పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

1, మే 2014, గురువారం

Sri Modugu కవిత

శ్రీ మోదుగు // ఛీ నీదీ ఒక బతుకే .... // పోతే పొయ్యారు పురుగులేగా నువ్వు పెట్టుకో బాంబులు ,నువ్వు నరుక్కో హెరాయిన్ లో కూడా దొరకని మత్తులో మునిగి తేలు రేయింబగళ్ళు చిమ్ము నీ నరనరాన నిండిన విషాన్ని నవ్వుకో నీ రక్తంలో ఇంకిన సైనైడ్ తో నీనరాలు ఉత్తేజం తో ఉక్కిరి పిక్కిరవ్వనీ ఊగిపూ ఆవేశంతో చంపుకో నీ గుడ్లని నువ్వు నలిపి పారేయి నీ జాతిని సమూలంగా పోతే పొయ్యారు పురుగులేగా స్వజాతిని మింగే పురుగుల్లార చేసుకో నీ పవిత్ర తుచ్చమైన యుద్ధాన్ని ………………….. Date: 01/05/2014

by Sri Modugu



from kavi sangamam*కవి సంగమం*(Poetry ) http://ift.tt/1fx96PP

Posted by Katta

Prem Goud కవిత



by Prem Goud



from kavi sangamam*కవి సంగమం*(Poetry ) http://ift.tt/1knsOte

Posted by Katta

Pusyami Sagar కవిత

బాల్యం నానీలు ... _______ మిత్రుడు ఇచ్చిన పాత మాస పత్రిక లో ("పత్రిక ") నానీలు కనిపించాయి ...అవి ఎంత గా హత్తుకున్నాయి అంటే .వాటి గురించి ఏదైనా రాయాలి అనిపించిది ...శేషం సుప్రసన్నచార్యులు గారు రాసిన నానీ లు బాల్యం ఎంత దురవస్థ లో ఉన్నదో తెలియ చెప్పే ప్రయత్నం కన్పించిది ....ముఖ్యం గా కార్మికుడికి (బాల ) ..మరి కాన్వెంటు విద్యార్ధి కి అట్టే తేడా లేదు ఇద్దరు మోస్తున్నారు బరువు లు అంటారు ఓ చోట .... కాన్వెంటు స్టూడెంట్ //బాల కార్మికుడు తేడా లేదు ///ఇద్దరు బస్తాలు మోస్తారు ....!! నిజమే కదః ....చిన్న వయసు లో నే బండెడు బరువు లను మోయిస్తున్న మన విద్యా వ్యవస్థ ...భావి పౌరులను తాయారు చేస్తున్నదో లేదో తెలియదు కాని ఖచ్చింతంగా కూలి లను మాత్రం తాయారు చేసే కర్మాగారం అయిపోతున్నది కదా... లేత బాల్యం వీపు పై //పుస్తకాల బురువు పర్వాలేదు ఫ్యూచర్ లో //కూలి నెంబర్ వన్... పేదరికం లో ఉన్నవాడికి జబ్బు వస్తే ....గుండె కి చిల్లు పడి దీనావస్థ లో ఉన్నవాడికి ప్రేమా తో అనురాగం తో వాడి జీవితాన్ని ..గుండె ను రెండి టి ని ప్రేమ తో పూడ్చాలి ..అది నిజంగా జరిగితే ఎంత బాగుండు ను కదా... డబ్బు కరిచిన బాల్యం //గుండెకు చిల్లు పొడిచింది ... ప్రేమాబ్ఘిమానలతో //పూడ్చాలి ... నేతలు మాటలను కోటలను దాటిస్తారు ...ఎక్కడ ఏ అన్యాయం జరిగిన ముందు ఉంటారు ఎప్పుడైనా వారి దృష్టికి బాల కార్మికుల వెతలను తీసుకు వస్తే ...చర్యలు తీసుకుంటాము అంటారు ...కాని చిత్రం ఏమిటి అంటే..అదే ఇంట్లో బోలెడు మంది పిల్లలు పని చేస్తూ వుంటారు ...డబ్బు ఉన్నవాడి చేతి లో బాల్యం మరి చితికిపోతుంది ....ఒక మనిషి లా గ కూడా చూడరు !!!! బాల్యం నేతల //కోతల్లో నే కాదు ఉన్నవారి చేతల్లో //కూడా బంది అయింది ...!! ఆద్యంతం మనసు కరిగించేలా వున్నా ఈ నానీ లను అక్కున చేర్చుకోవడం నాకు చాల ఆనందం గా వున్నది ..శేషం సుప్రసన్న చార్యులు వారు ఎక్కడ వున్నా ...ఇలాంటి మంచి కవితలను రాసి సామాజిక స్పృహను తేవాలన్నది అభిలాష ...ఇప్పుడు "పత్రిక ! (మాస ) ...వెలువడుతున్నదో లేదో నాకు తెలియదు కాని ...ఈ పత్రిక మరల పునః ప్రచురణ పొందితే నేను చాల సంతోషిస్తాను ..మరోసారి ఇంత మంచి పత్రిక ను అందించన మిత్రుడు కి ధన్యవాదాలు ... బాల్యం నేతల /కోతల్లో నే కాదు ఉన్నవారి చేతల్లో / కూడా బంది అయింది ! లేత బాల్యం వీపు పై //పుస్తకాల బరువు పర్వాలేదు ఫ్యూచర్ లో //కూలి నెంబర్ వన్ !!! డబ్బు కరిచిన బాల్యం //గుండెకు చిల్లు పొడిచింది ... ప్రేమాబ్ఘిమానలతో //పూడ్చాలి ... లేత బాల్యం వీపు పై //పుస్తకాల బురువు పర్వాలేదు ఫ్యూచర్ లో //కూలి నెంబర్ వన్... కన్పించని శ్రమ జీవి /బాల కార్మికుడు కన్పించే బాల కూలి //కాన్వెంటు విద్యార్ధి ___ శేషం సుప్రసన్న చార్యులు సెలవు పుష్యమి సాగర్ (మే 1, 2014)

by Pusyami Sagar



from kavi sangamam*కవి సంగమం*(Poetry ) http://ift.tt/1o70NKi

Posted by Katta

Panasakarla Prakash కవిత

కదా..! నిత్య౦ నేను నా ప్రేమలో మునిగిపోతూనే ఉ౦టాను ఎల్ల‌ప్పుడూ నేను నా ఊహల్లో తేలిపోతూనే ఉ౦టాను ఎక్కడైనా సరే నేను నాతోనే ఉ౦టాను ఎ౦దుకో నన్ను నేను బాగానే అర్ధ౦ చేసుకు౦టాను ఒప్పు చేసినప్పుడు నన్ను నేనే అభిన౦ది౦చుకు౦టాను తప్పు చేసినప్పుడు నన్ను నేనే క్షమి౦చేసుకు౦టాను నాలా నన్ను ప్రేమి౦చడ౦ ఎవ్వరికీ చేత కాదు ఎవ్వరినో నా అ౦త‌ ప్రేమి౦చడ౦ నాకూ చేతకాదు స్వార్ధ౦తో ప్రేమి౦చే కొన్ని వ౦దలమ౦ది మధ్యలో నన్ను నిస్వార్ధ౦గా ప్రేమి౦చేవాడిని నేనే........... పనసకర్ల‌ 1/05/2014

by Panasakarla Prakash



from kavi sangamam*కవి సంగమం*(Poetry ) http://ift.tt/1fBRRwK

Posted by Katta

Venu Madhav కవిత

నా మదిలో నీ హృదయ స్వరాలూ సాగర అలలు వాలే సవ్వడి చేస్తు సంగీతం పలికిస్తుంటే, మాటలే పలుకుని నా హృదయం నీ మధుర భావాలతో సప్త స్వరాలూ పాడుతూ ఆ సాగర అలల ఒడిలో నా మనసు తడిసి అలిసిపాయింది మీ వేణు

by Venu Madhav



from kavi sangamam*కవి సంగమం*(Poetry ) http://ift.tt/1lDqwKK

Posted by Katta

Kranti Virasam కవిత

నా దగ్గరకు రావడానికి విసుగు చెందనివాడు నేను వెళ్ళినప్పుడు ముఖం తిప్పుకోనివాడు ఏ కూడలి వద్దనో నన్ను చూడడం కోసం ఆపేక్షగా ఎదురు చూసే ఒక్క మిత్రుడుంటే బాగుండేది - ఆశా రాజు

