangamam*కవి సంగమం*(Poetry ) http://ift.tt/1mCvK6A

Posted by Katta

కాశి రాజు కవిత

coming soon.... kavisangamam series-16

by కాశి రాజు



from kavi sangamam*కవి సంగమం*(Poetry ) http://ift.tt/1oIaYqB

Posted by Katta

Pardhasaradhi Vutukuru కవిత

ఏమిటో ఈ జీవితం కొన్ని సార్లు అసలు అర్ధం కాదు ఏదో చెయ్యాలి అని ఆరాటం ఏమి చేయలేని నిరుత్సాహం తెలియని నిరాసక్తత .. మాటలు లేక మౌనం ఎందుకో ఈ స్తబ్దత .. నిడురపోలేము మన పని లో క్రమ శిక్షణ లోపమా లేక అతి పని వత్తిడి కారణమా అర్ధం కాదు పసి పాపల బోసి నవ్వుతో పోగొట్టుకోవచ్చు ప్రియమైన వ్యక్తులతో మనసు పంచుకోవచ్చు సమస్య ఎవరు ప్రియమైన తెలియకపోవటమే సాధన ఏదైనా సాముహికత లోనే వున్నది సంతోషం కానీ ఉత్సాహం కానీ ఒంటరి ఆలోచనలు వదలి జనజీవన స్రవంతి లో సంతోషం గా కలసిపోదాం !!పార్ధ !!10/6/14

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/1hDR0MN

Posted by Katta

Arcube Kavi కవిత

చేతులు _________ఆర్క్యూబ్ వేళ్ళు ఐదే చేతులు రెండే వాటి- తలరాతే పొక్కులు పొక్కులు

by Arcube Kavi



from kavi sangamam*కవి సంగమం*(Poetry ) http://ift.tt/1mBCAJz

Posted by Katta

Satya Gopi కవిత

---------------------------{ప్రయత్నం చేశాను} /సత్య గోపి/ నీటి ప్రవాహాన్ని పక్కకు తోసి సులభంగానే వచ్చేశాను.. నా స్నేహితులెవరు కనపడలేదు ఆశ్చర్యపోయాను ఇప్పుడే కదా అందరం కలిసి ఆడుకున్నాం, కేరింతలు కొట్టాము...! మెల్లగా దిగులుగా నడుచుకుంటూ ఆ బండరాళ్లను దాటుతున్నా... ఒక తల్లి, గుండె పగిలి చిమ్మే కన్నీటిని ఆపడానికి కొంగుని నోట్లోకి కుక్కింది నాకర్థం కాలేదు వెళ్ళి "ఎందుకేడుస్తున్నారు" అని అడిగా సమాధానం రాకపోవడతో బాధేసింది... పక్కన నా స్నేహితుడి తమ్ముడిని అడిగా "ఎందుకు మీరంతా ఏడుస్తున్నారు" అని తను కూడా ఏం మాట్లడటంలేదు.. చుట్టు చూశా ఎవరో కొంతమంది నీటిలోకి దూకి వెతుకుతున్నారు.. మిగతా వారిని వదిలి నేనొక్కడినే వచ్చానని నాతో మాట్లాడ్డం లేదు అనుకున్నా... ఏడవకండి అని అతని చేతిని పట్టుకోబోయా అంతే ఒక్కసారి నా శరీరం నిప్పును తాకిన నీటి చుక్కలా వణికింది.. ఇది నిజమా కాదా అని నా చేతిపై గిల్లి చూసుకున్నా నాకెమీ తెలియటంలేదు ఏం చేయాలో ఎక్కడికెళ్ళాలో ఒక్కసారిగా గుండె కన్నీటితో తడిసిపోయింది మెదడుని యంత్రంలో వేసి తిప్పినట్టుగా... మరి నావాళ్లంతా ఏరి ఎక్కడికెళ్ళారు నా స్నేహితులు అని వెతికా పరిగెత్తుతూ నేను లేచిన చోటునుండి ఇంకాస్తా దూరం వెళ్లా.. వెతుకుతున్న వాళ్ళ చోటుకి చాలా దూరంలో మా వాళ్లంతా కొన ఊపిరి కొనలని పట్టుకుని వ్రేలాడుతున్నారు... వేగంగా వెళ్లి వారిని కాపాడుదామని చేయి అందించా ఇక్కడా నేను అందలేదు వారికి వారిని తాకలేకపోతున్నాను నిస్సత్తువ ఆవహించింది... భూమిలోకి కృంగినట్టుగా ఒక్కసారిగా ప్రపంచమంతా ఏకమైనంత కోపం వచ్చింది... ఏమిచేయలేక నిశ్శహాయుడిగా చేతగానివాడిలా రోజు మొత్తం వేచి చూశా వారేమో అక్కడే వెతుకుతున్నారు వీళ్ళు ఇక్కడున్నారు దేవుడా అని కూడా అనలేని ద్వేషం నాలో ఉబికింది... నిరాశగా వాళ్ళలాగే ఉండిపోయా... ఎంతసేపైనా ఎవ్వరూ రాలేదు కోపం క్రోధం భరించలేనంత బాధ అక్కడ వారిని అలా చూస్తూ నిలవలేకపోయా... పరిగెత్తుతూ వెళ్లి మళ్ళీ ఒకసారి నీళ్లలోకి దూకాను మునుపటి కంటే ఇప్పుడు ధైర్యంగా ఉన్నా చావటానికి... 10-06-2014

by Satya Gopi



from kavi sangamam*కవి సంగమం*(Poetry ) http://ift.tt/1uQbK6L

Posted by Katta

Karthik Kilaparthi కవిత

"హలో..!సారు.. సారు... మా అబ్బాయి దీపు..సారీ దీపక్ (కల్పిత పాత్ర)బానే ఉన్నాడు కదా..కొంచం చెప్పండి బాబు మాకు ఈడ కాలు సేతులు ఆడట్లేదు."అని ఘాడమైన శ్వాస తీసుకుంటు తల్లడిల్లిపోతుంది ఓ తల్లి హ్రుదయం ... "హలో..!సార్..మా అమ్మాయి లక్ష్మికి ఒక్క సారి ఫోన్ ఇవ్వండి సార్.. గొంతు విని రెండు రోజులయింది." అని పసి వాడిలా గుక్కపెట్టి ఏడుస్తూ కూతురు గొంతు కోసం ఎదురు చూస్తుంది ఓ తండ్రి హ్రుదయం.... "నాన్నా .. డాలి అక్క ఫోన్ కలవడం లేదు. భయంగా ఉంది నాన్న.. అని బెక్కు బెక్కుమని ఏడుస్తున్న ఓ చిన్న్నారి హ్రుదయాన్ని ’అక్కకేం కాదమ్మ’ అని దైర్యం చెప్తునే భయంతో వణుకుతుంది మరో తండ్రి హ్రుదయం.. ’టి.వి వార్తల్లో ఎవరో నునుగు మీసాల కుర్రాడి ఫోటొ చూసి కళ్ళజోడు సవరించుకుంటు "ఈ అబ్బాయి ఎవరో గాని అచ్చం మన చింటు లానే ఉన్నాడు కదా.."అని జాలిపడిన పదినిమషాలకే నిజంగా అక్కడ కనిపిస్తుంది తన మనవుడు చింటునే అని తెలిసాక మాట రాక మూగబోయింది ఓ ముసలి హ్రుదయం... "రేయ్ యెదవా ..టూర్ నుండి వచ్చోప్పుడు ఊపుకుంటు ఒట్టి చేతుల్తో వచ్చావనుకో .. తెలుసుగా ,నీ బాడీ లో ఏ పార్టు విరగ్గొడతానో నాకే తెలియదు రోయ్.." అని స్నేహితుడ్ని ట్రైన్ ఎక్కిస్తు అన్న మాటలు గుర్తుచేసుకుంటు ఏకదాటిగా ఎక్కెక్కి ఏడుస్తుంది ఓ స్నేహితుని హ్రుదయం... ఊహించు .. ఒక్కసారి ఊహించు.. వాళ్ళ స్దానంలో నువ్వుండి ఊహించు.. రొజులో నువ్వు కనురెప్పలు తెరవబడి ఉన్న 18 గంటల్లో నీ కనుచూపుమేరల్లో నీతో పాటే ఉండే నీ దోస్త్ గాడు ఇక రేపటి నుండి అసలు కనిపించకపోతే .." రోజు సరిగ్గా రాత్రి 7:30 కి స్టార్ ప్లస్ లో సీరియల్ చూసే టైంలోనే నిన్ను కొట్టి నీ దగ్గర నుండి రిమోట్ లాక్కొని, నీ ముందే స్పోర్ట్స్ చానల్ పెట్టుకొని చూసే నీ చిన్నన్నయ్య రేపటి నుండి నీతో గొడవపడడానికి వాడు ఉండకపోతే… రోజూ ఊరంతా తిరిగి బండిలో పెట్రోల్ మొత్తం అవగొట్టి రాత్రి కి మెల్లగా శబ్దం రాకుండా ఇంటి సందులో బండి పెట్టేసే తమ్ముడు, ఇక రేపటి నుండి వాడసలు ఇంటికే రాడని తెలిస్తే.. ఊహించు .. ఆ ఊహ ఎంత భయంకరంగా ఉందో కదా.. ఎంత బాదాకరంగా ఉందో కదా నరాలు చిట్లుపోయేలా అరవాలని ఉంది కదూ.. తలమీద చేతులు పెట్టి ఆ చేతి వేళ్ళ మద్య ఇరుక్కున్న జుత్తుని గట్టిగా లాక్కోవాలని ఉంది కదూ.. చేతి వేళ్ళ గోర్లు ,అర చేతి కి రక్తం వచ్చేలా గుచ్చుకునేటట్లు పిడికిలి ని బిగించాలని ఉంది కదూ.. ఆ బాధ వర్ణనాతీతం ... నాకు ఊహ తెలిసినప్పటి నుండి ..బహుసా మూడవ తరగతి అనుకుంటా .మా వెనకింటి అన్నయ్య చనిపోయినప్పటి నుండి నన్ను నా మనసుని కుదిపేస్తున్న ప్రశ్న ఒక్కటే.. ఎందుకు .. ఎందుకు . మనిషి ఎందుకు చనిపోవాలి జీవి కి ప్రాణ పరిమితి ఎందుకు పెట్టాడు ఆ దేవుడు.. ప్రాణి ని పుట్టించడం దేనికి ,అదే ప్రాణి ని మన నుండి దూరం చేయడం దేనికి .. ఎందుకు 24 ప్రాణాలు .. ఎవరో అసమర్ధుని నిర్లక్ష్యం వల్ల ఆ అమాయుకుల జీవితాలు ప్రక్రతి లోకి కొట్టుకుపోయాయి.. వాళ్ళు నీకు ఏం అన్యాయం చేసారు .. కనీసం వాళ్ళ పేర్లు కూడా మా మనుషులకి తెలియదు .కాని వాళ్ళు బ్రతకాలని కోరుకున్నాం నిన్ను అర్ధించాం ప్రార్దించాం.. అదే మానవత్వం కాని నీకేమయింది.. నీకు ఆ మాత్రo మానవత్వం కూడా లేదా .?. ఓ నువ్వు దేవుడివి కదా .. క్షమించు.. చెప్పు.. ఎందుకు స్రష్టిస్తావ్ ? ఎందుకు శిక్షీస్తావ్? పుట్టిన మనిషి గిట్టక తప్పదనే సాకులు చెప్పకు .. నాకు సమాధానం చెప్పు . 16 యేళ్లుగా నన్ను పీడుస్తున్న ప్రశ్నకి సమాధానం చెప్పు.. ఆ 24 అమాయకుల బలి దానాలకు సమాధానమివ్వు.. ఆ ప్రాణాల్ని ప్రాణంగా పెంచిన, ప్రేమించిన వాళ్ళ కి సమాధానమివ్వు... చెప్పు...............

