Nvmvarma Kalidindi కవిత

కె.ఎన్.వి.ఎం.వర్మ//విన్నపం// చూసావా తండ్రీ ప్రజాస్వామ్యాన్ని అధికారానికి బలులిచ్చి సబ్సిటీలతో ఉచితాలతో ప్రజలని సోంబేరులని బిచ్చగాళ్ళని చేసి బతుకెళ్ళదీస్తున్న నాయకులంతా ఇప్పుడు రైతు వెంట పడ్డారు తండ్రీ తండ్రీ రైతునందరూ ఇప్పుడు దేశానికి వెన్నుముక అంటున్నారు వ్యవసాయం ఆపదలో ఉందంటున్నారు ఇన్ పుట్ సబ్సెటీ మద్దతు ధర దాటి రుణ మాఫీ చేస్తామంటున్నారు ఇన్సూరెన్స్ కట్టిన లైలా తూఫాను పరిహారం సగం రైతులని పరిహాసం చేసిపోతే ఆ మాట ఎవరికీ పట్టదు తండ్రీ తండ్రీ అప్పో సప్పో తాకట్టో వడ్డీతో నిలువు దోపీడీనో చచ్చే వరకూ ఏ రైతైనా వ్యవసాయం మానాడా అలగ్జాండర్ రైతైతే ఆగుప్పెట్లో నాలుగు మెతుకులుంటాయని రైతెప్పుడూ మాతా కబళం అని చెయ్యి చాపడని చెప్పు తండ్రీ తండ్రీ చెప్పు తండ్రీ నువ్వూ గుప్పెడు విత్తనాలు జల్లి తండ్రివైనావని చెప్పు తండ్రీ నీ బిడ్డలని బిక్షగాళ్ళని చెయ్యొద్దని చెప్పు తండ్రీ...........24.05.2014.....10.06.2014.

by Nvmvarma Kalidindi



from kavi sangamam*కవి సంగమం*(Poetry ) http://ift.tt/1pB2PDX

Posted by Katta