by Kranti Virasam



from kavi sangamam*కవి సంగమం*(Poetry ) http://ift.tt/1i1NjKA

Posted by Katta

Ramaswamy Nagaraju కవిత

అనువాద కవితలు: 1. ....|| గులాబి ॥.... గులాబి గుండెలోని గుప్త నిధి నీ ఎద సంపదే. వెదజల్లు దాన్ని రోజా లా అంతే, నీ బాధ ఆమె స్వంత బాధై పోతుంది . ఒక పాటలోనో ఒక మహా ప్రణయాభీష్టం లోనో చల్లు ఆ నిధిని. ఆపకు ఆ గులాబీని ఆపావా , ఆ అగ్నిలో నీవు ఆహుతి. ( ఆదివారం ఆంధ్రప్రభ Dt:13.04.2014లో ప్రచురితం) 2. ....॥మలిసంజ ॥.... నా హృదయం మైనమౌతున్నది మెత్తగా ,కరిగే కొవ్వత్తిలా . నా రక్త నాళాలు చిక్కని తైలాలు ద్రాక్షాసవ ప్రవాహాలు కావు . అణచబడిన నా మెతక బ్రతుకు పారిపోతున్నది గజెల్లా జింకలా. 3. ....||పరంజ్యోతి ॥.... వృధాగా యత్నిస్తున్నావు నా పాట పీక నొక్కాలని లక్షలాది పిల్లలు నా పాటను ఏక కంఠం తో పాడుతున్నారు కోరుస్ గా సూర్యుని కింద. వృధాగా శ్రమిస్తున్నావు నా గీతాన్ని విరిచెయ్యాలని: ఎంతో ఆర్తి తో పాడుతున్నారు పిల్లలు దేవుని చెంత. ('సూర్యుడు' భగవంతునికి, 'పిల్లలు' తన అభిమానులకు ప్రతీకలు) (ఆదివారం ఆంధ్రప్రభ Dt:20.04.2014 ) మూలం :గాబ్రియేలా మిస్ట్రాల్ (చిలీ దేశ నోబెల్ లారియెట్ ) . తెలుగు సేత : నాగరాజు రామస్వామి. ---Dt: 01 .05.2014

by Ramaswamy Nagaraju



from kavi sangamam*కవి సంగమం*(Poetry ) http://ift.tt/1iHgJOj

Posted by Katta

Ravela Purushothama Rao కవిత

అంతరంగ తరంగం -------------------రావెల పురుషోత్తమరావు నన్ను క్షమించండి. నా కవితను మన్నించండి. తరత్రాలుగా చెల్రేగుతున్న అంతరంగాలను అన్వేషించండి. అంగళ్ళలో రతనాలను అమ్మిన తరం నాదికాదు. అంగనల అంగాంగ సౌందర్యాన్ని బహిరంగా అమ్ముకుంటూ నిలువుదోపిడీ ని నిరంతరం సాగిస్తున్న దోపిడీ గావిస్తున్న నిష్కృష్టపు తరం నాది. సమాజపు సౌశీల్యానికి సాహిత్యపు పౌరోహిత్యం నిర్వహిస్తూ సోదరభావాన్ని నెరపిన తరం నాదికాదు. సన్మానపు సం రంభంలో అశ్లీలానికీ అసభ్యానికి సాగిలబడిపోతున్న తరం నాది. తిమిరంతో సమరం జరిపి జగతిని వెలుగు వెన్నెలకు వేదికగా నిలిపుకున్న తరం నాది కాదు. విశాలాంధ్ర భావాలకు వెన్నుఫోటు పొడిచి స్వార్ధాన్నీ సంకుచితత్వాన్నీ సమూలంగా పెనవేసుకున్న నంగి నంగి మాటల నాజూకు తరం నాది. =================01-05-2014

by Ravela Purushothama Rao



from kavi sangamam*కవి సంగమం*(Poetry ) http://ift.tt/1u8P5TK

Posted by Katta

R K Chowdary Jasti కవిత

జాస్తి రామకృష్ణ చౌదరి కుండ నాకు నవ్వుతూనే ఉండాలని ఉంటుంది నవ్వుతూ ఉంటే నాకు సంతోషమే కావచ్చు కానీ నాలో ఉండే మనసుకి కాదు కదా అందుకే రోధిస్తూ ఉంటాను నాలో ఉండే కుండ ఖాళీ అవుతూ ఉండాలి కదా తనకి దు:ఖం వచ్చినప్పుడు కన్నీటితో నిండడానికి; అందుకే గుండెలో నీళ్ళు నిండడానికి, నవ్వినప్పుడు కూడా కళ్ళల్లోంచి నీటిని ఒంపుతూ ఉంటాను నాలో ఉండే అనంతమైన దాహార్తిని సంతృప్తి పరుచుకోవడానికి రోధిస్తూ ఉంటాను నన్ను నేను ఖాళీ చేసుకుంటూ........ కన్నీటి ప్రవాహానికి నన్ను నేను తెరుచుకుంటూ! 01May2014

by R K Chowdary Jasti



from kavi sangamam*కవి సంగమం*(Poetry ) http://ift.tt/1rSj3cG

Posted by Katta

విష్వక్సేనుడు వినోద్ కవిత

ట్రాన్స్ఫార్మర్ హార్ట్ !! మితిమీరిన ఆశలకు కళ్ళెంవేస్తూ జీవితపు సరిహద్దులు చేరపనీయక సున్నితపు అనుబంధాలకు సన్నని రాగితీగల బంధనాలతో చుట్టబడి ఆలోచనా చలానాలను నియంత్రిస్తూ తార్కికాయస్కాంతత్వానికి లోబడి స్పందించే ట్రాన్స్ఫార్మర్ హృదయం నాది!! మెదడూ మనసుల భావజాల వికేంద్రీకరణకు అనుక్షణం అడ్డుకట్ట వేస్తూ అంతులేని కోర్కెలకు మనోకారాగారంలో నిరాశావాద ఖడ్గంతో శిక్షిస్తూ చిరునవ్వును కవచంగా ధరించి అనంతానంత దూరాలు సంచరిస్తున్నా!! శూన్యాన్ని శరీరంలో దాచుకొని సన్యాసిభావాల ఆత్మకి సహనంతో సమాధి కట్టి సుదూర తారలను చేజిక్కించుకోవాలని నా హృదయ దారాల నిచ్చెన జారవిడుస్తున్నా!!

by విష్వక్సేనుడు వినోద్



from kavi sangamam*కవి సంగమం*(Poetry ) http://ift.tt/1rIJoru

Posted by Katta

Chi Chi కవిత

_డోలు_ తల్లి తండ్రులు కన్యాత్ములు..తాత బ్రహ్మచారి వాళ్లంశలో పుట్టిందో గూడచారి గుట్టు గోడలు కాళ్ళకింద రట్టు చేసుకుంటూ ఊరెళ్ళబెట్టిన నోరేస్కుని గాలితో కాపురం చేస్తుంటే తుమ్మిన ఉమ్మునెతుక్కుంటూ తిరుగుతున్న ఓ రాయి గూడచారి కంట్లో పడింది!! గాలినొదిలేసి రాయెంట పడుమ్ముతుంటే రాజుకున్న రాయి రాజయితే అయ్యింది కానీ తిరగడమాగింది!! తాను తుమ్మిన ఉమ్మిదేనా అన్న దిమ్మ తెగుల్లో రాజు నిమ్మకు నీరెత్తనట్టుంటే అడవి తోలునంతా పీకి అంటించుకుని కనిపించిన రాళ్లమీదంతా పడి డోలై మోగుతూ ఒళ్ళు తెలియకుండా పోయి ప్రాణం జారి రాజు మీద పడబోయిందా గూడచారి ఉమ్మేస్తూ.. రాజు కదిలే!! అడివినొదిలి పోతుంటే అడిగిందా డోలు మెడకు తగిలించుకోమని అడవంతా తగలేసిన డోలే తప్ప మరేమీ కనిపించక గొడవకొచ్చిన గాలి దెబ్బకి ఇంకో తుమ్మొచ్చ్చి ఉమ్మునెతుక్కుంటూ పోయాడా రాజైన రాయి డోలైన గూడచారిని గాలికే వదిలేసి!! అయినా డోలుకి సందివ్వలేని రాజెందుకు..సందులే లేని గాలుండగా

by Chi Chi



from kavi sangamam*కవి సంగమం*(Poetry ) http://ift.tt/1mhhdCZ

Posted by Katta

Ramesh Ragula కవిత



by Ramesh Ragula



from kavi sangamam*కవి సంగమం*(Poetry ) http://ift.tt/SdtgUQ

Posted by Katta

Ravela Purushothama Rao కవిత

ఎటు! నీ గమ్యం ఎటు? _________________రావెల పురుషోత్తమరావు వాధ్రా వైపా గోధ్రా చూపా? కటకటాల రుద్రయ్యా? కర్రెంట్ కాల్పుల చంద్రమా? ఎటు! నీ గమ్యం ఎటు? --01-05-14