by Karthik Kilaparthi



from kavi sangamam*కవి సంగమం*(Poetry ) http://ift.tt/1o8KlgK

Posted by Katta

DrAcharya Phaneendra కవిత

తెలుగు భాషానుబంధమ్ము రచన : 'కవి దిగ్గజ ' డా. ఆచార్య ఫణీంద్ర ఆంధ్ర, తెలగాణ వేర్వడె, నైన నేమి? తెలుగు భాషానుబంధమ్ము తెగునటయ్య? నిండు జామకాయను కోసి, రెండు జేయ - రూపు మారినన్, మారునా రుచియు, రంగు? పులుగుకు రెండు రెక్క, లవి పూని ప్రపంచము చుట్టి వచ్చెడిన్ - వెలుగుకు రెండు దిక్కు, లవి వెల్లడి జేయు ప్రదేశ మెల్లడన్ - జలధికి రెండు నొడ్డు, లవి శాశ్వత లబ్ధి ప్రజాళి కిచ్చెడిన్ - తెలుగుకు రెండు రాష్ట్రములు ... దివ్యముగా అభివృద్ధి చెందెడిన్! 10/06/2014

by DrAcharya Phaneendra



from kavi sangamam*కవి సంగమం*(Poetry ) http://ift.tt/1s2fJiC

Posted by Katta

Chi Chi కవిత

_O_ ఇసుకను లెక్కేస్కుంటున్నాడాడు ఒక్కో రేణువు ఒక్కో జీవితంగా!! లెక్కేసి వెనక కుప్పేస్కున్న ఇసుక జీవిస్తోందింకా.. సముద్రాలన్నిటినీ అలా తీరాలతో పూడ్చేశాక అంతా ఒక తీరమై లెక్క ముగిసింది మొదటి రేణువు దగ్గర!! ఒకటి తోనే ముగిసిన లెక్కను చూసి విసుగుతో వెనక్కు తిరిగి చూస్తే సముద్రాల్లేవ్!! ఇన్ని తీరాలు దాటినా సముద్రం రాలేదని మళ్ళీ మొదటి రేణువుతో లెక్క మొదలు!! సముద్రమే వాడు చేరాల్సిన తీరం.. ఎదురొచ్చాక పూడ్చడానికే వాడి ఈ తాపత్రయం!!_______(10/6/14)

by Chi Chi



from kavi sangamam*కవి సంగమం*(Poetry ) http://ift.tt/1kWdRUz

Posted by Katta

Kota Rama Krishna కవిత



by Kota Rama Krishna



from kavi sangamam*కవి సంగమం*(Poetry ) http://ift.tt/1ljVGqy

Posted by Katta

Ramasastry Venkata Sankisa కవిత



by Ramasastry Venkata Sankisa



from kavi sangamam*కవి సంగమం*(Poetry ) http://ift.tt/SudDaJ

Posted by Katta

Rajeswararao Konda కవిత

నీ వలపు చూపులతో నన్ను పలకరిస్తావు నా మదిలో చేరి గోల చేస్తావు @ రాజేష్ @

by Rajeswararao Konda



from kavi sangamam*కవి సంగమం*(Poetry ) http://ift.tt/1u0A3MV

Posted by Katta

బ్రెయిన్ డెడ్ కవిత

నిశీధి |" కల "త | ఎండి డస్సిపోయిన భుమి పై పొడి జల్లుల ఓదార్పులా అలసిన కళ్ళ ని కొన్ని మృదువయిన కలలు తడిమితే బాగుండు కలవరం లేని సవ్వడితో కల వరమై కళ్ళని జో కొడితే ఇంకా బాగుండు జీవితంతం తోడు ఉండమన్నట్టు నిద్రకెందుకో అంత బెట్టు కొన్ని ..చాల కొన్ని క్షణాల ప్రేమను అలా ఒక్కసారి గుమ్మరించి పోవొచ్చుగా ప్రపంచాన్ని రాసియ్యమన్నానా ..ఏదో రెప్పల మీద మృదువుగా ఒక సంతకమేగా అడిగాను పెద్ద కోరికలేమి కోరాను ...మార్దవంగా చిన్నగా లాలిపాట తో జోకొట్టమనేగా . అయినా నాతో దోబుచులాడి ఎక్కడని ,ఎంతసేపని దాక్కుంటావులే అలకమాని ఏ రాత్రికొచ్చినా అప్యాయంగా కళ్ళకి హత్తుకుంటాననేగా ఇంతా ఆకతాయితనం .. హమ్మ్ సరెలే ఇలారా .. కాసేపు నిన్నలా గాఢంగా కళ్ళలో బంధించుకోని .. తృప్తిగా కాసేపు నీ కౌగిల్లో ఒదిగిపోని భయపు జ్వరపు పగళ్ళ నుండి దూరంగా నీలొ నేనుగా కొన్ని క్షణాలు కరిగిపోని . .. .. మరో ఉదయపు నిసృహ నన్ను నానుండి దూరం చేయకముందే నీలో కలిపేసుకోని జీవితపు ప్రవాహంలో తల్లడిల్లే మనసు పడవకి ఒకింత తీరం అవ్వోచ్చుగా నిశీ !! 10/06/14

by బ్రెయిన్ డెడ్



from kavi sangamam*కవి సంగమం*(Poetry ) http://ift.tt/1pz2kdi

Posted by Katta

Sky Baaba కవిత

దీమక్ : చెద ````````````` 'నౌకరి సంపాయించుకోలేదా? ఉద్యోగం పురుష లక్షణం' అన్నారు కొన్ని ఈకలు రాల్చి ఉద్యోగం సంపాదించుకున్నాను నాకిష్టమైనవి వదిలి - పగలంతా మా యజమానికి ఇష్టమైనదే చేయబట్టాను 'ఇంకా షాదీ చేసుకోలేదా? ఏ వయసులో జరగాల్సింది ఆ వయసులో జరగాలి' అన్నారు కొన్ని రూకలు పుచ్చుకొని పెళ్లి చేసుకున్నాను మిగిలిన నాకిష్టమైన వాటిల్లో సగం నా భార్య కోసం వదిలేశాను - రాత్రులతో పాటు 'ఇంకా పిల్లలు కనలేదా? ముసలోల్లయ్యేనాటికి దాచుకున్న పైసలో చేతికొచ్చిన ఔలాదొ ఉండాలి' అన్నారు కొన్ని నూకలు సంపాదించి పిల్లల్ని కన్నాను నా కిష్టమైనవి ఇంకొన్నింటిని వదులుకున్నాను 'ఇంకా ఇల్లు కట్టుకోలేదా సొంత మకాన్ లేకుండా ఎన్నాళ్ళు' అన్నారు కొన్ని అప్పులు చేసి ఇల్లు కట్టాను దాని చుట్టే తిరుగుతున్నాను మిగిలిన ఇష్టాలూ వొదులుకొని..

