Abd Wahed కవిత

ఎదురుచూపు దాహం కంటినీరు అడుగుతుంది అద్దంలో రూపం అసలు పేరు అడుగుతుంది సాయంత్రం నుంచీ మనసు ఆరిపోయిందా గుండెలోని దీపం ప్రేమ చమురు అడుగుతుంది సముద్రాలే దాటీ రెండుకాళ్ళు ఎగురుతాయి చేతిలోని గీతా స్వంత ఊరు అడుగుతుంది మరకపడిన చూపులు వెలుగునీట కడగాలని మనిషితనం కాస్తా మననెత్తురు అడుగుతుంది గాలిబుడగ లాగా తేలుతున్న కవితలోని అక్షరాల జ్ఞానం ఇంటి చూరు అడుగుతుంది కనుపాపలొ కాస్తా మబ్బుపడితె బాగుండును మనసులోని మెరుపూ వాననీరు అడుగుతుంది దియా మనకు వెన్నెల తెల్లగానే కనబడినా మచ్చపడిన జాబిలి నలుపురంగు అడుగుతుంది

by Abd Wahed



from kavi sangamam*కవి సంగమం*(Poetry ) http://ift.tt/1qjjQCm

Posted by Katta