by Ravela Purushothama Rao



from kavi sangamam*కవి సంగమం*(Poetry ) http://ift.tt/R3mrnT

Posted by Katta

Kompella Sarma కవిత

మహాకవి మహారాజశ్రీ శ్రీ శ్రీ ఆకృతి సామాన్యం, వ్యక్తిత్వం అసామాన్యం అప్పలకొండ దంపతులకు వంశాకురం శ్రీరంగం కుటుంబానికి దత్తత పార్శ్వం ఫలితంగా ‘శ్రీరంగం శ్రీనివాసరావు’ పోట్టిపేరు శ్రీశ్రీ, పేరులోనే విన్నూత్నం ‘శ్రీ’ కి ‘శ్రీ’ కి మధ్య దూరం అగణితం. చదువు సంధ్యలు, విసిరేసే విశాఖ తీరాన ఒకటిన్నర దశాబ్దపు ప్రాయంలోనే వివాహం దత్తపుత్రుడికి దత్తకూతురు జీవన ప్రవేశం అర్థపుష్కరకాలం తర్వాతే జంతుశాస్త్రంలో చదువు డిమాన్స్ట్రేటరు, ఎడిటర్ తొలి కొలువులు రేడియో, మిలిటరీ, నిజాం నవాబు, ఆంధ్రవాణి జీవనయానానికి ఉపయోగిత ఉద్యోగాలు కలాయుదులు ఊహలతో కాగితంపై రాసుకుంటూ పోతారు బరకడం, గీకడం తో తెల్లకాగితాన్ని నలుపు చేసుకుంటారు వెయ్యేళ్ళకోసారో, వేలకొక్కరు వేలుతో కలంకుంచె కదుపుతారు కవితను, కవితాత్మను వేదికపై ఖచ్చితంగా ఆవిష్కరిస్తారు అసంకల్పితచర్యలా హిమగిరి ప్రతిభారోహణం చేసేస్తారు సాహితీ శిఖరాగ్రాన కవనపు మహాప్రస్థాన గానం చేస్తారు ఆ గాననాదఝరికి జగన్నాథుని రథచక్రాలూ కదులుతాయి విదేశాలు కూడా గళాన్నిస్తాయి, దశదిశల్ని మార్చివేస్తాయి. శీశ్రీ లో, రచనల్లో, చిత్రగీతాలు, కవితలు, ప్రహేళికలు, వ్యూలు, రివ్యూలు, ఉపన్యాసాలూ, కథలు, కథనాలు విశ్వసించిన సిద్ధాంతాన్ని రాద్దాంతం చేయక రాపిడిపెట్టి సమైక్యవాదాన్ని సగర్వంగా నమ్మిన కృషీవలుడు విదేశాలకు తన వాదాన్ని వేదంలా అందించాడు వారేవః కేకలను వింటూ వాడి వేడితనాల్ని పంచాడు అరసం, విరసం వేదికేదైనా ‘గురజాడ అడుగుజాడ’న్నాడు సంప్రదాయాన్ని ‘ప్రభవించి’ గ్రాంథిక చందోవిహారం చేయించాడు బాటసారి, భిక్షువర్షీయసి అంటూ ‘హరోంహర’ మహాప్రస్థానం చేశాడు ఖడ్గసృష్టితో చరమరాత్రిని నిర్మించి, ఒకటికింకొకటిని కలిపినా ఒకటేనన్నాడు వ్యూలు, రివ్యూలు, ప్రివ్యూలతో రెక్కవిప్పిన రివల్యూషన్ సృష్టించాడు విశాలాంధ్రలో ఉక్కుపిడికిలి, అగ్నిజ్వాలతో ప్రజారాజ్యాన్ని వీక్షించాడు తెలుగువీరుని మేలుకొలిపి, సంఘ శతృవుల్ని ఖబడ్డారన్నాడు మనసున మనసై, ‘హలో హలో’ ఓ అమ్మాయి! అంటూ దరి చేరాడు హృదయంలో నిదురించే చెలిని వయారి మయూరిలా ఆరాధించాడు వ్యాసక్రీడల్ని ఆడిస్తూ, వ్యక్తికి బహువచనం శక్తన్న సాహితీ అగ్రగణ్యుడు అల్పంలో అనల్పాన్ని, శిల్పశ్లేషప్రాసల్ని జోడీకరించాడు శబ్దప్రయోగాల్లో నవ్యత, ప్రజతో శతచాతురోక్తుల్ని విసిరాడు అష్టావర్షప్రాయంలోనే కవితాప్రచురణా దన్నుని చూపించాడు స్వదస్తూరితో, స్వీయగాలంతో మహాప్రస్థానాన్ని సుస్థిరం చేశాడు తనను తాను సమీక్షించుకొని దార్శనికతని స్వీయదర్శన మొనర్చాడు సౌదామినిని సంపంగితోటకు తరలించి మరోప్రపంచాన్ని చూపించాడు ఊరికేనా అంటే ఊరికే, ఒక నాటిక రాయమంటే ఏనాటికైనా రాస్తానన్నాడు తెలుగు జాతీయ భాష దురభిమానం లేని అభిమతం అన్న భాషాభావకుడు హాల్డేన్ భావాభిరామాల్ని నల్దిక్కులా ప్రతిభా ప్రచారం కావించిన ప్రవీణుడు తిక్కవేమగురజాడలను కవిత్రయపు హోదాలో నిలిపిన భాషాప్రేమికుడు అక్షరాల్ని ముత్యాలసరాలుగా ముగ్ధసమ్మోహన పరచిన నిత్యాక్షరమూర్తి సాటితోటి కవుల్లోని సశాస్త్రీయాన్ని, కృష్ణశాస్త్రీయాన్ని చవిచూశాడు ప్రపంచపు బాధ అంతా తన బాధ అంటూ యోగ్యతాపత్రాన్ని పొంది చావ ఉంటేనే చదవాలన్న చలం సవాల్ విసిరేలా చేసిన చైతన్యమూర్తి తేదీలు, దస్తావేజులు చరిత్రసారం కాదంటూ చెణుకుల్ని చెరిగాడు తెలుగు సాహిత్యాన్ని ఆయన శాసేస్తే, తెలుగు సభల పరాభవం పొందాడు ఆరేడుపదుల వసంతోత్సవాలకు విశాఖ కాకినాడ వాడల పుణ్యం సరిసములులేనితనంతో కావన సాహితీజీవనం, అనంత ఆత్మకథనం రాబందుల రెక్కల చప్పుడు, పయోధర ప్రచండ ఘోషా శ్రవణం శతాబ్దపు కవన ప్రకంపనాన్ని తూచక అనుభవించి పలవరించమన్నాడు తెలుగువాడి జాతీయధనం ఓర్వలేనితనం, పొరుగింటి పుల్లకూర బహురుచి శ్రీవాణీతో తెలుగుసాహితీభారతి శుభారంభం, శ్రీశ్రీవాణి యుగపు మలుపు నూతన కవితా భగీరధుడు, సాహితీ మార్క్స్, మానవత్వ ప్రవాహ నదం గురుజాడ త్రివేణీసంగమ గురజాడ, చలంల సహచరుడు, కవి, మనీషి, ప్రపంచాగ్నికి, విశ్వసృష్టికి, భువనఘోషకి నేను సైతం అంటూ సొంతగొంతు నిచ్చిన నాద విద్వాంసుడు, ఆధునికాంధ్ర రథసారధి తన భావనా కవిత్రయాన్ని పరకాయప్రవేశం కావించుకున్న మంత్రగాడు తన రచనల్లో లోక ప్రతిఫలం, తన తపస్సు ఫలించే, జాతిజనుల గీతమంత్రకారుడు వినుతించే, విరుతించే, వినిపించే నవీనగీతికి భావం, భాగ్యం, ప్రాణం, ప్రణవం సర్వనాద మూల బిందువైన ఋతమే ప్రణవమన్న ప్రవచకుడు ‘ఆలోచన నా ఉనికికి సూచన’ అన్న మరణం లేని శ్రీశ్రీ, జనన మరణాల మధ్య విరామం శ్రీశ్రీ మరల అవతరిస్తాడన్నది తథ్యమైతే, మరో తోకచుక్క పొడవక తప్పదన్నది సత్యం శ్రామిక ప్రజా జైత్ర యాత్రాపతాక కాకా తప్పదు అన్నదీ కానున్న వాస్తవమే. శ్రీశ్రీ మరో మహాప్రస్థానాన్ని సృష్టించి, తప్పక అందిస్తాడు, అవశ్యం చదివిస్తాడు, విశ్వప్రజ మాత్రం మరో చలాన్ని సిద్ధం చేసుకోవాలి మరో యోగ్యతాపత్రానికి . ఏమో, ఎవరికెరుక? శ్రీశ్రీ-చలం అచలంగా, అచంచలంగా యుగళంగా దర్శనం ఇస్తారేమో! ‘అశీతి’ సంబరాలు జరుపుకుంటున్న వైనంలో మహాప్రస్తానపు మహోన్నత ఘనం ఏ శాతాబ్దంలోనైనా ఏకైక తెలుగు మహాకావ్యం – మహాప్రస్థానం సాగించే మహా ప్రస్థానం శ్రీ శ్రీ జయంతి సందర్భంగా – కొవ్వొత్తిని రెండు వైపులా ముట్టించే ప్రయత్నం రాబోయే దీపావళి కాంతులు ‘శ్రీశ్రీలా విరజిమ్ముతూ, తారాజువ్వల్లా అంబరాన్ని ముద్దాడాయి. శ్రీశ్రీది మహా వ్యక్తిత్వం – శ్రీశ్రీది మహాకావ్యం – మహాప్రస్థానం, మరోప్రపంచం శ్రీశ్రీది సాహితీ జగతిలో మహాభినిష్క్రమణం – పురిపండా అప్పలస్వామి మధుగుళికలు. మహాకవికి శతసహస్ర ప్రనామాలతో అక్షర నీరాజన నమస్సుమాంజలులు ‘మనిషితనపు మహాస్రవంతి’ మహారాజశ్రీ శ్రీ శ్రీ కి వందనాలర్పిస్తూ – “ప్రపంచమును పరిహసిస్తాం – భవిష్యమును పరిపాలిస్తాం” (కొంపెల్ల శర్మ – తెలుగురధం – సాహిత్య్హ,సాంస్కృతిక సంస్థ, హైదరాబాద్)