by Sky Baaba



from kavi sangamam*కవి సంగమం*(Poetry ) http://ift.tt/1oGZeV9

Posted by Katta

Chandrasekhar Vemulapally కవిత

చంద్రశేఖర్ వేములపల్లి || హృదయ స్పందనలను నమ్ము .... ప్రియా! || ఓ ప్రియా! ప్రియతమా!! నీకీ విషయం తెలుసా? ఏడేడుజన్మల బంధం, నీవు పుట్టింది .... నా కోసమే అని .... అంతరాంతరాల్లో అనిపిస్తూ ఉంది .... నేనే నీ గమ్యాన్ని అని ఆ విషయం నీకు ఖచ్చితంగా తెలియనంత మాత్రాన ప్రవాహానికి, అలలకు ఎదురీదడం తగదేమో .... అతిగా మదనపడి నీ హృదయానికి వదిలెయ్యి నీ భవితవ్యాన్ని దాన్నే నిర్ణయించనీ నీ భవిష్యత్తు నాకు తెలుసు .... అది నాతో ముడిపడి ఉందని నీ కళ్ళలోకి, నీ హృదయం కిటికీలోకి తొంగి చూసిన ప్రతిసారీ దేని కోసమో, ఏ ఆసరా కోసమో నీవు శొధిస్తున్నావని అనిపిస్తుంది. నీకు తెలుసా! నీవు నిలకడగానే ఉన్నావని హృదయాన్ని కట్టడి చెయ్యడం తగదని, భయపడి నీకు తెలియని దేని గురించో నీ హృదయాన్ని నమ్ము! నీ హృదయ స్పందనలను గమనించు! నీ కోసం స్వర్గద్వారాలు తెరుచుకుని ఉన్నాయి .... అవిగో! .... నిజం! నా ప్రేమ అనురాగం జల్లులు కురిసేందుకు .... సిద్దంగా ఎదురుచూస్తూ .... నేను చూడు .... హృదయం ఆలోచించదు. స్పందిస్తుంది. అబద్దం ఆడదు. కష్టాల్లోనూ తియ్యదనాన్నే యిస్తుంది. ..... నీవు నమ్మితే అది నిన్ను నా దగ్గరకే తీసుకొస్తుంది .... అందుకే హృదయాన్నే నమ్ము మార్గదర్శకం చేసేందుకు, మదిలో చెలరేగే భయాలను తీర్చుకునేందుకు మనసు పరితపిస్తే, ఎవరైనా తోడు కావాలి, ఉండాలనిపిస్తే నీకు అభ్యంతరం లేకపోతే నేను నీ కోసమే ఉన్నానిక్కడ .... నన్ను నమ్ము ఔనూ! మరో ఆలోచనెందుకు? .... ఏది సరైనదనిపిస్తే అదే చేసేస్తే పోలా? అలా అయితే .... నీ హృదయాన్ని విశ్వసించు చాలు. అది నీకు మార్గదర్శకత్వం చేస్తుంది .... వెలుగుదారిలో నిన్ను నడిపిస్తుంది. ఒప్పుకోవాలి అన్పించకపోయినా, నా మాటల్లో నిజముందని నీకూ తెలుసు నీ హృదయానికీ తెలుసు. ఆనందం ఆవేదన, నీ మంచి ఏమిటో .... మంచి చెడులు .... నీకు మంచే జరిగేది ఎలానో నీ హృదయానికి తెలుసు .... దాన్నే నీకు మార్గాన్ని, గమ్యాన్నీ చూపనీ సర్ధుకో .... సరైన మార్గం అదేనని అది నిన్ను నడిపించడమే న్యాయమని నీ హృదయాన్ని నమ్మడం అనుసరించడం నీకు తప్పనిసరి అవసరమని నన్ను చూడు .... ఓ ప్రియా! ప్రియతమా!! నా హృదయం నన్ను నీ వద్దకు ఎలా నడిపించిందో .... నిర్ణయించుకుని కాదు. ఆలోచనలతో మార్గాన్ని మార్చుకోగలనని చూడకు. అంతా ముందుంది నీ హృదయాన్ని అనుసరించడం కష్టమేం కాదు .... ఆనందమే ఎవరికైనా హృదయస్పందనల నీడలో నడక అమృతమయమే మరిచిపోకు మార్గదర్శిని గా నీ హృదయమే నీ నేస్తమని. పరిస్థితులు కలవరపెడుతున్నప్పుడు, ఏ వైపుకు కదలడమా అని సంశయం కలిగినప్పుడు పురోగమించేందుకు తోడు అవసరం. ఒంటరి కి మనసు నో హృదయాన్నో నమ్మాలి. .... హృదయాన్ని నమ్ము నీ చుట్టూ ఉన్న ప్రపంచం ముక్కలు ముక్కలౌతుంటే నమ్మకమే ఊపిరిగా కదిలేందుకు .... నీ హృదయాన్నే నమ్ము నీ హృదయస్పందనల దిశగా కదులు .... జీవితం వికసించి పరిమళిస్తుంది. తెలుసుకో! 10JUN2014

by Chandrasekhar Vemulapally



from kavi sangamam*కవి సంగమం*(Poetry ) http://ift.tt/1oGT7QS

Posted by Katta

R Rama Krishna కవిత

ll జీవన సాఫల్య క్షణాలు ll ఆర్. ఆర్. కే. మూర్తి – 30/01/2014 మొహాలు కనపడక పోయినా ఆ నడి రాతిరి వెలుగులు ఆ వేళ్ళు వణికే వెచ్చటి చలి లౌక్యంతో పనిలేని పిచ్చి ముచ్చట్లు ఆగి ఆగి దూరంగా వినిపించే కోలాటం పాటలు అప్పుడప్పుడు శబ్దం చేయొద్దని కసురుతున్నట్టు కువ కువ లాడే తల్లి పక్షులు తెలవారుతుందన్న దిగులు తెలవారకపోతే బాగుండునన్న కోరిక పొడవైన శ్వాసలు లయ తప్పుతూ లయమవుతున్న గుండెల దడలు గొంతుల్లోంచి గుస గుసగా శ్రుతి కలిసే కూని రాగాలు ఉండుండీ నలిగిపోతున్న గడ్డి పరకల గర గరలు చేతులు చాస్తే అందుతున్నట్టనిపించే ఆ భూమ్యాకాశాల అంచులు బిగ్గరగా వస్తున్న నవ్వును ఆపడానికి ఒకరి అరచేతులు ఇంకొకరిపై చేసే ప్రయత్నం నేనూ, నాదన్న స్పృహ లేనే లేక పోవడం భూత, భవిష్యత్తులున్నాయన్న స్ఫురణే రాకపోవడం చేతుల్లో చేతులు వేస్తే ముల్లోకాలూ మన మధ్యే ఉన్నట్టు *** నేడు మనవి కాని ఆ పరిసరాలు "ఇచ్చోటనే కదా !" అంటూ పిండేస్తుంటాయి గుండెల్ని.. మనకిక లేని ఆ నిమిషాల సాక్షిగా కదులుతున్న కాలం పరిహసిస్తుంది "మారింది మీరే"నని ! మనకు మాత్రమే తెలుసు అవి మన జీవన సాఫల్య క్షణాలని మన బ్రతుకులు సఫలం అయినా.. కాకపోయినా.. !

