R K Chowdary Jasti కవిత

జాస్తి రామకృష్ణ చౌదరి అక్షరశోకం అక్షరాల తోటలోని అక్షరాలని త్రెంపుతూ వాటిని గ్రుచ్చుతూ కుట్టుతూ గజమాలగా చేసుకుని నా మెడలో వేసుకుని లోకమంతా ఊరేగుతున్నానేమిటి నేను విచిత్రంగా! ఐనా నేను తోటమాలిని కదా అక్షరాలకి అక్షరాలని పూయించి అక్షరాలతదక్షరాలతద్భావము పలికించి ప్రకృతి అంతఃప్రకృతిని కదిలించి అక్షరవనాన్ని మురిపించి అక్షరపరిమళం లోకమంతా వ్యాపించేలా చేయడం కదా నా కర్తవ్యం....... మరి నేనేమిటి? అక్షరాలని త్రెంపుతూ ప్రోగుచేస్తూ వాటిని నా మనోవైకల్యంతో దుఖపెడుతూ నేను ఉల్లసిస్తూ ఉరకలు వేస్తూ నన్ను నేను ఉచ్చరించుకుంటూ అక్షరరధంలో ఊరేగుతున్నా....... ఒక అగమ్యపు యాత్రికుడిలా! 17Apr2014

by R K Chowdary Jasti



from kavi sangamam*కవి సంగమం*(Poetry ) http://ift.tt/1hYLzRT

Posted by Katta