నీ కోసం
యేడు సముద్రాలు రోజూ యీది
సూర్యుడయ్యాడు
మనిషికీ ప్రేమకీ మధ్య
ఇంత దూరమెందుకని
ప్రపంచమంత మనసయ్యాడు
నీ అమావాస్య దుఖం చూసి
చీకటి చిక్కినప్పుడల్లా
చంద్రున్ని వెలిగిస్తున్నాడు
మూడు కోట్ల దేవుళ్ళూ
మూఢులకీ మూటలకీ అమ్ముడుపోతే
ప్రతి కణంలో కరుణగా నిండి
నీ చుట్టూ
నిండు ప్రకృతయ్యాడు
మనిషయ్యాడు
అందరి దృష్టిలో
నడిచే బాంబయ్యాడు
17/9/2012
కామెంట్లు లేవు:
కామెంట్ను పోస్ట్ చేయండి