by R Rama Krishna



from kavi sangamam*కవి సంగమం*(Poetry ) http://ift.tt/1pYIOcF

Posted by Katta

Radha Ramanaguptha Jandhyam కవిత

HAAKASAM 3rd part -j.r.r guptha agni sikhalanu vidulchukonto,egasi paduchunna agni parvatam vale_ minnu nundi mannuku neeti dharalanu daaraluga marchi allika nestoo_ oko maru aakasamenta gambheera mayinadi, odina raju eguravesina sweta vastramulaa_ guti loni gudlanu gutukku manipinchina naagulaa_ ambara menta sambaramayinadi, taarajuvvalato rangavallu diddukontoo_ evarest pai eguruchunna BHARATA PATAKAMUla_ 10/6/14

by Radha Ramanaguptha Jandhyam



from kavi sangamam*కవి సంగమం*(Poetry ) http://ift.tt/1pYINW8

Posted by Katta

Bhaskar Kondreddy కవిత

కవిత్వ పఠనం సత్యాశ్రీనివాస్ http://ift.tt/1s1Uduh

by Bhaskar Kondreddy



from kavi sangamam*కవి సంగమం*(Poetry ) http://ift.tt/1s1Uduh

Posted by Katta

Radha Ramanaguptha Jandhyam కవిత

AAKASAM 1st part. -j.r.r guptha aakasam enta nirmalamayinadi maa perati vasaraa gatcchula_ okosari krishna varnamulo_maro maru meegada taragalugala palala_ bhanudu udayinche vela,opakka pakvaniki vastunna mamidi pandula_ ravi astaminche vela,aalaya gopuramu pai repa repaladu chunna patakamula_ aakasamenta soundaryavantamayinadi_ lipta patuna tanuvu pai 'tatu'lu marchukontu_ mabbu tunakalato bommalu geestoo_ ...

by Radha Ramanaguptha Jandhyam



from kavi sangamam*కవి సంగమం*(Poetry ) http://ift.tt/1qlsKiH

Posted by Katta

నరసింహ శర్మ మంత్రాల కవిత

SONGS OF THE HIGH COUNTRY Soria, in blue mountains, on the fields of violet, how often I've dreamed of you on the plain of flowers, where the Guadalquivir runs past golden orange-trees to the sea. ------------Antonio Machado శిఖర (సం)గీతం ఆ హేమవర్ణిత నారింజ తరూ తటముల దోగాడుతూ సాగర సంగమాభిలాషియై ఉరుకులిడుతూ సాగిపోయెడి పెన్నేరు నదీ ప్రవాహసీమలో ఈ విరిసిన సాంద్ర సుమ మైదాన తావులలో ఆ ఊదారంగుపూల పచ్చిక బయళ్ళ నడుమ నింగిని తాకుతూ నిలిచిన నీలగిరి శిఖరమా! ఓ బుడాపెస్టా ! పదే పదే కలలు కంటుంటాను కదా నీ సందర్శనాభిలాషినై. -----------నరశింహశర్మ మంత్రాల

by నరసింహ శర్మ మంత్రాల



from kavi sangamam*కవి సంగమం*(Poetry ) http://ift.tt/1qloYFP

Posted by Katta

Nvmvarma Kalidindi కవిత

కె.ఎన్.వి.ఎం.వర్మ//అంతా మనోళ్ళే// తలతిక్క వెనకాల ఓ వెర్రిబాగులోడు ఉంటాడు వాడు ప్రశ్నించే ఆశలకి నువ్వు తాగిన నీళ్ళేంటో తెలుసు పిచ్చోడు కదా ఏం సాధించావురా అంటూ తనతో సమానంగా పోల్చుకుంటాడు ఈ లెక్కలకి తిక్కలకి ముదరాలంటే కొంచం మద్యం అవసరమే నచ్చితే పర్వాలేదు నచ్చకపోతే తాగి వాగాడన్న సానుభూతి మిగులుతుంది సాధించు సాధించు అంటూ చెవిలో పోరు పెట్టి సాధించినా వీడికీ తెలుసు సంపాదించి ఏం పట్టుకుపోతావురా? అని గొంది ఏడుమేడలరాజు గారి ఇంటి ముందు రాత్రంతా అరచి మిట్టమద్యహాణం లేచి బిత్తరచూపులు చూసిన వాడూ పిచ్చోడే నీలా నాలా......09.06.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1oPb1Pv

Posted by Katta

Pulipati Guruswamy కవిత

పోడు ప్రేమ // డా.పులిపాటి గురుస్వామి // మనుషులకేం కావాలో ఒక్కోసారి తోచనివ్వనిదేంటో గుర్తించడం చేతకాదు చెయి నిండా పని,కంటి నిండా నిద్ర కడుపుకింత జొన్నగంజి కలిపితె బ్రహ్మాండ మైన బతుకని తోచినపుడు ఎన్నింటిని కూల్చేస్తే అక్కడికి చేరుకోవచ్చో ...! కుదిరేనా అనిపించడం ఆగిపోలేదు ఎదుటి వారికి ఏమున్నయో! తెలిసేదెలా? సంతోషం సగం బలమేనా! బంగారానికి నేనే దిక్కని అనుకునే భారీ దరిద్రం నిత్యం వెక్కి వెక్కి నిద్రపోదు రూపాయల వలల్లోంచి మనుషుల రూపాలు ఎప్పుడో కారిపోయిన సంగతి మరువలేదు పోలిక చూసుకునే బతుకులకి చివరికి శ్వాసించడానికి చందాలు పోగెయ్యాలి ఆవేశాలతో కుతంత్రాలతో ఇంట్లో బాల్యాన్ని బలితీసుకొని కిరాయి కట్టి మరీ బతకలేని తనానికి బానిస చెయ్యటం తప్పనిసరి పెంపకాల భీభత్సం ఏమో! మనుషుల కేం కావాలో ఒక్కోసారి నేర్వలేని తనాన్ని గుర్తించడం చేతకాదు ..... 10-6-2014

by Pulipati Guruswamy



from kavi sangamam*కవి సంగమం*(Poetry ) http://ift.tt/1hCK2HY

Posted by Katta

Jagadish Yamijala కవిత

పంచ రత్నాలు -------------------- వెలుగు రేఖ చీకటి నౌకరు ------------------- క్షణాలలో నిల్చోలేను అని అంటోంది నటుడి దేహం ఆలోచనాపరుడేమో పడున్నాడు రాయిలా --------------------------- మరణించిన అన్ని దేహాలలోను మిగిలే ఉంది కామం --------------------- చీకటని వెలుగని అలలై ఎగసిపడుతున్నాయి నక్షత్రాలు బోర్లా పడుకున్న నది ---------------------------- కింద పడటంతోనే నేనుగా లేచానని అనుకున్నాను లేపిందేమో నా నీడ ----------------------- తమిళంలో మిత్రుడు మా పుహళేంది అనుసృజన యామిజాల జగదీశ్ 10.6.2014 ----------------------------

by Jagadish Yamijala



from kavi sangamam*కవి సంగమం*(Poetry ) http://ift.tt/1mzYdKg

Posted by Katta

Sri Modugu కవిత

శ్రీ మోదుగు // అనవసరం ....// చెప్పేదేమీ లేదు చూసేదేమీ లేదు భరించలేని దుఖం చుట్టి ముట్టినప్పుడు నాలోంచి నేను వెళ్ళడం తప్ప క్షమార్హమైన కాలాలన్నీ మరలిపోతాయి ప్రపంచాలను దాటి వచ్చినా ఆగింది ఎక్కడో ఎప్పటికీ తెలియదు సమాధానాలు లేని పదాలన్నీ ఊహతీతాలే మిగిలిన కొన్నిసాక్షాలే ఈ వ్యర్ధ ప్రయత్నాలు ఇక సాగేందుకు దారులు లేవు మోసేందుకు మౌనాలు లేవు భయపెట్టేదల్లా భావరాహిత్యమే ఐనా …. ఈరోజు ఈ పూట ఈ క్షణం ఒకటి చెప్పగలవా …. అంతా అలాగే ఉందని…. Date:09/06/2014

by Sri Modugu



from kavi sangamam*కవి సంగమం*(Poetry ) http://ift.tt/1mzI9bm

Posted by Katta

Chandrasekhar Sgd కవిత

మసిగుడ్డ తనను తాను శుభ్రం చేసుకోవడం కంటే ఇతరత్రా మసిని శుభ్రం చేసుకోడానికే ఇష్టపడుతూ ఉంటుంది మసిగుడ్డకులేని స్వార్థం మనుషులకెందుకో మరి? 10.6.2014