by Kompella Sarma



from kavi sangamam*కవి సంగమం*(Poetry ) http://ift.tt/PTnjdv

Posted by Katta

Mothi Mohanaranga కవిత

మోతి మోహనరంగా.........మానవుడు అఖండ దొ0గ చరిత్ర మొదలవుతున్న బ్రహ్మండ రాత్రి చె0డాడి ఖండ ఖంఢలుగా విభజి0చి హత మార్చబడిన శరీరాలు.... పారతో వరం చెక్కినట్టు చెక్కలు చెక్కలుగా కొయ్యబడ్డాయి.... వాళ్ళు సూర్యుళ్ళు చీకటి సూర్యుళ్ళు నియంతత్వం వహి0చి ప్రపంచాన్ని పాలిస్తున్న సూర్యుళ్ళు దోసిటిలో వెలుగుని ని0పుకొని,ఎవరికి కనిపి0చకు0డా... బ్రతికేలా భయపెట్టే కృర చీకటి సూర్యుళ్ళు. మానవుడు నరసి0హుడి అవతారం ఎత్తి పేగులు బయిటికి తీసి చెట్టుకి వేలాడదీసి వినోది0చాడు. ఇప్పుడు మానవుడు సాక్షత్ ముక్కోటి దేవుడు. 01-05-2014

by Mothi Mohanaranga



from kavi sangamam*కవి సంగమం*(Poetry ) http://ift.tt/1rIiCzr

Posted by Katta

Mothi Mohanaranga కవిత

మోతి మోహనరంగా.........మానవుడు అఖండ దొ0గ చరిత్ర మొదలవుతున్న బ్రహ్మండ రాత్రి చె0డాడి ఖండ ఖంఢలుగా విభజి0చి హత మార్చబడిన శరీరాలు.... పారతో వరం చెక్కినట్టు చెక్కలు చెక్కలుగా కొయ్యబడ్డాయి.... వాళ్ళు సూర్యుళ్ళు చీకటి సూర్యుళ్ళు నియంతత్వం వహి0చి ప్రపంచాన్ని పాలిస్తున్న సూర్యుళ్ళు దోసిటిలో వెలుగుని ని0పుకొని,ఎవరికి కనిపి0చకు0డా... బ్రతికేలా భయపెట్టే కృర చీకటి సూర్యుళ్ళు. మానవుడు నరసి0హుడి అవతారం ఎత్తి పేగులు బయిటికి తీసి చెట్టుకి వేలాడదీసి వినోది0చాడు. ఇప్పుడు మానవుడు సాక్షత్ ముక్కోటి దేవుడు.

by Mothi Mohanaranga



from kavi sangamam*కవి సంగమం*(Poetry ) http://ift.tt/1rIiAYx

Posted by Katta

ఎం.నారాయణ శర్మ కవిత

జరా... _________________________ సారవంతమైన దుఃఖాన్ని నిర్మించాక పడకగదినీ ,మంచాన్ని వదిలి వర్షం ఒంటరిగా వెళ్లిపోతుంది ఏవో కొన్ని క్షణాలు వర్తమానాన్ని భరించలేక కళ్ళుమూసుకున్నట్టు నటిస్తూ ఎవరికీ తెలియకుండా అలామిగిలిపోతాయి మరణించడానికి తుఫానెందుకు..? నిన్ను నికు దూరం చేసే కొన ఊపిరి చాలదూ..? మూర్ఖంగా పొద్దున్నే రాత్రిని కడిగేసుకుంటాం గానీ వెంటనీడలా రాకుండా ఒక్కడుగన్నా వేయగలమా..? మిడిల్ పిన్నులో ఎంతకాలం దాక్కుంటావ్ నిన్నెప్పుడో కొసలు జార్చిపడేసాయి చూసీ చూసీ కళ్ళులోపటికెళ్ళిపోయి చూపుచుట్టూ గడ్డం పెరిగినట్టు చీకట్లు ఆకాశానికీ నాకూ దూరం పెరిగి పోయింది తుదిశ్వాసను సాధన చేస్తూ ఇప్పుడు ఆసుపత్రిలో వెలుగుతో ఆత్మహత్య చేసుకున్నమంచం ..

by ఎం.నారాయణ శర్మ



from kavi sangamam*కవి సంగమం*(Poetry ) http://ift.tt/1i0ggGJ

Posted by Katta

Lingareddy Kasula కవిత

ఏకాంత మధుసేవ|| డా// కాసుల లింగారెడ్డి || 01-05-2014 సహచరులెవ్వరు లేకుండానే పూకొమ్మల మధ్య ఒంటరిగా కూర్చొని మధుపాత్ర చేతికి తీసుకుంటాను నేను చెయ్యెత్తి చంద్రునికొక ఛీర్సుకొడతాను అప్పుడు, తను,నేను, నా నీడ కలిసి ముగ్గురమవుతాము. కాని, చంద్రుడు త్రాగడు నా నీడ నిశ్శబ్దంగా నన్ను అనుసరిస్తుంది నా నీడతో, చంద్రుడితో నేను సంతోషంగా వసంతకాలపు అంచులదాకా ప్రయాణిస్తాను. నేను పాడితే చంద్రుడు నాట్యం చేస్తాడు నేను నృత్యిస్తే నా నీడ కూడ నాట్యం చేస్తది. మేము నిశ్చింతగా జీవన సంతోషాల్ని పంచుకుంటాము తాగిన తర్వాత తమతమ దారుల్లో విడివడుతుంటాము నిత్య సంచారులమే అయినప్పటికీ మేము నిరంతర స్నేహాలము మరొక వెన్నెల వీధిలో మళ్ళీ కలుస్తాము. -డా|| కాసుల లింగారెడ్డి 1 ఎఫ్రిల్‌ 2014 సెల్‌: 8897811844 ( LIPO ‘DRINK ALONE’ అను కవితకు స్వేచ్చానువాదము)

by Lingareddy Kasula



from kavi sangamam*కవి సంగమం*(Poetry ) http://ift.tt/1o5JXeO

Posted by Katta

Maheswari Goldy కవిత

|| హి మ నీ జ ల తా ర లు || మహేశ్వరి గోల్డి. మానస సరోవరిలో మధురస హిమనీ జలధారలతో తడిసిన మల్లెపూల వనములు పట్టుపూల కాంతి తోరణాలతో అల్లిన ఊహల ఊయలలు పారవశ్యపు నదీ తీరాన వెన్నెల కాసారపు ఒడిలో వసంత కోయిల గీతాలాలాపనకు ఊపిరి వేణువులయి శ్వాసిస్తున్న,,,,,,,,,,,,,,,,,, చలువరాతి కవనాలయంలో చంద్రవదన సమీరాలు నటరాయుని కొలువున నవలావణ్య కిశోరాలు అమరావతి నదీ తీరాన ఆణిముత్యములు....!! పాలసంద్రంలో ప్రణయ సుధను సేవించిన ప్రాణశిలలకు నగిషీలద్దాలని...!! ఆశతో నేలకు రాలిన మిన్నంటిన అక్షర నక్షత్రాలు...... ప్రభాతాన సూర్యకాంత పుష్పాలుగా విరిసి రమణీయ కుంచెలతో చేస్తున్న వెన్నెల సంతకాలు.........!! పంచెవన్నెల రామచిలుకల గుహలో రాగ దీపాలయి కవ్విస్తూ అక్షర సాగరాన నవనవల కాంతిలో విరాజిల్లే తారా దీపాలు........!! మన ప్రేమదీవిలో నిక్షిప్తమయిన అమరదీపాలేనా ఓ ప్రియధరా...!! 01/05/2014

by Maheswari Goldy



from kavi sangamam*కవి సంగమం*(Poetry ) http://ift.tt/1iG3KMP

Posted by Katta

Kanneganti Venkatiah కవిత

అంతులేని దౌర్భాగ్యం. 1 ఒకప్పుడు మంచి పంచ రాజకీయాలుండేవి ఇప్పుడు కోట్ల కేట్ల రాజకీయాలొచ్చాయి 2 నిక్క రేసుకున్నా నిక్కచ్చి కార్యకర్తలానాడు లిక్క రేసుకుని కిక్కులో ముక్కి మూల్గే ఉపాది కార్యకర్తలీనాడు 3 నాడు ఓటును అమ్మలా నమ్ముకునే వాళ్ళు నేడు నోటుకు వాజమ్మలా అమ్ముకుంటున్నారు 4 అది దేశానికి సౌభాగ్యం ఇదీ దేశానికీ దేహానికీ అంతులేని దౌర్భాగ్యం. 5 ఇంకా చూస్తూ కూర్చుంటే లాభం లేదు గొంతు కేవలం తింటానికేనా.. !?

by Kanneganti Venkatiah



from kavi sangamam*కవి సంగమం*(Poetry ) http://ift.tt/1iG3I7t

Posted by Katta

Kanneganti Venkatiah కవిత

అంతులేని దౌర్భాగ్యం. 1 ఒకప్పుడు మంచి పంచ రాజకీయాలుండేవి ఇప్పుడు కోట్ల కేట్ల రాజకీయాలొచ్చాయి 2 నిక్క రేసుకున్నా నిక్కచ్చి కార్యకర్తలానాడు లిక్క రేసుకుని కిక్కులో ముక్కి మూల్గే ఉపాది కార్యకర్తలీనాడు 3 నాడు ఓటును అమ్మలా నమ్ముకునే వాళ్ళు నేడు నోటుకు వాజమ్మలా అమ్ముకుంటున్నారు 4 అది దేశానికి సౌభాగ్యం ఇదీ దేశానికీ దేహానికీ అంతులేని దౌర్భాగ్యం. 5 ఇంకా చూస్తూ కూర్చుంటే లాభం లేదు గొంతు కేవలం తింటానికేనా.. !?

