Rvss Srinivas కవిత

|| భూమాతకి ఉరి || తలారి అవసరం లేకుండానే తలా ఒక చేయి వేస్తున్నాము భూమాత ఉరికి కన్నతల్లిని వధించే నైజం మా(దా)"నవ" జాతిదే అంటూ ఎలుగెత్తి చాటుతున్నాం కాల్చేస్తున్నాం దావానలంలా జీవనాన్నిచ్చిన ప్రపంచాన్ని విశ్వాసఘాతకులమైపోతూ భూమిని క్షణక్షణం 'చిత్ర'వధిస్తోంది మనం పెంచి పోషిస్తున్న కాలుష్యపు కోరల రక్కసి తనదైన రీతిలో ఉరితాడుతో సన్మానం చేసేస్తున్నాం మన మనుగడను రక్షాసూత్రంతో బంధిస్తున్న వసుధకి. మనకి మనమే ఉరి బిగించుకుంటున్నాము ప్రకృతిని మాత్రమే సంహరిస్తున్నామనే భ్రమలో...@శ్రీ 10/06/2014.

by Rvss Srinivas



from kavi sangamam*కవి సంగమం*(Poetry ) http://ift.tt/1oa2rie

Posted by Katta