by Chandrasekhar Sgd



from kavi sangamam*కవి సంగమం*(Poetry ) http://ift.tt/1pXZykj

Posted by Katta

సత్యం జి సామాన్యుడు కాదు కవిత

మనసు + మెదడు = ప్రేమ // సత్యం జి // ---------------------------------------------------------------- ఏంటే.. అంత పిచ్చిగా ప్రేమించావా నన్నూ..? బాబోయ్.. భారమైన గుండే లోతుల్లో పూర్తిగా నన్నే నింపేసినట్లున్నావ్ గా.. వామ్మో.. నీ ప్రేమ చూస్తుంటే నాకే ప్రేమిస్తానేమో, ప్రేమించానేమో అని డౌటుకొడుతోంది.. మళ్ళీ ఆ పెప్సోడెంట్ యాడ్లో "మీ టూత్ పేస్ట్లో ఉప్పుందా..?" అని అడగటానికి కాజల్ వొచ్చినట్టు ధడేల్మని నా మెదడు కాస్త బయటకొచ్చి నా ముందుకొచ్చి ఓరి పిచ్చోడా ఆ మనసుగాడి మాటలు వింటావేందిరా పిచ్చినాయాలా అంటూ తిట్టింతిట్టు తిట్టకుండా తిడుతుంటే నేనేమైనా తక్కువ తిన్నానా అని ఫీలయ్యాడనుకుంట నా మనసు గాడు.. ధూం సినిమాలో హీరోలాగా యమా రేంజ్ లో ఎంట్రీ ఇచ్చి వార్నీయంకమ్మా.. ఆ మెదడుగాడికి గుండెకాయ్ అనేది ఒకటి ఏడిస్తే కదా ప్రేమ గురించి తెలిసిచావటానికి.. కాబట్టి సక్కంగ నామాటిని ఆ ప్రేమని ప్రేమించు.. ఆ మాధుర్యాన్ని ఆస్వాదించు అనుకుంటూ ఇద్దరూ శ్రీకృష్ణుడిల్లా ఫీలైపోయి నన్ను అర్జునుడ్ని చేసి పారేసి మరీ స్పీచ్లిచ్చేస్తున్నారు.. బాబోయ్ ఆపండ్రా నాయనా నన్ను సావగొట్టమాకండి.. ఏదో ఒకటి చేసుకుంటా నన్నొదిలెయ్యండ్రా బాబూ అంటే ఒక్కడూ మాటినడు.. ఆ మనసు గాడికి నువ్వంటే ఇష్టం.. ఈ మెదడు గాడికి నేనంటే ఇష్టం.. ఇద్దరూ కలిసి నా దుంప తెంపేస్తున్నారు.. ఇంత సీరియస్ లో మళ్ళీ ఇంతకీ ఏం దుంపా..? అని యదవ కొస్చెన్లెయ్యకు.. నాక్కాలుద్ది.. హా ఎక్కడున్నా.. ఆ మనసు గాడు మెదడు గాడు.. ఇద్దరు కొట్టేస్కుంటున్నారు.. ఇద్దర్లో ఎవడ్నీ కాదనలేం.. వాడు కావాలి వీడు కావాలి.. ఎవడికి సర్ది చెప్పగలం..? వాయ్యోయ్ అసలు సంగతే మర్చిపొయ్యాగా వీళ్ళగొదవలో పడి.. అసలు కావల్సింది వాడా వీడా అని కాదు కదా ఇక్కడ.., నువ్వు.. నువ్వు నాకు కావాలా ఒద్దా అన్నది కదా.. హహ్హహ్హా.. వేశా ఐడియా వేశా.. ఒరెయ్ మెదడూ ఇట్రారా.. ఒరెయ్ మనసుగా నువ్వు కూడా ఇట్రారరెయ్.. ఇదిగో ఇద్దరికి చెప్తున్నా సరిగ్గా వినండి.. 'నేను నాకు' కావాలి.. 'తను నాకు' కావాలి.. ఒరెయ్ మెదడుగా.. నేను నాకు కావాలంటే అసలు నేను ఎప్పుడో తనైపోయాను కదరా.. ఒరెయ్ మనసుగా.. తను నాకు కావాలంటే నేను అనే నేను నా అస్తిత్వాన్ని కాపాడుకోవాలి కదరా.. కానొరెయ్ మీ ఇద్దరికీ ఒకటి చెప్పనా అది నాలోనే ఉందిరా.. తనెవరో కాదు నా ప్రాణం.. హమ్మయ్య ఈ యదవలిద్దరూ ఒక్కటైపోయారు.. ఇంక ఆల్ హ్యాపీస్.. ఒసెయ్ నా ప్రాణమా నువ్వు నన్ను ప్రేమించిన ప్రేమలో ప్రేమగా నేను నీ ప్రేమనైపోయాను..! -సత్యం జి సామాన్యుడు కాదు, 10-06-2014, 01:53

by సత్యం జి సామాన్యుడు కాదు



from kavi sangamam*కవి సంగమం*(Poetry ) http://ift.tt/1uMUpvv

Posted by Katta

Abd Wahed కవిత

ఎదురుచూపు దాహం కంటినీరు అడుగుతుంది అద్దంలో రూపం అసలు పేరు అడుగుతుంది సాయంత్రం నుంచీ మనసు ఆరిపోయిందా గుండెలోని దీపం ప్రేమ చమురు అడుగుతుంది సముద్రాలే దాటీ రెండుకాళ్ళు ఎగురుతాయి చేతిలోని గీతా స్వంత ఊరు అడుగుతుంది మరకపడిన చూపులు వెలుగునీట కడగాలని మనిషితనం కాస్తా మననెత్తురు అడుగుతుంది గాలిబుడగ లాగా తేలుతున్న కవితలోని అక్షరాల జ్ఞానం ఇంటి చూరు అడుగుతుంది కనుపాపలొ కాస్తా మబ్బుపడితె బాగుండును మనసులోని మెరుపూ వాననీరు అడుగుతుంది దియా మనకు వెన్నెల తెల్లగానే కనబడినా మచ్చపడిన జాబిలి నలుపురంగు అడుగుతుంది