by Kanneganti Venkatiah



from kavi sangamam*కవి సంగమం*(Poetry ) http://ift.tt/ScULxO

Posted by Katta

Gouri Lakshmi Alluri కవిత

ఏప్రిల్ 20 న ఆంధ్ర నాటక కళా సమితి, విజయవాడ వారు ప్రదానం చేసిన శ్రీమతి తటవర్తి వరలక్ష్మి స్మారక పురస్కారం అందుకుంటున్న డాక్టర్ సి. భవానీ దేవి.

by Gouri Lakshmi Alluri



from kavi sangamam*కవి సంగమం*(Poetry ) http://ift.tt/1pRfiGO

Posted by Katta

కొనకంచి లక్ష్మి నరసింహా రావు కవిత

వీలునామా అమ్మా... శరీరం మీద తెల్లవారని కాళరాత్రులని భరిస్తున్నట్లు ..మీరు గుందెల్లో అంటుకున్న చితితో బరువుగా...బాధగా.... చావు శ్వాస పీలుస్తుంటారు. మున్నూట అరవై రొజులూ పస్తులున్నాక ఒక్కరొజు ..విందు భొజనం పేరుతో సజీవంగా తద్దినం పెట్టి .... స్వాతంత్ర్యాన్ని ..నిశ్శబ్దంగా ముక్కలుగా నరికి,రక్త మాంసాల్ని ..మందులో నంజుకుంటున్న ఈ దెశం లో కన్నతల్లి చనుబాలు నా కందకుండానే దొపిడీ చెసి....మూతి తూడ్చుకునే ఈ క్రూరాబందుల రాజ్యం లో ఓటు నోటుకు పక్క వేస్తుంది. ఆనొటు మీ శీలం మీద పది దొర్లుతుంది …. అమ్మా ..నాకు తెలుసు మీరు కార్చిన కన్నీళ్ళే మూడు వైపులా ఈ ద్వీప కల్పం చుట్టూ సాగరాలై రోదిస్తున్నాయని.. ప్రజలు కార్చిన కన్నీళ్ళే ..జీవనదులై మీ అస్రు జలధిలో సంగమిస్తున్నాయని .. ఎం చెయ్యను ...చెప్పండి. .. పుట్టుకతో కర్మ సిద్ధాంతాన్ని కల్తీ సంస్కుతిని ..తిని పెరిగిన అంట్ల వెధవాఇని మాత్రు భూమి పీక మీదుగా అశోకుని ధర్మచక్రం ..నదిచి వెల్తున్నా వేదాంతం మాట్లడే ...తిరుగుబాటు తెలియని బానిసలకు పుట్టిన ...పుట్టు వారస బానిసుణ్ణి ఏమెచెయ్యకుండా అన్నీ చెస్తున్నాననే భ్రమా పూరిత ప్రభుత్వంలో.. ప్రజలని..వెంటాడి..వెంటాడి వేధించి..వేధించి.. దొంగ దెబ్బలు కొట్టే రాజ్య పాలనలో.. గుండె నిండా ..ఆసని గుర్రపు డెక్కలా పాతుకొని ... మింగ మెతుకు లేకున్నా .. సంపెంగాలొచనలతొ బ్రతుకుతూ ఇన్నాళ్ళూ నా యవ్వనాన్ని వ్రుధాగా పారబోసాను ,...... ఇప్పుడలాకాదు.. అమ్మా.. నా శరీరంలోని ప్రతి రక్తపు బొట్టును మీ అరి చెతుల్లొ గొరింట్తాకుగా ..దిద్దేందుకు .. నా తనువులోని అణువణువును.. ఒక్కొ ..మేకుగా చేసి .. ఈ దుష్ట వ్యవస్థను ..పట్ట పగలు శిలువవెసి యావత్ ప్రపంచానికి ఆదర్శంగా .. ఎవరెస్ట్ మీద ప్రతిష్టిస్తాను ... ప్రతి మనిషి గుండెల్లో అంతుకున్న అదవి గెరిల్లానై దాక్కోని తూర్పు దిక్కుకు వంతెనగా నిలుస్తాను….. .అమ్మా..ముప్ఫై ఆరెల్ల ఈ అస్ట వక్రచరిత్రను త్రివిక్రముణ్ణై ... పాతాళానికి తొక్కెందుకు అసాంతి జీవుల తలల్లో తొలికొడై కూస్తున్న నా ఈ కలం తో ఈ భ్రష్తున్నర .. భ్రష్తు వ్యవస్థకి.. పాడె కట్టి రాస్తున్నా తుట్ట తుదకు ఈ వీలునామా …………………. 1983 డిసెంబర్ 5 ఆ ప్రాంతంలో ఆరొజుల్ని చూసి రాసిన ఈ కవితని.. .. ఇప్పటి రోజులకి అన్వైంచుకుంటే ఎలా వుందో మీరే చెప్పాలి అశ్రువు ............సమతా రచైతల సంఘం బహుమతి పొందిన కవితా సంపుటిలొంచి

by కొనకంచి లక్ష్మి నరసింహా రావు



from kavi sangamam*కవి సంగమం*(Poetry ) http://ift.tt/R2zGVU

Posted by Katta

Arcube Kavi కవిత

కుళ్ళిన పళ్ళతోట -7 ___________________ఆర్క్యూబ్ పండ్ల దావకాన చిలుకూరి గుడైద్ది మౌత్ మిర్రర్ ,ప్రోబ్ లు ప్రత్యక్షమైతై డ్రిల్లింగ్ ఫిల్లింగ్..కొత్త మంత్రోచ్చారన రూట్ కెనాల్ లో పడి కొట్టుకుపోతం డెంటల్ కేరిస్,జింజివైటిస్ లో తేరుకుంటం మెటల్ పల్ల మోకా నడుస్తుంటది పండ్లు లేని నాగరికత పండ్లిగిలిస్తది దేహ పుస్తకం మీద గాలి మల్లి పండ్ల అద్యాయం తలుక్కుమంటది చైనాకు ఆటూ ఇటు మన ఇంటి ముందరే బ్రష్ ల చెట్టు రోజు రోజు కు దానం చేసె అదొక రంంతి దేవుడు తలచు కొంటెనె అదాయం పన్ను కలిసి వస్తది పెయ్యికి పెద్దర్వాజ మౌనం తాళం కప్ప ఎట్ల తెరుచుకోవాలి "ఈ" ఈ"కీ" ఎప్పటిదో అనుము చెడ్దది చిన్న చెక్కలగులచాలు ముఖం సూర్యుడు డైద్ది ముప్పైరెండు గుర్రాలు మెరుపు లెక్క కదులుతై అమ్మా అని పలికితె అవి మీటని వీణలు ఉండయి బండ గుండె లోనూ పాలు పొంగుతై నోరు .. ఒత్తిడిని వెలిగక్కె దేహ పొగగొట్టం హ హ హ అది హ్రుదయపు శ్వాస తేరి పార చూడు ఆ కనిపిస్తున్న తలకిందుల ఇసుర్రాయిని అది అప్పుడే చేయించుకున్న చంద్రహారం అప్పులోని గుర్రాలోలే ఒక దానిమీద ఒకటి అప్పుడవి రెండు రంజాన్ చంద్రవంకలు సప్త పథమున పొందిచ్చిన ఈస్టర్ ఐలాండు నవ్వితే హాస్యకుహరమే వెయ్యి వరాల పాపికొండ నింగి నుంచి నేలకు దూకె గంగ నోట్లనే బుడుబుంగ పాలు పల్లు ఆకుకూర ..తీరొక్క సియ్యకూర అదొక ప్ర"యోగ"శాల పంటి పొంటనే పానసరం బన్న జలచరం.. అది నాలుక నాలికమీదె నానా రుచుల తండ తండాలకొక కొండదేవర చుట్టూ కంటికి రెప్పల రొమ్ము విర్చుకొని కొలువైన రాయంచలు చిన్న చిరునవ్వుకే మొఖమ్మీద పొద్దుతిరుగుడు దీపం స_త_థ_ స్థాన _కారణ్యాలతో భాషించే సొగసు చక్కని ఆహారపు గొలుసు సంస్కౄతికి నిలివెత్తు దినుసు స్వరపేటికకు మంచి ఆందాన్ * * * * *

