పేజీలు

' నువ్వొక పచ్చని చెట్టయితే పిట్టలు వాటంతట అవే వచ్చి వాలేను'..!.

22, సెప్టెంబర్ 2012, శనివారం

బాటసారి ** ఏమండోయ్ శ్రీవారు**


ఏమండోయ్ శ్రీవారు
మాపటి వేళకు కొంచం తొందరగా రారు
మాట ఇచ్చి ఇది మూడోసారి
ఏవో కుంటిసాకుతూ వాయిదా వేస్తున్నారు ప్రతీసారి

నా కోసం కాకున్నా
కనీసం మీ గారాల పట్టికోసమైనా !
నాన్న ఆచ్చి అని అది పదే పదే అడుగుతుంటే
వీది గుమ్మం కేసి చూసి నా కళ్ళు అలసి పోతుంటే

ప్రేమగా అడిగితే సారి టైం లేదంటారు
కొంచం అలిగితే కసిరి కొడతారు
వీకెండ్ మీ పార్టీలకు మాత్రం మిస్ కారు
నాలుగు గోడల మధ్య ప్రపంచాన్ని ఎంతకాలం చూడమంటారు

మీ కోరిక కాదనలేక
పిల్లలంటే ఇష్టమన్న ఆ ఒక్కమాటకు అడ్డు చెప్పక
ఉద్యోగం చెయ్యాలనే ఆశ పక్కకు నెట్టి
మీ భార్యగా, బిడ్డకు తల్లిగా జీతంలేని ఇల్లాలినయ్యాను

నాకు నచ్చిన ప్రపంచాన్ని
మీ కళ్ళలో చూస్తూ , అదే అంతా అనుకుంటూ
సహనాన్ని నవ్వుగా చేసి ,
మీ అసహనాన్ని నా కన్నిటిగా మార్చి

ఎదురు చూస్తున్నా ఆశల వాకిట
మా చిన్ని కోరికలు ఉంచాం మీ ముంగిట
పసిదాని కళ్ళల్లో ఆనందాన్ని , మీ నవ్వులో చూడాలనే
ఆశతోనే శ్రీవారు , ఇప్పటికైనా అర్థంచేసుకోరు ...! 20-09-12

కామెంట్‌లు లేవు:

కామెంట్‌ను పోస్ట్ చేయండి