by Abd Wahed



from kavi sangamam*కవి సంగమం*(Poetry ) http://ift.tt/1qjjQCm

Posted by Katta

Rajaram Thumucharla కవిత

కవి సంగమం ------------ చదివిన కవిత్వ సంపుటి - 32 ^^^^^^^^^^^^^^^^^^^^^^ పరిచయం చేస్తున్న కవిత్వ సంపుటి :- " ఒక కత్తుల వంతెన " కవిత్వ సంపుటి నిర్మించిన(రాసిన) కవి :- "చం." అని పిలువబడే చంద్రశేఖర శాస్త్రి సంపుటిని పరిచయం చేస్తున్నది :- "రాజారామ్ .టి "దృశ్యమాన ప్రతిభకు నిలువుటద్దం చం. కవిత్వం బాలాంజనేయులు ఎంత సుందరుడు! ఆపిన కారు అద్దంలోనో అమ్మ కంటి పాపల్లోనో తన అందానికి తాను మురిసిపోతుంటాడు. సూర్యుడే వ్వ్డికి తొలి అనియత గురువు ఉదయాన్నే నిద్రలేపి మూతికి ఎరుపు రంగు పులుముతాడు ప్రకృతిలోని పచ్చదనమంతా వాని ముఖంలో ప్రతిఫలిస్తుంది మొలలో దోపుకున్న తోక ప్రశ్న గుర్తులా తొంగి చూస్తుంది అట్ట కిరీటం,ఊలు దారాలతో ఎంత అందంగా ముస్తాబవుతాడు" ఈ కవితా పాదాలు నావి కావు.నేనన్నవి కావు.’చం.’-అని పిలువబడే చంద్రశేఖర శాస్త్రివి."ఒక కత్తు ల వంతెన"-అనే కవితా సంపుటిలోనివి."బాలాంజనేయులు"-అనే కవిత లోని ప్రారంభ వాక్యాలివి. పగటిపూట వేషంతో రోడ్డు మీద ఎవరికీ ఎవరూ ఏమి కానట్టు నడుస్తున్న మనుషుల మధ్య ఏవో కొన్ని కళ్ళయిన తమ మీద పడి ఎంతో కొంత ఇవ్వకపోతాయా పొట్ట నిండక పోతుందా అని ఎదురు చూసే పిల్లల్లో ఒక బాలుని విషాదరేఖా చిత్రం ఈ కవిత. డార్విన్ మనిషి పుట్టుక కోతి నుంచే అన్నాడు.ఆడుతూ పాడుతు గడపాల్సిన బాల్యంలో బతుకు బండిని లాగుతూ రామాయణంలో ఆ ఆంజనేయుడు సంజీవిని మోస్తే కుటుంబ భారాన్ని మోయడా నికీ ఆ ఆంజనేయరూపాన్ని ఆ బాలుడు ఆలంబన చేసుకోవడం కేవలం యాధృఛ్చికం కాదేమో? రామాయణ పాత్రలతో,అందులోని సంఘటనలతో అనుసంధానిస్తూ వొక గడ్డకట్టిన దుఃఖసాంద్రత ను కరగించే తీక్షణతని చం. ఈ కవితలో నిక్షేపించాడు. "బాలాంజనేయులు ఎంత సుందరుడు!"-అనే వాక్యంతో ప్రారంభమైన ఈ కవిత "కనిపించిన ప్రతి వాడి ముందు చేయి చాచి దీనంగా యాచిస్తుంటాడు నా కళ్ళ ముందు జవాబు లేని ప్రశ్నలా మిగి లిపోతాడు"-అనేమాటలతో ముగుస్తుంది. ఆ బాలాంజనేయ వేషం వేసుకున్న ఆ బాలుడు అక్షర ఙ్ఞానం లేకున్న అణువంత చైతన్యంతో జీవన వ్యాకరణం వంటబట్టిన తనంతో, బాల కాండను ఆనందంగా గడుపుతూ…..అనుభవిస్తూ….. అమ్మ కంటి పాపల్లో తన అందం చూసి మురిసిపోయాడనటం ఒక అద్భుత భావచిత్రం. ఆపిన కారు అద్దంలో తన అందం చూసుకొని మురిసిపోయాడని రాయడంలో ఈ కవి ఆ బాలుడు ఏ వేషం వేసుకొన్నాడో ఆ వేషపు జాతి లక్షణాన్ని స్ఫురింపచేస్తున్నాడు.కోతులు అద్దం కనిపించగానే ఏంచే స్తాయో మనకు తెలుసు.ఇట్లాంటి పరిశీలన చేయడం,ఆ పరిశీలనను తన కవిత్వంలో అవసరమైన చోట్ల ధ్వనింపచేయడం చం. చేస్తుంటాడు. "బాల కాండ ముగిశాక బడికెళ్తే సుందర కాండ/లేకుంటే కిష్కింధకాండ/వాడిని కోతిని చేసిన ఘనత మనదంత"-ఈ మాటల్లో ఆ బాలుని దుస్థితికి కారణం ఈ వ్యవస్థేనన్న స్ఫృహని కలుగజేస్తాడు. ఈ కవితలో చాల వరకు ప్రతిపాదంలో సందర్భోచితంగా రామాయణ మహకావ్యా న్ని స్పృశిస్తూ మనం ప్రగతిని గురించి మాట్లాడుకోవాలంటే ముందు అలాంటి బాలాంజనేయుల్ని వీరాంజనేయుళ్ళుగా ఎదగనివ్వాలన్న పరిష్కార సూచనని చేస్తాడు చం.రోడ్ల కూడళ్ళలో ఈ బాలాంజనేయుల్నీ చూసిన ప్రతి సారి ఈ కవిత నా వెంట నడిచినట్లుగానే వుంటుంది. అనంతపురంలో ఎక్కడ సాహిత్య కార్యక్రమం జరిగినా అక్కడ తనదైన ప్రత్యకతతో ప్రత్యక్షమయ్యే చం. అంటే కవులందరికీ ఎంతో యిష్టం.ఇంగ్లీషులో CHUM అంటే సన్నిహిత మిత్రుడని (CLOSE FRIEND).నిజంగా ఇతను చం. ఎంత సుధీర్ఘ వచన కవితే అయినా ఏ పేపర్ లేకుండా గొప్ప ధారణతో పాదరసంలా జారిపోయే గొంతుతో చదివే ఇతని పద్దతి బహుశా ఇష్టపడని కవి ఇక్కడ లేడేమో? "సామాజికంగా రాసిన కవితలు ఆలోచింపచేసేవే కాదు ఆవేశింప చేసేవి"-అని సి.నా.రె చం. కవితల్ని గురించి అంటే,"చం. కీ దృశ్యమానం చేసే ఒక గొప్ప నైపుణ్యం వుందని" కె.శివారెడ్డి చెబుతాడు."పదాలకు రూపాన్నివ్వటంలో మంచి శిల్పి"-అని దర్భశయనం అంటాడు చం.గురించి. "రెండో సహస్రాబ్ది తుది సంధ్యలో"-చం. ఒక దృశ్యం చూశాడు. ఎప్పుడూ నిండుగా తృప్తిగా వుండే చం. అసంతృప్తి కలిగించే సన్నివేశాన్ని ఎలా చూశాడో ఇలా చెబుతాడు. "గుంజ మీద ప్రకాశిస్తున్న సత్తు గ్లాసును నేను చూశాను/వంగి వంగి దండాలు పెడుతున్న నల్ల సూర్యున్ని నేను చూశాను"అంటూ తాను చూసిన యథార్థ వ్యథార్థ దృశ్యాన్ని చూపిస్తూ.."కాంతి పరావర్తనం చెందకపోతే ప్రకాశముండదు"-అనే శాస్త్ర సంబంధ అంశాన్ని జోడిస్తాడు. ఇంకా ఈ కవి తానేం చూడాలనుకుంటున్నాడంటే మూడో సహస్రాబ్దిలో ఇలా చెబుతాడు. "సత్తుగ్లాసు విస్ఫోటనం నేను చూడాలి. నవ భారతం తెల్ల తామరై వికసించాలి వెలుగు రెక్కలు చాపి వేకువ పిట్టలెగరాలి రెండు గ్లాసులు ఒకటవ్వాలి" దళిత ఉద్యమాల పట్ల చం.కు సానుభూతే కాదు సహానుభూతి కూడా వుంది.అయితే ఈ ఉద్యమాల వైఫల్యాలకు వెనకున్న కారణాల మూలాల అన్వేషణ గురించి చేయకుండా కేవలం ఉపరితల కారణాలను మాత్రమే ఇలా ప్రస్తావించాడు. "ఔను సూర్యునికి స్వార్థపు తేలు కుట్టింది సహ పంక్తి భోజనం జరిగింది ఆర్భాటంగా ర్యాకీ ముగిసింది ఫోటోలకు,మీడియా ప్రచారానికి కొదవేంలేదు అంటూ కేవలం ప్రచార పటాటోపాలకు పరిమితమయి ఆ ఉద్యమ అలలపై గుర్తింపు కోసం ఎగెరెగిరిపడే వాళ్ళను విమర్శ చేస్తాడు. నల్లచెరువులో ప్రశ్న గుర్తులా వికసించిన నల్ల కలువ తెల్లారకముందే చతికలబడుతోంది సత్తుగ్లాసు మాత్రం పగలబడి నవ్వూతూనే ఉంది" రెండుగ్లాసుల సంస్కృతిపై తన నిరసనని కవిత్వం చేసి తెలిపే కవిగా చం. ఎదుగగలిగాడు. మదర్ థెరీసా మానవి మాత్రమే కాదు మానవత్వ్వానికీ ప్రతీరూపం.ఆమెను "మనిషి మనిషిని మింగాక/మానవత్వం మసిబారాక/నాడు నేడు మరునాడు తోడుగా/నిలిచింది నీలంచు నూలు చీర" అనే చిన్న మాటలతో మన ముందు నిలబెట్టడమే కాదు ఆమె లేని తనం భారత దేశానికీ ఉత్పాతం అని ఒక మౌననరాగం ఆలపిస్తాడు. అనంతపురం ప్రాంతంలో వో మారు కరువు కరాళ నృత్యం చేసింది.ఈ నేల మీదే కాదు ఏ నేల మీద అయిన మట్టిని మాణిక్యపు బంగారుగా మార్చగలిగే రైతు జీవితం విషాదం అయ్యేది అన్నం మెతుకుల్ని రాలుస్తాయనుకునే వాన చినుకులు కత్తులు దూసినప్పుడూ,సేద్యపు విసుర్రాయిలో రైతు జీవితం నూక నూకయినప్పుడు,కల్తీ విత్తనాల,ఎరువుల మోసాలకు దోమ పోట్లకు పంటలన్ని పూల రేకులయి రాలిపోయినప్పుడు..ఆ రైతు జీవితం చావు నే ఆశ్రయించింది. ఆ సందర్భంలో అనంతపురం కవులు కళాకారులు రైతు ఆత్మ విశ్వాస యాత్ర చేశారు.ఆ సమయంలో చం."