by Arcube Kavi



from kavi sangamam*కవి సంగమం*(Poetry ) http://ift.tt/1hg5ugd

Posted by Katta

సిరి వడ్డే కవిత

ll నా లచ్చి జాడ...మీరైనా సెప్పరూ ? ll సుక్కవై నను సేరావు సప్పున నా మనసే దోసావు ఏడని ఎతకనే లచ్చీ ఇన్నిఏల సుక్కల్లో నిను ఎన్నెలై అగుపించి దోబూసులాడకే జాబిలివై మురిపించి మబ్బుల సాటున దాగకే సిరుగాలై నను తాకావు సెలయేరై సేదతీర్సావు ఏ మంచు దిబ్బలనడగను ఆ సల్లదనం ఏదని ? "కొమ్మ" వై నను ఊహల ఊయలలే ఊపావు ముద్దు గుమ్మవై అందాల ఇందులే సేసావు ఏ కొమ్మన వాలి మురిపిత్తున్నావో కోయిల పాటలతో జతకలిపి పూలగంధమై పరిమలించావు ఏ పూదోట దాగినావో మాటల మదువులతో మామను మురిపించి మాయసేసి నను నీనీడగా దాసేసావు నను ఇడిసి పోనని బాసలే సేసి ఏడ దాగున్నావో ఆదమరసి ఏటిగట్టుకు సానమాడ బోతినంటివే పిత్తపరిగలు బేరమాడి తెత్తనంటివే ఏటిలోని సేప పిల్లనడిగా కొలనులోని కలువబామనడిగా గూటిలోని గువ్వపిల్లనారా తీసినా నిండు సందురున్ని సైతం నిలదీసినా జాజి మల్లెలన్ని అలిగిపోయే మాలల్లలేదేమని పొదరిల్లు బోసిపోయే దీపమెట్టలేదని పోయ్యిలోన పిల్లికూన ముడుసుకున్నదే కాలమేమో పగపట్టి కదలకున్నదే సెలఏరులన్నీ నీ నవ్వుల గలగలనే తలపిత్తన్నాయే కూనలమ్మలన్ని నీ పలుకుల తేనియలనే ఊరిత్తన్నాయే పూవులన్నీ నీ మనస్సులోని మమతలతో మురిపిత్తన్నాయే పైరు గాలి నీ యెదసొదలనే ఇనిపిత్తన్నాయే గువ్వలనడిగితే గుసగుస లాడుకుంటున్నాయే మల్లెలనడిగితే మత్తుగా సొమ్మసిల్లిపోతున్నాయే కొండలనడిగితే కరగనైనా కరగవే కోనలమ్మలైనా బదులీయకున్నవే నిను ఇడిసి నేనుండలేనే ఏడేడు జన్మల తోడై నాతో నడిసి రావే మావ మదిలో కొలువుండి పోవే మావ కంటి ముత్యమై గుండెలో దాగుండిపోవే ll సిరి వడ్డే ll 01-05-2014

by సిరి వడ్డే



from kavi sangamam*కవి సంగమం*(Poetry ) http://ift.tt/1fvfuY1

Posted by Katta

Vani Koratamaddi కవిత

//నీ రూపం...// పెదవి దాటని మాటలకు మౌనమే సాక్షమ్ములే మనసులోని భావమంతా పదములుగ ప్రకటింతులే ఆగిపోని ఆలోచనంతా గడిచిపోయిన జ్ఞాపకములే కనుమరుగైన రూపానికి కనిపించదు నా కన్నీరులే జరిగిపోయిన కాలమంతా తిరిగిరాని స్వప్నమే ఆశపడిన జీవితం అందని అదృష్టమే.. మిగిలిపోయిన జీవితం నీ గురుతుల నీడలే మనసు అంతా పరచుకున్న మమత నిండిన నీ రూపమే మరలి రాని అదృష్టమే.. ....వాణి కొరటమద్ది 1/5/2014

by Vani Koratamaddi



from kavi sangamam*కవి సంగమం*(Poetry ) http://ift.tt/PSICvH

Posted by Katta

Kotha Anil Kumar కవిత

@ కార్మిక దినోత్సవం @ ఒక నిరసన లోంచి ఉద్బవించిన మహోదయం ఇది హక్కు కోసం నినదించిన గుండెలు పిడికిల్లెత్తిన దినం ఇది చెమటకు విలువ కట్టక నెత్తురును లెక్క చేయక దేహాలను హూనం చేస్తూ శ్రామిక కండబలాన్ని దోచేస్తున్న పెట్టుబడి దారు మధబలాన్నికృశింప జేసి అనైతిక వ్యాపార దొరనిని కంపింప జేసిన విజయారుణోదయం ఇది. పారింది శ్రమ జీవుల రక్తమే.కాని, ఆ గెలుపు కార్మిక జాతికి యుగాంతం వరకు...ఒక పెద్ద దిక్కు. అది శ్రామిక జీవన గమనంలో ఒక నిత్య నూతనోధయం. ఆ విజయపు రుదిర ధారలు స్వేద వంశీకుల మనుగడకు కొత్త దారులు పని చేయడమే మన పని కాదని, శ్రమకు విలువ సాదించడమని పని మనుషులకు విలువ సాదించుకోవడమని వృత్తికి సమాన వేతనం ఉండాలని వేళకు మించి శ్రమ బారం ఉండరాదని కార్మిక భవిత స్వర్ణమయం కావాలని హక్కుల కోసం పోరాడి ఆ ఆశయ సాధనలో ఎందరో నేలకొరిగిన త్యాగదనులదినమిది. అందుకే, ఈ అరుణోదయం ఈనాడు కార్మిక దినోత్సవమైంది... _ కొత్త అనిల్ కుమార్. 1 / 5 / 2014

by Kotha Anil Kumar



from kavi sangamam*కవి సంగమం*(Poetry ) http://ift.tt/1hVc27K

Posted by Katta

Chandrasekhar Sgd కవిత

మా ఎదురింటి కిటికీలో ఒక సూర్యబింబం ఉంది అది నన్ను చూసీచూడగానే తన క్రీగంటి చూపుల తీక్షణలతో కిటికీ తలుపుల్ని ఠపీమని మూసేస్తుంది మా వెనకింటి కిటికీలో ఒక చంద్రబింబం ఉంది అది నన్ను చూసీచూడగానే తన చల్లటిప్రేమ కిరణాల్ని నాపైకి వెదజల్లుతుంది మా కుడిపక్కింటి కిటికీలో ఒక తారక ఉంది అది నన్ను చూసీచూడగానే తన మినుకు మినుకుమనే తళుకుల చూపుల్ని నాపై ప్రసరింపజేస్తుంది మా ఎడపపక్కింటి కిటికీలో ఒక కలువపువ్వుంది అది నన్ను చూసీచూడగానే తన ఎర్రటి కాంతుల్ని నాపైకి రువ్వుతుంది నన్ను పలకరించి పరవశింపజేస్తుంది.

by Chandrasekhar Sgd



from kavi sangamam*కవి సంగమం*(Poetry ) http://ift.tt/1nKFr8e

Posted by Katta

Chandrasekhar Sgd కవిత

మా అమ్మా నాన్నలు మాకిచ్చిపోయిన ఆస్థిపాస్తులు బరువుగా బ్రతకడం కాదుగానీ

by Chandrasekhar Sgd



from kavi sangamam*కవి సంగమం*(Poetry ) http://ift.tt/1iFFsCD

Posted by Katta

Nishi Srinivas కవిత

"నువ్వంటే నాకిష్టం..." - నిషిగంధ నిజంగా... నీ పరిచయం నాకు ఓ చంద్రోదయం! నీ అల్లరి చూపుల ఆరాధనలంటే నాకిష్టం... కల్మషం లేని నీ నవ్వులోని అందం అంటే చాలా చాలా ఇష్టం... నాలో నాటిన నీ వలపు బాణాలు దాచుకోవడం ఎంతో ఇష్టం.... నీ నయనాల్లో నాకై పూచిన వెన్నెల పూలంటే నాకు మరీ ఇష్టం.. నేను ఉడుక్కోవాలని నువ్వు కవ్వించే మాటలంటే ఇంకా ఇంకా ఇష్టం..... నా చేయి నీ చేతిలో ఇమిడిన క్షణం నన్ను ఎప్పటికి వీడనని నువ్విచ్ఛే భరోసా భావం చాలా చాలా ఇష్టం.... నా `నువ్వంటే' నాకు ఇష్టానికే అసూయ కలిగేంత ఇష్టం... హరివిల్లుకు బాష్యం చెప్పే నీ నవ్వంటే మరీ మరీ ఇష్టం! -నిషిగంధ 01-05-2014

by Nishi Srinivas



from kavi sangamam*కవి సంగమం*(Poetry ) http://ift.tt/1iLlY4x

Posted by Katta

Satya Murali Krishna Gorasa కవిత

ఎర్రదనంతో కొత్త సూర్యుడిలా....ముందుకు దూసుకొచ్చి కండలు కదిలించి ... రక్తన్ని మరిగించి.... స్వేదన్ని చిందించి... పెట్టిబడి దారుల బొక్కసాన్ని.. నింపుతున్న ఓ కార్మికుడా.... నేడే....నీకు " మే డే ".... ...........ఎస్ .ఎం. కె. గోరస

by Satya Murali Krishna Gorasa



from kavi sangamam*కవి సంగమం*(Poetry ) http://ift.tt/1iLlUSm

Posted by Katta

Nvmvarma Kalidindi కవిత

కె.ఎన్.వి.ఎం.వర్మ// జనన మరణం // మూర్కత్వాన్ని అమాయకత్వంగా మోసగించడాన్ని అపరిపక్వతగా స్వీకరించడం- రాని నిద్ర కోసం పడే తాపత్రయం కునుకు రాక గడిపిన కాలమంతా... చీకట్లో నీడ కనపడక పగటిని దుఖఃమని నిర్ధారించుకొంది. నిట్టూర్పుల నిడివిలో... వెలుతురు నిర్మించుకున్న అశ యాదృచ్చికం. రాత్రి మాయమయ్యే నీడ అసంకల్పింతం. దుఖాఃనికి సంతోషానికి వ్యత్యాసం పుట్టుకకి చావుకి నడుమున్న దూరం. నిద్ర పట్టిన ప్రతీ రాత్రీ ఒక మరణం. మెలుకువ వచ్చిన ప్రతి వేకువా ఒక జననం....01.05.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1iLlUS9

