ప్రేయసికి వీడ్కోలు

ఇదే నీకు నా వీడ్కోలు
నీకేమి కాను నేను

వేసవిలో వికసిస్తుంది క్లే కుసుమం
హేమంతం లో పడుతుంది చల్లని మంచు
మళ్లీ అప్పుడు వస్తాను నేను

మనం అక్కడకి వెళ్ళాం ఎన్నో సార్లు
ఆ విషయాన్ని గుర్తుంచుకున్నాయి
అక్కడి పర్వతాలు లోయలు

నీ అందమే నన్ను
ఎన్నో ఆశలతో దింపింది
ప్రేమలోకి

ఏ పొద దగ్గరైతే మనం ఎన్నో సార్లు కూర్చున్నామో
అక్కడి సెలయేరు తన ప్రవాహ వీణ పై
గానం చేస్తోంది మన కలయికని

ఎంతో అభిమానంతో మనం
ఎదలో ఎద పొదుగుకున్నాం
అది మర్చిపోయావా నువ్వు?!?

ఈ లోకంలో
అమ్మాయిలు, డబ్బు
ఇలాగే తమ ప్రియుల్ని
కాలదన్నుకుంటారు

20-9-2012

జర్మన్ మూలం: తెలియదు (Anonymous)
అనువాదం: డా. వారణాసి రామబ్రహ్మం