నీ వొ క్కడివి బ్రతికుంటే చాలు "-అనే కవిత రాసి జిల్లా అంతటా చదివాడు. "వీరుడా! నాగలి యోధుడా! నిస్సహాయంగా నీవు కూలిపోతుంటే మేమెలా బతుకగలం ఏ ఆశతో నిబ్బరంగా ఉండగలం" అంటూ వొక దైర్యాన్ని, ఆత్మ విశ్వాసాన్ని కలుగజేసే ప్రయత్నం చేశాడు."నీవెప్పుడూ ఒకరికి పెట్టిన వాడివే /ఎవరిముందు చేయిసాచి వాడివి కాదు"అంటూ రైతు గొప్పదనాన్ని గుర్తు చేసి చచ్చిపోవాలనుకున్న కోరికను తగ్గించే ప్రయత్నం చేస్తాడు."నీ దుక్కిలో విత్తనమవుతాం /నీ చేలో సత్తువవుతాం /మా కన్నీళ్ళను వాన చినుకులు చేస్తాం"-అని అంటూ రైతులో ఆత్మ విశ్వాసాన్ని ప్రోది చేయాడానికీ యత్నిస్తాడు."వస్తున్నాం నిన్ను రక్షించుకోవటానికి /మా ప్రతిఙ్ఞ వృథా కాదు" అన్న ధృఢ నమ్మకం కలిగించే మాటల్నీ గొప్ప సంకల్పంతో అంటాడు.ఈ కవిత ఆనాడు కరువు పాటకు చావు దరువేసినప్పుడుజ్ నిరోధించే పోరు గీతంగా గానం చేయబడింది. సంఘటనలు అనేకం సంభవిస్తూ వుంటాయి.కవులు వాటికి అనుకూలంగానో ప్రతికూలంగానో వారి ఆలోచనల బట్టి స్పందించి కవిత్వం రాస్తూవుంటారు.ఈ కవి కూడా తాను చూసిన,విన్న సంఘటన లకు తనదైన ఆలోచనతో కవిత్వం రాశాడు. బుద్దుడు నవ్వినప్పుడు అంటే భారత్ అణుపాటవ పరీక్ష చేసినప్పుడు,రెండు భేదాలతో దళితులు ఘర్షణ పడ్డప్పుడూ,కాశ్మీర్ లో ఉగ్రవాదం శాంతి గీతాలాపనకు శతఘ్ని నాదాలను తోడు చేసినప్పుడు ఇంకా అనేకానేక హృదయ విచలిత దృశ్యాలకు తన కవితల్ని తోడు చేసి మనల్ని వాటి వెంట ఆలోచిస్తూ నడిచేటట్లు చేస్తాడు. "ఎర్ర పుప్పొపిడి నింపుకున్న మంచు పూలతో నిలువెల్లా ఎర్రబడ్డ ఆపిల్ తోట"-అనే పోలికతో కాశ్మీర్ ని ఊహించి విధం హృదయాన్ని హత్తుకొంటుంది.ఇట్లాంటివెన్నో పోలికలు చం. కవితలో ఎన్నో అలవోకగా నడుస్తుంటాయి."ఒకని బాధ , మరొకనికి నవ్వు /ఎద్దు పుండు కాకికీ ముద్దు సదూ!"-లాంటి సామెతలు నుడికారాలు మరి ఏరి ప్రయోగించి తన శిల్పాన్ని సంపన్నం, చేసుకొంటాడు."నల్ల కలువ వికసిస్తేనే వెన్నెలకు నిండుదనం"- "చద రంగంలో నల్ల కలువలు గెలవాలి"-అని ఈ కవి దళితుళ్లో తానెవరివైపో చెప్పకుండా ఇరువురి విజయాన్ని కాంక్షించే దృక్ప థాన్ని కన బరుస్తాడు. స్త్ర్రి వాదాన్ని బలపరుస్తూనే అకారణంగా విడిపోతున్న స్త్రీపురుష సంబందాల విఛ్చిన్నతను ఈ కవి ఎంతో సుకుమారంగా వ్యాఖ్యానిస్తూ కవిత్వం చేశాడు. "కుసుమ మనస్విని నేను నిను చేరి వికసించలేను వీడి వాడి రాలిపోలేను రెండికీ చెడిన రేవడినైనా పురుషాహంకారానికి దాసిని మాత్రం కాను" అంటూ "ప్రణయ కలహాలు పండుటాకులై వసంతంకై ఎదురు చూసే మోడును కొమ్మలు నరికి, పేళ్ళు ఏరుకొనే మంద భాగ్యులు మహిలో కలరు"-అనే వ్యంగ్య నీతి బోధని కూడా చేస్తాడు ఈ చం. మీ కందరికీ గుర్తు వుండే వుంటుంది బషీర్ భాగ్ లో పోలీసు కాల్పుల్లో ఓ ముగ్గురు పోరాట మరణం చేశారని.ఆ దృశ్యాన్ని కవి స్వయంగా చూడలేదు.కానీ విన్నాడు మీడియాలో దర్శించాడు.ఎంత కోపం కలిగిందో తెలీదు కానీ కవి ఆగ్రహం ఆ సంఘటనకు కారణమైన ప్రభుత్వ పతనం కోరుకుంది.ఆ తరువాత అదే జరగడం ఒక యాధృఛ్చికమే. "రక్షించు నా రాష్ట్రాన్ని స్వర్ణాంధ్రప్రదేశ్ భ్రాంతి నుంచి విజన్ ట్వంటీ ట్వంటి కలలనుంచి ఆంద్ర ప్రదేశ్ సైబరాబాదన్న విభ్రాంతి నుంచి నేతి బీరకాయల పథకాల నుంచి చెంబు పెట్టి తపేలా ఎత్తుకపోయే సామ్రాజ్యవాద తత్వం నుండి" ఈ మాటల్లో తిలక్ " ప్రార్థన" వాసనలు కనిపిస్తున్నాయి కదా!.తన ధోరణిలో కవితను ఈ కవి చెప్పొచ్చు.కానీ తీవ్ర వ్యంగ్యతను తెలపాడానికీ ఆ కవితకు పేరడి రూపంగా రాశాడేమో నని నా అనుమానం.అంతే కాని తిలక్ ని అనుసరించడం కానీ సంగ్రహించడం కానీ చేసేంత భావ దారిద్ర్యం చర్య గుణం చం.లో లేదు.చం.కవిత్వ నిర్మాణ శిల్పంలో ఆరితేరిన వాడు అని చెప్పడానికీ అతని "అవ్వ "-అనే కవిత వొకటే చాలు. "ఇటు అమ్మ-అటు అవ్వ దుప్పటిలా ఆక్రమిస్తారు నా బాల్యంలో,నా జీవనంలో సగపాలు వారిదే." ఇలా ఈ కవి తన ఉఛ్చ్వాస నిశ్వాసాల్తో నిరంతరం భ్రమణించే వాళ్ళను గురించి ఒక నోస్టాల్జియా తో గొప్పగా కవిత్వం చేసి ఒక సాంస్కృతిక శోభను ప్రకాశింప చేస్తాడు.కవితలకీ శీర్షికలను ఎన్నిక చేయడం వొక కళే.ఈ కళ చం.లో ఎక్కువ."సుజాత"-అనే కవిత ఈ సంపుటికీ కిరీటంలా నిలుస్తుంది. సుజాత ఒక ఙ్ఞాపకం మరపు రాని మధురానుభూతి సుజాత అప్పుడు........ ఎంత అందంగా వుండేది" అంటూ ఈ కవితను మొదలేట్టి సుజాత ఒక మనిషి కాదని సాయంత్రమయ్యేసరికీ అందర్నీ సాదరంగా ఆహ్వానించే వొక సాధరణ కాఫికేఫ్ అని తనే చెబుతాడు.ఆ చెప్పటంలో అనంతపురంలో వుండే కవులను,రచయితలను,విమర్శకులను పేర్లు చెప్పకుండానే వారి రచనల ప్రస్తావనతో గుర్తుకుతెస్తాడు.సుజాత ఒడిలో సేద దీరింది శివరామ్,శేషశాస్త్రి, అంజిబాబు,సైదాచారి ఇమ్కా ఆశావాది ప్రకాశరావు,శేషేంద్ర,రమణజీవి,మల్లెల,బండి నారాయణస్వామి ,రాయుడు,రాచపాలెం,యక్కలూరి శ్రీరాములు ఇలా ఎంతో మందిని మరో సారి ఆ "ప్రియురాలి రహస్య చర్మంలాంటి మీగడ తరకల ఙ్ఞాపకాలలోకి ఈ కవిత తీసుకెళుతుంది.అప్పటి సుజాతకు ఇప్పటి ఈ హోటల్ కు ఎలాంటి సారూప్యం ఇప్పుడు లేకపోవడాని కారణం "గ్లోబల్ గాలానికీ అది చేపగా దొరకటమే అనే ఆలోచనను కవి ఇస్తాడు.నిజానికీ అప్పుడు ఆ సుజాతకు ఈ కవులు కళాకారులే గొప్ప అతిథులు.కాని వ్యాపారికరణ మొదలయ్యింతరువాత ,వ్యాపార తత్వం ముదిరింతరువాతా ఎర్పడే పరిణామాలు ఇలానే వుంటాయని చెప్పడానికీ ఈ కవిత మంచి ఉదాహరణ. ఇలాంటి సుజాతలు ఎక్కడైనా వుంటారు అందరి అనుభవంలో పాతబడి చిరిగిపోతున్న వర్ణచిత్రంలా వెలిసిపోతుంటారు. కరువు ,పేదరికం ఒక్కటే కాదు ఈ సీమ వెనుకబాటుకూ సాయుధ ముఠాల హింస కూడ ఒక ప్రధాన కారణం.దాన్ని ఈ చం. గుర్తించాడు. సీమాంతర నేపథ్యమైన ఫ్యాక్షనిజం పైన కూడా మంచి కవిత్వం రాసి తన కవిత్వం అసమగ్రం కాదు అని నిరూపించుకున్నాడు. ప్రియురాల్ని 'చినుకు రాల్చని మేఘం'గా,గుప్త నది గా పోలిక చేసిన ఇతనిలో ఉన్న ప్రణయ భావనలు కూడా మంచి కవిత్వంగా నిలుస్తాయి. " వాడే సృష్టి,వాడె స్థితి వాడే లయ కారుడు వాడిదే ప్రపంచం ప్రపపంచానికి పర్యాయ పదమ్ వాడే"-అని కర్త,కర్మ.క్రియ అయిన మానవున్ని కీర్తించిన ఈ కవి "ఎంత తాగినా /దాహం తీరటం లేదు /ఇదో సముద్రం" వంటి హైకూలూ కూడా రాశాడు ఈ సంపుటిలో. కవిత్వం "ఒక సంభార సందోహలం /సమూహ సమరోత్సోహా సంరంభం /క్రాంతి మయ జ్వాల /సముడ్ర ఘోష,నిరసన గీతిక /ప్రాతినిధ్య గొంతుక,/పోరాట నినాదం /అంతరంగ ఉద్వేగం /అంతర్ముఖీనత...ఇలా పోల్చిన ఈ కవి నిజంగా కవిత్వ,కవుల ప్రియుడు.ఈ చం కవిత్వాన్నీ ఆఘ్రాణించమని కవి సంగమ కవులను కోరుతూ.. .మంగళ వారం మళ్ళి మరో సంపుటి పరిచయంతో కలుద్దాం.