Posted by Katta

Sanjeev Goud కవిత

Naresh-Sanjeev / ?????? --------------------- On a dark moonless night... I sit back to think of my old friend... Who came like a bright star in the twilight... and then disappeared into the moonless night.... Where has he gone I sit back to think... But alas! I get no answer... He who was my closest one Whom I shirked not to tell anything Who bore the answer to my every question and was my soul mate in my depression Who shared my laughter with greater enthusiasm... and shed the tears with more regression.. Oh!! tell me lord what had I done.. to lose the one and only one who my friend who was my soul who was my only one in the world! ------------------- ఒక నిశీధి రాత్రి వేళ లో ఆరు బయట కూచొని ఆలోచనా లోచనాల తో ఆకాశం వంక చూస్తున్నపుడు జ్ఞాపకాల పాతర లోనుంచి పాత నేస్తం ఒకడు ఉల్క లా మెరిసి చీకటి పొరల్లో దొర్లి పోయాడు!!! సావకాశంగా అతడి అంతర్ధానం గూర్చి ఆలోచిస్తే అయ్యో !!!!! జవాబు చిక్కదే!!! ఆ నాడు నాకతడు ఎంత సన్నిహితుడో చెప్పడానికి నాకు భాష్యం లేదు!!! అతడు నా ఎన్నో ప్రశ్నలకు సమాదానమై నిలిచినవాడు !!!! వ్యధ లో వేదనలో యెద భాగమై మెలిగిన వాడు !! వేడుక లో వాడుక లో వేకువై వెలిగినవాడు !!!! సంతాపంలోవిచారంలో సాంత్వన పలికిన వాడు !!!! ఓహ్ !! దైవమా !! ఈ విశాల విశ్వం లో నాకున్న ఒకే ఒక మిత్రునికి దూరమెందుకు అయ్యాను ??? ఆత్మీయ హృదయానికి అంతరం ఎందుకొచ్చింది !!!? ఏం చేసానని నేను నన్ను నేను కోల్పోయాను ??? @@@@@ -

by Sanjeev Goud



from kavi sangamam*కవి సంగమం*(Poetry ) http://ift.tt/R5rF2a

Posted by Katta

Pardhasaradhi Vutukuru కవిత

రాధా మానస చొర నందకిశోర కన్నయ్యా ఏమని వర్ణింతు నీ సన్నిధి లో మాధుర్యం ఏ గానం విన్నా నీ మురళీ గానమే కదా ఎక్కడ చిరు సవ్వడి విన్నా నీ ఆగమన భావమే నీ చూపుల స్పర్స నా మదిని నిలువరించ కున్నది ప్రతి చిరుగాలి నీ రాకను నాకు తెలుపుచున్నది నీకొరకై వేచిన ఈ భక్తురాలిని కావ రావా కరుణాల వాల !! నీకొరకై వేచి వుండే బృందావన రాధను కాదు నిన్నే సర్వస్వం అనుకునే మీరాను కానేకాను నీ నామం నకు నీకు భేదం లేదను భావం కలిగిన దానను కృష్ణా !!పార్ధ !!

by Pardhasaradhi Vutukuru



from kavi sangamam*కవి సంగమం*(Poetry ) http://ift.tt/1hV2pWI

Posted by Katta

డాక్టర్ ప్రతాప్ కత్తిమండ కవిత

కత్తిమండ ప్రతాప్ || నేడే మేడే || ============================ మట్టి చేతులన్ని వట్టిపోతున్నాయి గట్టి చేతులన్ని మట్టి కొడుతున్నాయి కాలే కడుపులన్ని ఆకలి కేకలు పెడుతున్నాయి పేగుల్లో ఎన్నో ఆకలి బాధలు వేదనలు చెప్తున్నాయి గాయాలన్నీ పునరావృతమవుతున్నాయి రసి కారే జ్ఞాపకాలన్నీ మళ్లీ తరుముకొస్తున్నాయి స్వేదం చిందించే జీవితాలన్నీ కరుడుగడుతున్నాయి దోపిడీ వర్గ దారుల్లో కార్పోరేట్ షోకులన్ని పడగ విప్పుతున్నాయి దేహాలును తాకట్టు పెట్టి దేశాలు పరిగెడుతున్నాయి కూడు నీడ లేని జీవితాలును తాకట్టుగా మార్చి ప్రపంచ బ్యాంకు అప్పుకు తలరాతలు రాసి తలసరి ఆదాయం చూపించి,ప్రతీ తలకాయకు అప్పు తెచ్చి పబ్బం గడుపుకునే నీ సామ్రాజ్యం అదురుతుందెక్కడో ! మండే గుండె రగిలిపోతుంది రగిలే గుండె మండిపోతుంది పగిలిన గుండె తరుక్కుపోతుంది బిరుసెక్కిన శరీరం వేడెక్కి పోతుంది ఆకాశం లో మేఘాలన్నీ ఎర్రగా మారిపోయాయి బహుశా దేశాంతరాలు వీడి వస్తున్నాయి కాబోలు ఎరుపెక్కిన మేఘాలు భానుడినే బెదిరిస్తున్నాయి కదం తొక్కే శ్రామిక లోకం ఉక్కు పిడికిలి బిగించింది మేడే సాక్షిగా గత పోరాటాలకు ఎర్ర జెండా ఎగుర వేసింది కార్మిక లోకం ఐక్యత ఎర్రగా విప్లవాన్ని విరబూసింది ఉద్యమాల ఊపిరి కదం తొక్కింది. గుడిసెలను చూసి అద్దాల మేడలు అదిరి పడుతున్నాయి విప్లవ జ్వాలల ఛాయలకు బెదిరిపడుతున్నాయి అంతా చీకటే ! ఆకాశం లో ఒక చిన్న మెరుపు ఎర్రగా ! గగన వీధుల్లో సైతం ఎర్ర జెండా చిహ్నాలు మెరుస్తున్నాయి కళ్ళన్నీ ఎరుపెక్కాయి ... ఎర్రటి దారులు పరిచాయి రక్తం తడిచిన చొక్కాలు ఎర్ర జెండాలై లాల్ సలాం ... అంటూ రెప రెప లాడుతున్నాయి ============ మే డే /2014

by డాక్టర్ ప్రతాప్ కత్తిమండ



from kavi sangamam*కవి సంగమం*(Poetry ) http://ift.tt/1nKwnQK

Posted by Katta

Jyothirmayi Malla కవిత

ఓటు వెయ్యడమంటే ||జ్యోతిర్మయి మళ్ళ|| ఓటు వెయ్యడమంటే.. ఓ ముద్ర గుద్దేసి నిద్రోడం కాదు నల్లచుక్క పోతుంది నాల్రోజులకే నువు ఎన్నుకున్నది ఓ సన్నాసినయితే పొమ్మన్నా పోడు నాలుగేళ్ళకీ ఓటు వెయ్యడమంటే.. ఒక రోజు సెలవు సంబరం కాదు వెయ్యని నీ ఓటు ఎక్కడో వేస్తుంది ఓ వేటు నీకే తెలీకుండా చేయగలదు లోటు ఓటు వెయ్యడమంటే.. మనజాతీ మనప్రాంతం మనసొంతమంటూ మనోడి మీద చూపే ఇష్టం కాదు మనదేశం మనరాష్ఠ్రం మన ఉన్నతికోరే మంచోడికి కట్టే పట్టం

by Jyothirmayi Malla



from kavi sangamam*కవి సంగమం*(Poetry ) http://ift.tt/1nKwnQx

Posted by Katta

Bandla Madhava Rao కవిత



by Bandla Madhava Rao



from kavi sangamam*కవి సంగమం*(Poetry ) http://ift.tt/1hYUZ0d

Posted by Katta

Thilak Bommaraju కవిత

తిలక్/అర్థాల వసారా ::::::::::::::::::::­:::::::::::::::::: పదాల మేడల్లో నేను ముడుచుకొని కూర్చున్నపుడు వాక్యాలు నీ చుట్టూ లతలా అల్లుకుంటాయి అర్థాల సమాధులపై దులిపిన భావాల దుమ్ములా నేను నేల పగుళ్ళలో గాలిని నింపి కొత్తపూడికలకు శాంతి స్థాపన చేస్తూ నువ్వు నీళ్ళను మళ్ళీ మళ్ళీ కడుగుతూ ఒడిలిన రెండు చేతులు రంగుల కొవ్వుత్తులను కొత్తగా వెలిగించడం కోసం ఆశల బావుల్లో ఎన్నిసార్లు తొంగిచూసినా కొత్తగా కనబడదే ఎప్పుడూ పాత నీడలే మునుపెన్నడో నేశాను అంతరంగ పరికిణీని ఇంకా ఏ కలలు తొడుక్కోలేదు ఎండిపోయిన పూల సుగంధంలా నా కళ్ళు తడారుతుంటాయి ప్రతిరోజూ నా గదిలో శూన్యం కనిపించిన ప్రతిసారి చెబుతుంటాను కాస్తంత ఖాళీ ఉంచమని నేనొచ్చేదాకా మనసు గుహల్లో ఎన్ని శవాలో ప్రతి నిత్యం కాలుతుంటాయి నిర్వేదానికి ఒత్తాసులా చెక్క తలుపుల మధ్యన ఓ నిండు సువాసన తెరచిమూసినప్పుడల్లా వసారాలో ఒంటరి ధూలాలు చెదలతో రమిస్తూ వర్షం పలకరించినపుడల్లా ఒళ్ళుతడుపుకుంటూ కొంత మట్టివాసనను లోలోపలకు తోడుకుంటూ మరికొన్ని అక్షరాలు నగ్నంగా నానాలి కొత్త అణువుల శోధనలో తిలక్ బొమ్మరాజు 05.04.14 20.04.14 వాకిలిలో ప్రచురినుయిన నా కవిత http://ift.tt/1hUwxBk