by Rajaram Thumucharla



from kavi sangamam*కవి సంగమం*(Poetry ) http://ift.tt/1qjjQ56

Posted by Katta

Santosh Kumar K కవిత

||ఓ గంగమ్మా...|| ఓ గంగమ్మా... ఎందుకే అంత కోపం? మంచు నుండే పుట్టావుగా.. మరెక్కడా కనబడదే ఆ జాడ?? కిందటేడాది ఒక్కసారిగా వచ్చావు, ఊళ్లన్నింటిని ఊడ్చుకెలిపోయావు ప్రతేడు ఎంతోకొంత గిట్టుబాటు అవతుందిగా ఇంకా చల్లారవే.. ఎందుకే మనిషంటే అంత కచ్చి??? నీలో మునిగితే పుణ్యం మాట దేవుడెరుగు పొరపాటున తలుచుకుంటే ఎటు నుండి వస్తావో ఈసారి ఇంకెంతమందిని లాక్కెలతావో అనే గుబులు మిగిలి అంతుచిక్కట్లేదే నీ యవ్వారం!! ఇంకా ఆకలి తీరలేదా?? ఆడదానికి ఇంత ఆశ పనికిరాదు చెప్తున్నా!! ఇలా జనమంతా తిట్టిపోస్తున్నారని నువ్వు ఏడవకులే... నువ్వు మాత్రం ఏం చేస్తావ్.. నువ్వు మంచిదానివే.. నీ మనసూ మంచిదే.. గంగమ్మవి.. అంటే అమ్మవే.. అయితే నిన్ను నిన్నులా ఉండనివ్వడుగా మనిషి మారాజు...!! మారాజు అజాగ్రత్త శాస్త్ర పండితుడు ఏదో అడ్డుకట్టలా ఒక ఆనకట్టు కట్టాడు.. రోజుకోసారి కూత పెట్టి సాగానంపుతానన్నాడు.. నిజానికి శివునికే కష్టమైంది నీ ప్రవాహాన్ని కట్టడి చేయటానికి పాపం అన్నెం పున్నెం తెలియని లేత పక్షులు వాటికేం తెలుసు అమాంతం నువ్వు వస్తున్నావని మనిషి మారాజుకి అంటే అన్నీ తెలుసు.. విశ్వవిజేత కదా.. నీ మాటకి విలువెందుకిస్తాడు.. తెలియక ఇంటి నుండి నవ్వులతో ఆడుతూ పడుతూ గుంపుగా ప్రకృతి అందాలని అందుకోవాలని అప్పుడే వచ్చిన లేలేత రెక్కలతో అలా అలా ఎక్కడి నుండో ఎగిరోచ్చాయి ఆటలో మునిగి తేలాలని అనుకున్నాయి కానీ నీటిలో తెలుకోలేనంత లోతుకి దిగిపోయాయి... కారణం తెలిసే లోపే రెక్కలు విరిగాయి.. కన్నవాళ్ళ కోరికలు కొండెక్కాయి.. కొండ లోయల్లో కొట్టుకుపోయాయి.. కానరాని దూరాలు చేరుకున్నాయి.. ఓ మనిషి మారాజా... సల్లంగా ఉండయ్యా... ఎందరి ఉసురు పోసుకున్నా నీకు ఆయువు తీరదు ఎందుకనో.. నీ చుట్టూ ఉన్నోళ్ళని మింగేయి... నిన్ను నమ్ముకుంటే నట్టేట మునిగినట్టే!! అప్పుడప్పుడైనా బాధ్యతలు గుర్తుంచుకో... నీకు నువ్వు ఇష్టం లేకపోవచ్చు.. కానీ ఆ కూనల అమ్మా అయ్యలు ఏ పాపం చేసారు.. నీకు చెప్పినా... ఆ గోడకి చెప్పినా ఒకటే... మొద్దు బారిన ఈ మనిషి మారడు.. ఓ మిగిలిన కూనలారా... మీరు మాత్రం ఇలా మారకండి... మరో మారాజు అవకండి!!! (ఆ విద్యార్ధులలో కొందరైనా బతికుండాలనే ఆశతో రాసిన కన్నీటక్షరాలు ఈ వాక్యాలు) :( :'( #సంతోషహేలి 10JUN14

by Santosh Kumar K



from kavi sangamam*కవి సంగమం*(Poetry ) http://ift.tt/1tZ9l7f

Posted by Katta

Humorist N Humanist Varchaswi కవిత

//వర్చస్వి//ఘనీభవనం// దిక్కులు గజగజలాడేలా తన్నుకొస్తుందనుకున్న నీ స్వరం నీరసంగా దూదిపింజలా తేలిపోతుంది ! తక్షణం జిందాబాదనాలనుకున్న నీ జిహ్వ మరుక్షణం మడిచిపెట్టుకుంటూ ముర్దాబాదంటుంది! ఈ క్షణపు నిజాల్ని నువ్వు జీవించి చూస్తున్నావన్న దాఖలా మది జల్లెడపట్టి చూసినా కానరావు! అదేమిటో ఖర్మ! నీ చుట్టూరా ఘటనల్ని ఎప్పటికీ నీదైన గీతంగా పాడలేవు. నువ్వు మునిగి తేలుతున్న ఘడియల్ని నీ సుశిక్షిత అక్షరాల్లో చూపెట్టలేవు. నీ ముఖ మఖ లో పుట్టిన హుంకారం ఆశ్చర్యంగా నిబ్బరం కోల్పోయి పుబ్బలోనే మాడి పూడుకుపోతుంది ఏదో ఒక ఒడ్డున నిలుపుదామనుకున్న నీ పడవ- నీ తెడ్డు పనికిరాక ఏటో అటు అడ్డదిడ్డంగా సాగి పోతుంది స్వరంలోంచి విరుచుకు పడలేని అర్ధమున్న నీ ఒక్క ముక్కా వ్యర్ధమై నీముందే అసువులు బాస్తుంది. ప్రవాహంలో కొట్టుకుపోతూ ప్రవాహ దిశనే మార్చాలనుకోవడం ఎంతటి తెంపరితనం ? సమకాలీన కాలసలిలం లో నిలువునా మునకేస్తూ కూడా నీదైన చమ్మ, బిందుమాత్రం ప్రకటించలేకకపోవడం ఎంతటి భావ గళ దారిద్ర్యం? ఎటు ఒరిగి పడుకున్నా బాధే అయినపుడు నీ పెడబొబ్బలు మౌనాన్ని తగిలించుకుని అక్కడితో మరణించడం సబబే కదా! ఇపుడు సంతోషంగా విహరించేస్తుందనుకున్న నీ ఆలోచనా విహంగం ఉన్నట్టుండి రెక్కలు కత్తిరించుకుని నెత్తురు కక్కుకుంటూ రాలిపోతుంది తెలీని వేదనో బాధో అయోమయమో ఎత్తుదామనుకున్న నీ గళం లో గరళంగా అడ్డుపడి ఊరుకుంటుంది నీ దారిన నువ్వు ఎగురుకుంటూ పోతున్నా ముళ్ళ కంప ఎగిరొచ్చి నీకు అడ్డుపడొచ్చు నీటైన బాట పరుద్దామనుకున్నా కళ్ళముందే అది నీ మాట వినక పోవచ్చు అవును – ఎంతకాలమని కళ్ళార్పకుండా చూస్తుండగలవ్ ఎన్నిసార్లని నోళ్ళిప్పకుండా పడి ఉండగలవ్ ఊరికే ప్రశ్నలా ప్రవహించకేం సంతృప్తిగా ఘనీభవించు ఉలినవతల పారేసి కేవలం శిలగా వెలిగిపో! /10.06.14/

by Humorist N Humanist Varchaswi



from kavi sangamam*కవి సంగమం*(Poetry ) http://ift.tt/1pX6HkX

Posted by Katta