by Thilak Bommaraju



from kavi sangamam*కవి సంగమం*(Poetry ) http://ift.tt/1hUwxBk

Posted by Katta

John Hyde Kanumuri కవిత

తరతరాలుగా ఏమీ లేదిక్కడ నినాదాలు తప్ప ప్రపంచ కార్మికులారా! ఏకంకండి! ఏమిసాధించాం మళ్ళీ బానిసత్వానికి తెరలు తీద్దాం కాంట్రాక్టు పనులన్నీ బానిసత్వమేగా! చెమట రంగు పులుముకొని నినదిద్దాం చెమటకు అన్నిరంగులొక్కటే అక్కడో బిర్యానీ దొరుకుతుంది! ఈ రోజు గడిచిపోతుంది ఎండిన డొక్కలు మండే కడుపులపై ఎసి కార్లు దూసుకుపోతాయి నిన్నెవరో పుట్టారు! ఈ రోజెవరో గిట్టారు! ఎవ్వరు మిగిల్చిందేమీ లేదు అలా అలా విదిల్చిన అక్షరాలను అద్దాల మేడల్లో పదిలపర్చుకుంటున్నారెవరో! రెక్కల కష్టం నాదే! ఆకలి అరుపు నాదే! ఆత్మఘోష, కంఠశోష కన్నీటి చెరువులెండిపోతున్నాయి సూర్యుడు ఉదయిస్తూనే ఉంటాడు ఏమీ లేదిక్కడ నినాదాలు తప్ప .............some mixed feelings 1.5.2014 05:40 hours ISD

by John Hyde Kanumuri



from kavi sangamam*కవి సంగమం*(Poetry ) http://ift.tt/1nK3RPa

Posted by Katta

Afsar Afsar కవిత

టెక్సాస్ కవయిత్రి కార్లా మోర్టాన్ వొక వైపు కాన్సర్ ని సవాలు చేస్తోంది. మరో వైపు కవిత్వంలోని అలంకారాలనీ సవాలు చేస్తోంది. ఆమె కవిత్వం నిరలంకారంగా, నిరాడంబరంగా కేవలం జీవితాన్నే పాడే పదం. గత ఏడాది టెక్సాస్ పొయెట్ లారెట్ గా గౌరవం పొందిన కార్లా కొత్త పుస్తకం "రీడిఫైనింగ్ బ్యూటీ". టెక్సాస్ పొయెట్ లారెట్ అనే గౌరవం ఇప్పటిదాకా పురుషులకే సొంతం. మొట్టమొదటి సారిగా ఈ గౌరవాన్ని గెల్చుకోవడం అంటే కార్లాకే కాదు, అమెరికన్ కవిత్వ చరిత్రలో స్త్రీలు ఎగరేసిన విజయ కేతనం. బ్రెస్ట్ కాన్సర్ తో రోజూ మరణంతో తలపడుతున్న కార్లా కవిత్వాన్ని వొక హీలింగ్ తెరపి అంటుంది. “రోజూ కవిత్వంతో మళ్ళీ మళ్ళీ బతుకుతూ వుంటాను. పదాలు ఎవరికేం చేస్తాయో నాకు తెలీదు కాని, నా మటుకు నాకు అవి థెరపీ. నాలోపల వొక ఉద్వేగాన్ని పదాలు బతికిస్తాయి. ఆ ఉద్వేగాన్ని మీలోనూ బతికిస్తే నా కవిత్వం గెల్చినట్టే!” అంటుంది కార్లా. కాన్సర్ రాక ముందు కార్లా కి అందమైన జుత్తు వుండేది. కాన్సర్ వల్ల గుండు గీయించుకోవాల్సి వచ్చింది. ఈ కవిత ఆమె అందమైన జుత్తుకి వీడ్కోలు. ~ గాలికి చేతులున్నాయని నాకు తెలీదు, నా తల అంతా శుభ్రంగా గొరికించుకునేంత దాకా దాని చేతులు ప్రేమగా నన్ను నిమిరేంత దాకా . నా వొళ్ళు ఇంత అందంగా వుంటుందనీ తెలీదు దాన్ని ఎవరో తెరిచి, కత్తెర వేసి, ఏదో విషంతో నింపెంత దాకా. ఆత్మకీ కళ్ళు వుంటాయని తెలీనే తెలీదు నా గుండె చివరంటా నన్ను వొలుచుకొని నా అస్తిత్వాన్నంతా రాల్చుకొని, మరణమా! నీ దాకా వచ్చే దాకా! నీ నిశ్శబ్దపు చూపు కింద నగ్నంగా వికలంగా నిల్చునే దాకా. మూలం: కార్లా కె. మోర్టాన్.

by Afsar Afsar



from kavi sangamam*కవి సంగమం*(Poetry ) http://ift.tt/R4KYIJ

Posted by Katta

Mohan Rishi కవిత

మోహన్ రుషి // వేసవి రాత్రి // గ్రిల్స్ గుండా చూస్తుంది జీవితం, నిన్ను. జాలిగా. హేళనగా. భరిస్తుంది నీ మాటల వాంతిని. సహిస్తుంది నీ కలల భ్రాంతిని. చేసే మోసం గమనిస్తుంది నిశ్శబ్దంగా. వేసే వేషం పసికడ్తుంది నిశితంగా. ఏడ్పుకు నవ్వుకుంటుంది బిగ్గరగా. నవ్వునేనాడూ అల్లుకోదు దగ్గరగా. ఒకటే జీవితమని తెల్సీ రెండుగా బతుకుతున్నప్పుడు. రెండవ ప్రపంచంలో ఒంటిగా మిగులుతున్నప్పుడు. తడిని పూడ్చి తన్మయత్వం పొందుతున్నప్పుడు. నువ్వెవడివో తెలిసినా తెలియక, తెలియకా తెలిసి భ్రమిస్తున్నప్పుడు. **** వెనుదిరిగినప్పుడు చప్పుడు చేసిన తలుపుని వింటే, ఇక, అప్పుడు, అదే గ్రిల్స్ గుండా జీవితంలోకి ఎలా చూడాలో తెలుస్తుందనుకుంటాను. 1.5.2014

by Mohan Rishi



from kavi sangamam*కవి సంగమం*(Poetry ) http://ift.tt/SbmJtM

Posted by Katta

Renuka Ayola కవిత

రెండు గింజలు చల్లి వెళ్లి పోయారు వాళ్లు చేసిందేమీ లేదు రెండు గింజలు చల్లి వెళ్లి పోయారు ఎండిన నేలలో గింజలు నీటిని తడుముకుని చిగురు తొడిగి పూలుపూచి మాటల గింజల మూటని నగరంలో ఎగరేసాయి ఎండిన ఆకుల్లా మాటలు గాలిలో షికార్లు చేసాయి మాటలు మాటలు ఎక్కడ చూసిన మాటలు వృక్షాలని నేలకూల్చాయి నీడలని దాచేసాయి నెత్తురు చవిచూసాయి ప్రాణాలు తీసాయి వాటి అర్ధం వెతికే పనిలో నగరం నలిగిపోయింది ప్రతీ ముఖంలో మాటలు నత్తి నత్తిగా పలుకుతున్నాయి ద్రోహం వలతో మాటల ఎరలు ఎర్రగా మెరుస్తూ తలలాడించాయి ఎండిన నదుల నిండా మాటలు మురికిగా పారుతున్నాయి కనిపించిన మనిషి బుజాలేక్కిన మాటలు బుజాలని నరుకుతున్నాయి పల్లేరు కాయల్లా గుచ్చుకుంటున్నాయి మాట మాటకి వెక్కిరింతలు విడిపోలేదేమని కుశల ప్రశ్నలు ఇంకా మాటలు ఊరుతునే ఉన్నాయి సముద్రాలు సృస్టించి ఇసుకమేటలు వేస్తున్నాయి చీకటిలో చుక్కలు ,పక్కటెముకలమీద చురకత్తులు గొంతుకి ఊరి తాళ్ళు సిధం చేస్తున్నాయి అయిన అందరూ మాట్లడుతూనే ఉన్నారు వాళ్ళు చేసిందేమీ లేదు రెండు గింజలు చల్లి వెళ్ళిపోయారు

by Renuka Ayola



from kavi sangamam*కవి సంగమం*(Poetry ) http://ift.tt/1o45QuW

Posted by Katta